بسم الله الرحمن الرحيم ..
هذه القصيدة -إن اُعتبرت كذلك- كتبتها من حوالي أسبوعين ...
أرجو أن تعجبكم ..
آه بالمناسبة ... علشان الوزن يظبط معاك ما تديش أي حركة لنون القافية ...
خليها ساكنة ... ما بتتحركش
اليوم تحررتُ أخيرا *** من رِبقة وهمٍ ملعونْ
و الفضل لربيَ أعتقني *** من فكرٍ بالٍ مافونْ
إذْ كنت على جرفٍ هارٍ *** أوشك أن يُودي لمنونْ
فالحمد لربيَ أن سلّم *** و انطفأ بصدريَ آتونْ
انطفأ و زالت أنيارٌ *** و أُقرّت بالبرد عيون
ما أرحم ربيَ أبرأني *** و تعافى القلب المفتون
فبإذنك ربيَ لن أرجع *** كي املأ صدري بشجون
و سأغلق سمعيَ و فؤادي *** عن وهمٍ .. عن صوت جنون
و أعيش الباقيَ من عمري *** أترفع عن داعِ مجون
فالحمد لربٍ لم يجعل *** وهميَ ممتداً لقرون
طبعا ما حدش فاهم حاجة
اتفرج و ما تسألش ...
لأن المعنى في "كِرش" الشاعر
لا بس كرشك طلع نضيف اهو
ReplyDelete:D
جميل يا مظبطنا انت
ربنا يبارك فيك يارب
ويهديك ويهدينا ويهدي المسلمين
طيب الحمد لله
ReplyDeleteأصلي عامل "غسيل كرش" :)
و شكرا جزيلا قوي خالص على مرورك يا مصطفى :)
كلمات منتقاه
ReplyDeleteجميلة .. شكرا لك
خديجة عبد الله ,
ReplyDeleteشكرا جزيلا على المرور ,
جزاكم الله خيرا
تحيتي
السلام عليكم
ReplyDeleteمن ساعة ما دخلت مدونة تظبيط وانا ادمنهتها ....الشعر الفصيح برده جميل وهادف والملكة موجود ...بس ايه رأيك لما تفضى تقرا شوية فى العروض وبحور الشعر ..الدراسة مع الملكة ممكن تطلعلنا المتنبى مثلا....جزاكم الله خيرا.
غير معرف
ReplyDeleteو عليكم السلام و رحمة الله و بركاته ,
و نصيحة تحاول الإقلاع عن تظبيط دي :)
لأني ساعات ببوظ و العملية بتقلب من تظبيط لتبويظ :(
المهم ,
بالنسبة للقراءة في العروض أنا حاولت أقرأ فيه بس حاسس إنه صعب ,
و كنت جبت كتاب اسمه على ما أذكر ميزان الذهب في صناعة أشعار العرب , بس برضه ما عرفتش أوزن و أقطع الأبيات و كده ,
بصراحة مش بعرف أكتب غير سماعي !!
شكلي بدل ما هبقى المتنبي هبقى شعبان عبد الرحيم :)
عموما جزاكم الله خيرا على المرور و النصيحة التي عسى أن نعمل بها ,
و جزانا و إياكم
بص يا سيدى انا بقى رحت لمدرس العربى اللى كان بيدينى فى ثانوى ، وقالى على ألف باء الموضوع ..على فكرة العروض وتقطيع الأبيات سهل جدا ، هاقولك يا سيدى ع البداية بس هو محتاج ورقة وقلم ...جبت الورقة والقلم ولا هاستنى كتير ..أولا كل اللى تنطقه تكتبه وكل اللى ما تنطقهوش ما تكتبوش ..الحرف الساكن فى الوزن بنعمله دايره ، والحرف المتحرك بنعمل شرطة ، ولما نقول البيت الفلانى يتبع البحر الفلانى ده معناه إن ترتيب الحروف الساكنة والمتحركة فى البيت زيها زى تفعيلات البحر ..خد معايا بحر الوافر كل شطر فيه بياخد التفعيلات دى ..
ReplyDeleteمفاعلتن مفاعلتن فعولن
خلى بالك بس اللام اللى فى مفاعلتن ممكن تبقى ساكنة وممكن تبقى متحركة ده جائز ..تعالى نحول البحر ده لساكن ومتحرك
--0-0-./--0-0-./--0-0
ما تاخدش بالك من النقط اللى نزلت دى ، هيا الكتابة بس اللى كده ، أديك مثال وتطبق،
أبا هند فلا تعجل علينا
و أنظرنا نخبرك اليقينا
عاوزين نقطعه ،الاول تكتبه زى مابتنطقه
أباهندن/ فلاتعجل/ علينا
مفاعلتن/مفاعلتن/فعولن
--0-0-./--0-0-./--0-0
بصراحة العروض كمان على محتاج إنك تسمع المدرس وهو بيقطع
أباهندن /فلا تعجل /علينا
و أنظرنا/ نخبركل/يقينا
بأنا نو/ردرايا/ت بيضا
ونصدرهن/نحمرن قد/روينا
طبعا الأبيات كتبتها حسب ما بنطقها ، بس هيا كده
أبا هند فلا تعجل علينا
وأنظرنا نخبرك اليقينا
بأنا نورد الريات بيضا
ونصدرهن حمرا قد روينا
.......يا رب تكون فهمت، وما تتحججش وتقول إنك غير متخصص لأنى أنا كمان لسه طالعة من ثانوية عامة وداخلة طب ..بصراحة أهم حاجة من وجهة نظرى إن الواحد يحافظ على مواهبه لأنها هدية من ربنا ومش لازم نتهاون فيها ، ونستخدمها بشكل يدعم رسالتنا ..و ربنا يوفقك..سلام عليكم
غير معرف ,
ReplyDeleteجزاكم الله خيرا على التوضيح يا دكتورة ,
أنا كنت بدأت في حاجات دي كده , بس بطلتها , و رجعت سماعي تاني ,
لأني بصراحة فكرت لما أكتب قصيدة و أعملها كلها بالطريقة دي هاخد فيها سنتين !!!
فسبت العملية دي خالص ,
بس ربنا يسهل ممكن نستعملها في الأبيات المشكوك في وزنها بس ,
و شكرا جزيلا على الشرح ,
تحيتي