زي ما فيه حاجات صح و حاجات غلط

فيه حاجات غلط ممكن تبقى صح

بس عاوزة شوية

تــظــبـــيــط

ــــــــــــــــــــــــــــ

قبل أن تقرأ المدونة

-- حقٌ على أصحاب الكؤوس أن يتناصحوا --

لا يُعــذَر المسلم في تخليه عن الدعوة إلى الله والأمر بالمعروف والنهي عن المنكر حتـى وان كان مُقصراً في نفسه في بعض الأمور ,

بـل إن الإنسان عليه أن ينهى عن المنكر حتى وان كان هــو واقـع فيــه

فوقوعه في المنكر ذنب وعدم إنكاره على الآخرين ذنب آخر يُسأل عنه,
ولا شك ان على من ينصح أن يسعى جاهداً لتغيير ما بنفسه ليكون قدوةً ومثالاً يُحتذى به.

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

21 January, 2012

مخاضُ الليثِ ـ شِعْر ـ



مخاضُ الليثِ غيرُ مخاضِ فَأْرِ *** و لا تُنَلُ الحسانُ بغيرِ مهْرِ

فصبراً آلَ سوريّا الأباةَ *** فعاقبةُ التصَبُّرِ كلّ خيرِ 

لَئِنْ جَنَّ الظلامُ و طال ليلٌ *** و آيَسَ بعضهم من نورِ فجرِ 

و بالَغَ ظالمونا في العذابِ *** و أُهدِرتِ الدماءُ و أيُّ هَدْرِ 

سيَحفِرُ دمُّنا في الأرضِ نهراً *** غزيراً سوف يسقي كلَّ قبرِ

لينبتَ منهُ إصراراً و عزاً *** و يُلهِبَ نخوةً في كلِّ صدرِ 

لتُحرِقَ كلَّ جبارٍ مبيرٍ *** طغى زمناً و تأخذَ لي بثأري 

و تفضح كلَّ رعديدٍ خؤونٍ *** يرى حالي و لا يَأْبَهْ لأمري 

فدمُّ الحُرِّ ليس يُراقُ هدراً *** و حقي اليومَ لن يّردُدْهُ غيري 

و يكفينا إلهُ الكونِ عوناً *** فقد وَعَدَ الصبورَ بخيرِ نصرِ



بقلمي
21/1/2012

نسأل الله أن ينصر إخواننا في سوريا و يوحد صفهم و يهلك عدوهم 









......

و من وجد أخطاءاً نحوية أو عروضية أو لغوية فلينبهني لها مشكورا كي أعدلها 

....

04 January, 2012

انتوا ليه متشددين كده ؟؟

 
 
السلام عليكم و رحمة الله ,


" لا يجوز "
" فِسقٌ و فجور "
" حرامٌ حرامٌ حرام "
 
 
أظن إن ده هو الانطباع اللي ناس كتيرة واخدينة عن السلفيين أو أصحاب الدقون بصفة عامة,

إنهم ( متشددين ) و هيحرموا على الناس عيشتهم ,

و رغم إننا وضحنا قبل كده في موضوع : 
حاجات كتيرة بيقولوا عليها حلال عادي ,

لكن النهاردة إن شاء الله عاوزين نتكلم عن ( التشدد ) بتاعهم ,
و الحاجات اللي بيقولوا عليها حرام ,

لكن قبل ما نبدأ عاوز أحكي لكم قصة حصلت للإمام أحمد بن حنبل في فتنة خلق القرآن ,
 
لما الخليفة كام واحد لعبوا في دماغه و قالوا له إن القرآن ( مخلوق ) ,
و الإمام أحمد وقف لهم و قال إن القرآن ( كلام الله ) و مش مخلوق ,
فطبعا الخليفة حبسه , و عذّبه 
علشان يرجع في رأيه و يبقى ( زي الناس ) و ( يبطل تشدد ) و يقول إن القرآن مخلوق و خلاص ,

لدرجة إن الخليفة ( بذات نفسه ) كان بيحضر تعذيب الإمام أحمد و هو بيتجلد ,
و يخلي الجلادين ( يبدلوا عليه ) علشان ( يتوصوا ) بيه :

" وجعل أحدهم يتقدم إلى الإمام أحمد فيضربه سوطين ثم يتنحى ثم يتقدم الآخر فيضربه سوطين ،
والمعتصم يحرضهم على التشديد في الضرب ،
ثم قام إليه المعتصم وقال له :
يا أحمد ... علام تقتل نفسك ؟؟
إني والله عليك لشفيق ,
فما تقول ؟
فيقول أحمد :
أعطوني دليلاً من كتاب الله و سنة رسوله حتى أقول به "
[ انظر القصة كاملة هـــنـــا ]

طبعا اللي يشوف كلام الخليفة للإمام أحمد ممكن يقول :
صحيح , هو غاوي يتعب نفسه ليه ؟؟
ما يقول مخلوق و خلاص زي الناس , إيه التشدد ده ؟؟

لكن رد الإمام أحمد على اللي ممكن يفكر كده كان :
" أعطوني دليلاً من كتاب الله وسنة رسوله حتى أقول به "


هو أنا يعني غاوي وجع قلب يعني و تعذيب و حبس ؟؟
بس ما أقدرش أقول حاجة من غير دليل من ( القرآن أو السنة )


و هذا هو مبدأ الناس الذين يراهم البعض ( متشددين ) في زماننا هذا ,
هم مش واخدينا رخامة و غاويين يصعّبوها على الناس و على نفسهم ,
لكن هم ببساطة ما يقدروش يقولوا عن حاجة حلال و هم عندهم دليل من ( القرآن و السنة ) إنها حرام ,

ما يقدروش يقولوا إن القروض بفائدة حلال
و هم عارفين إن ربنا بيقول : { و أحل الله البيع و حرم الربا } [ البقرة - 275 ]

و مايقدروش يقولوا إن الموسيقى حلال
و هم عارفين إن الرسول بيقول : (( ليكونن من أمتي أقوامٌ يَسْتَحِلُّونَ الحِرَ و الحرير و الخمر و المعازف)) [ البخاري ]
و ما يقدروش يقولوا إن الواحدة المخطوبة ينفع تخرج مع خطيبها لوحدهم
و هم عارفين إن الرسول بيقول (( لا يخلون رجل بامرأة إلا مع ذي محرم )) [ البخاري ]


هات لي أي حاجة بيقولوا عليها حرام و ما عندهمش فيها دليل من القرآن و السنة ...

و لو انت شايفهم متشددين في مسألةٍ ما ,
هات لهم دليل من ( القرآن أو السنة ) إنها حلال
و هم يمشوا وراك ,
دول بشر , و النفس البشرية أحب ما ليها إن كل حاجة تبقى حلال ,

لكن هات لي دليل ....
دليل واحد ... مش 140 دليل
 


و لا تنسوا كاتب الموضوع من دعوة صالحة بظهر الغيب :
أن يُصلح الله له شأنه كله و أن يهديه و يتوب عليه ,
و أن يُعِيذهُ من الهم و الحزن و العجز و الكسل

.......... ما تنسوش بالله عليكم
..........

>> حقوق النشر للجميع <<

بشرط عدم التحريف أو التغيير
و يا حبذا لو تذكر رابط المدونة
tazbee6.blogspot.com


أو تذكر أن الموضوع

" منقول من مدونة تظبيط "
ـ

حقوق النشر للجميع


ـ
و لا تنسوا
كاتب الموضوع من دعوة صالحة بظهر الغيب

أن يُصلح الله له شأنه كله و يُدخله الجنة و يُجِرْه من النار و جميع المسلمين و المسلمات ..

>> حقوق النشر للجميع <<
لو رأيت أنه يستحق النشر
بشرط عدم التحريف أو التغيير
و يا حبذا لو تذكر رابط المدونة

tazbee6.blogspot.com


أو تذكر أن الموضوع

" منقول من مدونة تظبيط "

ـ