زي ما فيه حاجات صح و حاجات غلط

فيه حاجات غلط ممكن تبقى صح

بس عاوزة شوية

تــظــبـــيــط

ــــــــــــــــــــــــــــ

قبل أن تقرأ المدونة

-- حقٌ على أصحاب الكؤوس أن يتناصحوا --

لا يُعــذَر المسلم في تخليه عن الدعوة إلى الله والأمر بالمعروف والنهي عن المنكر حتـى وان كان مُقصراً في نفسه في بعض الأمور ,

بـل إن الإنسان عليه أن ينهى عن المنكر حتى وان كان هــو واقـع فيــه

فوقوعه في المنكر ذنب وعدم إنكاره على الآخرين ذنب آخر يُسأل عنه,
ولا شك ان على من ينصح أن يسعى جاهداً لتغيير ما بنفسه ليكون قدوةً ومثالاً يُحتذى به.

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

23 July, 2012

ـ اللي مش لاقي ياكل ... ما ياخدش فاتح شهية !! ـ


السلام عليكم و رحمة الله و بركاته ,



النهاردة إن شاء الله هنتلكم عن صديقنا حسام ,
و اللي كتير مننا عنده نفس مشكلته ,


مشكلة حسام هي إن المياة المالحة متوفرة عندهم بكثرة ,
لكن مياة الشرب العذبة غالية قوي في بلدهم ,





يعني علشان يبقى عندك مية مشبرة ,
لازم يكون عندك ثمن المياة ,
بالإضافة إلى برميل كبير تشطيب سوبر لوكس ,
و أطقم كبايات كتيرة ليك و للزمن ,
و شوية حاجات كتيرة كده مالهاش لزمة ,






المهم , حسام مش لاقي يشرب مية عذبة ساقعة و مشبرة ,
فبيروح ماشي في الشارع يتفرج على زجاجات المياة الباردة في الثلاجات ,
أو الزجاجات اللي مع الناس اللي معاهم ثمنها ,





و لما يروح البيت يدخل على النت ,
و يتفرج على أنواع زجاجات المياة الباردة ,





كل ده بحجة إنه يروي عطشه تجاه المياة العذبة الباردة !!





مع إنه يا حبة عيني بيتفرج بس , ما بيشربش حاجة ,
بل على العكس , ده بيزود حسرته بنفسه ,
و بيفكر نفسه بالحرمان اللي هو فيه ,





لكن لحسام وجهة نظر في الموضوع ده ,

اتفضل اشرح وجهة نظرك يا حسام :

" أنا بقعد أتفرج على الزجاجات الباردة علشان أصبّر نفسي شوية ,
و بحط زجاجة مياة مالحة في الثلاجة , و بشربها و أنا بتفرج على الزجاجات دي ,
و مش بحس بمرارة المياة المالحة حينها و أنا في قمة النشوة لما بتفرج على المياة العذبة ,
آي نعم بعدها بشوية بلاقي نفسي عاوز أرجّع , و قرفان من اللي أنا شربته ده , و ندمان و زهقان و .....
بس أعمل إيه يعني ؟؟
و ياعم ربنا بيقول { لا يُكَلِّفُ اللَّهُ نَفْسًا إِلا وُسْعَهَا }

مش ربنا خلق فينا حب المية الساقعة العذبة المشبرة دي ؟؟
يبقى إزاي يطلب منا و يأمرنا إننا ما نتفرجش عليها ؟؟ "


شوف يا سيدي :
" هواة الجدل دائماً يسألون :
كيف يخلق لنا الله فماً و أسناناً و بلعوماً و معدة لنأكل ثم يقول لنا صوموا .. ؟؟
كيف يخلق لنا الجمال و الشهوة ثم يقول لنا غضوا أبصاركم و تعففوا .. ؟؟
هل هذا معقول !!

و أنا أقول لهم بل هو المعقول الوحيد .. !!
فالله يعطيك الحصان لتركبه لا ليركبك ..
لتقوده و تخضعه لا ليقودك هو و يخضعك .. 

و جسمك هو حصانك المخلوق لك لتركبه و تحكمه و تقوده و تلجمه و تستخدمه لغرضك ،
و ليس العكس أن يستخدمك هو لغرضه و أن يقودك هو لشهواته ..

و من هنا كان التحكم في الشهوة و قيادة الهوى و لجام المعدة هي علامة الإنسان ..
أنت إنسان فقط في اللحظة التي تقاوم فيها ما تحب و تتحمل ما تكره ..


أما إذا كان كل همك هو الإنقياد لجوعك و شهواتك
فأنت حيوان تحركك حزمة برسيم و تردعك عصا ..
و ما لهذا خَلَقَنَا الله .." [د.مصطفى محمود] 

أما بالنسبة لاحتجاجك بقول الله تعالى :
لا يُكَلِّفُ اللَّهُ نَفْسًا إِلا وُسْعَهَا }
فعكس ما انت فاهم ,
الآية تعني إن   
طالما ربنا كلفك بحاجة ,
يبقى الحاجة دي في وسعك و مقدرتك , 




{ لا يُكَلِّفُ اللَّهُ نَفْسًا إِلا وُسْعَهَا } [البقرة-286] 
" أي: أمرا تسعه طاقتها، ولا يكلفها ويشق عليها،

كما قال تعالى { ما جعل عليكم في الدين من حرج }
فأصل الأوامر والنواهي ليست من الأمور التي تشق على النفوس،
بل هي غذاء للأرواح ودواء للأبدان، وحمية عن الضرر " [تفسير السعدي]


لكن المهم إنك ما تعتمدش على قوتك و صبرك و عزيمتك و ....
إنما اعتمد على الله إنه يعينك و يقويك

فـ"من قارب الفتنة بعدت عنه السلامة،
ومن ادّعى الصبر وُكِلَ إلى نفسه،
فإياك أن تغتر بعزمك على ترك الهوى مع مقاربة الفتنة؛
فإن الهوى مكايد،
وكم من شجاع في صف الحرب اغتيل،
فأتاه ما لم يحتسب ممن يأنف النظر إليه " [ابن الجوزي - صيد الخاطر]


نسأل الله أن يوفق المسلمين أجمعين لما يحب و يرضى ,
و أن يغفر لنا و يتوب علينا و يهدينا


جزاكم الله خيرا 

------------------


و لا تنسوا كاتب الموضوع من دعوة صالحة بظهر الغيب :
أن يُصلح الله له شأنه كله و أن يهديه و يتوب عليه ,

و أن يكفيه بحلاله عن حرامه , و يغنيه بفضله عمن سواه ,

و أن يُعِيذهُ من الهم و الحزن و العجز و الكسل ,



.......... ما تنسوش بالله عليكم ..........


>> حقوق النشر للجميع <<

بشرط عدم التحريف أو التغيير


و يا حبذا لو تذكر رابط المدونة

tazbee6.blogspot.com








أو تذكر أن الموضوع

" منقول من مدونة تظبيط "




ـ



06 July, 2012

هو ربنا خلقنا لـ(العبادة) أم لـ(تعمير الأرض) ؟؟


السلام عليكم و رحمة الله و بركاته , 

بصوا ... أنا هدخل في الموضوع على طول لأني عمال أدور على مقدمة للموضوع من زمان و مش عارف , 

المهم ... 

هو ربنا خلقنا علشان نعمر الأرض , صح ؟؟ 
.
.
.
.
.
.
.
.


لأ غلط !!
وِش كده !!



لأن الدليل اللي الناس استندت إليه في هذا القول هو قوله تعالى :

{ وَإِلَى ثَمُودَ أَخَاهُمْ صَالِحًا قَالَ يَا قَوْمِ اعْبُدُوا اللَّهَ مَا لَكُمْ مِنْ إِلَهٍ غَيْرُهُ 
هُوَ أَنْشَأَكُمْ مِنَ الْأَرْضِ وَاسْتَعْمَرَكُمْ فِيهَا 
فَاسْتَغْفِرُوهُ ثُمَّ تُوبُوا إِلَيْهِ إِنَّ رَبِّي قَرِيبٌ } [هود - 61]

" { وَاسْتَعْمَرَكُمْ فِيهَا } أي: جعلكم عُمَّارها وسُكَّانَها، 
وقال الضحاك: أطال عمركم فيها 
حتى كان الواحد منهم يعيش ثلثمائة سنة إلى ألف سنة " [تفسير البغوي]

" وَاسْتَعْمَرَكُمْ فِيهَا } أي: استخلفكم فيها، 
وأنعم عليكم بالنعم الظاهرة والباطنة، 
ومكنكم في الأرض، تبنون، وتغرسون، وتزرعون، وتحرثون ما شئتم، 
وتنتفعون بمنافعها، وتستغلون مصالحها " [تفسير السعدي]

يعني إيه ؟؟ 
يعني { استعمركم فيها } , هذه من باب المَنّ عليهم
و ذِكر نعمةٍ من نِعَمِهِ - سبحانه و تعالى - عليهم , 
و ليس للتعليل كما فهمها الكثير وأنها الغرض من خلق الله لهم ,

- أوباااااااااااااااااااااا 
كده بقى يبقى هتقول لي : إن ربنا خلقنا للعبادة , 
و نقعد في الجامع ليل نهار 
نصلي و نصوم و خلاص ؟؟ 

هقول لك : ما تفهمنيش غلط !!

ربنا فعلا خلقنا للعبادة , 
و الدليل اللي كلنا عارفينه هو قوله تعالى : 
{ وَمَا خَلَقْتُ الْجِنَّ وَالْإِنسَ إِلَّا لِيَعْبُدُونِ }[الذاريات-56]

لكن اللي احنا مش عارفينه هو : 
يعني إيه العبادة اللي ربنا خلقنا علشان نعملها دي ؟؟ 

العبادة كما قال العلماء هي :
 " هي اسمٌ جامعٌ لكل ما يحبه الله تعالى ويرضاه 
من الأقوال و الأعمال الظاهرة والباطنة "


 فالله يحب و يرضى الصلاة و الصوم و الزكاة 

و يحب و يرضى العمل و السعي لإعفاف النفس : 
(( وإن كان خرج يسعى على نفسه يُعِفُّها فهو في سبيل الله ))[الألباني-صحيح الجامع- 1428]

و يحب و يرضى البحث والتفكر في الكون و علومه:
 { وَيَتَفَكَّرُونَ فِي خَلْقِ السَّمَاوَاتِ وَالأَرْضِ رَبَّنَا مَا خَلَقْتَ هَذا بَاطِلاً }[آل عمران -191]

 بل إن الله عز و جل يجعلنا آثمين إن لم يكن فينا من يقوم بفروض الكفاية
 مِن تعلم الطب و الهندسة و الكيمياء و الدواء و غيرها


يعني ربنا خلقنا علشان نعبده عن طريق نوعين من العبادات : 
1- نوع مباشر : (صلاة - صوم - صدقة - بر والدين - صلة رحم - إحسان للجار - .... )
2- نوع غير مباشر : ( زي المدرس اللي بيشرح بضمير في الفصل , أو الدكتور اللي بيتقي ربنا في المرضى أو .... 
أو أي عمل احنا بنعمله في الدنيا بشرطين :
 يكون حلال - و يكون فيه نيّة للآخرة ) 

علشان كده عمارة الأرض هي ( جزء ) من المهمة التي خلقنا الله من أجلها
بشرطين : 
أن يكون هذا التعمير حلالا و لا يخالف شرع الله , 
و يكون فيه نيّة خير تنفعنا في الآخرة , 


قال تعالى : 
{ قُلْ إِنَّ صَلاتِي وَنُسُكِي وَمَحْيَايَ وَمَمَاتِي لِلَّهِ رَبِّ الْعَالَمِينَ } [الأنعام-162]
" وقوله: { وَمَحْيَايَ وَمَمَاتِي } أي: 
ما آتيه في حياتي، وما يجريه الله عليَّ، وما يُقَدَّرُ عليَّ في مماتي، 
الجميع { لِلَّهِ رَبِّ الْعَالَمِينَ } "[تفسير السعدي]


يعني باختصار : 
ربنا خلقنا علشان نعيش فترة معينة من الزمن على الوجه الذي يريده منّا , 
- نعمل العبادات المباشرة من صلاة و صوم و غيرها كما أمرنا 
- و نعمل العبادات الغير مباشرة من معاملات مع الناس و عمل للكسب و غيرها كما أمرنا بأن تكون من الحلال و أن ننوي بها الخير و التقرب إلى الله و النفع في الآخرة 

و الله أعلم

----------------------


و لا تنسوا كاتب الموضوع من دعوة صالحة بظهر الغيب :
أن يُصلح الله له شأنه كله و أن يهديه و يتوب عليه ,

و أن يكفيه بحلاله عن حرامه , و يغنيه بفضله عمن سواه ,

و أن يُعِيذهُ من الهم و الحزن و العجز و الكسل ,



.......... ما تنسوش بالله عليكم ..........


>> حقوق النشر للجميع <<

بشرط عدم التحريف أو التغيير



و يا حبذا لو تذكر رابط المدونة

tazbee6.blogspot.com








أو تذكر أن الموضوع

" منقول من مدونة تظبيط "




ـ

حقوق النشر للجميع


ـ
و لا تنسوا
كاتب الموضوع من دعوة صالحة بظهر الغيب

أن يُصلح الله له شأنه كله و يُدخله الجنة و يُجِرْه من النار و جميع المسلمين و المسلمات ..

>> حقوق النشر للجميع <<
لو رأيت أنه يستحق النشر
بشرط عدم التحريف أو التغيير
و يا حبذا لو تذكر رابط المدونة

tazbee6.blogspot.com


أو تذكر أن الموضوع

" منقول من مدونة تظبيط "

ـ