زي ما فيه حاجات صح و حاجات غلط

فيه حاجات غلط ممكن تبقى صح

بس عاوزة شوية

تــظــبـــيــط

ــــــــــــــــــــــــــــ

قبل أن تقرأ المدونة

-- حقٌ على أصحاب الكؤوس أن يتناصحوا --

لا يُعــذَر المسلم في تخليه عن الدعوة إلى الله والأمر بالمعروف والنهي عن المنكر حتـى وان كان مُقصراً في نفسه في بعض الأمور ,

بـل إن الإنسان عليه أن ينهى عن المنكر حتى وان كان هــو واقـع فيــه

فوقوعه في المنكر ذنب وعدم إنكاره على الآخرين ذنب آخر يُسأل عنه,
ولا شك ان على من ينصح أن يسعى جاهداً لتغيير ما بنفسه ليكون قدوةً ومثالاً يُحتذى به.

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

11 October, 2008

الصحابة مظلومين يا رجااااالة !!؟؟




السلام عليكم
معلش .. ممكن آخدكم معايا في مشوار صغير كده ؟؟
هنركب آلة الزمن و نرجع ورا شوية .. لثانية إعدادي ..
يالا يا حضرات (ساعوا بعض كده) .. و الكرسي اللي ورا بياخد أربعات يا (أفندية) ..
هاه .. وصلنا خلاص لأولى إعدادي .. دور بقى على شنطة المدرسة , شوف انت راميها في أنهي حتة .. و خش على كتاب الدراسات .. في الجزء بتاع التاريخ ..
و كان سنتها التاريخ عن التاريخ الإسلامي ..



هتلاقي في زمن علي رضي الله عنه الكتاب بيتكلم عن الفتنة بين الصحابة و قضية التحكيم .. بين أبو موسى الأشعري –من طرف علي بن أبي طالب - , و عمرو بن العاص –من طرف معاوية –
هتلاقي الرواية قريبة جدا من دي :

فقال ابوموسى : أرى أن نخلع هذين الرجلين ونجعل هذا الأمر شورى بين المسلمين فيختارون لأنفسهم من أحبوا ،
فقال عمرو : الرأي ما رأيت !
فأقبلا على الناس وهم مجتمعون ،
فقال له عمرو : يا ابا موسى أعلمهم بان رأينا قد اجتمع ،
فتكلم أبوموسى فقال : ان رأينا قد اتفق على أمر نرجو أن يصلح به أمر هذه الأمة ،
فقال عمرو صدق وبر ونعم الناظر للاسلام واهله ، فتكلم يا أباموسى !
فأتاه ابن عباس فخلا به فقال : أنت في خدعة ألم أقل لك لا تبدأه وتعقّبه فإني أخشى أن يكون أعطاك أمرا خاليا ثم ينزعنه على ملأ من لناس واجتماعهم .
فقال الأشعري : لا تخش ذلك قد اجتمعنا واصطلحنا ،
فقام أبوموسى فحمد الله وأثنى عيه ثم قال : أيها الناس قد نظرنا في أمر هذه الأمة فلم نر شيئا هو أصلح لأمرها ولا ألمّ لشعثها من ان تبتزّ امورها ولا نعصبها حتى يكون ذلك عن رضى منها وتشاور ، وقد اجتمعت أنا وصاحبي على أمر واحد ، على خلع عليّ ومعاوية وتستقبل هذه الأمة هذا الأمر فيكون شورى بينهم يولون منهم من أحبوا عليهم ، وأني قد خلعت عليا ومعاوية فولوا أمركم من رأيتم !
ثم تنحّى . فأقبل عمرو بن العاص فحمد الله وأثنى عليه ثم قال : ان هذا قد قال ما قد سمعتم وخلع صاحبه وأن أخلع صاحبه كما خلعه وأُثبت صاحبي معاوية فإنه وليّ ابن عفان والطالب بدمه وأحق الناس بمقامه .

الرواية في كتاب الدراسات لحد هنا ........ و التكملة دي ما جابوهاش .. بصراحة .. يُشكروا !!

فقال سعبد بن أبي وقاص : ويحك يا أباموسى ما أضعفك عن عمرو ومكائده !
فقال ابوموسى : فما أصنع ؟ جامعني على امر ثم نزع عنه ،
فقال ابن عباس : لا ذنب لك يا اباموسى الذنب لغيرك . للذي قدّمك في هذا المقام !
فقال ابوموسى رحمك الله غدرني فما أصنع ؟
وقال ابوموسى لعمرو : إنما مثلك كالكلب أن تحمل عليه يلهث أو تتركه يلهث ،
فقال له عمرو : إنما مثلك مثل الحمار يحمل اسفارا .
فقال ابن عمر : الى مَ صيرت هذه الأمة ؟ الى رجل لا يبالي ما صنع وآخر ضعيف .
وقال عبدالرحمن بن أبي بكر : لو مات الأشعري من قبل هذا كان خيرا له (1) .

لا حول و لا قوة إلا بالله .. الواحد فاكر أيام زمان لما قرأ القصة دي .. صار في صدره شيء من عمرو بن العاص أولا .. بإنه شرير و مخادع و ... و حاشاه ذلك ..
ومن أبي موسى من إنه طيب ويعني مش بيعرف يتعامل مع الناس و كده ..
و بصراحة لم أستطع حينها أن أُخرج ما في صدري تجاههما .. بس الواحد كان بيقول دول صحابة و الواحد المفروض يحبهم و " أمره لله " !!!

بس الحمد لله .. بعدها بكام سنة .. و تقريبا في 3 ثانوي أو اعدادي جامعة ..

سمعت شريط للشيخ أبو إسحاق الحويني بيتكلم فيه عن الصحابة .. و الدفاع عنهم –بصراحة مش فاكر اسمه- ,
و قال إن الرواية اللي فاتت دي رواية (موضوعة) يعني مكذوبة و لا تصح إسنادا و لا متنا ,


و إن الرواية الصحيحة هي رواية تنقض تلك الروايات تمامًا،
وذلك فيما أخرجه البخاري في تاريخه مختصرًا بسند رجاله ثقات،وأخرجه ابن عساكر معلولاً،


عن الحصين بن المنذر أن معاوية أرسله إلى عمرو بن العاص فقال له: إنه بلغني عن عمرو بعض ما أكره فأته فاسأله عن الأمر الذي اجتمع عمرو وأبو موسى فيه كيف صنعتما فيه؟

قال: قد قال الناس وقالوا، ولا والله ما كان ما قالوا، ولكن لما اجتمعت أنا وأبو موسى قلت له: ما ترى في هذا الأمر؟

قال: أرى أنه من النفر الذين توفى رسول الله - صلى الله عليه وسلم - وهو عنهم راض قال: فقلت: أين تجعلني من هذا الأمر أنا ومعاوية؟

قال: إن يُستعن بكما ففيكما معونة، وإن يُستغن عنكما فطالما استغنى أمر الله عنكما

[ التاريخ الكبير (5/398) ]

وقد روى أبو موسى عن تورع عمرو ومحاسبته لنفسه، وتذكره سيرة أبي بكر وعمر، وخوفه من الأحداث بعدهما، قال أبو موسى: قال لي عمرو بن العاص: والله لئن كان أبو بكر وعمر تركا هذا المال وهو يحل لهما، لقد غُبنا وأخطآ أو نقص رأيهما، ووالله ما كانا مغبونين ولا مخطئين ولا ناقصي الرأي، ووالله ما جاءنا الوهم والضعف إلا من قِبَلِنا

[ العواصم من القواصم، ص (178-180).]

ما تتصوروش كمية الراحة النفسية اللي حسيتها بجد و كمية الانشراح الصدري لما سمعت هذه الرواية .. و إن الصحابة رضي الله عنهم أجمعين عمرهم ما يعملوا حاجة من الخيانة و لا الكذب أو السذاجة و الضعف و لا أي حاجة من الحاجات دي .. لأنها لا تليق بهم أصلا ..
فهم أطهر أرض الأهل قلوبا .. فإن فعلوا ذلك فما بالك بمن دونهم ؟؟


يقول ابن مسعود رضي الله عنه :
" إن الله نظر في قلوب العباد ، فوجد قلب محمد صلى الله عليه وسلم خير قلوب العباد ، فاصطفاه لنفسه ، فابتعثه برسالته ، ثم نظر في قلوب العباد بعد قلب محمد ، فوجد قلوب أصحابه خير قلوب العباد ، فجعلهم وزراء نبيه ، يقاتلون على دينه ، فما رأى المسلمون حسنا فهو عند الله حسن ، وما رأوا سيئا فهو عند الله سيئ " انتهى
رواه أحمد في "المسند" (1/379) وقال المحققون : إسناده حسن .

و ما رواه أحمد وغيره عن ابن مسعود أنه قال : من كان متأسياً فليتأس بأصحاب رسول الله صلى الله عليه وسلم فإنهم كانوا أبر هذه الأمة قلوبا ، وأعمقها علماً وأقلها تكلفاً ، وأقومها هدياً ، وأحسنها حالاً ، قوم اختارهم الله لصحبه نبيه ، وإقامه دينه فاعرفوا لهم فضلهم ، واتبعوا آثارهم ، فإنهم كانوا على الهدى المستقيم.

فكيف يُتَّهَم أبو موسى الأشعري رضي الله عنه بالتغفيل ؟؟

وقد أرسله رسول الله صلى الله عليه وسلم إلى زبيد وعدن،

واستعمله عمر رضي الله عنه على البصرة حتى قتل،

ثم استعمله عثمان على البصرة،

ثم على الكوفة وبقي والياً عليها إلى أن قتل عثمان،
فأقره علي رضي الله عنه،

فهل يتصور أن يثق رسول الله صلى الله عليه وسلم ثم خلفاؤه من بعده برجل يمكن أن تجوز عليه مثل الخدعة التى ترويها قصة التحكيم [2] ؟ سبحانك هذا بهتان عظيم.

قال الحافظ ابن حجر رحمه الله معلقا على حديث البخاري في بعث النبي صلى الله عليه وسلم أبي موسى الأشعري ومعاذ بن جبل إلى اليمن، قال: واستدل به على أن أبا موسى كان عالماً فطناً حاذقاً، ولولا ذلك لم يوله النبي صلى الله عليه وسلم الإمارة، ولو كان فوض الحكم لغيره لم يحتج إلى توصيته بما وصاه به، ولذلك اعتمد عليه عمر ثم عثمان ثم علي، وأما الخوارج والرافض فطعنوا فيه، ونسبوه إلى الغفلة، لما صدر منه في التحكيم بصفين [3].

وكيف يسوغ أن يتهم الفقيه القاضي، والعالم المتجر بمثل هذا؟
بل ويقطع الفاروق عمر رضي الله عنه بكياسة أبي موسى فيقول :
( ألا إنه كَيّس، ولا تُسمعها إياه ).


و أما عمرو بن العاص فحسبنا قول رسول الله صلى الله عليه و سلم فيه (( أسلم الناس ، و آمن عمرو )) ،
و كان ممن قادوا جيوش محاربة الردة في عهد الصديق ،
ثم أكثر الله على يديه الفتوحات في عهد الفاروق
.
.
.

و السؤال اللولبي اللي واجع دماغي و شاغل بالي .. هو إزاي ( كتاب الوزارة ) بحاله فيه روايات باطلة و مكذوبة زي دي ؟؟ تخلي الواحد ياخد فكرة غلط عن الصحابة ؟؟

أصل هو فيه احتمال من الاحتمالين :

1- إما القائمين على الكتب دي "رؤوس كرمب" أو "أقفاص جوافة" مش عارفين الصح من الغلط .... و دول مكانهم ما يبقاش في مكان حساس زي ده ..

2- القائمين يكونوا عارفين إن فيه روايات و حاجات باطلة في الكتب و سايبينها و هم عارفين .. و دول شر حالٍ من الأولانيين ..

فكما يقول الشاعر :

فإن كنت لا تدري فتلك مصيبةٌ *** و إن كنت تدري فالمصيبة أعظم !!!

وتأمل مقولة الإمام مالكرحمه الله في هدف الذين يقدحون في أصحاب رسول الله صلى الله عليه وسلم،
يقول: إنما هؤلاء أقوام أرادوا القدح في النبي صلى الله عليه وسلم فلم يمكنهم ذلك،
فقدحوا في أصحابه، حتى يقال: رجل سوء ولو كان رجلاً صالحاً لكان أصحابه صالحين[1].


و للاستزادة في موضوع الفتنة بين الصحابة رضي الله عنهم فدي بعض الروابط المفيدة التي أفادتني في إعداد الموضوع :

دي محاضرة مكتوبة و مسموعة للشيخ محمد حسان (للاستماع اضغط على رمز "مكبر الصوت" بجانب اسم المحاضرة )


أبو موسى الأشعري رضي الله عنه وقصة التحكيم - سليمان بن حمد العودة


كتاب
العواصم من القواصم في تحقيق مواقف الصحابة بعد وفاة النبي - صلى الله عليه وسلم - لابن العربي – و ليس "ابن عربي", فالمعرفة معرفة و النكرة نكرة !! -


( الفتن التي ظهرت في خلافة علي) جزء من محاضرة: (
شرح أصول اعتقاد أهل السنة والجماعة - فضائل علي بن أبي طالب ) للشيخ: ( محمد حسن عبد الغفار )


حقائق حول معركة الجمل


و اللي مش عاوز يوجع دماغة بالقراءة هنا و هناك ..

فليعلم أن معتقد أهل السنة والجماعة الإمساك عما جرى بين أصحاب النبي صلى الله عليه وسلم،
والترضي عنهم جميعاً، واعتقاد أنهم مجتهدون في طلب الحق، للمصيب منهم أجران، وللمخطئ أجر واحد.

و كما صاحب نونية القحطاني :
دع ما جرى بين الصحابة في الوغى *** بسيوفهم يوم التقى الجمعان
فقتيلهم منهم وقاتلهم لهـم *** وكلاهمـا فـي الحشـر مرحومـان
والله يوم الحشر ينزع كل ما *** تحوي صدورهـم مـن الأضغـان

و أحسن ما قيل في تلك الفتنة :

قول عمر بن عبد العزيز : تلك دماء طهر الله أيدينا منها فلا نخضب ألسنتنا بالخوض فيها

و قول
أحد التابعين الفقهاء لما سئل عنها : (( تلك أمة قد خلت لها ما كسبت و لكم ما كسبتم و لا تسئلون عما كانوا يعملون ))


و جزاكم الله خيرا على المرور ..
و أعتذر لو كنت أطلت لكن الموضوع مهم جدا .. و أرجو أن أكون قد استطعت أن أوفيه بعض حقه ..
و لا تنسونا من الدعاء .. بجد الدعاء لأني اليومين دول محتاجه جدا .. ادعولي إن ربنا يوفقني لما يحب و يرضى و أن يعطني من الخير عاجله و آجله ما علمت منه و ما لم أعلم و أن يعيذني من الشر كله عاجله و آجله ما علمت منه و ما لم أعلم و أن يجعل أمري لي كله خير ... آمين و لجميع المسلمين و المسلمات


.......


و لا تنسوا كاتب الموضوع الأصلي من دعوة صالحة إن ربنا يتوب علينا و يهدينا و يوفقنا لما يحب و يرضى ..

و طبعا >> حقوق النشر للجميع <<

لو رأيت إنه يستحق النشر

و ياريت تذكر رابط المدونة :

6azbeet.blogspot.com


أو على الأقل تذكر إنه منقول

......................


تحيتي

.....

43 comments:

  1. بارك الله لك

    تعرف انا سمعت القصة دي في المرحلة دي بوضو بس انا ساعتها قلت حاجة من اتنين
    ياما دا كذب ياما الكلام دا اكيد وراه حكمة وانا مش قدها وسكت عن الموضوع دا خالص ..
    الحمد لله مدخلش الشك في قلبي لاني عارف ان التاريخ دا تصدى له كذابين كتير ,,

    بارك الله فيك و سدد خطاك واعانك على الخير :)

    طمني عليك ياهندز وعلى اخبارك
    وحشتني اخبارك جدا :)

    سلام ,,,

    ReplyDelete
  2. والله يا زميل دا عيب المناهج في مصر


    احنا شعب غريب اساسا


    منورك انا عارف :P

    ReplyDelete
  3. اه نسيت

    بيعجبني اوي اسلوب طرحك للبوست ... حاجه عاليه بصراحه
    :*

    ReplyDelete
  4. تيفا

    أهلا بيك يا هندز

    الحمد لله إنك نت بتفهم .. مش زيي :(

    جزاك الله خيرا ...

    و انت الي طمنا عليك و بطل تختفي كده :)

    ReplyDelete
  5. ديكستر ...

    أنا مش عارف و الله يا ديكستر إذا كان العيب ده مقصود و لا لأ ؟؟

    ربنا يهديهم و يهدينا ..

    و شكرا جزيلا على "الكومبليمون" :) اللطيف ده ..

    فين الوردة كمان :)

    تحيتي ..

    ReplyDelete
  6. اخيرا والله كنت مستنيك تنزل بوست من زمان ايه كل ده غياب
    يارب مش تغيب كده تاني
    :)
    جزاكم الله خيرا
    وليك تاج عندي
    :d

    ReplyDelete
  7. السلام عليكم ورحمه الله وبركاته

    0--------------------------

    اذيك ياتيمى انا بصراحه قعدت افكر كتير امتى اخدنا القصه دى ورجعت معاك بس مقدرتش افتكرها خالص

    من الاخر بئه انا مش فاكره ولا حرف من المناهج اللى كنت باخدها أصلا

    واكيد طبعا ده احسنلى كتير جدا

    ويعنى انا عارفين من زمان انه التعليم عندنا فاشل وميح من زمان فمفرقتش بئه اننا نقول كمان انهم مبيعرفوش فى الدين

    ربنا يبارك فى الازهر اهه الى حد ما شغال كويس لحد الوقتى

    يارب بس ميتعديش هو كمان ويعمه الجهل ووباء الغباء بتاع التعليم العام

    ربنا يعينك ويوفقك لما يحب و يرضى
    وأن يعطيك من الخير عاجله و آجله ما علمت منه و ما لم تعلم و أن يعيذك من الشر كله عاجله و آجله ما علمت منه و ما لم تعلم و أن يجعل أمرك كله خير ...................

    آمين و لجميع المسلمين و المسلمات
    -----------------------

    ReplyDelete
  8. اذيك وكيفك واخبارك
    طبعا انت خلاص رميت طوبتي
    صح
    عموما انا ريحتكم مني
    وقلت ابعد عشان ارتاحلي حبة من جو النت
    عموما انا لاقيه روحي مرتاحة جدا
    بس قلت اطل بردو
    واسال
    واتابع موضوعاتك برغم اني مش بزور مدونات خالص حاليا عشان مليش مزاج
    عموما الموضوع ده انا كنت فعلا سمعت عنه
    لكن بجد انا مش فهمه
    كنت منتظرة انك تفصصه او تشرحه باسلوبك البسيط العامي
    يعني محتاج توضيح
    لاني فعلا بتوه فيه
    وجزاكم الله خير

    ReplyDelete
  9. أخي الغالي

    سلام الله عليك ورحمته وبركاته

    أحسنت وجزاك الله خيرا

    فصورة الصحابي الجليل عمرو بن العاص مشوهة أو بمعنى أدق شوهت عمدا في أذهان الناس من أناس ملأوا قلوبهم بمداد عفن وراحوا يطعنون في أصحاب النبي صلى الله عليه وسلم

    وللأسف الحادثة دي مشهورة مع انها باطلة .. والصحيح ما ذكرت أن اصحاب النبي صلى الله عليه وسلم أطهر الخلق قلبا وقالبا

    هناك مسلسل جاء من فترة عن سيدنا عمرو بن العاص وأخرج الشيخ محمد حسان رد عليه ياريت تبقوا تسمعوا المحاضرة دي

    http://www.islamway.com/?iw_s=Lesson&iw_a=view&lesson_id=27086

    ReplyDelete
  10. السلام عليكم

    ازيك يا تيمى

    اولا انا عايزه اعبر عن اعجابى الشدييييييد بمدونتك وبمواضيعك

    مش هقول غير ربنا يباركلك

    وجزاك الله عنا كل خير

    وطبعا الصحابه عمرهم ما كانوا غدارين ولا خاينين ولا كلام من ده

    كفايه ان الرسول صلى الله عليه وسلم شهد على زمنهم بخير الزمان عندما قال خير القرون قرنى ثم الذين يلونهم والذين يلونهم

    وبعدين ما انت عارف بئه كتب الوزاره حسبى الله ونعم الوكيل

    وعلى فكره كمان

    المفروض حتى الخلافات اللى كانت بين الصحابه احنا ما نتكلمش فيها ابدا ونسكت عن الحديث عنها

    مع تحياتى

    ReplyDelete
  11. حسن حنفي :

    أهلا و سهلا بيك يا حسن ..

    ليك وحشة يا راجل ..
    معلش .. الواحد ملان قوي ..

    جزانا و إياكم .. و إن شاء الله التاج هحله في أقرب وقت مناسب ..

    ReplyDelete
  12. لؤلؤة الرحمن ..

    معلش .. هو حصل خطأ صغير :)

    القصة كانت في تانية اعدادي مش أولى اعدادي ..

    أولى كانت تاريخ فرعوني ..

    تانية هي اللي كانت إسلامي :)

    و الحمد لله إنك مش فاكرة حاجة ..

    أحسن لك علشان دماغك ما يضربش :)

    و شكرا جزيلا على الدعاء ..
    ربنا يستجيب ..

    ReplyDelete
  13. مها زين ..

    الحمد لله .. انتوا اللي ازيكم ..

    بقى أنا برضه أرمي طوبة حد ؟؟

    لو أخدتي بالك هتلاقيني بعدت زيك بالضبط .

    و ما دخلتش المدونة من بعد العيد ..

    و البوست اللي فات ما ردتش في غير رد واحد ..

    يعني الحال من بعضه :( الواحد حاسس بملل رهيييييييب من أول يوم في العيد ..

    ربنا يهدي !!

    عموما ألف شكر على مرورك اللي دايما منورنا -دي محاملة , ما تاخديش في بالك :) - ..

    و بالنسبة للموضوع فأنا زي ما قلت أنا مش عالم .. أنا ناقل ..

    يعني انا قرأت في الموضوع ده و فهمته و رحت كاتبه ..

    و إن شاء الله هقرأ في الموضوع بحالة من أول حدوث الفتنة و مقتل سيدنا عثمان حتى استتباب الأمر لسيدنا معاوية ..

    و إن شاء الله أول ما أخلص قراءة فيه و أكتبه ... هحطه على طول ..

    جزانا و إياكم ...

    ReplyDelete
  14. عالم حبيب ..

    و عليكم السلام و رحمة الله و بركاته ..

    جزانا و إياكم ..

    فعلا أخي هي صورة الصحابة صارت مشوهة بفعل "اللوبي الشيعي" الذي انتشر في كل مكان ..

    بقى في الصحافة و الإعلام و انتشر بشدة ..
    جزاك الله خيرا على الإضافة ..

    و شكرا جزيلا على الرابط ..

    تحيتي

    ReplyDelete
  15. ريمان ..

    و عليكم السلام و رحمة الله و بركاته ..

    جزانا و إياكم ..

    معاكي حق .

    لكن للأسف .. فيه بعض الخاقدين من الشيعة خصوصا ..

    بيرمي كل الأحاديث في فضل الصحافة خلف ظهره ..

    و يدفعه حقده إنه يكذب و يألف روايات زي دي , يطعن بيها في الصحابة ..

    و أنا معاكي الواحد المفروض ما يتكلمش في الحاجات دي ..

    بس الواحد بينبه عليها من باب إن الشبهه دي أُثيرت اليومين دول ..

    علشان كده نحاول ان نُضادها ..

    لكن الأصل كما قلتي .. هو السكوت .. فكلاهما في الحشر مرحومان ..

    جزاكِ الله خيرا على الإضافة ..

    تحيتي

    ReplyDelete
  16. والله يا تيمى يارتها بيتجى علىقد كدة دا فى المراحل الثانيوة اخطاء تاريخية فادحة ما يقع فيها طالب ابتدائى والاسم ان الى حاطط المناهج خبراء اموت واعرف خبراء فى اية بالظبط ؟؟؟

    للاسف التعليم عندنا فى مصر محتاج نوع من النقع فى كلور وبوتاس علشان نشيل كمية الحاجات المتخلفة والغير صالحة

    ونجيب ناس خبراء فعلا فى التاريخ وخبراء فى موادها مش اى واحد يحط اى منهج والسلام

    ReplyDelete
  17. جيهان ..

    أهلا و سهلا بيكي ..

    بصراحة أنا مش مصدق إن الغلطات دي غلطات بجد .. حاجة ما تدخلش العقل .. خاصة و إنها من زماااااااان قوي ..

    مش عارف ليه إنها غلطات "مقصودة" نتيجة لتزايد النفوذ الشيعي في الإعلام بتاعنا ..

    يعني اللي يطلع يشتم في أبو هريرة مجة طويلة و الجريدة بتاعته ما تتقفلش ..

    و اللي يطلع عمر بن العاص في التمثيلية بتاعته "راجل مش كويس" -بلاش نفصل- و المسلسل يتوافق عليه يتعرض ..

    و من قبله لما يطلعوا هارون الرشيد راجل بكرش و مالوش غير في الغناء و الأكل و الجواري !!

    كل ده أكيد كش عن طريق الخطأ ..

    !!!

    ReplyDelete
  18. بجد طريقك تشد اووووى

    اكيد مهى هندزة بقا

    هههههههههههههه

    اه على فكرة اعرف
    روكو

    البت تبقا قاعده مش بتعرف ترسم
    وتلاقى الاقلام رسمت لوحدها

    ههههههههههه

    عثل

    هو انت بتتفرج على سبيستون

    اه بقا منتا فضيت ودخلت الكلية وطلعت

    باشا بقا

    هههههههههههههه

    =;

    يلا سلاموز

    ReplyDelete
  19. المبرمج المحترف ..

    يا أهلا و سهلا يا راجل ..

    و شكرا جزيلا على كلامك الحلو .

    أية يا سيدي دخلنا و خرجنا .. و داخلين الجيش لا قدر الله ..

    ادعلينا ناخد إعفاء أو تأجيل .. و انت قاعد تكتب بروكو كده :)

    تحيتي

    ReplyDelete
  20. لا لا لا هما مبيكتبوش حجات غلط ولا حاجة هما بيختبرو معلومات الطالب يشفو هو عارف الصح والا الاء ثم دول دلوقتى نزلو فرنساوى على اولى ابتدائى عايز تقدم اكتر من كدى اية

    ReplyDelete
  21. همس الحنين .

    ههههههههه
    بجد اول مرة يخطر على بالي الخيار ده ..

    تلاقيهم عاوزين يشوفوا الطلبة بيطلعوا خارج كتب الوزارة و بيروحوا المكتبة و لا لأ :) ..

    ربنا يكون في عون الأجيال الجاية ..

    حالتهم هتبقى صعبة خالص !!

    شكرا جزيلا لمرورك الكريم ..

    تحيتي ..

    ReplyDelete
  22. السلام عليكم تيمي
    أحلى حاجة أني كل ما أدخل مدونتك ألاقي كلام مختلف-تغيير في المواضيع :) ربنا يكرمك بجد

    موضوع جدير بالعرض
    وربنا يرحمنا من مناهج التضليل الفاشلة دي

    تحياتي

    ReplyDelete
  23. ست البنات ..

    و عليكم السلام و رحمة الله و بركاته ..

    شكرا جزيلا على المرور ..

    و الحمد لله إن المدونة مش مملة ..

    و يارب نقدم حاجات مفيدة .. و ننتفع باللي بنقدمه و نعمل به ..

    جزاكِ الله خيرا

    ReplyDelete
  24. اسفة جدا على التاخير

    بسس والله الكمبيوتر عندى كان بايظ

    جزاك الله خيرا على الموضع الجميل

    كما تعودنا من حضرتك والله

    ReplyDelete
  25. السلام عليكم
    ورحمة الله تعالى وبركاته
    موضوع التحكيم وما جرى فيه
    سيظل ابد الدهر فيما اعتقد
    مثار خلاف وجدال لا طائل منه!
    معلومات كثيرة او روُىء الحقيقة
    اول مرةاقرها هنا فى هذا الصدد
    جزاك الله عنا خير أن اعلمتنا بها .
    وكما قال واعلمتنا انت عمر ابن عبد
    العزيز(تلك دماء طهر الله أيدينا منها فلا نخضب ألسنتنا بالخوض فيها)
    لك تحياتى ودعواتى ليس وحدك ولكن لجميع المسلمين بالخير والفلاح والنجاح.

    ReplyDelete
  26. اختكم في الله

    اهلا بيكي ..

    و ما فيش تأخير و لا حاجة ..

    سلامة الكمبيوتر بتاعك :)

    و ألف شكر على المرور ..

    تحيتي ..

    ReplyDelete
  27. دكتورة نورة ..

    أهلا و سهلا بيكي ..

    شكرا جزيلا على المرور ..

    هو فعلا الأصل التوقف عما شجر بين الصحابة ..

    فكلهم مجتهد .. و المصيب منهم له أجران و المخطيء له أجر ..

    لكن أحيانا الواحد لازم يتكلم عن موضوع معين لما يلاقي ناس تانية بتتكلم فيه بطريقة غلط علشان يوضح .. و لا يكون هو الذي فتح الموضوع ابتداءا ...

    جزاكم الله خيرا ..

    ReplyDelete
  28. ولد الديرة ..
    اهلا و سهلا بيك ..

    نورت المدونة ..

    :)

    ReplyDelete
  29. تصدق انا ناسسية المرحلة دي باستيكة
    ولا فاكرة اننا اخدنا كدا في الاعدادي وف الدراسات
    وبعدين هيصلحوها لية
    مش دي درسات
    ولا دين

    ياعم مش فارقة
    دة التاريخ باسلوبة زي ماهو متغيريش علي مر السنين

    عايزهم يغيرو المنهج اكيد بتهزر
    مش لما يغيرو المسئولين والرؤساء
    واصحاب العقول
    الجميلة اللي بتدير امور البلاد

    سلام

    ReplyDelete
  30. my hopes

    أهلا و سهلا بيكي ..

    بصراحة الواحد برضه مش بيفتكر كل حاجة ..

    لكن ساعات حاجات بتعلق معاه من زمان ..

    بانسبة للتغيير فده لازم

    أيوه هم مش هيغيروا حاجة زي ماقلتي ..

    لكن ده "" ديــــــن "" يعني أهم من كل حاجة ..

    و لو هم مش هيغيروا .. يبقى احنا لازم نعرف الصح و نقول عليه لأولادنا

    علشان العقيدة في الصحابة تفضل سليمة و نقية ..

    شكرا جزيلا على المرور

    تحيتي

    ReplyDelete
  31. أخى وحبيبى فى الله
    جزاك الله خيرا على هذا التوضيح ليعلم الجميع حقيقتهم
    وليعلموا أن النصر مع الحق وليس عدو عدوى صديقى
    اللهم استخدمنا فى تلك النصرة
    تحياتى ودمت بكل الود

    ReplyDelete
  32. محمد غاليا

    جزاك الله خيرا أخي الكريم ..

    و أحبك الذي أحببتني فيه

    معك حق .. فأحيانا يكون عدو عدوي عدوي أيضا ..

    جزاك الله خيرا أخي

    تحيتي

    ReplyDelete
  33. ما شاء الله ما شاء الله ما شاء الله ..
    ربنا يبارك فيك يا تيمي و يعينك على كل خير ..

    و يخفف عليك الديش يا ولد العم :)
    و يجعله عليك سعد و هنا D:

    زماااااااااان كنا نشتم الخبيث نقوله : ( يا رفضي يا ابن الرفضي ) يعني يا شيعي يا ابن الشيعة ؛ شتيمه واخد بالك !!..

    و لحد دلوقتي بنقول على ( المجنون ) أو ( الخربان ) : ( الواد ده دماغه شيَّعت ) ..

    الله يرحم جدودنا

    ReplyDelete
  34. ما شاء الله عليك يا باشمهندس تيمي

    بجد بوست تحفه

    وضح ليا حاجات كتيرة أوي

    ربنا يباركلك ويجزيك عنا كل خير

    ReplyDelete
  35. انا عايزه اقول بارك الله فيك وجزاك خيرا

    والصراحه

    ReplyDelete
  36. أبو سهيل ...


    سمو الأمير ..

    غير معرف ...

    شكرا جزيلا لكم على المرور ..

    و أعتذر عن عدم الرد مفردا على كل تعليق على حده ..

    جزاكم الله خيرا ..

    و لا تنسوا الدعاااااااااء

    ReplyDelete
  37. ما شاء الله
    موضوع هام جدا وفعلا أنا لسه فاكر الجزئية دي من كتاب الدراسات بتاع تانية إعدادي

    والمصيبة إن المدرسين الغلابة اللي مش عارفين حاجة ساعتها كانوا مفهميننا فعلا إن عمرو بن العاص ده ماكر مخادع، ومعاوية بن أبي سفيان ده سبب المشاكل كلها وكان بيتصارع على الخلافة وخلاص
    سبحان الله، رضي الله عنهما

    طبعا كل الكلام ده كلام فارغ
    وأدعوك إلى المرور على الموضوع ده عن الخلاف بين الصحابة، لعله يفيد
    http://osamasherif.blogspot.com/2008/07/blog-post_02.html

    ReplyDelete
  38. أبو خالد ..
    شكرا جزيلا لمرورك ..

    فعلا للأسف القصة و القصص الواهية أمثالها منتشرة جدا ..

    ربنا يهدي الجميع ..

    و شكرا جزيلا على الرابط ..

    تحيتي

    ReplyDelete
  39. السلام عليكم ,,,
    ازيك يا تيمي .. اول مره اخش مدونه و اعلق فيها ... عجبتني البوست دي بجد
    و اكتر حاجه فعلا عجبتني هي ..

    قول عمر بن عبد العزيز : تلك دماء طهر الله أيدينا منها فلا نخضب ألسنتنا بالخوض فيها

    و قول أحد التابعين الفقهاء لما سئل عنها : (( تلك أمة قد خلت لها ما كسبت و لكم ما كسبتم و لا تسئلون عما كانوا يعملون ))

    و ليس هناك ما يقال بعد ما قيل ...

    و السلام عليكم

    ReplyDelete
  40. ammahm

    و عليكم السلام و رحمة الله ,

    و جزاكم الله خيرا أخي الكريم على المرور,

    فعلا , : لك دماء طهر الله أيدينا منها فلا نخضب ألسنتنا بالخوض فيها

    ربنا يهدينا

    ReplyDelete
  41. الموضوع من 4 سنين .. ياااه .. الواحد حاسس إن 2008 دى لسه يعنى أول إمبارح ..

    مش فاكرة إن كان فى مادة دراسات فى أولى إعدادى :):)

    الحمد لله
    دلوقتى إن شاء الله البلد فى حالة تحسن
    يا رب يولى علينا من يرفق بنا

    أحلى حاجة فى المدونة بتاعتك غير إن المواضيع رائعة
    وأسلوبك رائع

    إن الواحد بيبقى مطمن وهو بيقرأ .. مش خايف بقى تكون فى أفكار مش على عقيدة ومنهج أهل السنة والجماعة

    ربنا يكرمك

    اللهم أنت ولينا فى الدنيا والءاخرة توفنا مسلمين وألحقنا بالصالحين

    اللهم أحينا على الإسلام والسنة وأمتنا على الإسلام والسنة

    ReplyDelete
    Replies
    1. هو اللي مفكرني بالتاريخ فقط
      إن أولى كانت الفرعوني
      و تانية الإسلامي
      و تالتة الحديث

      جزاكم الله خيرا
      نسأل الله أن ينفعنا و ينفع بنا
      نرجو من الله أن يوفقنا لما يحب و يرضى

      اللهم أحينا على الإسلام والسنة وأمتنا على الإسلام والسنة
      آآآآآآآآآآآآمين

      Delete

دلوقتي تقدر تعلق بأكثر من طريقة :
كـ(غير معرف) بدون ما يكون لك حساب خالص
أو بحسابك على الفيس بوك
أو بحسابك على بلوجر
بس عبرني و علق :) ـ

حقوق النشر للجميع


ـ
و لا تنسوا
كاتب الموضوع من دعوة صالحة بظهر الغيب

أن يُصلح الله له شأنه كله و يُدخله الجنة و يُجِرْه من النار و جميع المسلمين و المسلمات ..

>> حقوق النشر للجميع <<
لو رأيت أنه يستحق النشر
بشرط عدم التحريف أو التغيير
و يا حبذا لو تذكر رابط المدونة

tazbee6.blogspot.com


أو تذكر أن الموضوع

" منقول من مدونة تظبيط "

ـ