زي ما فيه حاجات صح و حاجات غلط

فيه حاجات غلط ممكن تبقى صح

بس عاوزة شوية

تــظــبـــيــط

ــــــــــــــــــــــــــــ

قبل أن تقرأ المدونة

-- حقٌ على أصحاب الكؤوس أن يتناصحوا --

لا يُعــذَر المسلم في تخليه عن الدعوة إلى الله والأمر بالمعروف والنهي عن المنكر حتـى وان كان مُقصراً في نفسه في بعض الأمور ,

بـل إن الإنسان عليه أن ينهى عن المنكر حتى وان كان هــو واقـع فيــه

فوقوعه في المنكر ذنب وعدم إنكاره على الآخرين ذنب آخر يُسأل عنه,
ولا شك ان على من ينصح أن يسعى جاهداً لتغيير ما بنفسه ليكون قدوةً ومثالاً يُحتذى به.

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

18 December, 2010

ـ لا تكتب : اللهم ( صلِّي ) على نبينا محمد !! ـ


بسم الله الرحمن الرحيم ..

لينا جارنا دكتور في اللغة العربية ,
حدثني مرة عن زميلٍ له التقى الشيخَ ابن العثيمين - رحمه الله - فقال للشيخ :
" ادعي لي يا شيخ "

فقال له الشيخ :
" ذَكِّرني أدعُ لك "

فصاحبنا استغرب
!!
يعني إيه " ذكرني أدع لك " ؟؟
طيب ما أنا بفكرك أهه ,
و لا أفكرك تدعي لي وقت تاني يعني و لا إيه
؟؟

فلما حكى الموقف ده لجارنا ,
قال له: إن الشيخ لا يعني بقوله " ذكرني " يعني فكرني ,
لكن يعني خليني " مُذكّر " و أنا أدع لك !!

يعني يقول له : " اُدْعُ لي يا شيخ "
و ليس :
" ادعي لي يا شيخ "

لأن المخاطب المذكر في فعل الأمر
-سواء طلب أو دعاء- بيكون مجزوم ,
إما بالسكون أو حذف حرف العلة مثل :
ادعُ لي - صلِّ على السجادة ....

أما في حالة المؤنث ,
تبقى الياء في فعل الامر و تسمى ( ياء المخاطبة ) , مثل :
ادعي لي - صلي على السجادة .....


أكيد دلوقتي هتلاقي واحد بيقول , أو واحدة بتقول :
إيه حصة العربي اللي دخلنا فيها دي ؟؟

هقول ( له ) : لو عاوز تعرف ليه ؟؟
( صلِّ ) على النبي الاول ,

و هقول ( لها ) : لو عاوزة تعرفي ليه ؟؟
( صلي ) على النبي الأول ,

و وريني كده انت هتكتب الصلاة على النبي إزاي ؟؟؟
هتكتبها :
اللهم ( صلِّي ) و سلم عليك يا رسول الله
أم :
اللهم ( صلِّ ) و سلم عليك يا رسول الله

؟؟؟؟؟؟

أهو الموضوع قلب درس عربي علشان الحتة دي يا عم ,

لما تكلم ربنا و تخاطبه لازم تخاطبه بصيغة المذكر ,
و النداء أو الدعاء هو أصلا فعل أمر ,
و لما يكون للمذكر بتحذف منه حرف العلة , أو الياء ,


يبقى ( ما ينفعش ) تكتب :
يا رب (صلي) على النبي ,
أو
يا رب (اهديـني)
أو
يارب (أعطـيـني) ما أتمناه
.... إلخ

إنما تكتب :
يارب ( صلِّ) على النبي
أو
يارب ( اهدني )
أو
يارب ( أعطني ) ما أتمناه
.... إلخ


الغلط في الكتابة صغير , يادوب في حرف واحد ,
إنما الغلط في المعنى كبييييييييييير جداااااااااا

...................


جزاكم الله خيرا على القراءة ,
و خصوصا الناس اللي ما بتحبش العربي ,
نسأل الله أن يوفقنا لما يحب و يرضى


ـ
و لا تنسوا
كاتب الموضوع الأصلي من دعوة صالحة بظهر الغيب

أن يُصلح الله له شأنه كله و يُدخله الجنة و يُجِرْه من النار و جميع المسلمين و المسلمات ..

>> حقوق النشر غير التربحي للجميع <<
لو رأيت أنه يستحق النشر
بشرط عدم التحريف أو التغيير
و يا حبذا لو تذكر رابط المدونة

tazbee6.blogspot.com


أو تذكر أن الموضوع

" منقول من مدونة تظبيط "

ـ

22 comments:

  1. عن كعب بن عجره رضي الله عنه قال إن النبي صلى الله عليه وسلم خرج علينا ،
    فقلنا : يا رسول الله ، قد علمنا كيف نسلم عليك ،
    فكيف نصلي عليك ؟
    قال :
    ( قولوا : اللهم صل على محمد ، وعلى آل محمد ، كما صليت على آل إبراهيم ، إنك حميد مجيد . اللهم بارك على محمد ، وعلى آل محمد ، كما باركت على آل إبراهيم ، إنك حميد مجيد ) .

    الراوي: كعب بن عجرة
    المحدث: البخاري -
    المصدر: صحيح البخاري -
    الصفحة أو الرقم: 6357
    خلاصة حكم المحدث: [صحيح]
    ـ

    ReplyDelete
  2. بص انا مش هقولك غير انى بجد لو اعرف التدوينة دى ممكن اشيرها عندى على الفيس بوك ازاى كنت شيرتها

    جزاكم الله خيرا

    ReplyDelete
  3. موناليزا

    أهلا و سهلا بحضرتك ,

    طريقة التشيير على الفيس بوك من الشريط اللي في نهاية التدوينة جنب رابط التعليقات
    و تضغطي على علامة الفيس بوك

    شكرا جزيلا

    ReplyDelete
  4. جزاك الله خيرا كثيرا
    وآسفة انا كنت مفكرة ان المدونة التانية مادامت مفتوحة فعادي لو اي حد علق،لكن الظاهر اني فهمت غلط،فآسفة لو أنا اضطريت حضرتك لحذف المدونه كاملة.

    ReplyDelete
  5. Anonymous

    جزانا و إياكم ,
    و المدونة مفتوحة عادي الحمد لله و لم تُحذف
    لكن تم تغيير اسمها فقط للاسم الحالي
    شكرا جزيلا لحضرتك

    ReplyDelete
  6. جزاك الله خيراً يا تيمي

    بجد انا اول مره الاحظ الفرق ده ومكنتش باخد بالي منه خالص

    ربنا يجعله في ميزان حسناتك

    ReplyDelete
  7. جزاك الله خيرا على الموضوع الطيب و على موضوعاتك التي اراها دائما مثمرة و طيبة

    لي تعليق بسيط قد يكون سخيفا بعض الشيء
    لكن آمل ان يتسع صددرك له

    موضوعك بعنوان لا تقل
    و في سياق الحديث قلت لا تقل
    و الاصلح في هذا الموضوع ان تقول لا تكتب ليس لا تقل

    فان نطقها يجيء لغويا بالكسر

    اذا من الاصح اخي الفاضل ان يكون موضوعك عن الكتابه لا القول

    و في النهاية اتمنى ان لا اكون قد ضايقتك بتعليقي

    جزاك الله خيرا اخي و دمت بخير

    تقبل مروري

    ReplyDelete
  8. Dr/ walaa salah

    جزانا و إياكم يا دكتورة ,

    نسأل الله أن يعلمنا ما ينفعنا و ينفعنا بما علمنا

    ReplyDelete
  9. Ahmed Mustafa - zema

    جزانا و إياكم يا مصطفى ,
    و شكرا جزيلا على متابعة المدونة ,

    بالنسبة لملاحظة حضرتك فصحيحة تماما ,
    فعلا هو النطق بالكسر لكليهما ,
    فالواجب أن ننهى عن الكتابة لا عن النطق ,

    جزاك الله خيرا يا مصطفى
    و جاري تغييرها في الموضوع

    ReplyDelete
  10. بارك الله فيك

    تعُلم اللغة العربية من أهم الأمور حتى إن سيدنا عمر بن الخطاب -رضي الله عنه- كان يقول:تعلموا العربية فإنها من دينكم

    ونحن عندما نخطئ مثل تلكم الأخطاء التافهة فإنما نظلم أنفسنا بقفدنا للغتنا وهويتنا.

    جزاك الله خيراً أن ذكرتنا :)

    ReplyDelete
  11. السلام عليكم ورحمة الله وبركاته
    دمعزك الله ياتيمى وطلبقك الله

    دور بقى على معناهم ياتيمى:)

    ReplyDelete
  12. مصطفى محمود

    بارك الله فينا و إياك يا مصطفى
    فعلا اللغة من العلوم الشرعية ,
    و رحم الله الشافعي إذ قال :
    أصحاب العربية جن الإنس
    يبصرون ما لا يبصر غيرهم

    جزاك الله خيرا يا مصطفى

    ReplyDelete
  13. حسام الدين

    و عليكم السلام و رحمة الله و بركاته ,
    و جزاك الله خيرا على الدعاء ,
    أسأل الله الأول إن كان موجودا أصلا ذلك العز ,
    و الثاني مع حسن العمل

    و شكرا على أفعالك " المنحوتة " ـ
    :)

    ReplyDelete
  14. علي فكره
    بجد كمل كدا
    لان ماما
    بتحب تقرالك
    وبسببك
    انا قعدا دلوقيت علشان ناقرا ليها الكلام دا:)
    يلا يااااااااعم
    اشتهرت كدا جدااااااااا

    ReplyDelete
  15. sony2000

    لا , طالما الوالدة بتقرأ يبقى ده طبعا أكبر شرف لينا ,

    نرجو تبليغ سلامنا للوالدة ,
    و نطلب منها الدعاء بالخير ,
    و ياريت نركز على الدعاء بالله عليكم

    شكرا جزيلا

    ReplyDelete
  16. انا شيرتها عندى على الفيس بوك ومش هاقولك غير ربنا يرضى عنك دنيا وآخر

    ReplyDelete
  17. السلام عليكم و رحمة الله و بركاته أخي الكريم المشرف على المدونة

    أن صاحب مدونة الأمل أردت أن أدعيك لزيارة مدونتي و ترك بصمتك فيها و الادلاء على رأيك فيها

    تقبل مني فائق الاحترام و التقدير

    ReplyDelete
  18. الفقيرة إلى الله أم البنات

    و عليكم السلام و رحمة الله وبركاته ,

    شكرا جزيلا على المرور ,

    و جزاكم الله خيرا على الدعاء
    نسأل الله الإجابة

    ------------------

    مدونة الامل :
    و عليكم السلام و رحمة الله و بركاته ,
    إن شاء الله سنلبي الدعوة ,
    و نشرف بزيارة مدونتكم
    جزاكم الله خيرا

    ReplyDelete
  19. جزاك الله خير الجزاء
    فعلا فى ناس كتير بتقع فى هذا الخطأ

    ReplyDelete
    Replies
    1. جزانا و إياكم أخي أيمن

      Delete
  20. وحشتني اوي المدونة ومواضيع المدونة
    يارب تكون بخير وعافية
    وربنا ييسر لك ما يرضيه عنك
    تعليقا بقى على
    اللهم صلي
    فهذا يجوز كتابته بالياء
    صحيح لغويا أجزم بدون حذف حرف العلة
    زي قول الشاطبي في الشاطبية:
    متى تنقضي آتيك بالواو فيصلا
    فأثبت الياء في آتيك
    وهي مجزومة
    :-)

    ReplyDelete

دلوقتي تقدر تعلق بأكثر من طريقة :
كـ(غير معرف) بدون ما يكون لك حساب خالص
أو بحسابك على الفيس بوك
أو بحسابك على بلوجر
بس عبرني و علق :) ـ

حقوق النشر للجميع


ـ
و لا تنسوا
كاتب الموضوع من دعوة صالحة بظهر الغيب

أن يُصلح الله له شأنه كله و يُدخله الجنة و يُجِرْه من النار و جميع المسلمين و المسلمات ..

>> حقوق النشر للجميع <<
لو رأيت أنه يستحق النشر
بشرط عدم التحريف أو التغيير
و يا حبذا لو تذكر رابط المدونة

tazbee6.blogspot.com


أو تذكر أن الموضوع

" منقول من مدونة تظبيط "

ـ