زي ما فيه حاجات صح و حاجات غلط

فيه حاجات غلط ممكن تبقى صح

بس عاوزة شوية

تــظــبـــيــط

ــــــــــــــــــــــــــــ

قبل أن تقرأ المدونة

-- حقٌ على أصحاب الكؤوس أن يتناصحوا --

لا يُعــذَر المسلم في تخليه عن الدعوة إلى الله والأمر بالمعروف والنهي عن المنكر حتـى وان كان مُقصراً في نفسه في بعض الأمور ,

بـل إن الإنسان عليه أن ينهى عن المنكر حتى وان كان هــو واقـع فيــه

فوقوعه في المنكر ذنب وعدم إنكاره على الآخرين ذنب آخر يُسأل عنه,
ولا شك ان على من ينصح أن يسعى جاهداً لتغيير ما بنفسه ليكون قدوةً ومثالاً يُحتذى به.

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

19 October, 2010

يا عم عارفين و الله , ربنا خلقنا للعباااااادة




السلام عليكم و رحمة الله و بركاته ,


طبعا لو جيت و سألت أي حد و قلت له :
هو ربنا خلقنا ليه ؟؟

هتلاقي الرد عليك ( توماتيكي ) و تلقائي لكنه مشوب ببعض (الملل) و هتلاقيه كالآتي :

يا عم خلقنا علشان نعبده , عارفين و الله ,
أقول لك الدليل ؟؟
قال تعالى : { و ما خلقت الجن و الإنس إلا ليعبدون }
أقول لك حاجة كمان ؟؟
الآية دي في سورة الذاريات
استريحت يا عم ؟؟ أدينا طلعنا عارفين أهه و الحمد لله
ورينا بقى ( كعوب جزمتك ) .

................

طبعا ما حدش يقدر يقول حاجة على الإجابة اللي قالها صاحبنا ,
لأنها فعلا صحيحة ,

لكن رغم كده فيه حاجة ناقصة عند صاحبنا تخلي البقرة أحسن منه !!
البقرة اللي في الحديث ده :

عن أبي هريرة رضي الله عنه قال :
صلى رسول الله صلى الله عليه وسلم صلاة الصبح ،
ثم أقبل على الناس فقال :
( بينا رجل يسوق بقرة إذ ركبها فضربها ، فقالت : إنَّا لم نُخلَق لهذا ، إنما خلقنا للحرث ) .
فقال الناس : سبحان الله بقرة تَكَلَّم ،
فقال : ( فإني أومن بهذا أنا وأبو بكر وعمر - وما هما ثَمَّ - ,
وبينما رجل في غنمه إذ عدا الذئب فذهب منها بشاةٍ ، فطلب حتى كأنه استنقذها منه ،
فقال له الذئب هذا : استنقذتها مني ، فمن لها يوم السبع ، يوم لا راعي لها غيري ) .
فقال الناس : سبحان الله ذئب يتكلم ،
قال : ( فإني أومن بهذا أنا وأبو بكر وعمر ) . -وما هما ثم-

[الراوي: أبو هريرة - المحدث: البخاري
المصدر: صحيح البخاري - الصفحة أو الرقم : 3471 ]
ـ


الشاهد من الحديث هو قول البقرة : " إنا لم نُخلق لهذا , إنما خُلِقنا للحرث "

البقرة عارفة هي اتخلقت ليه
اتخلقت علشان الحرث

و صاحبنا عارف هو اتخلق ليه
اتخلق علشان العبادة

لكن فيه حاجة زيادة البقرة عملتها و صاحبنا ما عملهاش و هي
taking action
القيام بفعل

لم تكتفي بإنها عارفة إنها اتخلقت للحرث ,
و سابت الراجل يركبها و خلاص ,
و قعدت تقول في نفسها :
أنا اتخلقت للحرث , بس مش مشكلة لما اعمل حاجة تانية غير اللي ربنا خلقني علشانها
فيها إيه لما حد يركبني يعني , على الاقل أستمتع بشعور الحصان شوية , و ربنا غفور رحيم ,
لكنها عملت حاجة , و رفضت إنه يركبها و قالت له إن ربنا ما خلقهاش علشان كده ,
ده كله مع إن البقرة ( مُسَخَّرة ) أصلا .

و على النقيض ,
هنلاقي صاحبنا اللي ( بيعرف ينطق و ليه قدرة ) , ما عملش زيها ,

كان عارف إن ربنا خلقه علشان العبادة
لكنه بيصلي فرض و يسيب عشرة

كان عارف إن ربنا خلقه علشان العبادة
لكنه كان ليل نهار يسمع أغاني و يتفرج على أفلام

كان عارف إن ربنا خلقه علشان العبادة
لكنه كان بيسهر طول الليل ( يشيّش ) في ( الكوفي شوب )

كان عارف إن ربنا خلقه علشان العبادة
لكنه كان قاطع اشتراك في ( كباريه النجوم ) عند ( لولا الرقاصة )

كان عارف و كان عارف
لكنه و لكنه


علشان كده كانت البقرة أحسن منه
لأنها ( عارفة ) هي اتخلقت ليه
و ( اتصرفت ) في حياتها على هذا الأساس

لكن معظمنا للأسف عارف هو اتخلق ليه
لكن مش بيتصرف و لا بيعيش حياته على هذا الأساس


فالمعرفة مطلوبة
لكن المعرفة (وحدها) لا تكفي .


.................................................


و لا تنسوا كاتب الموضوع الأصلي من دعوة صالحة بظهر الغيب
أن يُصلح الله لي شأني كله و جميع المسلمين و المسلمات ..

و طبعا >> حقوق النشر للجميع <<
ـ
لو رأيت إنه يستحق النشر
بشرط عدم التحريف أو التغيير

و يا حبذا لو تذكر رابط المدونة :
أو على الأقل تذكر إنه :
" منقول
من مدونة تظبيط "
ـ
في أمان الله

.....

8 comments:

  1. جزاكم الله خيرا
    أول مرة اقرأ حديث البقرة

    ReplyDelete
  2. موناليزا

    جزانا و إياكم
    و فعلا فيه أحاديث كثيرة فيها خير كثير
    لكن للأسف مش منتشرة
    جزاكم الله خيرا

    ReplyDelete
  3. جميل جدا :)
    بقولك... متعملك صفحة لمدونتك على الفيس بوك
    كده كلامك هيتنشر أكتر وكل شوية الناس هتعمل شير وتاخد ثواب أكبر

    ربنا يرزقك الإخلاص ويرزقنا
    :)

    ReplyDelete
  4. ربنا يهدي الجميع وتكون عبادتنا كامله غير ناقصه


    جزاك الله خيراً على البوست الجميل

    ReplyDelete
  5. لخصت كل حاجة في آخر سطرين

    :)

    ربنا يهدينا وينور طريقنا

    ياريت فعلا تهتم بصفحة المدونة ع الفيس لأنها وسيلة مضمونة لنشر المدونة باذن الله

    ReplyDelete
  6. ست البنات :
    شكرا على المرور يا أم يحيى

    بالنسبة للفيس بوك ففعلا فيه صفحة للمدونة عليه , و رابطها في أسفل يمين الصفحة

    و التدوينة نفسها في آخرها جنب رابط التعليقات فيها امكانية تشيير الموضوع على الفيس بوك

    ReplyDelete
  7. د.ولاء صلاح

    آآآآآآآىمين , ربنا يهدينا و يهدي الجميع

    جزاكم الله خيرا

    ReplyDelete
  8. سمو الأمير

    ازيك يا باشمهندس أحمد
    ربنا يهدينا و يوفقنا للعمل بما نقول و نعلم

    بالنسبة للفيس بوك فزي ما قلت لأم يحيى
    المدونة موجودة فعلا على الفيس بوك
    و من غير الفيس بوك
    يمكن تشييرها من أسفل التدوينة جنب رابط التعليقات

    ReplyDelete

دلوقتي تقدر تعلق بأكثر من طريقة :
كـ(غير معرف) بدون ما يكون لك حساب خالص
أو بحسابك على الفيس بوك
أو بحسابك على بلوجر
بس عبرني و علق :) ـ

حقوق النشر للجميع


ـ
و لا تنسوا
كاتب الموضوع من دعوة صالحة بظهر الغيب

أن يُصلح الله له شأنه كله و يُدخله الجنة و يُجِرْه من النار و جميع المسلمين و المسلمات ..

>> حقوق النشر للجميع <<
لو رأيت أنه يستحق النشر
بشرط عدم التحريف أو التغيير
و يا حبذا لو تذكر رابط المدونة

tazbee6.blogspot.com


أو تذكر أن الموضوع

" منقول من مدونة تظبيط "

ـ