زي ما فيه حاجات صح و حاجات غلط

فيه حاجات غلط ممكن تبقى صح

بس عاوزة شوية

تــظــبـــيــط

ــــــــــــــــــــــــــــ

قبل أن تقرأ المدونة

-- حقٌ على أصحاب الكؤوس أن يتناصحوا --

لا يُعــذَر المسلم في تخليه عن الدعوة إلى الله والأمر بالمعروف والنهي عن المنكر حتـى وان كان مُقصراً في نفسه في بعض الأمور ,

بـل إن الإنسان عليه أن ينهى عن المنكر حتى وان كان هــو واقـع فيــه

فوقوعه في المنكر ذنب وعدم إنكاره على الآخرين ذنب آخر يُسأل عنه,
ولا شك ان على من ينصح أن يسعى جاهداً لتغيير ما بنفسه ليكون قدوةً ومثالاً يُحتذى به.

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

31 July, 2008

احم احم ... أنا نجحت !!! أو بعنى آخر ... اتخرجت



بسم الله الرحمن الرحيم ...


بصوا بقى ....
النهاردة لا فيه تظبيط و لا دياولوا ...

لأني و الحمد لله في قمة التظبيط ..

و ده لأني .........
.
.
.
.




ننننننننننننننججججججججججججججججججححححححححححححتتتتتتتتتتتتتتتتتتتتتتتتتتت

و خلصت تعليم و الحمد لله بعد 16 سنة متشحطط بين مدارس و كليات ... و كل ما هو آت ...

بس الحمد لله أخيرا ...

تخرجنا و بتقدير ج ج + مرتبة أسفنج استعمال خارج :) ..
بعد 5 سنين من الإصلاح و التهذيب في كلية الهندسة .. لا .. و ميكانيكا كمان ..

الواحد بجد مش مصدق ...

أنا عمال أفتكر نفسي أيام الثانوي لما كنت بدعي أجيب مجموع و أدخل كلية حاسبات , أياميها كنت عاوز أدخل حاسباب .. بس لقيت هندسة أحسن ...
و آديني أهه ..

خلصت الثانوي ..
و دخلت الكلية
و خلصتها ..

سبحان الله ..

ربنا يسهل إن شاء الله ... و نبدأ حياة ما بعد التعليم ..
و تكون ناجحة برضه إن شاء الله ...

و لو أن الجميع يقول أنها أصعب ... لكني أرجو أن تكون أقل في شد الأعصاب من حياة الدراسة ...

لأن في الدراسة الدرجة تفرق معاك ...
و الغلطة بجون .. و الدرجة ببريزة و العملية آخر شدة أعصاب ..

بس الحمد لله ............

بجد الحمد لله ....

معلش .. أنا خليتها تدوينة خاصة أو شخصية المرة دي ....

بس أنا بجد فرحان ...
و مش قادر أوصف شعوري ... لأنه شعور
و الشعور يُحس و لا يوصف

بس مش عارف حاسس إني بارد المرة دي ...
و لا أنا فرحان بس بعقل المرة دي ...

كبرنا بقى و بقينا رجالة ... خلاص .. شغل العيال و التنطيط ده نبطله خلاص ...

.
.
.
.

خلاص بقى أنا زهقت من الرغي الكتير ...

تحيتي للجميع ..

و الحمد لله ..


5 comments:

  1. متفائلةJuly 31, 2008 at 11:05 PM

    الف الف الف مبرووووك
    انا قلت شكلك ميكانيكا
    الدماغ الجامدة دي متكنش غير ميكانيكا
    اصلي بحس بيهم
    وربنا يوفقك يارب ديما وتكون بأحسن حال
    لازم بقي تدور علي شغل من بكره
    مفيش راحة يابشمهندس خالص
    يلا الف مبروك يابشمهندس وماشاء الله تقديرك يخلي الشغل هو اللي يجيلك لغاية عندك
    يلا شد حيلك عشان كمان نجوزك ونخلص منك
    ولا مش ناوووي ولا اية
    مفيش مفر خاااالص

    ReplyDelete
  2. متفائلةJuly 31, 2008 at 11:06 PM

    عيزة حلاوة النجاح بقي
    لينا كلنا بقي يابشمهندس

    ReplyDelete
  3. حسن حنفىJuly 31, 2008 at 11:35 PM

    الف مليون مبروك

    مبروك مبروك مبروك مبروك مبروك مبروك مبروك مبروك مبروك مبروك مبروك مبروك مبروك مبروك مبروك مبروك مبروك مبروك مبروك مبروك مبروك مبروك مبروك مبروك مبروك مبروك مبروك

    ياااااااااارب دايما

    ReplyDelete
  4. TIMMY !!August 2, 2008 at 1:57 PM

    أحلى حياة ..

    الله يبارك فيكي ..

    و شكلك كده هندسة كمان طالما عارفة ميكانيكا و ظروفهم الصعبة ..

    ربنا يسهل .. شغل ايه بس ؟؟ !!

    احنا نسحب الورق الأول .. و بعدين نستنى دورنا في التقدم للجيش و بعدين نقضي الخدمة و بعدين نطاع ندور على شغل و بعدين نشتغل في كام مكان لحد ما نستقر و بعدين ... نتحال على المعاش بقى :)

    ReplyDelete
  5. TIMMY !!August 2, 2008 at 1:58 PM

    حسن ياشا ..


    الله يباااااااااااااااااااااااااااااااااااااااااااااااااارك فيك يا رب

    و عقبالك إن شاء الله

    لما تخلص تعليم كده و تنضم لصفوف العاطلين :) قصدي الخريجين :)

    ReplyDelete

دلوقتي تقدر تعلق بأكثر من طريقة :
كـ(غير معرف) بدون ما يكون لك حساب خالص
أو بحسابك على الفيس بوك
أو بحسابك على بلوجر
بس عبرني و علق :) ـ

Subscribe to: Post Comments (Atom)

حقوق النشر للجميع


ـ
و لا تنسوا كاتب الموضوع من دعوة صالحة بظهر الغيب
أن يُصلح الله له شأنه كله و يُدخله الجنة و يُجِرْه من النار و جميع المسلمين و المسلمات ..

>> حقوق النشر للجميع <<
لو رأيت أنه يستحق النشر
بشرط عدم التحريف أو التغيير
و يا حبذا لو تذكر رابط المدونة

tazbee6.blogspot.com


أو تذكر أن الموضوع

" منقول من مدونة تظبيط "

ـ