ـ علشان ما تبقاش مسلم بالوراثة !! (1 من 4) ـ

السلام عليكم و رحمة الله و بركاته

بص ,
خلينا ندخل في الموضوع على طول و عرض و ارتفاع
كي لا نضيع وقت سعادتك ( السمين ) ,

نبدأ الحوار :

- إحكي لنا قصة دخولك في الإسلام !!؟؟

- قصة مين يا عم الحاج ؟؟ إنت شايفني جاي من الجاهلية و لا إيه ؟؟
أنا الحمد لله مولود مسلم و ابن مسلمين , قصدك إيه من السؤال ده يعني ؟؟

- هو ده قصدي ,
إنك لم تدخل في الإسلام بنفسك ,
و إنما ورثته عن أبويك , من غير تعب و لا بحث و لا اقتناع و لا حاجة ,
إنما اتولدت لقيت أهلك مسلمين و بقيت مسلم ..... زيهم و خلاص .

- طب و إيه المشكلة في كده ؟؟
ما كلنا بنحمد ربنا على نعمة الإسلام و إننا اتولدنا مسلمين و ما اتولدناش يهود أو نصارى أو كفار لا سمح الله !!

- فعلا أنا معاك إن دي ميزة كبيرة الواحد بيحمد ربنا عليها ,
لكنها عند ( بعض ) الناس بتبقى عيب ... مش ميزة ,
لأنها بتخلي الواحد مش حاسس بقيمة الإسلام ,
لأنه ما بذلش جهد في البحث عنه و الاقتناع بيه , لكنه ورث الإسلام و خلاص
,
فانطبق عليه قول سيدنا عمر بن الخطاب – رضي الله عنه - :

" تُنقَضُ عُرى الإسلام 

إذا نشأ في الإسلام من لا يعرف الجاهلية "

فتجده قد يعرف قيمة الإسلام بلسانه ,
و يحمد الله عليها ,
لكنه لا يعرف قيمة الإسلام بقلبه ,

فمثلا حين يشاهد فيديو مثل هذا :

http://www.youtube.com/watch?v=9ftELy_Moug


يتساءل : هو الراجل ده بيبكي قوي كده ليه ؟؟
و متأثر قوي كده ليه ؟؟
و إيه اللي هو حاسس بيه مخليه كده ؟؟
و ليه أنا مش حاسس باللي هو حاسس بيه ده ,
مع إني مسلم من قبله من زمااااان !!؟؟


هو ده اللي إحنا هنحاول نتكلم فيه إن شاء الله في الموضوع ده 

بدون الاستدلال بآيات ولا أحاديث , 

لكن هنتكلم بالعقل من البداية لحد ما نوصل للهدف اللي احنا عاوزينه :

إزاي ما تبقاش مسلم بالبطاقة ؟؟
إزاي تقتنع بالإسلام بجد زي الجماعة اللي بيدخلوا في الإسلام جديد دول ؟؟

و هنتكلم من الصفر :

هل هناك إله لهذا الكون أصلا ؟؟

من هو هذا الإله ؟؟

بأي طريقة و بأي دين نعبد هذا الإله ؟؟

تابعونا و ادعوا لنا بالتوفيق و السداد بإذن الله ....

.......