زي ما فيه حاجات صح و حاجات غلط

فيه حاجات غلط ممكن تبقى صح

بس عاوزة شوية

تــظــبـــيــط

ــــــــــــــــــــــــــــ

قبل أن تقرأ المدونة

-- حقٌ على أصحاب الكؤوس أن يتناصحوا --

لا يُعــذَر المسلم في تخليه عن الدعوة إلى الله والأمر بالمعروف والنهي عن المنكر حتـى وان كان مُقصراً في نفسه في بعض الأمور ,

بـل إن الإنسان عليه أن ينهى عن المنكر حتى وان كان هــو واقـع فيــه

فوقوعه في المنكر ذنب وعدم إنكاره على الآخرين ذنب آخر يُسأل عنه,
ولا شك ان على من ينصح أن يسعى جاهداً لتغيير ما بنفسه ليكون قدوةً ومثالاً يُحتذى به.

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

03 September, 2008

آه افتكرت.. ده رمضان بدأ











معلش ..
أنا بقا لي كتير بعيد شوية عن المدونة ..

بس هي مجرد "عملية نِفْس" مش أكتر

بس ربنا يسهل و أرجع أكتب تاني ..

آه صحيح ..
ده رمضان بدأ ..
كل عام أنتم بخير ..

و رمضان كريم ...

لا لا .. ما تقولش رمضان كريم ..

قول رمضان مبارك أحسن ..

طيب ليه ؟؟

زي ما الشيخ ابن العثيمين -رحمه الله- قال في السلام عليكم و رحمة الله و بركاته ..
"مجموع فتاوى ورسائل" : (20/ أجوبة : كتاب الصيام ).


حكم ذلك أن هذه الكلمة [ رمضان كريم ] غير صحيحة ،
وإنما يقا
ل:رمضان مبارك وما أشبه ذلك،
لأن رمضان ليس هو
الذي يعطي حتى يكون كريمًا ،
وإنما الله - تعالى - هو الذي وضع فيه الفضل، وجعله شهرًا فاضلاً، ووقتًا لأداء ركن من أركان الإسلام،


يبقى خلاص ..

خليها رمضان مبارك ..

بس بلاش حد يقول : يا "جمال" رمضان .. مش ناقصة

تاني حاجة بقى ...

السحور يا شباب ..

بتصوموا بسحور و لا من غير ؟؟؟

إوعى حد يعمل فيها جامد و يصوم من غير ما يتسحر ..

هيضيع على نفسه أجر كبير قوي :

عَنْ عَبْدِ اللهِ بْنِ عُمَرَ رَضِيَ الله عَنْهُمَا، أَنَّ النَّبِيَّ صَلَّى الله عَلَيْهِ وَسَلَّمَ قَالَ: "إِنَّ اللهَ تَعَالَى وَمَلائِكَتَهُ يُصَلُّونَ عَلَى الْمُتَسَحِّرِين". وعَنْ أَنَسٍ رَضِيَ الله عَنْهُ قال: قَالَ رَسُولُ اللهِ صَلَّى الله عَلَيْهِ وَسَلَّمَ: "تَسَحَّرُوا فَإِنَّ فِي السَّحُورِ بَرَكَة". وعَنْ أَبِي هُرَيْرَةَ رَضِيَ الله عَنْهُ،
عَنِ النَّبِيِّ صَلَّى الله عَلَيْهِ وَسَلَّمَ قَالَ: "نِعْمَ سَحُورِ الْمُؤمِنِ التَّمْر"


و بعدين بقى التراويح يا شباب ...

ما تتقلش في الفطار علشان تقدر تصلي التراويح ..

و نصيحة علشان معدتك ما "تهنجش" ساعة الفطار ..
إنك أول ما الماغرب تدن تاكل بضع تمرات و شوية مية و بعدين تصلي ..

لكوت المعدة أخدت تنبيه إن فيه أكل جاي في الطريق

و بعد الصلاة تدخل على الأكل بقى ..

و برضه ما تتقلش قوي علشان تقدر تصلي التراويح ..

و صلاة التراويح و صلاة الليل عامة لها أجر كبير ...

و يارت تتفرج على العرض الفلاشي في أول البوست ..




دي شوية نصائح جت لي في البريد
.
.
.

لا تنسوا القرآن في رمضانْ ..

في غير رمضان كل حرف بعشرة أمثاله إلى سبعمائة ضعف ...
أما في رمضان فالله يعلم كم من الملايين من الحسنات ..
لا تجلس فارغ اقرأ القرآن، اختمه على الأقل ثلاث مرات ..
الله أعلم ربما تحتاج يوم القيامة حسنات كثيرة لتجتاز الصراط ..
ربما يأخذ كثير ممن تحدثت عنهم من حسناتك..
وهكذا فالقرآن أجمل كلام وأبرك أجر وأحسن أثر .
/
\
/
لا تنسوا المساجد في رمضانْ ..

لا تنسوا أن نكون في المساجد قبل الصلاة بربع ساعة ...
أو حين الأذان لنصلي السنن ثم نقرأ القرآن ثم ندعوا ..
فالمصلي لا يزال في صلاة ما انتظر الصلاة ..
والدعاء بين الأذان والإقامة مستجاب، فما بالكم في رمضان؟
/
\
/
لا تنسوا صلاة التراويح..
لا تنسوا صلاة التراويح والقيام في رمضان ..
فإن حسنات كل نافلة مضاعفة...
/
\
/
لا تنسوا الصدقاتْ في رمضانْ ..

لا تنسوا الصدقات ..
فإن أحسن الصدقة صدقة في رمضان !
/
\
/
لا تنسوا إفطار صائمْ في رمضانْ ..
لا تنسوا إفطار الصائمين ..
فلو فطرت كل يوم ثلاثة من أقربائك الفقراء أو جيرانك المحتاجين ..
فكأنك صمت أربعة أيام في يوم واحد ...
وتذكروا من فطر صائماً كان له مثل أجره ..
فما بلك لو كان هذا الصائم قريب لك فقد أخذت أجر الصدقة وأجر صلة الرحم ..
وكل هذا مضاعف في رمضان فهنيئاً لك ...
/
\
/
لا تنسوا الإفطار على رطب أو تمر في رمضانْ ..

لا تنسوا الإفطار على رطب أو تمر، فهي سنة مباركة ...
والسكريات أول ما يحتاجه جسم الصائم وعقله ..
فإن لم تجد فعلى الماء فهو طهور.
/
\
/
لا تنسوا السحور في رمضانْ ..

لا تنسوا السحور ..
وهذه مشكلة فالكثير يتعشى ثم ينام !!!
إذن ما الفرق بين رمضان وغيره؟
النبي عليه الصلاة والسلام قال: ((تسحروا فإن في السحور بركة)) ..
وفي رواية ((ولو أن يجرع أحدكم جرعة من ماء)).
/
\
/
لا تنسوا الدعاء في رمضانْ ..

لا تنسوا أمر مهم جداً ..
عند الغروب وقبل أن تفطر، قبل أن يذهب يوم كامل من رمضان ..
اجمع أولادك وأهل بيتك قبل أذان المغرب بعشر دقائق ثم أدعو ..
فللصائم قبل أن يفطر دعوة لا ترد فاغتنمها..
ولا تنسى ابدأ الدعاء للمؤمنين والمؤمنات والمسلمين والمسلمات ..
ثم لا تنسى من له حق عليك ومن اغتبته ومن ظلمته ادعوا لهم ولأهلهم ..
لعلك ترد لهم حق من حقوقهم .


و كفاية كده علشان ما أطولش عليكم ..

و كل عام أنتم بخير ..

و رمضان ... مبارك

موبايلات بقى .. هه

سلام




17 comments:

  1. ههههههه

    طريقتك لذيذة اوى ...هههههه

    بجد انا معجب بمدونتك اوووى


    متخفش محطوطة ف الخطة الخماسية
    انى احطها ف المفضلة
    ههههههه

    رمضان مبارك.....لالالا مبارك دى مش عاجبانى

    بلاش ندخل الحكومة يا عم الا اسحن فى مخبرين ف النت

    خليها
    كل سنه وانت طيب بمناسبة شهر رمضان ..وبس

    اه بقولك



    لو سمحت يعنى انا عاوز ايميل حضرتك

    دا ايميلى لو امكن انك تضفنى يعنى
    عشان عاوزك ضرورى

    ReplyDelete
  2. نسيييت الايميل

    o.spiderhack@yahoo.com

    ReplyDelete
  3. السلام عليكم
    دايما معودنا بالمواضيع الجميلة
    مشاء الله وبارك الله فيك وزمضان مبارك
    على فكرة معلومة رمضان كريم فعلا جميلة اه نسيت ابارك على النيو لوك بجد جميل جدا يا رب تقبل منا ومنك
    كل عام وانت بخير

    ReplyDelete
  4. السلام عليكم ورحمتة اللة بركاتة
    على فكرة زيارة حضرتك لمدونتى التانية مش الاولى
    بس زيارة حضرتك أسعدتنى جدا
    أدام اللة التواصل
    أما بخصوص الاخطاء فهى أخطاء مطبعية من سرعة الكتابة
    بس ان شاء اللة أخد بالى
    وشكرا على مرور حضرتك
    وكل عام وانتم إلى اللة أقرب وعلى طاعة أدوم

    ReplyDelete
  5. تيمى


    انا عرفت لية بقى بنقول لية لما حد يقول رمضان كريم بنقول الله اكرم !!!!!!!!

    وضحت الرؤية وجارى التغير

    كل سنة وانت طيب يا تيمى وربنا يتقبل منك ويغفرلك ان شا ءالله

    ReplyDelete
  6. عمر باشا

    منور المدونة يا هندسة :)

    و ربنا يديم الإعجاب .. -مش ناو تتقدم لها بقى و تخطبها بعد الإعجاب ده كله :) -

    و ياباشا في الخمسية أو الـ"ستية" عادي :)


    و كل عام أنت بخير ..

    و تمت إضافة البريد مشكورا ..

    أقابلك هناك إن شاء الله

    ReplyDelete
  7. tote

    و عليكم السلام و رحمة الله و بركاته

    و شكرا جزيلا على المرور و المتابعة ..

    و كل عام أنتِ بخير ..

    أعاده الله علينا و عليكم بالخير و اليمن و البركات ..

    و الله يبارك فيكي

    ReplyDelete
  8. همسة

    و عليكم السلام و رحمة الله و بركاته ..

    طيب الحمد لله إنها مش الزيارة الأولى ..

    كده احنا نبقى زبون قديم عندكم :)

    و معلش .. طالما مطبعية يبقى تتعدل إن شاء الله .. و ياريت بس لفظ الجلالة يكتب بالهاء و ليس بالتاء المربوطة ..

    و كل عام أنتِ بخير ..

    و إلى طاعة لله أقرب ..

    في أمان الله

    ReplyDelete
  9. جيهان

    شكرا جزيلا على المرور ..

    و الحمد لله إ، الرؤية اتضحت , و تم المراد من المدونة و هو "التظبيط"

    و كل عام أنتِ بخير ..

    و ربنا يتقبل من الجميع ..

    ReplyDelete
  10. يعنى حضرتك نقدتنى فى المدونة وقلت لحضرتك أنها أخطاء مطبعية.وتانى فى مدونة حضرتك على الملاء .كل المدونين بقا عندهم خبر بموضوع الهاء.
    أنا بهزر انا أتقبل النقد وأرحب بة
    ومشكور مرة أخرى على الزيارة
    تقبل مرورى

    ReplyDelete
  11. ما شاء الله بجد
    اصلا تعليقك عجبني بشدة
    انت فعلا فسرت القصة اكتر ما كنت انا فهمتها
    بجد فعلا العالم عند ربه افضل من العابد
    والشيطان فعلا ميقدرش علي العالم
    انا قيرت قصة النهاردة بالمعني ده
    بجد انت عامل طريقة رائعة لعرض البوست
    بجد
    انت فيدتني اوي انا شخصيا
    وخاصة الجزء بتاع احنا محتاجين حسنات علشان نعدي الصراط
    بجد
    احنا محتاجين اوي
    بجد
    ربنا يبارك فيك
    وسعيدة ان في شباب مسلم كده
    تحياتي
    وصدقني بجد انت اتحطيت في المفضلة وده مش كلام ارع
    بس ده لاني نوية انشاء الله اكون متابعة لكل جديدك
    ربنا يبارك فيك

    ReplyDelete
  12. السلام عليكم

    ههههههه

    مش هقولك رمضان كريم بقى

    رمضان مبااااااارك

    كده صح؟

    بس معلومه جديده والله

    انا عمرى ما سمعت عنها

    وانا بقرا لابن العثيمين كتير

    بس مش قابلت المعلومه دى خالص

    على فكره شكل مدونتك بقى احسن بكتير

    عاجبنى اوى الستايل الجديد ده

    مع تحياتى

    ReplyDelete
  13. شكرا على النصائح وبإذن الله ربنا يعنا على على طاعته
    ورمضان مباااااااااارك
    تقبل مرورى
    تحــــياتـــى

    ReplyDelete
  14. همسة ..

    معلش و الله
    بس أنا حسيت إنها مش مطبعية المرة دي :)

    و ما تخافيش .. هو مافيش "ملأ" أصلا علشان يبقى العلام على الملأ :)

    أنا الزوار عندي على قد الحال يعني :)

    ReplyDelete
  15. مها زين

    شكرا جزيلا على المرور

    و الحم دلله إن كلامي كان فيه فايدة ..

    و شكرا لإضافتي للمفضلة ..

    دي الشرف ليا

    و إن شاء الله
    يكون جميع الشباب "مش" زيي كده علشان

    تحيتي

    ReplyDelete
  16. هاكونا مطاطا

    شكرا جزيلا على المرور

    و أنا و الله أول مرة أسمع عنها السنة دي

    لكن لما دورت عليها في النت لقيتها منتشرة ..

    و الله يبارك فيك , كويس إن شكلها حلو ..


    و رمضان مبارك :)

    ReplyDelete
  17. أحمد أشرف

    شكرا جزيلا على المرور يا أحمد

    و ربنا يهدينا

    و كل سنة انت طيب

    رمضان مبارك

    ReplyDelete

دلوقتي تقدر تعلق بأكثر من طريقة :
كـ(غير معرف) بدون ما يكون لك حساب خالص
أو بحسابك على الفيس بوك
أو بحسابك على بلوجر
بس عبرني و علق :) ـ

حقوق النشر للجميع


ـ
و لا تنسوا
كاتب الموضوع من دعوة صالحة بظهر الغيب

أن يُصلح الله له شأنه كله و يُدخله الجنة و يُجِرْه من النار و جميع المسلمين و المسلمات ..

>> حقوق النشر للجميع <<
لو رأيت أنه يستحق النشر
بشرط عدم التحريف أو التغيير
و يا حبذا لو تذكر رابط المدونة

tazbee6.blogspot.com


أو تذكر أن الموضوع

" منقول من مدونة تظبيط "

ـ