زي ما فيه حاجات صح و حاجات غلط

فيه حاجات غلط ممكن تبقى صح

بس عاوزة شوية

تــظــبـــيــط

ــــــــــــــــــــــــــــ

قبل أن تقرأ المدونة

-- حقٌ على أصحاب الكؤوس أن يتناصحوا --

لا يُعــذَر المسلم في تخليه عن الدعوة إلى الله والأمر بالمعروف والنهي عن المنكر حتـى وان كان مُقصراً في نفسه في بعض الأمور ,

بـل إن الإنسان عليه أن ينهى عن المنكر حتى وان كان هــو واقـع فيــه

فوقوعه في المنكر ذنب وعدم إنكاره على الآخرين ذنب آخر يُسأل عنه,
ولا شك ان على من ينصح أن يسعى جاهداً لتغيير ما بنفسه ليكون قدوةً ومثالاً يُحتذى به.

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

22 November, 2010

ـ في بلدتي .. ( من أشعاري ) ـ

السلام عليكم و رحمة الله و بركاته ,

من وسط رمال الصحراء الغربية الناعمة ,

أبعث إليكم هذه القصيدة الجديدة التي ألفتها هناك ,

من نت الموبايل البطيء عبر وصلة البلوتوث إلى اللاب توب ثم إلى المدونة !!

أرجو أن تعجبكم ,


.............................................


في بلدتي ..



قال ابتهج ...

لا تبتئس ...

فالحالُ في هَذِي المدينةِ أزهرُ ,

و الكل في هذي المدينةِ مترفون ,

في جنّةٍ هم هانئون ,

في أفخر الأبياتِ صاروا يسكنون ,

قد زال لفظ " مشردون " !!!



أمَّا الطعامُ فأفخر الأطباقِ تؤكل كل يوم ,

ما من موائدَ خالية ,

ما من بطونٍ طاوية ,

ما من ضحايا في منافذِ ذلك الخبزِ المُطَعَّمِ بالبعوض !!



أمَّا إذا رُمْتَ الحديثَ عن احترام الإنسِ , عن حقٍ مَصون ,

فاسأل أُخَيَّ عن المعاقل و السجون ,

هي قطُّ تأديبٌ لصناع الفساد ,

من عاث ظلما في البلاد ,

ما للظَلومِ عن العقوبةِ من فكاك ,

أما البريءُ فلا مكان له هناك ,

صِدقاً ... ينام الليلَ بين عيالهِ !!



إِي , فالأمان هنا لا يُسألَنْ عن مثلهِ ,

في بلدتي حُكمٌ يُطبِّقُ كلَّ أنواع الحدود ,

و شريعةُ الرحمن تحكمنا , تسود ,

و الكل حرٌ طالما لم يُؤْذِ آخر ,

إي , أَيُّ آخر ,

حريتي مكفولةٌ في موطني الحرِّ الرحيب !!



حرٌ رحيبٌ هانيءٌ و الاقتصاد بلا ركود ,

و اسأل لتعرف كيف أصبحتِ النقود ؟

صارت تَسَاقَطُ مثل أوراق الشجر ,

تهوي على رأس الجميع بلا حساب ,

ما عاد مسكينٌ ليطرقَ أيَّ باب ,



حتى الشباب ..

صاروا بكل سهولةٍ يتزوجون ,

يتزوجون و ينجبون براعم الجيل الجديد ,

أطفالُ خيرٍ لم تشُبهم شائبة ,

لا يعرفون مسلسلات العهر , أفلام الفساد ,

بل في محاريبِ الثقافةِ بين ما خطَّ المِداد ,

حقاً رجالُ الغدِّ أبطالُ البلاد ,

مستقبلُ الأوطانِ أصبح في أمان !!!



ماذا سأحكي ؟؟ ما عسايَ أقولُ ؟؟

فالكُلُّ في هذي البلادِ جميلُ ,

أنصِف أخي و دعِ الإياسَ و الاكتئاب ,

إذْ كل شيءٍ مثلما قال الكتاب ,

و انظر أخي للكوبِ كُلاً إنهُ ...

في قَعْرِهِ بعضُ المياهِ .... ألا ابتهج !! .





و كالعادة , اللي عنده أي نقد ... يتفضل يورينا نفسه :)



و كل عام و أنتم بخير


.

10 comments:

  1. الله

    الواحد ينفع يحلم ان مصر
    وكل البلاد الاسلاميه تبقى كده

    الله بجد حلوة قوي

    وما اظنش ان ممكن انقد حاجه عجبتني قوي كده

    حقيقي حقيقي جميله .. ( خلاص يا ستي عرفنا .. احم طيب ) << جنان ده انا بكلم نفسي ما تاخدش في بالك

    تسلم الايادي حضرتك يا باشمهندس

    ReplyDelete
  2. السلام عليكم ورحمة الله وبركاته

    تحية ليك و "بلدتك" وواحشنا يا هندسة والله

    وكالعادة أشعارك بتعجبني :D
    مش عشان انت شاعر جهبز ولا حاجة :D
    ولا عشان انا مبفهمش في الشعر برضو :D
    بس عشان انت بتقول اللي انا عايز أقوله :)

    بس انا ليا وجهة نظر مع بلدتك دي ، متحاولش كتير تقعد فيها -في أحلامك طبعاً- عشان هي الدنيا كده ، مفيش فيها حاجة كاملة
    أنا مش عايز اكون متشائم -وإن كنت كذلك أحيانا :D -
    بس للأسف الحقيقة كده

    و ربنا يخليلك بلدتك ويصلح حالها يارب :)

    وابقى طمنا عليك
    وسلملنا على الصحراء الغربية

    ترجع بالسلامة إن شاء الله

    في أمان الله:)

    ReplyDelete
  3. كركبة دماغ :
    شكرا جزيلا على المرور
    و يارب تبقى بلادنا الإسلامية كده , قصدي , بلادنا الإسلامية ( ترجع ) لما كانت عليه , فقد كانت كذلك , و اسألوا عن عهد عمر ابن عبد العزيز
    ربنا يرحمنا ,

    و جزاكم الله خيرا

    ReplyDelete
  4. مصطفى محمود:
    هو انت بقى ياسيدي اللي مش بتفهم في الشعر!!
    طب و ماكنتش راضي تقول اسمك ليه ؟
    ماشي ماشي
    لما أشوفك إن شاء الله

    عجبتني قوي حتة الـ(جهبذ) دي ,
    فعلا ده الوصف الدقيق ليا :) احم احم

    المهم , يارب يا مصطفى يصلح البلد
    و طبعا ده عن طريق الحزب الوطني بس
    كما يقول الشاعر:
    الحزب الوطني في مصلحتك و المسستقبل ليك
    بكره شباب مصر هيشتغلوا و بكره تشوف بعنيك

    سعدنا بلقائك يا مصطفى ,
    و هانت أهه إن شاء الله كلها يومين و يخلص الأسبوعين و نرجع للبيت
    و ياريت نشوفك في الأجازة دي إن شاء الله
    علشان عاوز أشتري موبايل من عندكم إن شاء الله
    علشان رخيص :)

    ReplyDelete
  5. وعليك السلام ورحمه الله وبركاته

    والله يا ابراهيم جميلة جداا

    بس طبعا اناعاوز اضيف حاجه

    احنا ان شاء الله ممكن نلحق العيش فى هذا الزمن الجميل لكن الاحلى انك تكون سبب فى هذا الخير .....ةساعتها فرحنك هتبقى اكبر

    ReplyDelete
  6. fawzy
    ياااااااه
    أخيرا حاجة عجبتك ياراجل ؟
    ده أنا المفروض أدبح فرخة علشان المناسبة دي :)

    طبعا احنا ممكن نلحق نعيش في هذا الزمان ,
    بس انت عارفني
    متفائل جدا :)
    بس زي ما انت بتقول ,
    المهم ييجي النصر
    سواء بإيدينا أو بأيدي غيرنا ,
    المهم أن نشارك فيه

    و على رأي المهندس محمد و بتاع الكشري :
    لازم ننقذ الأهلي .. الأهلي بينهار :)

    ReplyDelete
  7. جميله اوي الكلمات دي

    بس ناقصه ابيات

    انك تقول ان د حلم ويا عالم هيتحقق ولا لا

    بجد لو مصر تبقى كده هنبقى في جنه

    كلماتك جميله بجد والواحد سرح فيها

    مشكور

    ReplyDelete
  8. Dr/ walaa salah

    شكرا جزيلا ,
    هي فعلا ناقصة الأبيات دي " كتابةً "
    لكنها موجودة " تلميحاً "
    و شكرا جزيلا للإضافة و النقد
    جزاكم الله خيرا

    ReplyDelete
  9. ههههههه

    فكرتني بلافتات أحمد مطر

    جميلة أوي بجد

    بس من امتا بتكتب فانتازيا :)

    ReplyDelete
  10. سمو الامير
    مع إن الواحد ماشافش غير لافتات الانتخابات اليومين دول
    بس طالما أحمد مطر يبقى أكيد حلوة :)

    و على فكرة أنا عمري ما كتبت فانتازيا
    أنا بشرب فانتا بس من غير زيا
    :)

    ReplyDelete

دلوقتي تقدر تعلق بأكثر من طريقة :
كـ(غير معرف) بدون ما يكون لك حساب خالص
أو بحسابك على الفيس بوك
أو بحسابك على بلوجر
بس عبرني و علق :) ـ

حقوق النشر للجميع


ـ
و لا تنسوا
كاتب الموضوع من دعوة صالحة بظهر الغيب

أن يُصلح الله له شأنه كله و يُدخله الجنة و يُجِرْه من النار و جميع المسلمين و المسلمات ..

>> حقوق النشر للجميع <<
لو رأيت أنه يستحق النشر
بشرط عدم التحريف أو التغيير
و يا حبذا لو تذكر رابط المدونة

tazbee6.blogspot.com


أو تذكر أن الموضوع

" منقول من مدونة تظبيط "

ـ