زي ما فيه حاجات صح و حاجات غلط

فيه حاجات غلط ممكن تبقى صح

بس عاوزة شوية

تــظــبـــيــط

ــــــــــــــــــــــــــــ

قبل أن تقرأ المدونة

-- حقٌ على أصحاب الكؤوس أن يتناصحوا --

لا يُعــذَر المسلم في تخليه عن الدعوة إلى الله والأمر بالمعروف والنهي عن المنكر حتـى وان كان مُقصراً في نفسه في بعض الأمور ,

بـل إن الإنسان عليه أن ينهى عن المنكر حتى وان كان هــو واقـع فيــه

فوقوعه في المنكر ذنب وعدم إنكاره على الآخرين ذنب آخر يُسأل عنه,
ولا شك ان على من ينصح أن يسعى جاهداً لتغيير ما بنفسه ليكون قدوةً ومثالاً يُحتذى به.

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

06 April, 2011

ـ السلفيين ... خدوهم بالصوت ليغلبوكم !! ـ


السلام عليكم و رحمة الله و بركاته ,

حد فيكم فاكر أي أحداث من الماضي لما كان عنده سنة او سنتين ؟؟
أنا بقى ...... مش فاكر زيكم برضو
لكن أكيد فاكرين لما كنا صغيريين و كنا بنطلع على بعضنا ألقاب زي :
قُزعة , أبو طويلة , جاعورة ... إلخ ,
و كانت الألقاب دي بتغيظنا قوي لما حد ينادينا بيها ,

لكن أنا بقى كنت شرير زيادة عن اللزوم , و بغيظ أخويا الصغير بأكثر من كده ,
كنت بناديه باللقب اللي هو بيكرهه و أعلّي صوتي علشان أشوش عليه ,
و في نفس الوقت بسد وداني علشان ما أسمعش صوته و هو بيرد عليا باللقب اللي أنا بكرهه .....

الوضع ده أنا حاسس إنه بيحدث اليومين دول ,
لكن مش بين الأطفال الصغيرين لوحدهم ,
أقول لكم إزاي ....

طبعا كلنا سمعنا عن الإتهامات الموجهة للسلفيين إنهم بيهدموا الأضرحة ,
و بيقطعوا ودان الناس ,
و بيرشوا مية نار على البنات اللي مش محجبات في الشارع ,
و بيخطفوا العيال الصغيرة اللي مش مربيين دقنهم !!
و إنهم السبب وراء الشغب في مباراة الزمالك و الإفريقي التونسي ,
و وراء زيادة أسعار المواصلات ,
و إن ابنك لو مارضيش يشرب اللبن يبقى أكيد السلفيين هم اللي محرضينه ,


كل الاتهامات دي بنسمعها في التليفزيون , و بنقرأها في الجرائد ,
و بتنزل لنا كمان من الحنفية ,
و وجه الشبه بينها و بين شغل الأطفال اللي اتكلمنا عنه إن :
- الجرائد و القنوات اللي بتذيع الاتهامات دي بتكررها كتيييييييير قوي ......
( الصوت العالي و التشويش ) ,
- مش بتتيح أي مساحة للسلفيين إنهم يردوا و يدافعوا عن نفسهم .......
( سد الودان )

ده للأسف لأن معظم وسائل إعلامنا اللي هي فعليا تابعة لأفكار مموليها من (رجال الأموال) ,
معظمها لا يملك جرأة النقاش و إتاحة الفرصة للطرف الآخر ,
فبيلجأ لسياسة ( خدوهم بالصوت ليغلبوكم ) !!
و ده في إطار ما يسمى بـ:


لكن علشان الحق يتقال برضو ,
فإن ( بعض ) وسائل الإعلام دي صارت تسمح ( بقدر صغير ) -بالمقارنة بكم التهم- من ظهور السلفيين للدفاع عن أنفسهم ,
و ده مش حبا في العدل و لا كفالةً لحق المتهم في الدفاع عن نفسه ,
لكنه ذرّاً للرماد في العيون ,
علشان يقولوا إنهم بيسمحوا بتعدد الآراء ,
و لو إنهم مش بيعطوا للدفاع نفس مساحة الادعاء ,
بل أحيانا بيضللوا الناس و يجيبوا حد لا يمثل المتهم أصلا كطرف آخر في الحوار ,

المهم ,
كنتوا هتنسوني حاجة مهمة جدا عاوز أقولها ,
و دليل مهم و قاطع على براءة السلفيين بعد الجرائم الكتيرة اللي اتهموهم بيها
و اللي ما يعملهاش غير سوبر مان



السلفيين يا جماعة ما بيعرفوش يطيروا !!!


........................


و حقوق النشر للجميع طبعا 


ـ

8 comments:

  1. ضحكتني وانا علي اخري وربنا

    وسوبر مان كمان
    لا نروح نستخبي احسن:)

    منوررررررررر

    ReplyDelete
  2. sony2000 :

    شر البلية ما يضحك ,
    كلامهم و تلزيقهم لكل المصايب اللي بتحصل في البلد في السلفيين يعطي انطباع إن السلفيين دول موجودين في كل مكان و في كل وقت و بيعملوا كل حاجة ,
    و بكده يبقوا سوبر مان بقى

    ReplyDelete
  3. :)
    قرأت أنا الأفعال الخارقه بتاعة السلفيين دي
    والله مش عارفين يفبركوا كلام معقول شويه :)
    لكن في النهاية
    إن الله يدافع عن الذين آمنوا

    ReplyDelete
  4. ايومي :
    فيه مثل سمعته سوري تقريبا أو شامي بس مش فاكر لفظه , بيقول :
    قلت لهم دي كذبه ,
    قالوا لي عرفت إزاي ؟؟
    قلت لهم من كبرها

    فعلا المبالغة في كذبهم أكثر ما يفضحهم

    ReplyDelete
  5. السلام عليكم و رحمة الله و بركاته اخواني اخواتي الأعزاء . أردة أن أدعو اخواني الغاليين لزيارة مدونة الامل و اعطائي رأيكم فيها
    تقبلو مني فائق الاحترام و التقدير

    سلام

    ReplyDelete
  6. مدونة الأمل :
    و عليكم السلام و رحمة الله و بركاته
    شكرا جزيلا لمرورك ,
    و لي زيارة لمدونتك أخي الكريم إن شاء الله

    ReplyDelete
  7. كلامك على عينى وعلى راسى يا تيمى

    بس المشكلة بالنسبالى دلوقتى انى معرفش مين هو السلفى ؟؟ مين الاخوانى ؟؟ مين التبليغ والدعوة

    ما اكدبش عليك انا زى اى حد اغلب اللى اعرفهم ناس زى حلاتى مسلمين وجاهلين بالحياة..اللى مقدرش اقولك عليها دينية لان السياسة طغت فيها على الجانب الدينى

    فاذا سمحت ممكن تعمل توبيك تقول فيه احنا فين وسط دول كلهم_ واقصد باحنا اللى زى حلاتى مسلم من غير القاب _لان بصراحة انا بثق فى رايك لانه دايما بالادلة ومقنع

    ReplyDelete
  8. BoOoO :

    أنا معاكي فعلا للأسف معظم الناس مش عارفة زيد من عبيد
    أي حد بدقن بيمشي سلفي و إخواني و حتى جهادي و تكفيري

    فجزاكم الله خيرا على التنبيه , و إن شاء الله ناول نعمل موضوع بالخصوص ده قريب إن شاء الله
    جزاكم الله خيرا

    ReplyDelete

دلوقتي تقدر تعلق بأكثر من طريقة :
كـ(غير معرف) بدون ما يكون لك حساب خالص
أو بحسابك على الفيس بوك
أو بحسابك على بلوجر
بس عبرني و علق :) ـ

حقوق النشر للجميع


ـ
و لا تنسوا
كاتب الموضوع من دعوة صالحة بظهر الغيب

أن يُصلح الله له شأنه كله و يُدخله الجنة و يُجِرْه من النار و جميع المسلمين و المسلمات ..

>> حقوق النشر للجميع <<
لو رأيت أنه يستحق النشر
بشرط عدم التحريف أو التغيير
و يا حبذا لو تذكر رابط المدونة

tazbee6.blogspot.com


أو تذكر أن الموضوع

" منقول من مدونة تظبيط "

ـ