زي ما فيه حاجات صح و حاجات غلط

فيه حاجات غلط ممكن تبقى صح

بس عاوزة شوية

تــظــبـــيــط

ــــــــــــــــــــــــــــ

قبل أن تقرأ المدونة

-- حقٌ على أصحاب الكؤوس أن يتناصحوا --

لا يُعــذَر المسلم في تخليه عن الدعوة إلى الله والأمر بالمعروف والنهي عن المنكر حتـى وان كان مُقصراً في نفسه في بعض الأمور ,

بـل إن الإنسان عليه أن ينهى عن المنكر حتى وان كان هــو واقـع فيــه

فوقوعه في المنكر ذنب وعدم إنكاره على الآخرين ذنب آخر يُسأل عنه,
ولا شك ان على من ينصح أن يسعى جاهداً لتغيير ما بنفسه ليكون قدوةً ومثالاً يُحتذى به.

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

15 May, 2009

العادة الرابعة (اللي ينجح لوحده يزور) ـ



4- العادة الرابعة :
Think Win/Win
انجح و دع الآخرين ينجحون معك :

بص يا معلمي ...
- أنواع المعاملات بين البشر على 6 أنواع :

  • Win/Win
يكون النفع عائدا على كلا الطرفين في العلاقة , كالصفقات التجارية مثلا ,
المصنع سيكسب لأنه أنتج و التاجر سيكسب أيضا لأنه باع ,
و المشتري أيضا سيكسب لأنه سيسد احتياجه بسلعة سعرها مناسب لقيمتها
  • Lose/Lose
غالبا بيكون الشخص يائس و محطم , فلا يهتم بخسارته و يهتم بخسارة الآخرين , مثل أسطورة" شمشون" اللي حطم المعبد عليه و على أعدائه .
- منها لله ميمونة و لا دليلة باين اللي اللي بوظت الراجل ..-
أو زي الطالب البليد , اللي بيحاول يعمل شغب في الفصل علشان زمايله ما يفهموش زيه

  • Win/Lose
و فيها يكون استغلال المنصب أو القوة التي فيها هذا الطرف للكسب على حساب الأطراف الأخرى , يعني يكسب على قفا الآخرين ..
و اظن دي مشهورة كتير جدا في بلادنا المحترمة


  • Win
المهم إني أنجح , و لا أهتم بالآخيرين أن ينجحوا أو يفشلوا ,
ليس هذا من شأني ,يولعوا ما يولعوش مش شغلي ..
و هذا الاسلوب غالبا ما يتبع في حالة فساد المجتمع و عدم قدرة الفرد على تغييره فيهتم بنفسه فقط
"إذا رأيت شحا مطاعا , و هوى متبع , و إعجاب كل ذي رأي برأيه"


  • Lose/Win
غالبا لا توجد إلا بين الوالدَيْن و الأبناء ,
و أحيانا بين القائد للمجموعة و باقي الفريق , في سبيل نجاح العمل ككل .


  • Win/Win or No Deal
لو لم نتوصل لحل يرضي أو يكون في مصلحة الطرفين , فلن تكون هناك صفقة ,
كما يحدث بين الأصدقاء , فإذا لم يكونا كليهما سيكسبان ,
يفضلان عدم المضي في الصفقة


في كل النقاط السابقة فإن ما نقصدهبالصفقة هي المعاملات :
اجتماعية أو مادية أو أي نوع من المعاملات ,

ماشي ؟

طبعا أكيد عرفت أي الطرق هي الأفضل في التعامل مع الآخرين ,
علشان يحبوك و يطمئنوا لك , علشان الناس تحب تتعامل معاك ,
هي الطريقة الأولى و الأخيرة :
  • Win/Win
  • Win/Win or No Deal

و بهذا و الحمد لله نكون قد أنهينا العادة الرابعة باختصار
و ربنا يسهل و نكون قدرنا نفيدكم بأي حاجة لحد دلوقتي
و ندخل على العادة الخامسة إن شاء الله , و هي من وجهة نطري ,
من أهم العادات كلها ... ألقاكم بعد الفاصل ...


12 comments:

  1. هالكلام حلو كتيير كتيير,
    ويارب نكون بنقدر على تنفيذه,
    لكن في جملة اظن اني باشوفها كل مره
    ( ندخل على العادة .... إن شاء الله , و هي من وجهة نظري ,
    من أهم العادات كلها ...)
    (:

    ReplyDelete
  2. الكلام دا حلو قوى بس فين التطبيق معظم الناس ماشين بمبدأ انا ومن بعدى الطوفان أما الطرف الاخر فممكن يخبط دماغة فى الحيط .فمعظم الناس ماشين بمبدأwin\loseوهذا هو السائد فى مجتمعنا للاسف الشديد.
    تحياتى

    ReplyDelete
  3. تسلم إيدك يا تيمي
    كلام جامد
    وأسلوبك كالعادة رائع ومفيد بسيط

    ReplyDelete
  4. عرض جميل للفكرة فعلا

    ربنا يرحمنا
    منWin/Lose

    علشان احنا شبعانين منهم اوى

    ReplyDelete
  5. هايل

    العرض الجميل والافكار المركزة جميلة جدا

    يا رب تكون حياتنا كلها
    * Win/Win
    * Win/Win or No Deal

    علشان ما نكسبش على حساب الاخرين
    وعلشان ما نخسرش برضه

    سلام

    ReplyDelete
  6. كلام جميل وبوست جميل و استفادت منه فعلا


    تحياتى

    ReplyDelete
  7. بجد احييك على المدونة الجميلة دى (أصلى اخدت لفة كده على السريع ^_^ )

    اما بقى الموضوع فارجو فعلا ان الكلام يتطبق على أرض الواقع مش يكون مجرد اطلاع فقط لا غير

    لان الواقع منحصر فى نوعيين (Win/Lose او Win )

    أول زيارة للمدونة و ان شاء الله مش الاخيرة (:

    تقبل مرورى

    ReplyDelete
  8. كلام معقول اوي وجميل جدا

    والعاده الاخيره الي بين الاصحاب دي جميله اوي واحسن من الاولى لانها بالرغم بردوا انها كلهامكاسب بس بتبقى عشان مصالح مش اكتر :)

    سلام وربنا يعينك

    ReplyDelete
  9. السلام عليكم ورحمة الله... وبعد

    فمن تحر الخير يجده...ويأتيك منه بقدر ماتحب للآخرين

    نفع الله بك.

    ReplyDelete
  10. بارك الله فيك انا مقرتش اللى قبل دى بس هروح اشوفهم دلوقتى اسلوبك جميل جدا فى توصيل الفكرة

    ReplyDelete
  11. السلام عليكم

    يارب يا تيمي ترجع بالسلامه وربنا يوقفلك ولاد الحلال

    وربنا يوفقك وينورلك طريقك وبصرك وبصيرتك

    ويثوبك علي كل حرف وينفع بيك الناس

    وفقنا الله واياكم لما يحبه ويرضاه

    في إنتظارك

    في رعايه الله

    ReplyDelete

دلوقتي تقدر تعلق بأكثر من طريقة :
كـ(غير معرف) بدون ما يكون لك حساب خالص
أو بحسابك على الفيس بوك
أو بحسابك على بلوجر
بس عبرني و علق :) ـ

حقوق النشر للجميع


ـ
و لا تنسوا
كاتب الموضوع من دعوة صالحة بظهر الغيب

أن يُصلح الله له شأنه كله و يُدخله الجنة و يُجِرْه من النار و جميع المسلمين و المسلمات ..

>> حقوق النشر للجميع <<
لو رأيت أنه يستحق النشر
بشرط عدم التحريف أو التغيير
و يا حبذا لو تذكر رابط المدونة

tazbee6.blogspot.com


أو تذكر أن الموضوع

" منقول من مدونة تظبيط "

ـ