زي ما فيه حاجات صح و حاجات غلط

فيه حاجات غلط ممكن تبقى صح

بس عاوزة شوية

تــظــبـــيــط

ــــــــــــــــــــــــــــ

قبل أن تقرأ المدونة

-- حقٌ على أصحاب الكؤوس أن يتناصحوا --

لا يُعــذَر المسلم في تخليه عن الدعوة إلى الله والأمر بالمعروف والنهي عن المنكر حتـى وان كان مُقصراً في نفسه في بعض الأمور ,

بـل إن الإنسان عليه أن ينهى عن المنكر حتى وان كان هــو واقـع فيــه

فوقوعه في المنكر ذنب وعدم إنكاره على الآخرين ذنب آخر يُسأل عنه,
ولا شك ان على من ينصح أن يسعى جاهداً لتغيير ما بنفسه ليكون قدوةً ومثالاً يُحتذى به.

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

06 September, 2008

العم "أوديب" مش جريء و لا شجاع




ملحوظة: المرة دي البوست ليس عن التظبيط , لكن مجرد خاطرة و فضفضة
فلو مش عاوز توجع دماغك ما تقرأوش من الأول
.
.
.
.


مرة من زمااااااااااااان كنت بتفرج على سبيس تون

و كان فيه فقرة إن شوية ألعاب
toys
كانت بتلعب و واحدة منهم "اتحشرت" ورا الدولاب ..

فالألعاب دي اختارت واحد منه .. أكبر واحد
اسمه "العم أوديب" و قالوا مافيش غيره اللي يقدر يخلص اللعبة صاحبتنا
هو القائد
هو المجدع
هو جريء و شجاع

و قعدوا يغنوا له :
العم أوديب جريء
العم أوديب شجاع
العم أوديب لا
يخشى خطر الارتفاع


و المهم راح هو داخل في الكادر أو "الكوبليه" اللي بعده
و مش فاكر بالضبط الكلام اللي هو قاله
بس كان بيقول إزاي أعرفهم إني بخاف زيهم
و بخاف من المرتفعات برضه
بس ما ينقعش يعني أقول له
لأنهم مفكرينني القائد
و القائد لا يخاف

ربنا يكون في عون العم أوديب
اللي عارف قدراته
لكن الناس اللي حواليه واخدين فيه قلم ..
و مش مصدقينه لما بيقول لهم إنه بيخاف زيهم

!!!!!!!!!!!!!

لو ما حدش فاهم حاجة .. عادي جدا ..

لأن المرة دي المعنى "في بطن" الكاتب

تحيتي

6 comments:

  1. غلبان ... وليا لسان .... DeXTeR!September 6, 2008 at 5:11 PM

    مممم

    هو انا حاسس اني فاهم

    بس موش عارف اعبر

    كدا بقي فهمت؟؟

    :D??

    ReplyDelete
  2. سمو الأميرة سارةSeptember 6, 2008 at 5:35 PM

    اممممممممممم

    كل يغنى على ليلاه

    حلو اوى الكلام اللى يتفهم على كذا بنى ادم

    بس تعرف فى رايي .. اوديب دا شجاع
    على الاقل عنده شجاعة مواجهة نفسه بالحقيقة

    اول زيارة بس ان شاء الله مش اخر واحدة لأن المدونة لذيذة

    ReplyDelete
  3. حسن حنفىSeptember 6, 2008 at 10:43 PM

    ممممم

    للاسف الناس بتخاف تعبر عن خوفها

    :d

    ReplyDelete
  4. TIMMY !!September 11, 2008 at 11:31 AM

    دكستر ..

    هو انا حاسس انك فاهم ..

    بس تصور ..

    متهيأ لي زي ما قلت ..

    هو ما ضيعش على نفسه فرصه إ،ه يكون قائد .. لأنه مش مستفيد ..

    لكن هو ضيع على المجموعة فرصة التوحد تحت راية قائد
    و الكل يستفيد ..

    تحيتي

    ReplyDelete
  5. TIMMY !!September 11, 2008 at 11:33 AM

    الأميرة سارة

    أهلا بيكي ..

    هو أنا معاكي إنه شجاععلشان واجه نفسه بالحقيقية ..

    بس مش شايفه إنه ممكن يكون أشجع أكتر لو تحمل المسؤولية اللي هي أكبر منه في سبيل صلاح المجموعة كلها ؟؟

    و شكرا جزيلا على مرورك :)

    ReplyDelete
  6. TIMMY !!September 11, 2008 at 11:34 AM

    حسن ..

    هو أنا بصراحة مش عارف أقول لك ايه ؟؟؟

    الناس تعبر عن خوفها أحسن و لا تكتمه و تتجاهله احسن علشان مصلحة الجميع ...

    متهيأ لي حسب الموقف ..

    الله أعلم

    ReplyDelete

دلوقتي تقدر تعلق بأكثر من طريقة :
كـ(غير معرف) بدون ما يكون لك حساب خالص
أو بحسابك على الفيس بوك
أو بحسابك على بلوجر
بس عبرني و علق :) ـ

Subscribe to: Post Comments (Atom)

حقوق النشر للجميع


ـ
و لا تنسوا كاتب الموضوع من دعوة صالحة بظهر الغيب
أن يُصلح الله له شأنه كله و يُدخله الجنة و يُجِرْه من النار و جميع المسلمين و المسلمات ..

>> حقوق النشر للجميع <<
لو رأيت أنه يستحق النشر
بشرط عدم التحريف أو التغيير
و يا حبذا لو تذكر رابط المدونة

tazbee6.blogspot.com


أو تذكر أن الموضوع

" منقول من مدونة تظبيط "

ـ