زي ما فيه حاجات صح و حاجات غلط

فيه حاجات غلط ممكن تبقى صح

بس عاوزة شوية

تــظــبـــيــط

ــــــــــــــــــــــــــــ

قبل أن تقرأ المدونة

-- حقٌ على أصحاب الكؤوس أن يتناصحوا --

لا يُعــذَر المسلم في تخليه عن الدعوة إلى الله والأمر بالمعروف والنهي عن المنكر حتـى وان كان مُقصراً في نفسه في بعض الأمور ,

بـل إن الإنسان عليه أن ينهى عن المنكر حتى وان كان هــو واقـع فيــه

فوقوعه في المنكر ذنب وعدم إنكاره على الآخرين ذنب آخر يُسأل عنه,
ولا شك ان على من ينصح أن يسعى جاهداً لتغيير ما بنفسه ليكون قدوةً ومثالاً يُحتذى به.

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

10 May, 2009

العادة الثالثة (إيه قبل إيه ؟؟) ـ




3 – العادة الثالثة :
Put First Things First
حدد أولوياتك :
ببساطة جدا , العادة هذه هي خاصة بتنظيم الوقت ,
بتعرفوا تنظموا وقتكم ؟ طب خلاص
بصوا يا جماعة

لو عندك كأس فارغ و ملأته بِكُرَات كبيرة , هل يكون حقا قد امتلأ ؟
لا , فمازلنا نستطيع ملء الفراغات بين الكرات الكبيرة بكرات أصغير ,
و لكن هل بعد هذه الكرات الصغيرة يعتبر الكأس مملوءا ؟
لا , فمازلنا نستطيع أن نصب ماءا في الكأس , حتى يرتفع الماء إلي حافة الكأس و عندها لا يمكننا وضع أي شيء جديد بالكأس ,

مشكلتنا في حياتنا أننا نملأ الكأس بالماء أولا ,
ثم نشتكي أن الكأس ليس به مساحة لأي شيء إضافي ,
لكننا لو بدأنا بالحصى الكبير ثم الصغير ثم الماء , لكان كل شيء على ما يرام ,

فالحصى الكبير هو الأعمال الأكثر أهمية ,
و الصغير هي الأعمال الأقل أهمية ,
أما الماء , فهي التفاهات و الأمور الغير مهمة التي نملأ بها أوقاتنا ثم نشتكي من ضيق الوقت ...



الطريقة التي اقترحها المؤلف في كتابه لتنظيم الوقت ,
طريقة رائعة و بسيطة في نفس الوقت و هي كالتالي :

ارسم مربعا كبيرا و قسمه إلى أربعة أقسام :

1-أعلى اليسار : و فيه تكتب أي شيء (مهم و عاجل)
(تقرير سيسلم غدا , واجب للكلية غدا ....)


2-أعلى اليمين : و فيه تكتب أي شيء (مهم لكن غير عاجل )
(تقرير يسلم بعد يومين , واجب بعد 3 ايام) –هو ما فيش غير أمثلة التقارير دي !!-


3-أسفل اليسار : و فيه تكتب أي شيء (غير مهم لكن عاجل)
(أبعت نكتة لواحد بعت لي واحدة , عندي ميعاد مع صديق على الشات )


4-أسفل اليمين : و فيه تكتب أي شيء (غير مهم و غير عاجل )
(المسلسل العربي , قراءة صحيفة ...)


, إذا أردت أن تكون حياتك منظمة , فلتكن أغلب مواعيدك في المربع 2 مربع الناجحين و المنظمين ,
غير المضغوطين ,


و احذر أن تتأخر أعمالك فيه بدون أن تنجزها لأنها سوف تتحول إلى المربع 1 ,
مربع الأزمات
و الأشياء المهمة العاجلة ,


أما المربع 3 فهو أكثر ما يضيع الوقت , الأشياء التافهة التي نعتبرها عاجلة ,

أما رقم 4 , فلا داعي للكلام عنه , فهو مربع البلهاء ,


و حاول قدر المستطاع أن تملأ ورقة أعمالك هذه قبل النوم أو في الصباح الباكر ,
و لا تتكاسل بحجة أنك تتذكر ما يجب عليك فعله , بل اكتب ,

لأنك إذا كتبت , زاد تركيزك على الإنجاز , و إذا أنجزت شيئا , قم بمسحه أو بشطبه من القائمة ,
لأنك إذا مسحت مهمة ما , ستشعر
بسعادة الإنجاز ,
و يدفعك هذا لإنجاز المزيد و الانتهاء منه كي تشطب عليه هو الآخر
و تشعر بالسعادة و الراحة النفسية بالانتهاء من الأعمال المفروضة عليك ,


و على فكرة أنا مجرب الطريقة دي و بأحاول أمشي عليها قدر المستطاع ,
لأنها بجد رائعة و بسيطة .


و بهذا نكون قد انتهينا من العادة الثالثة و العادات التي ترقى بالفرد نحو النجاح ,

و نبدأ بإذن الله , في العادات الثلاث اللاتي ترقى بك و بمن حولك نحو النجاح .



13 comments:

  1. بجد تحفه وروعة,
    وشرح وافي وبسيط وسهل,
    وان شاء الله ناجح كمان,
    بالتوفيق يارب وجعله الله في ميزان حسناتك,
    جزاك الله خيرا.

    ReplyDelete
  2. خطييييييييييره الطريقه دي

    حلو اوي المربع ده ياتيمي

    وفكره جميله والله وبعون الله نطبقها

    ربنا معاك ف الي انت فيه يااارب

    ويبارك فيك وينفع بيك

    تسلم ايدك

    ReplyDelete
  3. يا عيني عليك يا تيمي يا متهندس
    والله فوق الرائع
    تسلم إيدك
    ربنا يقويك علي جيشك
    وتخلصه وتجيلنا بالسلامة .. يا هندزة

    ReplyDelete
  4. ربنا يبارك فيك
    واشكرك لمشاطرتنا فوائد هذا الكتاب

    ReplyDelete
  5. ربنا يكرمك يا تيمي وترجع بالسلامة

    ReplyDelete
  6. تم العلم وجارى التجريب

    بجد طريقة حلوة وعملية

    كلنا بنلاقى مشكلة فة تنظيم الوقت وبنعمل جداول ونلغى الجداول

    يا رب الطريقة دى تفلح وربنا ينفعنا بيها

    تسلم يا غالى

    ReplyDelete
  7. تسلم يا تيمي

    ربنا ينفع بيك الناس

    ربنا يرجعك بالسلامه

    وحشتني

    ReplyDelete
  8. جميل يا تيمى
    مجهودك فعلا
    ورغبتك فى نشر الفايدة رغم انشغالك
    فعلا احيى فيك ايجابيتك وروحك العالية

    فعلا انا معجب بكده اوى

    ReplyDelete
  9. طريقة جميلة جداً ومنظمة لترتيب الافكار وتنظيم الوقت كما ينبغى

    تحياتى

    ReplyDelete
  10. بارك الله فيك على الطرح الممتاز,
    بعد أن إمتلأت بالحماس,
    سوف أطبق الطريقة بإذن الله

    ReplyDelete
  11. كنت ههزر معاك واختلف معاك فيزيائيا في موضو الكوبايه
    بس قولت لا يا عم الراجل بيتكلم في موضوع مفيد ومهم
    لازم فعلا بجد نهتم جداااااااااااااااااا باستغلال الوقت الاستفلال الامثل

    تحياتي

    ReplyDelete
  12. عارف ياتيمى
    قعدت أأجل
    حاجات كتير
    لما بقت كلها
    عاجلة ومهمة
    وادينى بقول
    يااااااريت
    ربنا يسهل
    ويستر يارب
    ويجازك خيرا
    أينما انت

    ReplyDelete

دلوقتي تقدر تعلق بأكثر من طريقة :
كـ(غير معرف) بدون ما يكون لك حساب خالص
أو بحسابك على الفيس بوك
أو بحسابك على بلوجر
بس عبرني و علق :) ـ

حقوق النشر للجميع


ـ
و لا تنسوا
كاتب الموضوع من دعوة صالحة بظهر الغيب

أن يُصلح الله له شأنه كله و يُدخله الجنة و يُجِرْه من النار و جميع المسلمين و المسلمات ..

>> حقوق النشر للجميع <<
لو رأيت أنه يستحق النشر
بشرط عدم التحريف أو التغيير
و يا حبذا لو تذكر رابط المدونة

tazbee6.blogspot.com


أو تذكر أن الموضوع

" منقول من مدونة تظبيط "

ـ