زي ما فيه حاجات صح و حاجات غلط

فيه حاجات غلط ممكن تبقى صح

بس عاوزة شوية

تــظــبـــيــط

ــــــــــــــــــــــــــــ

قبل أن تقرأ المدونة

-- حقٌ على أصحاب الكؤوس أن يتناصحوا --

لا يُعــذَر المسلم في تخليه عن الدعوة إلى الله والأمر بالمعروف والنهي عن المنكر حتـى وان كان مُقصراً في نفسه في بعض الأمور ,

بـل إن الإنسان عليه أن ينهى عن المنكر حتى وان كان هــو واقـع فيــه

فوقوعه في المنكر ذنب وعدم إنكاره على الآخرين ذنب آخر يُسأل عنه,
ولا شك ان على من ينصح أن يسعى جاهداً لتغيير ما بنفسه ليكون قدوةً ومثالاً يُحتذى به.

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

28 October, 2010

ـ أين النجوم ؟؟ ( من أشعاري ) ـ



السلام عليكم و رحمة الله

أحببت أن أشارككم آخر قصائدي التي كتبت رغم أنني لي مدة لم أنشر اي قصائد في هذه المدونة
لأني لم أجد ما يصلُحُ لها
أرجو أن تعجبكم هذه القصيدة
و طبعا اللي عنده نقد ... يوريني نفسه :)
..........


أين النجوم ؟؟



إنّـــا درســنا في المــدارس ســابــقــاً *** أنّ الـســمــا مـلآى بكـلِّ ضـيـاءِ

فيها النجـومُ و ضــوءُ بــدرٍ ســاطــعٍ *** و الــنــورُ يــمــلأُ ســائر الأنحاءِ

فنــظرتُ يــوماً للــسمــا فــوجــدتهــا *** ظُــلــماً على ظــلمٍ بغـــير ضياءِ

فعجبتُ !! أين البدرُ ؟ أيـن نجومها ؟ *** أيــن الشـــهابُ و أيـن كلُّ بهاءِ ؟

فسألتُ من حــولي عن الخـطبِ الذي *** قد حــلَّ بــالأفــلاكِ في الــعلــياءِ

قالــوا : الغــمامُ غــدا طــباقاً يا فــتى *** جــاءت بــه أمــمٌ مــن الأنــــواء

هـــذا الغــمــامُ عــلا الســما مُذ أدهُرٍ *** و طــغى فأظــلمَ سائــرَ الأجـواءِ

قــد حــاول الأســلافُ قــبلاً طـــردَهُ *** لكــنّــهُ اســتعصــى على الأكـفاءِ

أفــتحــســبَــــنْ أنّــا ســنفــعلُ ما وَنى *** عنه الــجــدودُ و سائــرُ الآباء ؟؟

فانفض يــديك و لا تـخض فـي ذكـرهِ *** و ارض السلام و عيشةَ الضعفاءِ

لــسنا نطيــقُ الجــوعَ , مَــنْعَ مــعونةٍ , *** فَرْضَ الحــصارِ و لُقــمةً بـعــناءِ

فضلاً عن الحربِ الضروسِ و ما بها , *** لـســنا نُــطـيقُ تطـايُــر الأشـلاءِ

لا تــــحـــسبَنْ قــولــي كــلامَ مُـثَـبـطٍ *** أو رأيَ رعــديــدٍ من الـجبـنــــاءِ

لكــنَّ تلــك هــي الحـــقــيقة عـــينُــها , *** الأمـــرُ واقــعُ يا فــتـى و نــهائي

لا تســـألــنّ الــطبّ عــن داءٍ فـــــشا *** و اسـأل مــجرِّبَ ذاق طـعم الـداءِ

و نصيـحتي لـك لا تــفكر في الــضيا *** و تــقــبَّــلِ الــدنــيا بــلا أضـــواءِ

عش و انسَ أضواء السماء و مـا بها *** و اقــطع من الأفــلاك كــلَّ رجاءِ

.... فتركتــهم , لم أقـتـنع بـكلامـهم .. *** كيف الحيـاة بــهــذهِ الظلماءِ !!؟؟

ليــس الخــضوع و لا الإيــاس يفيدنا *** حــتما هنــاك نــوافـــذٌ لــرجــــاءِ

حــــتــماً هــنالــك لــلغــمامِ نــهايــةٌ *** و لــكــلِّ شــرٍ في الــدُنـــا و بلاءِ



بقلمي ...

25-10-2010

.......................

فيه حاجة أخيرة آخر 3 ابيات دول ما كانتش ناوي أضيفهم للقصيدة , لكن قلت اديها شوية تفاؤل فهل يا ترى القصيدة بهم أفضل أم بدونهم ؟؟
بس عاوز رأي واقعي .. مش خيالي
شكرا ليكم


10 comments:

  1. جميله جدا القصيده

    اخر بيت عجبني اول حسيت فيه ان في امل ان لكل هم نهايه مهما طال الزمان


    مشكور تيمي وفي انتظار جديدك

    ReplyDelete
  2. السلام عليكم ورحمة الله وبركاته

    شوف هو أنا مش ناقد ولا شاعر ومن الآخر مبفهمش في الشعر ، بس بتذوقه (حلوة بتذوقه دي ) المهم انا الشعر اللي بيعجبني اللي بفهمه و اللي بحس انه بسيط ومعبر

    وعشان متقولش اني بجاملك فانا مبحبش اجامل حد ، ومبحبش امدح الأ اللي بيعجبني بجد

    وبصراحة الشعر دا عاجبني :D

    وبالنسبة للثلاث أبيات الأخيرة فأنت لو مكنتش ضيفتهم كانت هتبقى ناقصة قطعاً
    السبب إن أصلا ميقولش الكلام دا الا اللي عايز يقول الكلمتين دول في الآخر ، لانك لو كنت مقتنع أصلا بكلام الناس مكنتش لاحظت المشكلة !

    ودا مش من باب التفاؤل ولا الخيالية ولا حاجة بس هو الانسان كده ودي سنة الحياة شوية ضلمة وشوية نور ! شوية يأس وشوية أمل !

    بص انا تعبت من الكتابة
    المهم استمر بارك الله فيك :)

    أخوك مش مُعرف

    ReplyDelete
  3. د.ولاء
    هو فيه طبعا امل مهما طال الزمان
    لكن قد يطول الزمان أكثر من عمرنا

    شكرا جزيلا لمرورك

    ReplyDelete
  4. غير معرف

    و عليكم السلام و رحمة الله و بركاته

    صراحه احنا ( مُشَّكِرين )جدا على كلامك الجميل في حق كلماتنا
    و ربنا يجعله في الخير إن شاء الله

    أما بالنسبة لآخر ثلاث أبيات , فهي ممكن تكون كملت القصيدة , لكنها ممكن تكون ما حصلتش و لا هتحصل في حياة حد مننا

    و عجبتني جدا كلمتك إني لازم أقول آخر 3 أبيات , لأن ملاحظتي للمشكلة هي اللي خلتني أكتب أصلا .... ممكن برضه

    جزاك الله خيرا يا مش معرف
    و لولا جملتك في البداية إنك مش بتعرف في الشعر لقلت إن اسمك بيبتدي بحرف إسلام :)

    بارك الله فينا و إياك

    ReplyDelete
  5. السلام عليكم ورحمة الله وبركاته

    والله مش لازم تحصل
    بس لازم تتقال على الأقل
    حتى لو منا ورا قلبنا
    وأقولك ؟ حتى لو مش مقتنعين بيها أصلاً!

    حاجة تانية :
    مش إسلام لوحده اللي مش بيعرف في الشعر :D
    في ناس تانية كتير منهم أنا :P

    أخطأت يا هندسة :)
    أنا مش معرف
    بس ممكن تحاول تعرف
    :D-منا طلعت بقول شعر أهو

    وبارك الله فيك

    سلام :)

    ReplyDelete
  6. غير معرف
    و عليكم السلام و رحمة الله و بركاته

    أيواااااااا عليك نور
    هو الواحد بيقول حاجات كتير حتى لو مش مقتنع بيها أصلا
    ما هو الكلام مش بفلوس
    و المتفائلين اللي هيصدقوا كتير !!

    حاجة تانية :
    على فكرة إسلام بيعرف يكتب شعر :)
    بس هو اللي بيقول كده بس
    بس برضو فيه واحد تاني اسمه مصطفى مش بيعرف يكتب شعر , و بيكتب بعلامات ترقيم و ايموتيكونز برضه :)
    بس مافيش حاجة تستدعي منه إنه ما يقولش اسمه

    عموما يا عم المش معرف مسير الحي يتسفلت و الحي يتلاقى
    و بكره نعرف المش معرف :)

    بارك الله فينا و إياك

    ReplyDelete
  7. السلام عليكـم ورحمة الله وبركاته

    ما شاء الله عليك

    قصيدة رائعة

    وبعدين يا تيمى كويس ال3 ابيات
    دانتا احبطتنا يا راااااجل

    وهم ال3 ابيات دول اللى ريحونا شوية

    بس على فكرة القصيدة الجو بتاعها مش شاعرى خالص( أنواء وغمام و....)
    كويس ان محدش اتزحلأ وهو بيعلق على الموضوع


    جزيت الجنة اخى
    جعله الله فى موازين حسناتك
    ونفع بك

    ReplyDelete
  8. حسام الدين :

    و عليكم السلام و رحمة الله و بركاته
    و شكرا جزيلا لمرورك و تعليقك

    و بيني و بينك أنا اقتنعت بأهمية ال3 أبيات الأخر و إن فعلا فيه فرج
    بس سواء بينا أو بغيرنا مش مشكلة

    و بالنسبة للغمام و السحاب و المطر
    فمجلس المدينو مسفلت الشوارع عندنا فما تقلقش ما حدش هيتزحلق :)

    جزانا و إياكم الجنة يا حسام
    و ...
    و انت عارف البير و غطاه !!

    ReplyDelete
  9. ما شاء الله لا قوة إلا بالله
    أكثر من رائعة
    أختى جنبى بتذاكر نصوص فى ثانوية عامة
    باقول فى سرى
    "ما يأخدوا ده يدرسوا بدل النصوص الفاشلة بتاعت العربى ده"
    :-)

    نفسى كل الناس اللى فى العالم تقرأ مدونتك

    ReplyDelete
    Replies
    1. جزاكم الله خيرا على المرور
      و بالنسبة لنصوص الثانوي - تانية ثانوي على وجه التحديد - فهي اللي حببتني في الشعر الفصيح
      بعد ما كنت بكتب شعر عامي هزلي :)

      و بالنسبة لقراءة المدونة ,
      فأنا بحاول أنشرها قدر المستطاع , أو أنشر مواضيعها في المنتديات
      و ربنا ينفعنا بما علمنا و يعلمنا ما ينفعنا
      جزاكم الله خيرا

      Delete

دلوقتي تقدر تعلق بأكثر من طريقة :
كـ(غير معرف) بدون ما يكون لك حساب خالص
أو بحسابك على الفيس بوك
أو بحسابك على بلوجر
بس عبرني و علق :) ـ

حقوق النشر للجميع


ـ
و لا تنسوا
كاتب الموضوع من دعوة صالحة بظهر الغيب

أن يُصلح الله له شأنه كله و يُدخله الجنة و يُجِرْه من النار و جميع المسلمين و المسلمات ..

>> حقوق النشر للجميع <<
لو رأيت أنه يستحق النشر
بشرط عدم التحريف أو التغيير
و يا حبذا لو تذكر رابط المدونة

tazbee6.blogspot.com


أو تذكر أن الموضوع

" منقول من مدونة تظبيط "

ـ