شعب همجي ما ينفعش معاه غير الكرباج !؟

السلام عليكم و رحمة الله وبركاته ,

كتير قوي بعد الثورة و خصوصا لما نلاقي مظاهرات
أو إضرابات و اعتصامات أو ....... إلخ ,
بقينا بنسمع كلام زي :

- كلام ساويرس إن المصريين شعب أهوج و منفلت :
https://www.youtube.com/watch?v=xiJ4GPvsWtY

 

أو كلام من الناس العاديين إن :
- ده شعب فرعون ما ينفعش معاه غير الكرباج ,
- دول شوية همج لازم يتساقوا بالعصاية ,
- ده شعب ما ينفعش معاه الذوق ,
و كتير من الكلام اللي زي ده ,

 

و السؤال اللي لازم نسأله :
هل فعلا الكلام ده صحيح ؟؟
و هل فعلا فيه ناس ما ينفعش معاهم غير العين الحمرا ؟؟

تعالوا نشوف موقف مشابه حصل مع الخليفه عمر ابن عبد العزيز
و نشوف هو قال فيه إيه :
.
.
.
.
.
.
.

ﻛﺘﺐ ﺍﻟﺠﺮﺍﺡ ﺑﻦ ﻋﺒﺪﺍﻟﻠﻪ ﺇﻟﻰ ﻋﻤﺮ ﺑﻦ ﻋﺒﺪﺍﻟﻌﺰﻳﺰ :
" ﺇﻥ ﺃﻫﻞ ﺧﺮﺍﺳﺎﻥ ﻗﻮﻡ ﺳﺎﺀﺕ ﺭﻋﻴﺘﻬﻢ
ﻭﺇﻧﻪ ﻻﻳﺼﻠﺤﻬﻢ ﺇﻻ ﺍﻟﺴﻴﻒ ﻭﺍﻟﺴﻮﻁ ،
ﻓﺈﻥ ﺭﺃﻯ ﺃﻣﻴﺮ ﺍﻟﻤﺆﻣﻨﻴﻦ ﺃﻥ ﻳﺄﺫﻥ ﻟﻲ ﻓﻲ ﺫﻟﻚ ؟؟ "

ﻓﻜﺘﺐ ﺇﻟﻴﻪ ﻋﻤﺮ :
" ﺃﻣﺎ ﺑﻌﺪ ﻓﻘﺪ ﺑﻠﻐﻨﻲ ﻛﺘﺎﺑﻚ , ﺗﺬﻛﺮﺃﻥ ﺃﻫﻞ ﺧﺮﺍﺳﺎﻥ ﻗﺪ ﺳﺎﺀﺕ ﺭﻋﻴﺘﻬﻢ , ﻭﺃﻧﻪ ﻻﻳﺼﻠﺤﻬﻢ ﺇﻻ ﺍﻟﺴﻴﻒ ﻭﺍﻟﺴﻮﻁ ,
ﻓﻘﺪ ﻛﺬﺑﺖ !!!
ﺑﻞ ﻳﺼﻠﺤﻬﻢ ﺍﻟﻌﺪﻝ ﻭﺍﻟﺤﻖ ,
ﻓﺄﺑﺴﻂ ﺫﻟﻚ ﻓﻴﻬﻢ ..... ﻭﺍﻟﺴﻼﻡ ."

................
فأي حد يقول لك كده ,
أول حاجة ترد عليه بيها تقول له : ما تعممش !!

مش علشان شوية ناس بتتصرف غلط تحكم على الشعب كله بالهمجية ,
و إلا هتبقى كداب كبيييييييييير

زي ما الرسول - صلى الله عليه و سلم - قال :
(( إن أعظم الناس عند الله فِرْيَةً لرجلٌ هاجى رجلا , فهجا القبيلة بأسرها ،
و رجل انتفى من أبيه و زَنَّى أمه))
[ الراوي:عائشة - المحدث: الألباني -
المصدر: صحيح الجامع - الصفحة أو الرقم: 1569
خلاصة حكم المحدث:صحيح]

يعني علشان واحد بيتصرف بهمجية , 

اتهمت أهل بلده كلهم إنهم زيه !!؟؟

هيقول لك : ماشي , مش هنعمم ,
بس فيه ( بعض ) الناس ما بينفعش معاهم الذوق ,

قل له : لأن ما حدش لسه عودهم على الاحترام ,
لكن اعمل زي ما سيدنا عمر بن عبد العزيز قال :
" بل يصلحهم العدل و الحق , فابسط ذلك فيهم "

يعني انشر فيهم الحق و العدل الأول ,
جرب معاهم الذوق و الاحترام , و ( استفز ) الإنسانية اللي فيهم ,
لأنك عمرك ما هتعامل حد كويس و تحترم آدميته , و تديله حقوقه و تعدل معه و ...... إلخ ,
و في الآخر هيفضل سيء زي ما هو !!

زي ما الأستاذ سيد قطب - رحمه الله - قال :
" عندما نلمس الجانب الطيب في نفوس الناس ،
نجد أن هناك خيرا كثيرا قد لا تراه العيون أول وهلة !…
لقد جربت ذلك . جربته مع الكثيرين …

حتى الذين يبدو في أول الأمر أنهم شريرون أو فقراء الشعور …
شيء من العطف على أخطائهم ، وحماقتهم ،
شيء من الود الحقيقي لهم ،
شيء من العناية – غير المتصنعة – باهتماماتهم وهمومهم …
ثم ينكشف لك النبع الخير في نفوسهم ،
حين يمنحونك حبهم ومودتهم وثقتهم ،
في مقابل القليل الذي أعطيتهم إياه من نفسك ، متى أعطيتهم إياه في صدق وصفاء وإخلاص .

إن الشر ليس عميقا في النفس الإنسانية إلى الحد الذي نتصوره أحيانا ,
إنه في تلك القشرة الصلبة التي يواجهون بها كفاح الحياة للبقاء …
فإذا آمنوا تكشفت تلك القشرة الصلبة عن ثمرة حلوة شهية …
هذه الثمرة الحلوة ، إنما تتكشف لمن يستطيع أن يشعر من الناس بالأمن من جانبه ،
بالثقة في مودته ، بالعطف الحقيقي على كفاحهم وآلامهم ،و على أخطائهم وعلى حماقتهم كذلك …

وشيء من سعة الصدر في أول الأمر كفيل بتحقيق ذلك كله ، 

أقرب مما يتوقع الكثيرون" [أفراح الروح]

لكن للأسف عندنا المسؤولين ( بيستسهلوا ) و يستخدموا العنف ,
و ده أكبر دليل على فشلهم الذريع ,
لأنهم للأسف ما يعرفوش كيفية التعامل مع الآدميين ,

بل إن بعض الناس العاديين يوافقونهم على ذلك ,
و يرون أن الشدة هي الحل الأمثل لصلاح العباد و البلاد ,
و دول أحسن رد عليهم إنك تقول لهم :
كل واحد أدرى بالطريقة اللي تنفع معاه ,

و أخيرا علشان ما حدش يتهمني إني ( بطبطب و أدلع ) ,
أحب أختم بكلام أبي الطيب المتنبي :

ووضع الندى في موضع السيف بالعلا *** مضرٌ كوضع السيف في موضع الندى

فالشدة تكون مطلوبة في بعض الأحيان ...
>>> لكن بعد استنفاذ وسائل اللين <<< .

فـ(( إن الله رفيق يحب الرفق ,
ويعطي على الرفق ما لا يعطي على العنف , 

وما لا يعطي على ما سواه ))
[ رواه مسلم 2593 ]

.......................... 

و جزاكم الله خيرا

و لا تنسوا كاتب الموضوع من دعوة صالحة بظهر الغيب :

أن يُصلح الله له شأنه كله و أن يعذه من الهم و الحزن و العجز و الكسل  

>> حقوق النشر للجميع << 

بشرط عدم التحريف أو التغيير 

و يا حبذا لو تذكر رابط المدونة
 tazbee6.blogspot.com

أو تذكر أن الموضوع 

" منقول من مدونة تظبيط "

ـ

صورة من محطة مصر

السلام عليكم و رحمة الله ,


النهاردة كنت مروّح من الأسكندرية بعد زيارة قصيرة ,

المهم رحت أركب القطار من محطة مصر ,
 

لكن الظهر أذن قبل قيام القطار ,

فقلت أصلي في مسجد المحطة قبل ما القطر ييجي ,

لكن كان المسجد مزدحما جدا فانتظرت و بعض الأشخاص خارجه حتى تنتهي الجماعة الأولى
ثم يخرج المصلون و ندخل بعدهم ,

و بينما كنت أنتظر ,
وقعت عيني على هذه الصورة :
.
.
.
.
.
.
.
.
.
.
.
.



فتذكرت قول رسول الله في تفسير قوله تعالى { كل يوم هو في شأن } :

(( في شأنه أن يغفر ذنبا ، و يكشف كربا ، و يجيب داعيا ، 

و يرفع قوماً و يضع آخرين ))
[ الراوي : أبو الدرداء - المحدث: الألباني -
المصدر: تخريج كتاب السنة - الصفحة أو الرقم: 301
خلاصة حكم المحدث: صحيح ]



......

ـ هسسسس الفتنة نايمة ما حدش يصحيها !! ـ

السلام عليكم و رحمة الله وبركاته ,

زي ما الشعب المصري اتعلم إزاي يـ( هس السلعوة )
و نجح في ( هسّها ) نجاحا منقطع النظير ,




يجب عليه أيضا أن يتعلم إزاي ما يصحّيش الفتنة ,
لأن زي ما احنا عارفين إن ( الفتنة نائمة , و مِنُّه لله اللي يصحّيها )
لذا فإنه من الواجب علينا - كمسلمين خاصة - في ظل الأحداث الراهنة ,
أن نتعلم إزاي نخلي الفتنة نايمة ,
و نغني لها ( نام يا حبيبي نام , و أجيبك جوزين حمام )

و إليكم الخطوات :

(1)
لما (شركاءنا في الوطن) يقولوا إن البلد بلدهم و إننا ضيوف عندهم و .....

http://www.youtube.com/watch?v=NweD60vXwYI&feature=topvideos_news

ساعتها تنفعل أحسن الفتنة تصحى ,
و اتأكد الأول انت دفعت لهم الإيجار و لا لأ ...

(2)
لما ( شركاء الوطن ) تكون مساحة أديرتهم و كنائسهم أكبر من مساحة الحرم المكي و المدني ,
و يكونوا برضو عاوزين ( كنيسة لكل مواطن )



يبقى حقهم يا عم , مش البلد بلدهم ؟؟

و لا انت عاوز الفتنة تصحى و تزعلها منك ؟؟


(3)
لما ( شريكة في الوطن ) تقول إن شهداء الجيش مبروك عليهم جهنم ,
و إن الشهداء فقط هم أصحاب الدين المسيحي ,

http://www.youtube.com/watch?v=gfZKp08Xayw

ما تقعدش تهلل في الإعلام و تقول هي الجنة بتاعتكم لوحدكم و ....
لكن ساعتها قول عادي , هم شايفيننا كافرين علشان دينهم بيقول كده ,
و احنا شايفينهم برضو ( شركاءنا في الوطن ) علشان مالناش دعوة بديننا !!


(4)

لما يتواجد أفراد بأسلحة في مظاهرات ( شركاء الوطن )



يبقى ده أكيد فوتوشوب , و لو مش مصدق اسأل عمرو مصطفى !!
شفت ؟؟ جهلك بالتكنولوجيا الحديثة كان هيصحي الفتنة ..

(5)
أما لما ( شريك في الوطن ) يتوعد محافظ أسوان بموتة شنيعة

http://www.youtube.com/watch?v=SwTPy07YLO4

إوعى تصحّي الفتنة و تظن فيه ظن سوء ,
أصله كان منفعل انفعالة شنيعة , و ( ليس على الشنيع حرج ) !!

(6)

أما بقى لما ( شركاءنا في الوطن ) يكسروا الأتوبيسات , و يحرقوا المدرعات ,
و يضربوا الجنود جواها و .......

http://www.youtube.com/watch?v=W2vqLCP-G70&feature=related

إوعى تصدق اللي انت شوفته بجد , ما تزعلش الفتنة منك ,
ده كله تمثيل في تمثيل , و ده كان مشهد من فيلم
Maspero resident evil

.
.
.
.
.
.
.
.

 

و أخيرا أحب أوضح إن كلامي ده مش هجوم على ( شركائنا في الوطن ) ,
لأن الناس خلاص عرفت القصة و مافيها ,
 

إنما كلامي ده موجه للإعلام ( الحر النزيه ) ,
اللي بيتبع سياسة ( أطبطب و أدلع ) عند حديثه عن النصارى ,
بينما يتبع سياسة ( المتهم سلفي حتى تثبت إدانته ) مع الإسلاميين بالذات ,


فبالرغم من كل الصور و الفيديوهات و تصريحات الجنود 
بل و تصريحات بعض المنظمات الحقوقية إن :
عدد الجنود القتلى يصل إلى 66 جندي !!!
http://akhbarlive.com/news/13186.html
  
فبالرغم من كل ذلك تراهم يدعون الناس للسكوت و غض الطرف ,
متحججين بأن الفتنة نائمة , ما تصحوهاش ياولاد ,
و يتحدثون عن النصارى كأنهم هم المجني عليهم ,

بالظبط زي ما الفيديو ده بيقول :
http://www.youtube.com/watch?v=gu_Cz7z5Sb4&feature=player_embedded 



بينما إذا كان المتهم هم الإسلاميون و خاصة السلفيون ,
تجدهم بيصوتوا في ودان الفتنة علشان يصحوها ( بدون دليل )

و قد رأينا اتهاماتهم ( السريعة ) و الجاهزة ضد السلفيين في حوادث :
تقطيع الودان و هدم الأضرحة و كنيسة امبابة و ....
و اللي السلطات برأتهم منها و الحمد لله ,

فهل الفتنة بتحب تنام لما يكون المتهمون هم النصارى ؟؟
و بتحب تصحى و تفوق لما يكون المتهمون إسلاميون ؟؟




صحيح يا ولاد :
" اعطني إعلاميين بلا ضمير ..

أعطيك شعبا بلا وعي "
[ جوزيف جوبلز - وزير اعلام هتلر ]

.........................

و بالله عليكم ادعوا لكاتب الموضوع :
اللهم أصلح له شأنه كله و وفقه لما تحب و ترضى ,
  و ما تنسوش إن المَلَك هيؤمن على دعائكم و يدعو لك بمثل

  >> حقوق النشر للجميع <<
لو رأيت أنه يستحق النشر بشرط عدم التحريف أو التغيير

و يا حبذا لو تذكر رابط المدونة

tazbee6.blogspot.com

أو تذكر أن الموضوع

" منقول من مدونة تظبيط "

ـ

ليه ربنا ما بيساويش بين الناس ؟؟

السلام عليكم و رحمة الله و بركاته

من زمان و أنا بيجيلي تفكير غريب لما أشوف واحد فقير و واحد غني

أو واحد مريض و واحد صحيح

كل ما أشوف حد فوق و حد تحت ييجي في نفسي شعور غريب كده

و أقول لنفسي :

هو ليه ربنا ما خلقش الناس كلهم أغنياء و أصحاء ؟؟

و ليه ربنا لم يساوي بين عباده ؟؟

بس كنت بقول لنفسي بس يا واد ما تقولش كده

ربنا أكيد ساوى بين الناس بس انت مش واخد بالك ,

لكن لقيت حديث بيؤكد الكلام اللي كنت بفكر فيه

إن ربنا فعلا لم يساوِ بين عباده

قال رسول الله صلى الله عليه و سلم في تفسير قوله تعالى  

{ وإذ أخذ ربك من بني آدم من ظهورهم ذريتهم }[الأعراف : 172] :

(( قال : جمعهم فجعلهم أزواجا ، ثم صورهم فاستنطقهم ، فتكلموا ،

ثم أخذ عليهم العهد والميثاق ،

{ وأشهدهم على أنفسهم ألست بربكم } ، قالوا : بلى ،

قال : فإني أشهد عليكم السماوات السبع ، والأرضين السبع ،

وأشهد عليكم أباكم آدم أن تقولوا يوم القيامة : لم نعلم بهذا ،

اعلموا أنه لا إله غيري ، ولا رب غيري ، ولا تشركوا بي شيئا ؛

إني سأرسل إليكم رسلي يذكرونكم عهدي وميثاقي ، وأنزل عليكم كتبي ،

قالوا : شهدنا بأنك ربنا وإلهنا ، لا رب لنا غيرك ، ولا إله لنا غيرك ، فأقروا بذلك ،

ورفع عليهم آدم – عليه السلام – ينظر إليهم ،

فرأى الغني والفقير ، وحسن الصورة ودون ذلك ،

فقال : رب ! لولا سويت بين عبادك !

قال : إني أحببت أن أشكر ))

[ الراوي :أبي بن كعب -المحدث : الألباني -
المصدر : تخريج مشكاة المصابيح - الصفحة أو الرقم : 118
خلاصة حكم المحدث :حسن الإسناد موقوفا ]

يعني سيدنا آدم أهه بيقول لربنا انت ليه ما سويتش بين عبادك

بالإضافة إلى إن ربنا بيقول في القرآن :

{ و الله فضل بعضكم على بعضٍ في الرزق } [ سورة النحل - 71 ]

و قال : { نحن قسمنا بينهم معيشتهم في الحياة الدنيا

و رفعنا بعضهم فوق بعضٍ درجاتٍ ليتخذ بعضهم بعضاً سخريا } [ سورة الزخرف - 32 ]

أنا عاوز أعرف بقى هو ربنا فعلا لم يساوي بين عباده بجد ؟؟

و لا أنا اللي فاهم غلط ؟؟

و إزاي ما يساويش بينهم و هو ( العادل ) اللي مش بيظلم حد ؟؟

و الإجابة

إن فعلا ربنا ما ساواش بين عباده !!

و خلق الغني و الفقير

و المريض و الصحيح

و القوي و الضعيف

و ده مش هباءاً و كده و خلاص ,

إنما لحكمة قد لا نعلمها ,

أو لحكمكة علمنا الله إياها كما في الحديث لكي يشكر الناس ربهم إذا رأوا المبتلين

أما بقى هل عدم المساواة ده يتعارض مع اسم ربنا ( العادل ) ؟؟

فالإجابة : لأ ,

لأن العدل لا يعني بالضرورة المساواة , 

و أديلك مثال ,

لو عندك ابنين , واحد صغير و واحد كبير ,

و حبيت تجيب لكل واحد هدية , و تعدل بينهم ,

هل تجيب لكل واحد مسدس لعبة ,

أم تجيب لكل واحد موبايل بكاميرا و نغمات مجسمة ؟؟

الإجابة طبعا لا ده و لا ده ,

هتجيب للصغير مسدس لعبة مثلا ,

و للكبير موبايل ,

و كده يبقى انت :

لم تساوي بينهما, لكنك عدلت بينهما

لأنك اعطيت كل واحد هدية مختلفة

لكنك أعطيت كل واحد ( ما يصلح له )

علشان كده ربنا من أسمائه الحسنى ( العدل ) و ليس المساوي ,

فربنا لما يجعل في الميراث للذكر مثل حظ الأنثيين ,

يبقى لم يساوِ بين الذكر و الأنثى

و إنما عدل بينهما بأن أعطى لكل منهما حسب ظروفه و حسب ما ينصلح به حاله

و كذا الحال مع الغني و الفقير و المريض و الصحيح و القوي و الضعيف ,

ربنا ( لم يسوِّ ) بينهما ,

( لكنه عدل ) بينهما بأن قسم لكل واحد منهما ما يصلح به شأنه ,

فقد يكون الفقير لو اغتنى لطغى و تجبر ,

و الغني لو افتقر لجزع و كفر ,

و غيرها من الحكم التي قد لا نعلمها أو نعلمها .

و هو ده بقى الفرق بين العدل و المساواة,

و إن العدل أشمل و أنسب و أفضل من المساواة ,

لأنه بيراعي ظروف الشخص نفسه و أحواله ,

و الظروف الخارجية المحيطة بيه

فالحمد لله أنه العدل الحكيم

جزاكم الله خيرا

و لا تنسوا كاتب الموضوع من دعوة صالحة بظهر الغيب :

أن يُصلح الله له شأنه كله و أن يعذه من الهم و الحزن و العجز و الكسل 

>> حقوق النشر للجميع <<

بشرط عدم التحريف أو التغيير

و يا حبذا لو تذكر رابط المدونة

tazbee6.blogspot.com

أو تذكر أن الموضوع

" منقول من مدونة تظبيط "

ـ