زي ما فيه حاجات صح و حاجات غلط

فيه حاجات غلط ممكن تبقى صح

بس عاوزة شوية

تــظــبـــيــط

ــــــــــــــــــــــــــــ

قبل أن تقرأ المدونة

-- حقٌ على أصحاب الكؤوس أن يتناصحوا --

لا يُعــذَر المسلم في تخليه عن الدعوة إلى الله والأمر بالمعروف والنهي عن المنكر حتـى وان كان مُقصراً في نفسه في بعض الأمور ,

بـل إن الإنسان عليه أن ينهى عن المنكر حتى وان كان هــو واقـع فيــه

فوقوعه في المنكر ذنب وعدم إنكاره على الآخرين ذنب آخر يُسأل عنه,
ولا شك ان على من ينصح أن يسعى جاهداً لتغيير ما بنفسه ليكون قدوةً ومثالاً يُحتذى به.

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

11 September, 2008

اليوم سأهجر آلامي (من أشعاري) ـ





السلام عليكم ...

مش عارف ليه حسيت إني النهاردة عاوز أنشر قصيدة من بتوع أيام زمان ...
مش زمان قوي يعني ..
لكن منذ أن نويت أن أتغير يعني .. و بدأت المدونة واللذي منه ..

يمكن علشان عاوز أرجع أستعيد الذكريات و الأحاسيس القوية اللي كنت حاسسها ساعتها ..

يمكن ... !!

المهم .. أسيبكم مع القصيدة ..
مع إني مش قوي بالدرجة التي أظهر بها في كتابتي ..
لكن .. "خد مني و ما تشتريش" إزاي ؟؟ ما تسألش :)

إليكموها :) :



اليوم سأهجر آلامي *** و سأدفن سابق أيامي

سأسامح نفسي و سأنسى *** سابق زلات الأقدام

و سأحيا دهريَ بثباتٍ *** بعزيمة ليثٍ مقدام

إذ أنيَ قد عشت كثيرا *** في لجة ليلٍ و ظلام

فسئمت الضعف و ذلته *** أجهدني دمع الأعوام

فعقدت العزم بأن أمضي *** أتجاهل نزف الآلام

لن أبكيَ أو أشكوَ شيئا *** و سأهجر وهم الأحلام

لن أخضع و أظل حبيسا *** و سأقتل فاسدَ أوهامي

لن أصرخ أبدا , يكفيني *** , لن أغرق في جرحي الدامي

سأداوي جرحيَ أو حتى *** أنساه , و أنظر قدامي

سأثور على نفسي الدنيا *** و سأقتل فيّ استسلامي

لن أترك علجا أو وغدا *** يسبقني و يكون أمامي

سأكون أنا رمزا علما *** , نارا في رأس الأعلام

لن أنسى أجدادا سبقوا *** و علَوْا , هم خير الأقوام

و سألزم غرس خطى قومي *** و سأُعلي راية إسلامي

لن أخضع أو أرضى ذلا *** و ستكتب مجديَ أقلامي

سأطير كنسرٍ حوامٍ *** لن أدفن رأسي برغام

و سأجعل من سابق ضعفي *** نارا تدفعني لأمام




مش قوي كده يعني :) ..

بس ربنا يسهل
...

تحيتي
.
.


35 comments:

  1. بنت الأسلامSeptember 11, 2008 at 1:15 PM

    ما شاء الله قصيدة جميلة وكلها حماس ربنا يعزك ويثبتك
    وشكرا على التوضيح
    تقبل مرورى

    ReplyDelete
  2. انى احبكم فى اللهSeptember 11, 2008 at 2:53 PM

    المدونه جميله وهى فعلا تظبيط تحياتى وتقبل مرورى

    ReplyDelete
  3. حسن حنفىSeptember 11, 2008 at 3:28 PM

    قصيده رائعه ومتظبطه

    :d

    ReplyDelete
  4. المبرمج المحترفSeptember 11, 2008 at 5:13 PM

    مش تقول انك

    بتظبط ش
    أشعار

    ههههههههه

    بجد جامده اوى القصيدة دى

    بس متيألى شفتها قبل كدا ؟؟

    جايبها منييييييييين ..ها

    انت اللى عاملها .؟؟

    ممممممممم

    حنشوف

    هههههه

    كل سنه وانت طيب

    تحياتى

    عمرمحمد

    المبرمج المحترف سابقاً

    ReplyDelete
  5. مدونة حكومتى ملاكSeptember 12, 2008 at 12:20 AM

    السلام عليكم ,

    قصيدة جميلة ,

    ماشاء الله ربنا يوفقك .

    تحياتى ,

    ReplyDelete
  6. ست البناتSeptember 12, 2008 at 1:12 AM

    جميلة
    وصادقة
    تحياتي لمدونتك :)

    ReplyDelete
  7. maha zeinSeptember 12, 2008 at 5:43 PM

    ياااااااااااااااااااااااااا
    جااااااااااااااااااااااااااااااامد
    وقال تقول ملكش في الشعر والحركات
    يا شيخ قول كلام غير ده
    مين ده
    حلوةموت
    وكلها حماس
    حتة وحدة اللى مش عجبتني وهي دي
    و أنظر قدامي
    قدامي يعني ايه امامي يعني
    بس كده
    غير كده واو عليها
    وكلها حماس
    وده اللى احنا عوزينه
    شفت بقه
    ذي ما حصل واحبطتني من كام يومبالبوست اللى فات
    اديك رجعت تحمسني تاني يا عم
    تسلم

    ReplyDelete
  8. همس الحنينSeptember 13, 2008 at 12:28 AM

    قصيدة رئعة والمدونة جميلة ما شاء الله والى الامام دائما ويارب ميبقاش فى اى خطأ املائى سمعت انك بتركز أوى ربنا يستر تقبل مرورى وياريت تنورنى فى المدونة

    ReplyDelete
  9. jehanSeptember 13, 2008 at 10:48 PM

    و سأحيا دهريَ بثباتٍ *** بعزيمة ليثٍ مقدام


    البيت دة رائع جدا يا تيمى بجد

    ReplyDelete
  10. أختكم فى اللهSeptember 14, 2008 at 1:40 PM

    بسم الله ما شاء الله

    والله قصيدة هايلة

    جزاك الله خيرا

    ReplyDelete
  11. TIMMY !!September 14, 2008 at 5:26 PM

    همسة ...

    شكرا جزيلا على مرورك يا دكتورة ..

    ربنا يستجيب لكِ ..

    و عفوا إن كنت وضحت بطريقة جامدة حبتين :)

    شكرا جزيلا

    ReplyDelete
  12. TIMMY !!September 14, 2008 at 5:29 PM

    حسن حنفي ...

    منور و الله يا حسن ..

    و شكرا جزيلا على المرور ..

    بامناسبة .. أنا بحب الحلقة بتاعة الراجل اللي في الصورة دي قوي :)

    ReplyDelete
  13. TIMMY !!September 14, 2008 at 5:29 PM

    إني أحبكم في الله

    شكرا جزيلا أختي الكريمة على المرور ..

    و إن شاء الله المدونة تعجبك

    ReplyDelete
  14. TIMMY !!September 14, 2008 at 5:31 PM

    عمار صبري ..

    شكرا جزيلا لمرورك ..

    ربنا يوفقنا و إياك ..

    تحيتي لك

    ReplyDelete
  15. TIMMY !!September 14, 2008 at 5:31 PM

    عمر باشا ..

    باشمهندس المستقبل إن شاء الله ..

    و بيل جيتس العرب ..

    منور المدونة يا راجل ..

    لا لا لا
    بتشكك في موهبتي الشعرية ؟؟؟

    دي من بنات أفكاري و الله ..

    و على فكرة .. أنا كنت مشارك في مسابقة أمير الشعارء ..

    بس ما رضوش يدخلوني :)

    ReplyDelete
  16. TIMMY !!September 14, 2008 at 5:34 PM

    مها زين ..

    بس بالراحة علينا شوية ..

    يعني بدل ما ناخد قلم في نفسنا و انتوا الخسراني في الآخر :)

    بصراحة حتة "قدامي" دي مش عاجباني أنا كمان ..
    و بصراحة لم أجد بديلا لها ..

    لكن هي عربية فصيحة ..

    لو تفنتكري قصة و إسلاماه في 2 ثانوي كان جلال الدين بيقول لمحمود أن تقف إذا رأيت خطرا قدامك ..

    يعني هي فصيحة لكن مبتذلة لشيوع استخدامها بين العوام :)

    يعني .. كلام كبير شوية ..:)

    و متأسفين على الإحباط .. و إن شاء الله ما نحبطكوش في حاجة وحشة :)

    ReplyDelete
  17. TIMMY !!September 14, 2008 at 5:35 PM

    حنين ..

    أهلا بيكي ..

    و الحمد لله إن المدونة عجبتك ..

    و إن شاء الله مافيش أخطاء :)

    شكل الدكتورة همسة ادت لك فكرة عني وحشة قوي ..

    عموما أنا مش بحاسب على الـ"أكسون" :)

    و شكرا جزيلا للمرور

    ReplyDelete
  18. TIMMY !!September 14, 2008 at 5:36 PM

    جيهان .
    أهلا و سهلا بيكي ..

    و شكرا جزيلا على المرور بجد . .

    و على فكرة البيت ده "كبر مني شوية " :)

    ReplyDelete
  19. TIMMY !!September 14, 2008 at 5:37 PM

    أحتكم في الله ..

    شكرا جزيلا على المرور

    و جزانا الله خيرا و إياكِ ..

    تحيتي . ..

    ReplyDelete
  20. TIMMY !!September 14, 2008 at 5:38 PM

    ست البنات

    آآآآآآآآآآآآسف جدا إني رديت عليكي في الآخر ..

    بس بجد ما أخدتش بالي من الدور :)

    المرو الجاية إن شاء الله نرد عليكي في أول الطابور :)

    و شكرا جزيلا للمرور

    ReplyDelete
  21. كلام على بلاطةSeptember 18, 2008 at 5:15 PM

    كل عام وانت بخير

    ReplyDelete
  22. TIMMY !!September 19, 2008 at 2:30 PM

    كلام على بلاطة ..

    كل عام و أنت بخير أخي الكريم ..

    و شكرا جزيلا على الزيارة ..

    تحيتي ..

    ReplyDelete
  23. maxbeta3zamanSeptember 21, 2008 at 7:33 PM

    ماشاء الله
    الصراحة انا دخلت عشان اشكرك لأن انت الوحيد اللى كاتب طريقة التخلص من النعكشه والراجل ابو كرسى بعجل ده اللى مدوخنى كل ماقول ياهوووو حد يدلنى عالخلاص من هذا البلاص ...محدش يعبرنى لكن بالصدفه لقيت الحل عندك فى أحد تعليقاتك عند بنتنا همس فلك شكرى وامتنانى ...أما النمل فهو موش يكعبل دا يبهدل خصوصا إذا كان أبيض ...زر بلوجى موضوع النمل الأبيض المتوسط فزرنا فى دكاننا وقلب فى البضاعه ...أعجبنى تمكنك من أدوات الشعر وذلك واضح من القصيده تحياتى لك وشكرى المجدد لك

    ReplyDelete
  24. maxbeta3zamanSeptember 21, 2008 at 9:13 PM

    استفادة من كتابتك عن محو التأكيد الغبى للكلمه نجحت فى محوه وكتبت لك هذه الأبيات الزجليه

    ما أجمل الأساتيك
    تمسح ....ولا تخليك
    تزهق وتضرب بوز
    كان عندى كرسى قعيد
    جنبه حروف شخابيط
    ولما كنت عبيط
    ماعرفتش امسحهم
    أوم شوفت واحد جار
    عنده قلم... فرجار
    أستيكه... سنها نار
    شار لى... فعصت زرار
    آم دوغرى ..ماسحهم
    آللك سيتنج ..كوممنت
    شو ورد ..نو..صممت
    وف ثانيه.. كان شالهم
    فرحت انا وجريت
    وفتحت باب البيت
    عالبوسط انا بصيت
    مالقيتشى ريحتهم
    عقبال ماكل الناس
    ماتشوفشى هذا الباس
    دا زرار ماهوش كناس
    نضف....... بلوجاتهم

    September 21,

    ReplyDelete
  25. TIMMY !!September 23, 2008 at 9:37 PM

    ماكس بتاع زمان ..

    أهلا و سهلا بحضرتك ..

    منورنا :)

    و شكرا جزيلا على التعليق ...

    و الحمد لله إنك عرفت تتخلص من تأكيد الكلمة .. و من النمل كمان :)

    تحيتي ..

    و أكيد لي زيارة للبلوج عند حضرتك ..

    بس ياريت ما يكونش فيه نمل :)

    ReplyDelete
  26. خديجة عبداللهJanuary 20, 2009 at 2:39 AM

    هذة الأبيات جميلة جدا جدا أس مالانهاية
    ماشاء الله
    موهبة قادمة بقوة :)
    ربنا يثبتك على الحق وينفع بك

    ReplyDelete
  27. TIMMY !!January 22, 2009 at 9:10 PM

    خديجة عبد الله ,

    شكرا جزيلا على المرور ,

    و الحمد لله إن الأبيات راقت لكم ,

    و رغم إن : أس مالانهاية = مالا نهاية , و هي كمية غير معرفة , بس مش مشكلة :)

    شكرا جزيلا للمرور ,

    جزاكم الله خيرا

    ReplyDelete
  28. د. ياسر عمر عبد الفتاحFebruary 18, 2009 at 11:56 AM

    لو انت اللى كاتب القصيدة دى
    يبقى انت شاعر حقيقى
    انا مش عارق اذا كانت موزونة ولا لا
    مش فاضى أقطع دلوقت
    بس لو موزونة قولنا على البحر
    ولو مش ..
    بجد لازم تتعلم لأن عندك موهبة رهيبة

    ReplyDelete
  29. TIMMY !!February 19, 2009 at 10:58 AM

    د . ياسر ,

    هو أنا اللي كاتب القصيدة ,

    لكن من جهة البحر و العروض و الحاجات دي فما أفيدكش :) ,

    أصلي بكتب سماعي ,
    جبت قبل كده كتاب عروض و " حاولت " أفهم , ... لكن حصل لي اللي بيحصل لأي واحد بيحاول يتعلم عروض و مش بيسمع كلام بابا و ماما :)

    ReplyDelete
  30. د. ياسر عمر عبد الفتاحFebruary 19, 2009 at 11:47 AM

    طيب كويس إنك قلتلى علشان انا كنت عاوز أنزل أشترى كتاب
    خلاص أخر مرة ومن بعد كده هسمع كلام بابا وماما
    بس على فكرة أنا قريت قبل كده فى العروض
    واتعلمت التقطيع والتفعيلات والكلام البسيط اللى فى الأول ده
    بس برضه معرفتش أوزن
    الظاهر ماما كان عندها حق

    ReplyDelete
  31. TIMMY !!February 19, 2009 at 2:37 PM

    د. ياسر :

    لا هو أنا الحمد لله قرأت في التفعيلات و الحاجات السهلة دي برضه ,

    و تديني بيت أكتبه عروضيا و تفعيليا ,

    إنما إني " أذل نفسي " و أقعد أوزن القصيدة كلها !!

    ما حصلتش صراحة :)

    ReplyDelete
  32. زوزوApril 16, 2009 at 5:45 PM

    و سأجعل من سابق ضعفي *** نارا تدفعني لأمام

    كلمات فيها روح عاليه همه اراده امل قوه ..الحياه مش بتستناك عشان تحزن وتبكي على الاطلال لان لو الواحد عمل كدا التيار هيفضل شايله وحامل معاه الياس بطريقه تسلم ايدك على الكلمات الجميله
    زوزو

    ReplyDelete
  33. TIMMY !!April 19, 2009 at 5:06 PM

    زوزو :

    شكرا جزيلا لمرور حضرتك و تعليقك على المواضيع القديمة ,

    هو فعلا الواحد في الفترة اللي كتب فيها القصيدة دي كان في حالة من الهمة و العزم لأنه كان خارج من حالة من اليأس و الخور ,

    سلمكِ الله ,
    و شكرا جزيلا على مرورك الدائم أستاذتنا الفاضلة ..

    ReplyDelete
  34. أميرة الاحزانApril 26, 2009 at 6:18 PM

    فعقدت العزم بأن أمضي *** أتجاهل نزف الآلام

    لن أبكيَ أو أشكوَ شيئا *** و سأهجر وهم الأحلام

    لن أخضع و أظل حبيسا *** و سأقتل فاسدَ أوهامي

    لن أصرخ أبدا , يكفيني *** , لن أغرق في جرحي الدامي

    سأداوي جرحيَ أو حتى *** أنساه , و أنظر قدامي

    سأثور على نفسي الدنيا *** و سأقتل فيّ استسلامي


    بجد قصيدة حلوووووووة جدا جدا و إحساسك عالى اوووووووى ....

    دمت مبدعاً ...

    ReplyDelete
  35. norahatyMay 7, 2009 at 4:12 AM

    هو انا كنت مسافرة
    المريخ ولا حاجة؟
    امال الحاجات
    دى كانت
    فين
    وانا ما قرأتها؟

    ReplyDelete

دلوقتي تقدر تعلق بأكثر من طريقة :
كـ(غير معرف) بدون ما يكون لك حساب خالص
أو بحسابك على الفيس بوك
أو بحسابك على بلوجر
بس عبرني و علق :) ـ

Subscribe to: Post Comments (Atom)

حقوق النشر للجميع


ـ
و لا تنسوا كاتب الموضوع من دعوة صالحة بظهر الغيب
أن يُصلح الله له شأنه كله و يُدخله الجنة و يُجِرْه من النار و جميع المسلمين و المسلمات ..

>> حقوق النشر للجميع <<
لو رأيت أنه يستحق النشر
بشرط عدم التحريف أو التغيير
و يا حبذا لو تذكر رابط المدونة

tazbee6.blogspot.com


أو تذكر أن الموضوع

" منقول من مدونة تظبيط "

ـ