زي ما فيه حاجات صح و حاجات غلط

فيه حاجات غلط ممكن تبقى صح

بس عاوزة شوية

تــظــبـــيــط

ــــــــــــــــــــــــــــ

قبل أن تقرأ المدونة

-- حقٌ على أصحاب الكؤوس أن يتناصحوا --

لا يُعــذَر المسلم في تخليه عن الدعوة إلى الله والأمر بالمعروف والنهي عن المنكر حتـى وان كان مُقصراً في نفسه في بعض الأمور ,

بـل إن الإنسان عليه أن ينهى عن المنكر حتى وان كان هــو واقـع فيــه

فوقوعه في المنكر ذنب وعدم إنكاره على الآخرين ذنب آخر يُسأل عنه,
ولا شك ان على من ينصح أن يسعى جاهداً لتغيير ما بنفسه ليكون قدوةً ومثالاً يُحتذى به.

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

26 August, 2008

tag تاج


السلام عليكم ...

النهاردة أول تاج لي في المدونة ..

هو التاج من مدونة sheva لحسن
و تراقيعو
و أحمد شرف
حسب الأقدمية :)

مع إني قلت لحسن إن إجاباتي هتكون رخمة و فاترة ..
بس أهي هي دي شخصيتي و خلاص

أنا هدمج التاجز في بعضهم ..

وكله بيطلع في الغسيل :)



س 1-أذكر 5 أحلام على الاقل تخص ماضيك وتحلم فيها بتغيير أشياء ماذا ستعدل وماذا ستترك ؟

هو حلم واحد .. ألا أكون موجودا ..

أو كنت موت نفسي زمان قبل التكليف ... و ما سمعتش كلام والدتي لما مرة لقتني ماسك شوكة و أنا في رابعة ابتدائي و قالت لي إنه حرام ..
كان المفروض آخد بالي إني لسه مش مكلف و أخلص على نفسي ساعتها :)

و طبعا ما ينفعش أعدل فيه خالص :)

علشان كده هحققه في أولادي إن شاء الله بأن لا أنجبهم



س 2-أذكر 5 أحلام على الأقل تخص مستقبلك ؟

1- الاقي شغل بفلوس كتير

2- أستخدم الفلوس الكتير دي في تصنيع عربية مصرية 100%
و لو ما قدرتي أصنع توك توك على الأقل :)

3- أعمل جمعية زي
US AI
كده بس تكون اسمها
Islamic Aid
في البلاد المسلمة الفقيرة بدل جمعيات النصارى التبشرية و الصليب الأحمر اللي بيعمل تحته التبشيريين
و ما تخافوش .. مس هنعمل دعوة للنصارة .. كفاية علينا المسلمين المنكوبين قوي ..

4- أقعد في شقة لوحدي في الاسكندرية

5-اعمل زي أكادمية للموهوبين ... مش في الومسيقى و التمثيل و الكلام الفارغ ده ..
لكن في الهندسة و مشتقاتها علشان تطلع لنا علماء بدل اللي "بيهجوا" على برة



س 3-أذكر شخصين على الأقل متواجدين في حياتك حاليا .. كنت تود وجودهم قبل الآن بزمن ؟

مافيييييييش


س 4-أذكر شخصين على الأقل غير متواجدين في حياتك حاليا .. كنت تود وجودهم الآن أو في حياة أولادك مستقبلا ؟

ما فييييييييييييييييش


س 5-لمن تهدي هذا التاج ؟

أهديه لكل بيت في مصر :)

أي حد عاوز ياخدة يا رجالة :)




بدأت التدوين من امتى ؟ودخلت العالم ازاى؟

من حوالي سنة ...
بس في الياهوو ...
كنت مخنوق من دنيتي و عاوز أكلم أي حد ..
فبدأت أكلم نفسي في المدونة ...
و بعدين لقيت ناس بيعبروني و بيواسوني هناك
و بعدين بقت أحبهم رغم إنهم مش مسلمين ..
و بعدين سيبت التدوين بتاع الياهوو خالص علشان ما أتعلقش بغير المسلمين .. بعد ما اعتذرت لهم إني هسيب المدونة و لغيتها


ايه كانانطباعك فى البدايه؟
مش عارف ..
أهو كان مكان بقول في اللي جوايا و خلاص
بدل ما "أطق" و أموت



ايه اكتر حاجه كرهتها؟

لما حد يرد عليك و " يجري " يعني يشتم و يجري و لا يناقش .. فبمسح تعليقه و خلاص


حاسس ان التدوين له تاثير؟
متهيأ لي ..
زي الصحافة كده ..


و كل عام أنتم بخير ...

و معلش .. التاج طلع فاتر زي ما قلت لكم .. علشان كده أنا هحط بعدة موضوع تاني على طول
علشان "أداري عليه" داري على تاجك يقيد

تحيتي

5 comments:

  1. انا هتجنن إزاي موضوع بالروعه دي نازل من سااااااعه كامله ومعليهوش على الأقل متين تعليق
    وبجد والله من احسن المواضيع اللي قرأتها مع إن انا لسه جديد بس قرأت مواضيع كتير قبل كدا
    وموضوعك الجميل دا غير فيا حاجات كتير اوي
    و وصراحتك بتقول إنك من الناس اللي إنقرضوا في الزمان ده وفرحان جدا إن فيه ناس متدينه وحلوه زيك كدا



    تقبل مروري
    مدونتي لسه جديده اتمني اسمع رأيك بعد ما انزل اول بوست


    http://be-legend.blogspot.com/

    ReplyDelete
  2. أهلا بيك يا هيرو ...

    أنا متهيأ لي انت تقصد الموضوع اللي قبل ده ؟؟ صح ؟
    :)

    عموما ألف شكر على التعليق ..

    و أنا بجد مبسوط لما عرفت غن الموضوع عجبك ..
    أما بالنسبة للناس الي انقرضوا دي .. فيارب أموت و أنقرض خالص ..

    أما بالنسبة للتدين .. فربنا يجعلنا خيرا مما تظن و يغفر لنا ما لا تعلم

    منور يا هيرو ..

    و شكرا جزيلا على المرور

    ReplyDelete
  3. و معلش أنا مش لاقي مكان أعلق فيه بمدونتك !!

    ReplyDelete
  4. ياراجل

    انا مخدتش بالي من البوست دا قبل كده

    يااااااااه

    انا اروح بيتنا احسن بقى

    ReplyDelete
  5. عليك نور يا تيفا

    روح بيتكم ..

    و اقفل على نفسك جامد :)

    ReplyDelete

دلوقتي تقدر تعلق بأكثر من طريقة :
كـ(غير معرف) بدون ما يكون لك حساب خالص
أو بحسابك على الفيس بوك
أو بحسابك على بلوجر
بس عبرني و علق :) ـ

حقوق النشر للجميع


ـ
و لا تنسوا
كاتب الموضوع من دعوة صالحة بظهر الغيب

أن يُصلح الله له شأنه كله و يُدخله الجنة و يُجِرْه من النار و جميع المسلمين و المسلمات ..

>> حقوق النشر للجميع <<
لو رأيت أنه يستحق النشر
بشرط عدم التحريف أو التغيير
و يا حبذا لو تذكر رابط المدونة

tazbee6.blogspot.com


أو تذكر أن الموضوع

" منقول من مدونة تظبيط "

ـ