ـ علشان ما تبقاش مسلم بالوراثة !! (3 من 4) ـ

- تمام تمام ,

دلوقتي وصلنا إن فيه إله ,

و إله واحد ,

, لكن .... أنهو واحد فيهم بقى يا كبير ؟؟

إله الفراعنة و لا الإغريق و لا اليهود و لا النصارى و لا المسلمين و لا ..... ؟؟
أي إله فيهم هو ذلك الإله الواحد الذي خلق هذا الكون و الذي يستحق العبادة ؟؟




- سؤال في الجون يا كبير , فعلا كل طائفة تتبع دين معين هيقولوا لك إن ديننا هو الصح , و إلهنا هو الحق ,

و الحل في الموضوع ده إنك تسمع كل واحد من هؤلاء ماذا يقول ,
واللي تقتنع بكلامه .. اتبعه ,

و بما إني مسلم , فأنا هقول لك أنا إزاي اقتنعت بالإسلام ,

و لو عجبك الكلام و اقتنعت بيه انت كمان يبقى قشطة ,



بص , ياسيدي , أنا اقتنعت بالإسلام عن طريقين :




الأول : طريق الاستبعاد :

إني لاقيت الأديان التانية مش نافعة ,
اللي بيعبد البقر ( الهندوسية )

و اللي بيعبد جمادات ( تمثال بوذا ) ,

و اللي بيعبد ثلاث آلهة , منهم إله اتعذب و اتقتل ( النصرانية ) ,

و اللي بيعبد إله بيقول عليه بخيل و إن أحد البشر - يعقوب - صارعه و غلبه ( اليهودية ) و غيرها ...




الثاني : طريق البحث و الاقتناع ..

في عصر من العصور , جاء رجل و قال أن الإله - الذي توصلنا له بالأعلى - بعثه للخلق ,
جينا نشوف النبي ده بيقول الإله بعثه بماذا ؟؟
راح جايب لنا دين إسمه (( الإسلام )) و قال إن الإله بعثه بيه ,
قوم إيه .. جينا نبص على ((الإسلام)) ده بيقول إيه و بيأمر بإيه و بينهى عن إيه ؟؟



لقيناه بيأمر بالعدل في الرضى و الغضب ,

و الإحسان للمسلم و الكافر ,

و بر الوالدين , و أوصى بالجار

و ... غيرها من الحاجات الحلوة اللي ما حدش يختلف عليها



و ينهى عن القتل و الزنى و السرقة و الفُحش و العقوق و ... غيرها من الحاجات الوحشة اللي برضو مافيش خلاف بين الناس على نبذها ,



و وجدناه دينا واقعيا يراعي ظروف البشر و طبيعتهم , فمثلا مش بيدعو للرهبنة و كبت الغرائز الموجودة أصلا داخل المخلوق ,

كما أنه واقعي في التعامل مع البشر , فلم يأمر و ينهى فقط منتظرا أن ينفذ الخلق كل شيء كأنهم في مدينة أفلاطون الفاضلة, بل علم أن من طبيعة الخلق المخالفة و اتباع الهوى , فوضع محفزات و جوائز لمن أطاع و عقابا لمن خالف و عصى ,



كما أنه أخبر عن أشياء مستقبلية أنها ستحدث و حدثت بالفعل ,
مثل أن تلد الأمةُ ربّتها ( أطفال الأنابيب ) , و غيرها من علامات الساعة الصغرى التي ظهرت .



و أخبر عن أشياء لم نكن نستطيع إثباتها أو رؤيتها ثم بعد أن تطور بنا العلم , تأكدنا أن ما قاله لنا كان صحيحا,

مثل مراحل تطور الجنين , والتطهر بالتراب - و التي جربتها شخصيا في تنظيف اليد من الزيوت و الشحوم - و غيرها من أمثلة الإعجاز العلمي من القرآن و السنة.

علشان كده صدقناه فيما أخبر به و رأيناه ,

و آمنا بما أخبر به و لم نره بعد ,

يعني مثلا : لو واحد من اللي بيظهروا في التلفزيون اللي بيشد عربية أو طيارة بأسنانه ,
الراجل ده جالك و قال لك إنه يقدر يشيل كيس جوافة بإيد واحدة !! ,

هتصدقة من غير ما يشيل الكيس قدامك و لا لأ ؟؟
أكيد طبعا , لأنك رأيت قدرته على فعل ما هو أكبر من ذلك ,



علشان كده آمنا بأن (( الله )) هو الخالق و الإله الأوحد المستحق للعبادة , و بأن هناك جنة عرضها كعرض السماء و الأرض , و هناك نار لها سبعون ألف زمام , و هناك ملائكة و ... غيرها من الأمور الغيبية التي لم نرها ,

علشان كده آمنا بذلك النبي و بالإسلام و بما جاءنا به الإسلام 
من أن الإله الواحد هو (( الله ))

.... تابع الجزء الرابع و الأخير إن شاء الله