زي ما فيه حاجات صح و حاجات غلط

فيه حاجات غلط ممكن تبقى صح

بس عاوزة شوية

تــظــبـــيــط

ــــــــــــــــــــــــــــ

قبل أن تقرأ المدونة

-- حقٌ على أصحاب الكؤوس أن يتناصحوا --

لا يُعــذَر المسلم في تخليه عن الدعوة إلى الله والأمر بالمعروف والنهي عن المنكر حتـى وان كان مُقصراً في نفسه في بعض الأمور ,

بـل إن الإنسان عليه أن ينهى عن المنكر حتى وان كان هــو واقـع فيــه

فوقوعه في المنكر ذنب وعدم إنكاره على الآخرين ذنب آخر يُسأل عنه,
ولا شك ان على من ينصح أن يسعى جاهداً لتغيير ما بنفسه ليكون قدوةً ومثالاً يُحتذى به.

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

18 April, 2011

ـ الليبرالية ليها أنياب !! ـ


يعني إيه الليبرالية ليها أنياب ؟؟


- يعني لو كنت في أوروبا ينفع تتجوز راجل زيك ...
لكن ما ينفعش تتجوز أكثر من زوجة واحدة !!

- يعني ينفع و انت بتسلم على واحدة ست تبوسها ( بوسة بريئة ) ,
أما لو رفضت تسلم عليها بإيدك .... تبقى متشدد و معقد نفسيا !!


- يعني مافيش حاجة اسمها ( لا إله إلا الله ) ,
لكن : ( الله إله ) , و عيسى إله , و بوذا إله .... خليك fair !!


- يعني يبقى مسموح للستات في فرنسا يمشوا عريانين ,
لكن اللي تلبس نقاب ... يتقبض عليها !!!




- يعني خالد سعيد و سيد بلال يموتوا من التعذيب ,

و البرادعي يزور أهل خالد سعيد و ما يعبرش أهل سيد بلال ... 
أصله ( ملتحي ) و العياذ بالله !!




- يعني لما عمرو أديب يحب تكون فيه ديموقراطية ,
لكن ( تولع الديموقراطية ) لو جابت الإخوان أو حماس!!

http://www.youtube.com/watch?v=SYl_-hOa_Eo




- يعني لما أئمة المساجد ينصحوا الناس يصوتوا بـ( نعم ) في الاستفتاء يبقوا : 
بيفرضوا الوصاية الدينية ,
و لما القسسيسين يقولوا للنصارى صوتوا بـ( لا ) .. يبقى : 
عادي يا عم ما تدقش !!


http://www.youtube.com/watch?v=DEy4YhV1ZdI&feature=related




- يعني نمسك في كلمة الشيخ يعقوب لما قال عن الاستفتاء ( غزوة )=معركة ,
و نسد وداننا لما ساويرس يسميها ( خناقة ) !!!!

http://www.youtube.com/watch?v=clM6vM4cDFk&feature=player_embedded



Think again !!


..................


6 comments:

  1. UnknownApril 18, 2011 at 9:49 PM

    يعنى نعمل اللى
    على مزاجهم مش
    اللى على مزاجنا
    أو اللى مفروض
    نعمله صح؟

    ReplyDelete
  2. sony2000April 18, 2011 at 10:18 PM

    كل واحد ودماغوا
    المهم نعمل اللي مقتنعين بيه من غير مانضغط علي حد

    ReplyDelete
  3. AnonymousApril 19, 2011 at 5:47 PM

    السلام عليكم:
    مافيش حاجة أساسا علي وجه الكرة الأرضية اسمها ديمقراطية (حكم الشعب).
    ولا حتي في البلاد اللي بتصدرلنا المفهوم ده.
    http://www.youtube.com/watch?v=OwQQYw-NgK8
    و كمان
    http://www.rense.com/general67/democracyisanillusion.htm
    فيه مقالات و كتب كتيرة بتتكلم في الموضوع ده من زمان ممكن تقرا ل (ناعوم تشومسكي)، و (جون بيركنز)، و غيرهم كتير بالكلام الموثق، دور كمان في مصطلح:corporatocracy

    بخصوص اللي بيحصل في فرنسا هو حصل منه ألعن من كده ألف مرة في مصر و تونس و سوريا...الخ في البلاد العربية اللي بيسموها اسلامية، بس تصنيفها عالمياsecular يعني مش اسلامية و لا حاجة، و علي فكرة لسة التصنيف ده ماتغيرش، علشان كلمة دولة اسلامية بقت بتسبب حساسية للناس مش بره بس ده جوه كمان.
    بخصوص البرادعي فأعتقد أن أسرة سيد بلاب مش المفروض انها تشرفها انه واحد زي ده يزورهم لاحسن يعمل زي ماعمل هنا:
    http://www.youtube.com/watch?v=zih96pBKXXo&feature=related
    و ده ماكانش في أوروبا و لا حاجة.

    بخصوص رجل الأعمال الوطني زاويريس، واضح جدا هما ليه مش ناويين يحاكموه و يراجعوا صفقاته المشبوهة مع حكومات الفساد المتعاقبة (موضوع شرحه طويل و هو مرتبط برده بحكاية الcorporatocracy)
    يبس مايمنعش برده انك تتعرف علي جزء من فساد العائلة و ازاي كونوا المليارات.
    http://www.e-socialists.net/node/3327

    أما بخصوص الكائن المدعو (عمرو أديب) هو و أخوه بالمرة، فالكائنات دي أقل من أن نشغل نفسنا باللي بيقولوه أو بيعملوه.
    حازم

    ReplyDelete
  4. TIMMY !!April 19, 2011 at 10:06 PM

    norahaty
    يعني إن اللي على مزاجهم عمره ما هيتوافق مع ديننا و لا تقاليدنا و لا هينفع معانا , زي ما بيحاولوا يوهمونا

    ReplyDelete
  5. TIMMY !!April 19, 2011 at 10:12 PM

    sony2000

    أيوااااااااااااا من غير ما نضغط على حد ,
    و على فكرة الضغط اللي بيمارسه الإعلام الليبرالي على المواطنين العاديين و محاولة توجيههم من أشد أنواع الضغط

    الزن على الودان أقوى من السحر زي ما بيقولوا

    مين بقى اللي بيضغط على مين ؟؟

    ReplyDelete
  6. TIMMY !!April 19, 2011 at 10:16 PM

    أ.حازم

    و عليكم السلام و رحمة الله
    و مرحبا بيك مرة تانية و حمد الله على السلامة
    و جزاك الله خيرا على الإضافات القيمة كعادتك معنا مشكورا
    و إن شاء الله نستفيد من الروابط اللي حضرتك أضفتها في الموضوع أو في موضوع تاني , لكن لما أرجع في الأجازة الجاية إن شاء الله :(

    ReplyDelete

دلوقتي تقدر تعلق بأكثر من طريقة :
كـ(غير معرف) بدون ما يكون لك حساب خالص
أو بحسابك على الفيس بوك
أو بحسابك على بلوجر
بس عبرني و علق :) ـ

Subscribe to: Post Comments (Atom)

حقوق النشر للجميع


ـ
و لا تنسوا كاتب الموضوع من دعوة صالحة بظهر الغيب
أن يُصلح الله له شأنه كله و يُدخله الجنة و يُجِرْه من النار و جميع المسلمين و المسلمات ..

>> حقوق النشر للجميع <<
لو رأيت أنه يستحق النشر
بشرط عدم التحريف أو التغيير
و يا حبذا لو تذكر رابط المدونة

tazbee6.blogspot.com


أو تذكر أن الموضوع

" منقول من مدونة تظبيط "

ـ