زي ما فيه حاجات صح و حاجات غلط

فيه حاجات غلط ممكن تبقى صح

بس عاوزة شوية

تــظــبـــيــط

ــــــــــــــــــــــــــــ

قبل أن تقرأ المدونة

-- حقٌ على أصحاب الكؤوس أن يتناصحوا --

لا يُعــذَر المسلم في تخليه عن الدعوة إلى الله والأمر بالمعروف والنهي عن المنكر حتـى وان كان مُقصراً في نفسه في بعض الأمور ,

بـل إن الإنسان عليه أن ينهى عن المنكر حتى وان كان هــو واقـع فيــه

فوقوعه في المنكر ذنب وعدم إنكاره على الآخرين ذنب آخر يُسأل عنه,
ولا شك ان على من ينصح أن يسعى جاهداً لتغيير ما بنفسه ليكون قدوةً ومثالاً يُحتذى به.

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

06 October, 2010

ـ لم يلبث !! ( ق ق ج ) ـ



تُوفيَ أحد جيرانه ,
صلى عليه مع المصلين في المسجد ,
ذهب معهم لدفنه في المقابر ,

أحس برهبةٍ و وحشةٍ بين القبور ,
استمع للواعظ يتكلم عن الموت و القبر بينما كانوا يُلحدون الميت ,
اضطرب قلبه و غامت عيناه بالدموع ,
عاهد الله أن يتوب و يرجع ,
و أن يسلك الطريق المستقيم ,

خرج من المقابر ...
استقل سيارة أجرة إلى بيته ,
كانت أغنيته المفضلة تنبعث من مسجل السيارة ,
اندمج مع الأغنية
أخذ يدندن مع الألحان مُطلِقاً بصره عبر النافذةِ يتأمل المتبرجات عبر الشارع !!!

ـ

18 comments:

  1. AntikaOctober 6, 2010 at 5:54 PM

    للاسف التأثير بيبقى ف لحظتها وبس
    وممكن جوانا يتأثر ونبقى عايزين نتغير
    بس مجرد اننا عايزين .. مفيش خطوة بتتعمل

    زى واحد بيسمع الاذان وهو قاعد مع اصحابه وييجى ف باله "انا محتاج اواظب على مواعيد الصلا بقى"

    بس مابياخدش رد فعل سريع
    مابيقولش لاصحابه يلا نقوم نصلى جماعة مثلا !
    وبيكمل كلامه عادى وخلاص الموضوع انتهى على كدة

    ولو فعلا حد بدأ يواظب .. وبقى كويس
    دايما يلاقى كل الـ حواليه بيشدوه انه يرجع تانى
    وف معظم الوقت بيرجع .. ومابيحسش غير بعدها ..
    عشان هو اصلا حاطط نفسه ف وسط الغلط

    الموضوع مش محتاج غير بس شوية ثبات وجو نضيف بعيد عن المعاصى

    كنت عايزة اسأل يعنى ايه (ق ق ج) ؟

    ReplyDelete
  2. TIMMY !!October 6, 2010 at 6:37 PM

    Antika

    فعلا , للأسف التأثير بيبقى لحظي ,
    لكنه مش بيزول بالكلية ,
    لكن بيبقى مدفون جوانا ,
    و فيه أحيانا بيبقى عاوز يظهر بس بنحاول ندفنه و نخبيه بأي طريقة علشان ما نحسش بتأنيب الضمير ,

    و أنا أعترف أن الوسط السيء من العوامل التي تؤدي للانتكاس ,
    لكن ..... و لا بلاش ,
    ربنا يهدينا و يسهل علينا الطاعة و يحول بيننا و بين معصيته

    أما معنى ( ق ق ج ) فهي اختصار لـ( قصة قصيرة جدا ) و هي نوع أدبي عرفته مؤخرا و بحاول أقلده ,
    و لو إني عاوز أستبدل الاختصار ده بكلمة ( لقطة ) علشان الناس تفهمها ,

    شكرا جزيلا

    ReplyDelete
  3. AntikaOctober 6, 2010 at 7:15 PM

    بلاش ليه !!
    هو ممكن الشخص مع محاولاته لتغيير نفسه
    يحاول يغير الوسط هو كمان للافضل
    بس محتاج يكون اقوى ..

    شكرا على التوضيح واعتقد (لقطة) هاتبقى افضل

    ReplyDelete
  4. TIMMY !!October 7, 2010 at 2:15 PM

    Antika

    فعلا لو الواحد استعان بالله هيبقى قوي
    و يقدر يغير نفسه و غيره
    و حتى لو ماكانش قوي و دخل مع غيره من الضعفاء هيبقوا أقوياء و يقوي بعضهم بعضا

    ربنا يوفقنا لما يحب و يرضى

    ReplyDelete
  5. AnonymousOctober 7, 2010 at 11:56 PM

    وما نيل المطالب بالتمني،ولكن تطلب الدنيا غلابا
    ده للي طالب الدنيا فما بالنا باللي طالب الاخره،
    مش معقول بس يسمع حاجه أو يحصل موقف يتأثر ويقول هتغير،وبعدها بساعه ولا حتى بكام يوم ولا كأن حاجه،
    الهداية فقط الى هؤلاء(والذين جاهدوا فينا لنهدينهم سبلنا).
    ---------------
    الا ازاي ياباشمهندس بضيفوا جنب كلمة تعليق امكانية تشيير الموضوع في الفيس وأمثاله؟؟

    ReplyDelete
  6. TIMMY !!October 8, 2010 at 4:37 PM

    Anonymous

    هو فعلا ما نيل المطال بالتمني
    لكن هذه الوسيلة الوحيدة التي يرى الضعفاء أنهم قادرون عليها

    ربنا يهدينا و يأخذ بنواصينا لما يحب و يرضى

    ------------
    بالنسبة للشيرينج اللي في آخر كل موضوع بييجي كالتالي :
    dashboard>design>page elements>blog posts-edit>Show Share Buttons>save

    ReplyDelete
  7. Dr/ walaa salahOctober 8, 2010 at 4:40 PM

    للأسف ده حال اغلبنا

    مثلا نستمع لشريط ديني يبقى خلاص عايزين نروح نعمل حج عشان نكمل الشعائر الاسلاميه

    لكن بعد ساعه من سماعنا لهذا الشريط نعود لدوامة حياتنا اليوميه

    نسأل الله حسن الخاتمه والعافيه في الدنيا والاخره


    مشكووووور يا تيمي على الموضوع وعلى مدونتك

    تقبلي مروري

    ReplyDelete
  8. TIMMY !!October 8, 2010 at 7:48 PM

    Dr/ walaa salah

    فعلا , التاثر بيجي بسرعة و بيروح بسرعة للأسف
    easy come ... easy go

    ربنا يهدينا و يوفقنا لما يحب ويرضى و يثبتنا عليه

    و شكرا جزيلا على المرور

    ReplyDelete
  9. أم الأندلس الحبيبOctober 8, 2010 at 8:54 PM

    الدنيا تلاهي .. ولكن عند دنو الأجل .. نصل لحقيقة واحدة وهي أننا أضعنا عمرنا سدى

    ReplyDelete
  10. z!zOoOoOctober 9, 2010 at 4:30 AM

    ازيك يا تيمي

    يارب تكون بخير

    تفتكر بقي إيه الحل

    وإيه الحل بالنسبه للشباب المغيب ؟؟

    ReplyDelete
  11. عائــــد للهOctober 9, 2010 at 11:01 PM

    محدش في الدنيا قال ان كل وقتنا ولحظاتنا بتبقى بنفس كمية التأثر ، وزي ما الصحابة اشتكو للرسول نفس المعني فقالو له نكون معك -متأثرين وعايشين جو الاخرة وكذ وكذا فقال لهم لو داومتم على ماأنت عليه معي لصافحتكم الملائكة في الطرقات ، انما هي ساعة وساعة ..
    هذه الكلمة الي بصراحة كلنا فاهمنا غلط جدا ـ هي فعلا ساعة وساعة ، بس ساعة تأثر وندم وتوبة والساعة الاخرى مابيكونش فيها معصية يااخوانا ولا يكون فيها مايغضب الله، اقعد على النت او روح شغلك او انشغل مع اهلك ولكن بدوون ان تفقد هذا المعنى ...
    وعموما وعنتجربة شخصية ،حتى التأثر الوقتي ده بيكون ليه أثر ايجاابي جدا بعد كده ، جايز تكون حسيت دلوقتي انك مطبقتهوش او ماعملتش بالنصيحة بس بعد فترة هاتلاقي نفسك بتنقح عليك وبتفتكر كل حاجة كنت اتأثرت بيها ولعلها تكون لحظة التوبــــــــــة ...

    ReplyDelete
  12. ست البناتOctober 10, 2010 at 3:33 PM

    يااااااه كلنا كده فعلا
    ربنا يرحمنا ويعيننا على أنفسنا

    تحياتي

    ReplyDelete
  13. TIMMY !!October 10, 2010 at 4:50 PM

    أم الأندلس الحبيب

    فعلا ,
    و صدق من قال :
    الدنيا حلم , و الموت يقظة , و يوم القيامة تفسير الأحلام !!

    ReplyDelete
  14. TIMMY !!October 10, 2010 at 4:52 PM

    z!zOoOo

    بصراحة يا زيزو أنا مش شايف حل معين
    لكن الواحد المفروض يصبر
    و يجاهد
    و لا ييأس
    و يتوب و يرجع و يتوب و يرجع لو حتى مليون مرة في اليوم
    و لا يمل الله حتى نمل

    و ربنا يهدينا و يهدي الجميع

    ReplyDelete
  15. TIMMY !!October 10, 2010 at 4:57 PM

    عائد لله

    أنا معاك إن التاثر مش بيبقى بنسبة ثابتة ,
    لأن الإيمان يزيد و ينقص
    لكن العلماء بيقولوا إن النقصان لا يجب أن يدخل بالمرء دائرة المحرم ,

    و بالنسبة للتاثر بالنصيحة من عدمها ,
    فأنا معاك إن لو الواحد استمع لنصيحة و لم يعمل بها ,
    فهييجي له وقت إن شاء الله يعمل بها ,
    او على الأقل هيكون عارف إنه بيعمل حاجة غلط و ضميره هيأنبه
    و إن شاء الله هيرجع في الآخر

    ربنا يهدينا و يتوب علينا و جميع المسلمين

    جزاك الله خيرا أخي الكريم

    ReplyDelete
  16. TIMMY !!October 10, 2010 at 4:58 PM

    ست البنات :

    أهلا و سهلا أمَّ يَحيَى
    للأسف فعلا كتير مننا كده فعلا
    ربنا يهدينا و يتوب علينا

    ReplyDelete
  17. مجرد مدونةOctober 11, 2010 at 3:30 AM

    واقعية جدا
    ومسبوكة

    ReplyDelete
  18. TIMMY !!October 11, 2010 at 2:03 PM

    مجرد مدونة :

    هي فعلا واقعية ... للأسف !!

    ReplyDelete

دلوقتي تقدر تعلق بأكثر من طريقة :
كـ(غير معرف) بدون ما يكون لك حساب خالص
أو بحسابك على الفيس بوك
أو بحسابك على بلوجر
بس عبرني و علق :) ـ

Subscribe to: Post Comments (Atom)

حقوق النشر للجميع


ـ
و لا تنسوا كاتب الموضوع من دعوة صالحة بظهر الغيب
أن يُصلح الله له شأنه كله و يُدخله الجنة و يُجِرْه من النار و جميع المسلمين و المسلمات ..

>> حقوق النشر للجميع <<
لو رأيت أنه يستحق النشر
بشرط عدم التحريف أو التغيير
و يا حبذا لو تذكر رابط المدونة

tazbee6.blogspot.com


أو تذكر أن الموضوع

" منقول من مدونة تظبيط "

ـ