زي ما فيه حاجات صح و حاجات غلط

فيه حاجات غلط ممكن تبقى صح

بس عاوزة شوية

تــظــبـــيــط

ــــــــــــــــــــــــــــ

قبل أن تقرأ المدونة

-- حقٌ على أصحاب الكؤوس أن يتناصحوا --

لا يُعــذَر المسلم في تخليه عن الدعوة إلى الله والأمر بالمعروف والنهي عن المنكر حتـى وان كان مُقصراً في نفسه في بعض الأمور ,

بـل إن الإنسان عليه أن ينهى عن المنكر حتى وان كان هــو واقـع فيــه

فوقوعه في المنكر ذنب وعدم إنكاره على الآخرين ذنب آخر يُسأل عنه,
ولا شك ان على من ينصح أن يسعى جاهداً لتغيير ما بنفسه ليكون قدوةً ومثالاً يُحتذى به.

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

30 September, 2008

أخيرا رمضان خلص !!




أخيرا رمضان خلص !!

رمضان ولّلى هاتها يا ساقي *** مشتاقةٌ تسعى إلى مشتاق


قشطة يا ريس ..

رمضان خلص خلاص .. و العيد فرحة بقى ..



و هنرجع تاني زي زمان ...


كما يقول الفنان (أبو سفلحة) في فيلم (الجاهلية رايح جاي) :
العيد أكل و نساء .. ها ها ها هااااا –هو اللي بيقول مش أنا - .

يعني هناكل هناكل و ناااااااااكل في أي وقت و في أي مكان صحرا إن كان أو بستان – محروم يا حبة عيني-



و طبعا نرجع لـ(منتجات) ميلودي و شركاه , و ART و أنجاله .. و أولاد روتانا ..


- يا عم بالراحه بس .. هو العيد فرحة ما حدش قال حاجة ..
و أهلا أهلا بالعيد و مرحب مرحب بالعيد .. بس مش كده يعني ..


انت عملت زي اللي أول ما مدرس (الحساب) خلص الحصة و طلع من الفصل .. قعدتوا تطبلوا و تهللوا ..

و قال إيه .. مش علشان فرحانين إنه خلص .. لكن علشان بعده حصة (ألعاب) !!


يا راجل بقى ده اسمه كلام ؟؟

و بعدين انت ايه اللي مخليك مبسوط قوي كده ؟؟

ما إما رمضان كان (كابس على نفسك) و انت أما صدقت

يا إما انت استغليت رمضان حلو قوي و انت بتحتفل بكده

و خلي نيتنا سليمة و نستبعد الأولى و نتكلم على التانية ..

لو انت استغليته حلو .. هو انت ضامن إنه ربنا قبله منك ؟؟

ده السلف كانوا لما بيخلص رمضان يدعوا إن ربنا يتقبله منهم و أن يبلغهم رمضان اللي بعده ..
و بعدين بقى أقول لك طريقة علشان تعرف ربنا قبل منك رمضان و لا لأ ..

بص يا سيدي .. هنقل لك بعض علامات قبول العمل زي ما قال عنها العلماء هي :

عدم الرجوع إلى الذنب بعد الطاعة:


فإن الرجوع إلى الذنب علامة مقت وخسران ,

قال يحي بن معاذ :" من استغفر بلسانه وقلبه على المعصية معقود , وعزمه أن يرجع إلى المعصية بعد الشهر ويعود , فصومه عليه مردود , وباب القبول في وجهه مسدود ".


إن كثيرا من الناس يتوب وهو دائم القول: إنني أعلم بأني سأعود.. لا تقل مثله..

ولكن قل : إن شاء الله لن أعود " تحقيقا لا تعليقا"..

واستعن بالله واعزم على عدم العودة..


الوجل من عدم قبول العمل:


فالله غني عن طاعاتنا وعباداتنا، قال عز وجل ـ:



(وَمَن يَشْكُرْ فَإنَّمَا يَشْكُرُ لِنَفْسِهِ وَمَن كَفَرَ فَإنَّ اللَّهَ غَنِيٌّ حَمِيدٌ) [لقمان: 12]،

وقال تعالى ـ:
(إن تَكْفُرُوا فَإنَّ اللَّهَ غَنِيٌّ عَنكُمْ وَلا يَرْضَى لِعِبَادِهِ الْكُفْرَ وَإن تَشْكُرُوا يَرْضَهُ لَكُمْ) [الزمر: 7] ،

والمؤمن مع شدة إقباله على الطاعات، والتقرب إلى الله بأنواع القربات؛

إلا أنه مشفق على نفسه أشد الإشفاق، يخشى أن يُحرم من القبول،

فعن عائشة ـ رضي الله عنها ـ قالت: سألت رسول الله - صلى الله عليه وسلم - عن هذه الآية: (وَالَّذِينَ يُؤْتُونَ مَا آتَوْا وَّقُلُوبُهُمْ وَجِلَةٌ) [المؤمنون: 60]
أهم الذين يشربون الخمر ويسرقون؟! قال:(لا يا ابنة الصديق! ) ولكنهم الذين يصومون ويصلّون ويتصدقون، وهم يخافون أن لا يقبل منهم، أولئك الذين يسارعون في الخيرات .


فعلى الرغم من حرصه على أداء هذه العبادات الجليلات فإنه لا يركن إلى جهده، ولا يدل بها على ربه، بل يزدري أعماله، ويظهر الافتقار التام لعفو الله ورحمته، ويمتلئ قلبه مهابة ووجلاً، يخشى أن ترد أعماله عليه، والعياذ بالله، ويرفع أكف الضراعة ملتجئ إلى الله يسأله أن يتقبل منه.





التوفيق إلى أعمال صالحة بعدها:

إن علامة قبول الطاعة أن يوفق العبد لطاعة بعدها،

وإن من علامات قبول الحسنة: فعل الحسنة بعدها، فإن الحسنة تقول: أختي أختي.

وهذا من رحمة الله تبارك وتعالى وفضله؛ أنه يكرم عبده إذا فعل حسنة، وأخلص فيها لله أنه يفتح له باباً إلى حسنة أخرى؛ ليزيده منه قرباً.
فالعمل الصالح شجرة طيبة، تحتاج إلى سقاية ورعاية، حتى تنمو وتثبت، وتؤتي ثمارها،وإن أهم قضية نحتاجها أن نتعاهد أعمالنا الصالحة التي كنا نعملها، فنحافظ عليها، ونزيد عليها شيئاً فشيئاً. وهذه هي الاستقامة التي تقدم الحديث عنها.



((( و المقال بكامله هــــنــــــــا )))


فإن شاء الله رمضان يكون متقبل مننا ..

و نحاول إننا نحقق العلامات دي علشان نبقى من المقبولين إن شاء الله ..
و أنا مش بقول ما نفرحش و ما (نزقططش) في العيد ..
لا .. افرح و هيص ..
لكن في المبااااااااااااااااح
و ليس في الحرااااااااااااااام



و المباح كتير و الحمد لله


و كل عام أنتم بخير ..

و تقبل الله منا و منكم ..

و دي بعض آداب العيد :

كل سنة و انتوا طيبين




.............


و لا تنسوا كاتب الموضوع الأصلي من دعوة صالحة إن ربنا يتوب علينا و يهدينا و يوفقنا لما يحب و يرضى ..

و طبعا >> حقوق النشر للجميع <<

لو رأيت إنه يستحق النشر

و ياريت تذكر رابط المدونة :

6azbeet.blogspot.com


أو على الأقل تذكر إنه منقول

......................


تحيتي

.....

23 comments:

  1. اشمعني مدرس الرياضه يعين

    ;)

    ههههههههه

    كل سنه وانت طيب يا باشمهندس

    وعيد سعيد

    ReplyDelete
  2. ياعم سيبنا نعيش في ميلودي

    و مفيش مانع من اوروبي

    ولا اقولك

    ليه النظري

    ننزل الشارع نتحرش عملي و خلاص :)


    ربنا يهدينا و يتوب علينا و عليهم كمان

    ReplyDelete
  3. مدونتك جامده جوي ياعم تيمي والله
    على فكرة البيت اللي انت حاطه في الاول بيقول
    رمضان ولى هاتها يا ساق

    كلامك واسلوبك جامدين جدا

    اسلوب كده يرشق في القلب دوغري

    مش عارف اعلق واقول ايه بجد
    عشان كلامك مفيش كلام بعد كده

    تسلم ايدك ومستنيين جديدك

    ReplyDelete
  4. كل سنة وانت طيب ويارب يكون عيد سعيد علينا جميعا
    وجميل وضع رابط اداب العيد ربنا يكرمك وتقبل الله منا ومنكم صالح الاعمال

    ReplyDelete
  5. أسأل الله
    أن يعطيك أطيب ما في الدنيا محبة الله
    وأن يريك أفضل ما في الجنه رؤية الله
    وأن يجمعك بأفضل خلقه رسول الله
    وأن ينفعك بأنفع الكتب كتاب الله
    وكل عام وأنتم بخير


    عيد سعيد

    اسال الله ان يتقبل مننا رمضان

    :(

    ReplyDelete
  6. كل سنة وحضرتك طيب

    يا رب يفضل ايماننا موجود او على الاقل ميقلش كتير اوى

    عيد سعيد ان شاء الله

    ReplyDelete
  7. بقولك ايه

    كل سنة وانت طيب :)

    موضوع ما بعد رمضان دا يطول فيه السمر ... والسهر !!

    ومن الاخر انا مش عارف هو في ايه :(

    بس سيبنا نفرح بالعيد و نهيص ونفرقع بمب وننفخ النفافيخ ,, وووو ايه بعد كده مش عارف :))

    تقبل الله منك الصيام والقيام
    عيدك مبارك

    اشطة ,,,

    ReplyDelete
  8. ياه علي كلامك الجميل
    انت بجد بتاخد حسنات كتير اوي
    بتعمل حاجة ليها معني
    عارف
    انا والله حسيت فعلا ان الشياطين اتفكوا خلاص
    الاول كنت حسة بيسر وانا بعمل اي عبادة
    دلوقتي بحس ان في شىء جديد
    شىء بيحاول يكسلني
    بروح معنداه وبتجه لربنا
    نفسي افضل ذي رمضان
    ان شاء الله افضل
    وانت ربنا يكرمك
    وكل سنة وانت طيب
    وبعدين بقه في وشين امامير اوي الاول البنت اللى فرحانة وبتنط وتهيص دي ومسكة في ايدها حجات عسل كده
    والتاني العيال الصغيرين اللى فرحوا لما المردس مشي
    تحسهم بينطوا كده ويلئوا كده
    قمامير
    كل سنة وانت طيب

    ReplyDelete
  9. اللهم تقبل منا ومنكم رمضان وثبتنا بعده

    جزاك الله خيرا علي التذكرة

    كل عام وانت الي الله اقرب

    ReplyDelete
  10. السلام عليكم ورحمه الله وبركاته

    ---------------------

    الاول كده كل سنه وانت طيب ياتيمى

    بجد بوست حلو اوى وفيه كده شده ودان لينا كلنا عشان محدش يقع بعد رمضان

    ربنا يثبتنا يارب ويبعد عنا شياطين الانس والجن

    -------------------

    ReplyDelete
  11. حبيب قلبى تيمى
    اكيد بوستك رائع كالعادة
    بس على نقضى ليك خير الكلام ما قل ودل
    عيد سعيد وشكرا على النصايح
    سلام

    ReplyDelete
  12. على فكرة مكنتش بحب حصة الالعاب عشان دايما الميس بتبقى اما تعبانة او حامل..........كل سنة وانت طيب

    ReplyDelete
  13. هوا أنا علقت قبل كده على البوست ده ولا لسا؟ :)
    المهم تقبل الله طاعتكم
    نسأل الله المزيد بعد رمضان
    والثبات على الحق في الدنيا والآخرة

    ReplyDelete
  14. السلام عليكم ورحمة الله وبركاته
    انا استنيت لما الزحمة تخلص وجيت اقرأ
    اصلى مابحبش الزحمة .........بتضايقنى
    وعلشان كده مضايقة على طول !!!!!!!
    موضوعك حلو ياتيمى والله بتعرف تهندز المواضيع كويس ...لكن فين الرد على الكومنتات ....اوعى تكون ناوى تسيبها من غير ما ترد عليها !!!
    يلا يامستنى الجهادية انت كل سنه وانت طيب وصباح الفل.

    ReplyDelete
  15. عندى تاج فى المدونة ياريت لو عجب حضرتك تاخده تحله

    ReplyDelete
  16. فينك وحشتني
    ليك تاج عندي ياريت تبقي تحله
    :)

    ReplyDelete
  17. السلام عليكم
    ما شاء الله موضوع جميل وطريقه مشوقه ربنا يتقبل

    ReplyDelete
  18. جزاك الله كل خير

    ما شاء الله مقااتك حلوه اوى

    ونفسى اتعرف عليك بس نش عارف اوصلك

    ياريت تبعتلى ايميل

    ReplyDelete
  19. جزاكم الله خيرا جميعا على المرور ..

    و أعتذر عن التأخر في الرد و عدم الرد على كل تعليق على حدة ..

    فاعذروني ..

    ReplyDelete
  20. فعلا الناس بتفرح بان رمضان خلص

    زي ما يكون هم وانزاح
    وكانهم كانو محرومين من الاكل

    طول الشهر
    دة بالعكس
    دة اكتر شهر بياكلوفية

    والاحصائيات بتقول ان الناس بتخن ف الشهر دة اكتر من اي شهر

    والفرحة بالعيد حلوة بس
    الفرحة بالقبول والرضا من ربنا
    احلي

    سلام

    ReplyDelete
  21. my hopes

    أهلا و سهلا ..

    للأسف الناس زي ما قلتي زي ما تكون .. بتنتقم :) بعد رمضان ..

    و لا أزكي نفسي .. لأن لواحد برضه مش بيحس بنفسه ..

    ربنا يتوب علينا و يهدنا و يهدي جميع المسلمين ..

    شكرا جزيلا على المرور و التعليق ..

    تحيتي

    ReplyDelete
  22. حلوة قوي بجد
    ________________________

    اذا كنت مدون او مدونة من احدي محافظات الدلتا رابطة مدوني الدلتا تدعوكم لحضور اجتماعها الشهري يوم السبت القادم لمزيد من التفاصيل عن برنامج الاجتماع برجاء الدخول علي رابط الرابطة

    ReplyDelete
  23. رابطة مدوني الدلتا

    شكرا جزيلا على المرور

    و كان نفسي أشارك معاكم .. لكن !!

    مش مشكلة بقى !!

    تحيتي

    ReplyDelete

دلوقتي تقدر تعلق بأكثر من طريقة :
كـ(غير معرف) بدون ما يكون لك حساب خالص
أو بحسابك على الفيس بوك
أو بحسابك على بلوجر
بس عبرني و علق :) ـ

حقوق النشر للجميع


ـ
و لا تنسوا
كاتب الموضوع من دعوة صالحة بظهر الغيب

أن يُصلح الله له شأنه كله و يُدخله الجنة و يُجِرْه من النار و جميع المسلمين و المسلمات ..

>> حقوق النشر للجميع <<
لو رأيت أنه يستحق النشر
بشرط عدم التحريف أو التغيير
و يا حبذا لو تذكر رابط المدونة

tazbee6.blogspot.com


أو تذكر أن الموضوع

" منقول من مدونة تظبيط "

ـ