زي ما فيه حاجات صح و حاجات غلط

فيه حاجات غلط ممكن تبقى صح

بس عاوزة شوية

تــظــبـــيــط

ــــــــــــــــــــــــــــ

قبل أن تقرأ المدونة

-- حقٌ على أصحاب الكؤوس أن يتناصحوا --

لا يُعــذَر المسلم في تخليه عن الدعوة إلى الله والأمر بالمعروف والنهي عن المنكر حتـى وان كان مُقصراً في نفسه في بعض الأمور ,

بـل إن الإنسان عليه أن ينهى عن المنكر حتى وان كان هــو واقـع فيــه

فوقوعه في المنكر ذنب وعدم إنكاره على الآخرين ذنب آخر يُسأل عنه,
ولا شك ان على من ينصح أن يسعى جاهداً لتغيير ما بنفسه ليكون قدوةً ومثالاً يُحتذى به.

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

30 May, 2009

العادة السابعة (إوعى تصدي) ـ




7- العادة السابعة :
Sharpen the Saw
أو اشحذ المنشار :

يعني "سنّ" المنشار مش "اشحت" المنشار
-ما حدش يدي منشاره لزميله , جاي الامتحان من غير منشارك ليه ؟ -

يعني ايه بقى نسن المنشار , و هو ايه المنشار ده أصلا ؟
بص يا سيدي ,

انت مش ساعات لما بتسمع محاضرة أو كلام حلو أو أي حاجة بتعجبك بتلاقي نفسك معجب بيها قوي , و تقرر أن تكون في حالتك تلك من التفاؤل و الإيجابية و غيرها من الصفات و المشاعر الإيجابية ؟
ثم ماذا ؟

لا يمر عليك يوم أو يومين أو حتى بضع ساعات إلا و تجد نفسك كسابق عهدك من المشاعر السلبية و العادات الخاطئة و غيرها من الأشياء التي كنت قررت الإقلاع عنها , و رجعت ريمة لعادتها القديمة , صح ؟



العادة دي بقى تساعدك في شحذ طريقة حياتك
و جعل حياتك دائمة التجدد لكي لا تمل أو تنتكس إلى سابق عهدك ...
و لكن كيف ؟؟


بص يا سيدي , انت عندك شوية محاور لتجديد حياتك , لو اهتممت بهم هتلاقي حياتك اتظبطت إن شاء الله :

1-الجانب الروحاني :

و هذا الجانب هو أهم الجوانب على الإطلاق ,
فالاتصال بالله عز وجل و شعورك بأنه راض عنك يجعل حياتك رائعة
هذا فضلا عن الإيمان بالقضاء و القدر و أن ما أصابك لم يكن ليخطأك و ما أخطأك لم يكن ليصيبك ,
و تعلم أن أمر المؤمن له كله خير , إن أصابته سراء فشكر كان خير له و إن أصابته ضراء فصبر فكان خير له



2-الجانب الجسماني :

صحة البدن تؤثر على حالتك النفسية
تذكر حالك و أنت مريض , ماذا كنت تتمنى ؟ أن تتعافى , صحيح ؟
و حينما تكون مريضا و من حولك أصحاء فإنك قد تشعر ببعض الحزن , مع العلم أن هذه الأمراض قد تأتي و تذهب ,
فما بالك بحالتك الجسمانية الدائمة ,
هل أنت سمين أم نحيف , هل تمشي كثيرا أم قلما ؟
هل تمارس أي نوع من أنواع الرياضة بانتظام ليجري الدم في عروقك و يصعد إلى الرأس فيجدد الخلايا ؟
ممارسة الرياضة بانتظام و لو حتى الجري في المكان فقط كل صباح سيغير كثيرا من حالتك النفسية , لكن احرص على ... الانتظام .



3-الجانب الاجتماعي :

طبعا مهم جدا لأن الإنسان لا يستطيع أن يعيش وحده ,
و إنما داخل مجتمع لذا يجب أن تطور علاقاتك الإجتماعية في المجتمع الذي تعيش فيه و تكون لك علاقات كثيرة ناجحة .



4-الجانب العقلي و الثقافي :

من المهم جدا الاعتناء بالعقل و تطويره ليواكب كل ما هو جديد ,
لذا احرص على القراءة و حدد قدرا يوميا تقرأه من كل كتاب ,
و ستجد أنك لو قرأت صفحة فقط كل يوم , فستكون قرأت في السنة العديد من الكتب , و احذر أو قلل من مشاهدة التلفاز فإنه سارق للوقت –و بيطول الودان و بيتخن الصوت و بيطلع لك ديل و هتلاقيهم يقولو لك "شي حا" في الآخر - فلا تشاهد إلا المهم فقط , و حدد عدد ساعات للمشاهدة كل يوم , علشان ما تسرحش قدامه .


5- و أخيرا :

اصنع شيئا جديدا كل يوم , و لو كان ضئيلا ,
لو انتهى يومك و وجدت أنك لم تفعل أي شيء جديد أو لم تعرف أي شيء جديد فلا تنم
, نعم يجب أن تفعل أي شيء في اليوم – طبعا بخلاف الواجبات و العمل اليومي- ,
لا تجعل يومك ينتهي من دون أن تكون قرأت شيئا جديدا ,
تعلمت كلمة جديدة من أي لغة أخرى ,
تعرفت على شخص جديد , تعاملت مع أحدهم بلطف , ساعدت أحدا ........
المهم أن لا تنهي يومك بدون أن تكون حققت أي إنجاز ,
و في نظري هذه أهم نقطة توصلك للقمة بدون سقطات و بدون ملل , لأنك بهذه الطريقة ستجد نفسك تقترب من القمة و لو بضع سنتيمترات قليلة كل يوم , المهم أن تفعل شيئا مهما كان صغيرا ...
يقول صلى الله عليه و سلم : " أحب الأعمال إلى الله أدومها و إن قل "




و بهذا و الحمد لله , أكون قد انتهيت من هذه الدورة و من أول شرح أو تلخيص لكتاب قمت به في حياتي ,


و جزاكم الله خيرا .

و أقدم جزيل الشكر للمهندس محمد بدران اللي شرح لينا الدورة دي في الـM.I.E. و كانت أول و آخر مرة أشوفه , بس كل ما أفتكرة أدعيله و الله ربنا يكرمه .


و لا تنسونا من دعوة صالحة بظهر الغيب كي يقول لك الملك "آمين و لك بمثل" ,
ادع الله لي : "اللهم اغفر له و تب عليه و وفقه لما تحب و ترضى و أدخله الجنة و أجره من النار" آمين و لسائر المسلمين و المسلمات ....

و صلى اللهم و بارك على نبينا محمد و على آله و صحبه و سلم ,.
سبحانك اللهم و بحمدك , نشهد ألا إله إلا أنت , نستغفرك و نتوب إليك .



12 comments:

  1. جميل جدا,
    جزاك الله خيرا انت ومن شرح لك,
    والمفروض اطبعهم وخليهم قدامي على طول بس للاسف الاسكانر بايظه ):

    ReplyDelete
  2. السلام عليكم ورحمة
    الله تعالى وبركاته
    واحنا كمان بندعى له
    وبندعى لك ياتيمى
    بدعوة ستى الحاجة
    اللى ما انساها
    (يصبحك ويربحك
    وبين عبيده
    ما يفضحك)
    مليون شكر لك على تلخيص
    الكتاب بالطريقة الحلوة دى
    وربنا سبحانه وتعالى يقوينا
    ويقدرنا على العمل بكل ما سبق.
    مرة اخرى يكتب سلامتك ربنا انت
    ومن كان مثلك ومن معك جميعاً
    اينما انت.

    ReplyDelete
  3. والله يا تيمي كان تلخيص وتبسيط أكثر من رائع
    وربنا يهون عليك اللي إنت فيه
    ويرجعك لينا تاني .. واخد بالك إنت
    هه

    ربنا يكرمك ويعزك ويبارك فيك
    ويفتح لك وبك وعليك

    ReplyDelete
  4. يسلام يا تيمي
    بارك الله فيك ..

    تصور أنا باين عاين المنشار عشان آخر يوم كليات .. وبقيت زميل خلاص :P

    طول عمري بوصل في الوقت المناسب أنا :)

    العادة دي مهمة قوي , وأسألني أنا اللي عارف ... منا مجرب لما طلع من كيعاني , يوم والتاني والواحد بينسى .

    يلا ربنا يصلح الحال ويجازيك عنا خير ويرجعك لينا بالسلامة إن شاء الله :)

    أشوفك على خير يا هندز :)

    ReplyDelete
  5. لابنا يتقبل منك
    تيمى
    انت والباش مهندس محمد


    فعلا معلومات قيمة
    جزاكم الله خيرا

    ReplyDelete
  6. برافو يا تيمي...حتى وانتا مش موجود بتاخد حسنات (ماشاء الله طبعا)
    ربنا يعزك وشكرا على تلخيصك البارع
    ادعيلي بشدة علشان امتحاناتي قربت وانت عارف بقى :)

    ReplyDelete
  7. بجد ربنا يكرمك ويسهلك كل امورك يارب، العادة دي بالشرح ده هايل والله
    فكرتني بكلام دكتور ابراهيم الفقي
    كان بيتكلم لعي جوانب الحياة.
    بس بجد بجد انت هايل..
    ربنا يرجعك بالف سلامة يارب..

    ReplyDelete
  8. اولا اسفه اني مالحقتش البوست الي فاتكان عندي مشكله ف بلوجر :(

    ثانيا .. ربنا يعينك ع الي انت فيه ويتيجي ع خير ان شاء الله

    ثالثا بقى بجد انت عملت مجهود جميل اوي اوي يا تيمي وماشاء الله استفدنا منه كتير اوي

    اهم حاجه بقى ان الناس تطبق

    ربنا يجعل الشرح ده ف ميزان حسناتك يوم القيامه ويتضاعف لكان شاء الله

    تسلم يا تيمي

    ReplyDelete
  9. السلام عليكم

    واحشني جدا يا تيمي يارب تكون بخير

    بجد كانت سلسله جميله هفتقدها جدا

    طريقه تلخيصك جميله وطريقه عرضك احلي واسلوبك ودمك زي السكر كالعاده يعني ( بس مش قوي يعني ) :)

    ربنا يحبب فيك خلقه

    وينور بصرك وبصيرك

    ويوقفلك ولاد الحلال

    وينفع بيك الناس

    ويقضي ايامك علي خير

    ويسترك ويرحمك ويرحم والديك ويغفر لكم جميعا وإيانا

    ومستنيينك ترجع تنورنا من تاني

    ربنا يجعل الموضوعات في ميزان حسناتك

    ربنا يكرمك يا تيمي

    اللهم تقبل منا جميعا

    في رعايه الله أينما كنت

    ReplyDelete
  10. ماشاء الله
    بجد ربنا يكرمك ياااااااارب و يجعل كل حرف كتبته فى ميزان حسناتك
    بجد كنت متاعبها بانتظام بس للاسف ماكنتش برد عشان الامتحانات
    بس فعلا ربنا يكرمك
    تلخيصك رااااااااااااااااائع

    ReplyDelete
  11. تيمي انتا المفروض كنت تيجي أول شهر 6 ولا أنا غلطانة؟
    يارب تكون بخير

    ReplyDelete
  12. كتب الله لك السلامة
    اينما انت ربنا
    يطمنا عليك .أمين

    ReplyDelete

دلوقتي تقدر تعلق بأكثر من طريقة :
كـ(غير معرف) بدون ما يكون لك حساب خالص
أو بحسابك على الفيس بوك
أو بحسابك على بلوجر
بس عبرني و علق :) ـ

حقوق النشر للجميع


ـ
و لا تنسوا
كاتب الموضوع من دعوة صالحة بظهر الغيب

أن يُصلح الله له شأنه كله و يُدخله الجنة و يُجِرْه من النار و جميع المسلمين و المسلمات ..

>> حقوق النشر للجميع <<
لو رأيت أنه يستحق النشر
بشرط عدم التحريف أو التغيير
و يا حبذا لو تذكر رابط المدونة

tazbee6.blogspot.com


أو تذكر أن الموضوع

" منقول من مدونة تظبيط "

ـ