زي ما فيه حاجات صح و حاجات غلط

فيه حاجات غلط ممكن تبقى صح

بس عاوزة شوية

تــظــبـــيــط

ــــــــــــــــــــــــــــ

قبل أن تقرأ المدونة

-- حقٌ على أصحاب الكؤوس أن يتناصحوا --

لا يُعــذَر المسلم في تخليه عن الدعوة إلى الله والأمر بالمعروف والنهي عن المنكر حتـى وان كان مُقصراً في نفسه في بعض الأمور ,

بـل إن الإنسان عليه أن ينهى عن المنكر حتى وان كان هــو واقـع فيــه

فوقوعه في المنكر ذنب وعدم إنكاره على الآخرين ذنب آخر يُسأل عنه,
ولا شك ان على من ينصح أن يسعى جاهداً لتغيير ما بنفسه ليكون قدوةً ومثالاً يُحتذى به.

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

24 February, 2010

ـ (الشباب السيس) بتوع أيام زمااااااااااان !! ـ




السلام عليكم و رحمة الله و بركاته

كنت عند ابن خالتي في مركز التدريب من حوالي شهر و نص , في أول زيارة بعد أول أسبوع ,

و واحنا قاعدين لفت نظري 3 ( أشياء )
يُقال عنهم ( ذكور ) جايين يزوروا واحد صاحبهم ,

شعرهم طويل ... لابسين بناطيل ساقطة ... لابسين حظاظات ....
إلخ



لقيت ابن خالتي برضه بيبص عليهم , و بيقول :
أهي العيال دي هي اللي كانت المفروض تدخل الجيش علشان يسترجلوا
شوية ,

و تعدي الأيام و تفوت ,

و بينما كنت أقرأ في كتاب " وحي القلم " للرافعي ,
إذ بي أقرأ كلماتٍ له يصف بها أحد أولئك ( الأشياء ) حق الوصف ,


يقول :

" فإني لجالسٌ ذات يوم وقد أقبلتُ على شأني من الكتابة،
وبإزائي فتى رَيِّق الشباب ،
في العمر الذي ترى فيه الأعين بالحماسة والعاطفة ، أكثر مما ترى بالعقل والبصيرة ،
ناعمٌ أملدٌ تمَّ شبابه ولم تتم قوته ،
كأنما نكصت الرجولة عنه إذ وافته فلم تجده رجلاً ...
أو تلك هي شيمة أهل الظَّرف والقصف من شبان اليوم :
ترى الواحد منهم فتعرف النضج في ثيابه أكثر مما تعرفه في جسمه ،
و تأبى الطبيعة عليه أن يكون أنثى فيجاهد ليكون ضربًا من الأنثى "

استغربت جدا لما لقيت إن كان على أيام الرافعي حاجات زي دي ,

لكن لما قرأت أكثر في كتابه " وحي القلم " ,
وجدت تشابها كثيرا بين ( مصائب ) زماننا و زمانهم ,
و إن شاء الله سأوافيكم بها تباعاً

ربنا يهدينا و يهدي الجميع ,


في أمان الله


و لا تنسونا من دعوة صالحة بظهر الغيب


-----------------------------------




11 comments:

  1. .







    إن دقة الفهم للحياة تفسدها على صاحبها
    وإن العقل الصغير في فهمه للحياة ، هو العقل الكامل في التذاذه بها.
    الرافعي - وحي القلم







    .

    ReplyDelete
  2. الذكور المتأنثون والاناث المسترجلون هي شيمة شباب اليوم بكل أسف إلا من هدى الله :(

    ReplyDelete
  3. ايومي

    فعلا للأسف ...

    و كلاهما ملعونان !!

    ربنا يهدينا و يهدي الجميع

    ReplyDelete
  4. ربنا يهديهم

    كتاوب وحي القلم طلع جميل أوي يا تيمي

    أنا بدأت فيه وحقيقي مستمتع بالقراءة فيه جدا

    جزاك الله خيرا

    ReplyDelete
  5. آآمين يا أحمد ,

    و كويس إنك بدأت في قراءة الكتاب ,

    الكتاب فعلا رائع ,
    أنا بقرأه للمرة التانية دلوقتي ,

    جزانا و إياكم يا أحمد ,

    و لا تنس الدعاء بالله عليك

    ReplyDelete
  6. السلام عليكم

    ازيك يا تيمي

    ليك واحشه

    وحمد الله علي السلامه

    علي فكره مش مستغرب

    لأن فعلا الزمان بيعيد نفسه في كل شيء

    بس بتطور

    كل جيل بياخد الحاجه ويطورها

    وكذلك العيال السيس

    :D

    بس هي كل الفكره

    لو كبروا وإتجوزا وخلفوا وعجزوا

    هيفضلوا سيس

    :D

    قولي بقي الكتاب اجيبه منين وبكام

    لا حرمنا الله من تواجدك يا تيمي

    تحياتي القلبيه

    ReplyDelete
  7. أخى الفاضل جزاك الله خيراعلى انكارك للخطأ

    ولكن احببت ان أقول لك اننا ما ينبغى ان تكون هذه طريقتنا فى التغيير بال"تأليس"على هؤلاء الشباب

    فلا يدرى أحد ربما هم بأشكالهم هذه خير منا
    ولا يدرى بماذا يختم لنا وبماذا يختم لهم
    ونحن لانعيب العاصى ولا نكرهه ولكن نعيب المعصيه ونكرهها

    وأسألك ما المطلوب من واحد منهم أذا سمع هذا الكلام منا
    هل تنتظر منه الا ان يزداد كرها لنا
    ونحن فى الاصل نحاول اصلاحه
    والله من وراء القصدوهو أعلى وأعلم

    ReplyDelete
  8. أرجو منك الرد يا أستاذ timmy
    لأن انا فعلا تعبت أوى من بعض الكلمات فى الموضوع
    زى"وكلاهما ملعونان" من قال ذلك والله ما هؤلاء المقصودين بحديث النبى صلى الله عليه وسلم

    ReplyDelete
  9. z!zOoOo

    و عليكم السلام و رحمة الله و بركاته
    أنا الحمد لله بخير ,

    انت اللي ما حدش بيشوفك ,

    أنا معاك فعلا إنهم طالما ما اتغيروش , من داخلهم , فهتفضل الصفات الوحشة اللي فيهم لكن هتخبوا لعدم توافر الفرصة مع تقدم العمر بهم و تغير ظروفهم ,

    ربنا يهدينا و يهدي الجميع

    بالنسبة للكتاب أنا مش عندي نسخة ورقية ,

    أنا منزله من النت و حاطه على الموبايل ,

    لو عاوز تنزله , من الرابط التالي:


    http://saaid.net/book/11/3770.rar

    ReplyDelete
  10. ربنا يهدي الجميع


    زيارة اولي ومش اخير ة ان شاء الله


    تحياتي

    ReplyDelete
  11. أبو علي ,

    شكرا جزيلا لزيارتك ,

    جزاك الله خيرا

    نورتنا و نورت المدونة .... انت معاك كشاف و لا حاجة ؟؟ :)

    ReplyDelete

دلوقتي تقدر تعلق بأكثر من طريقة :
كـ(غير معرف) بدون ما يكون لك حساب خالص
أو بحسابك على الفيس بوك
أو بحسابك على بلوجر
بس عبرني و علق :) ـ

حقوق النشر للجميع


ـ
و لا تنسوا
كاتب الموضوع من دعوة صالحة بظهر الغيب

أن يُصلح الله له شأنه كله و يُدخله الجنة و يُجِرْه من النار و جميع المسلمين و المسلمات ..

>> حقوق النشر للجميع <<
لو رأيت أنه يستحق النشر
بشرط عدم التحريف أو التغيير
و يا حبذا لو تذكر رابط المدونة

tazbee6.blogspot.com


أو تذكر أن الموضوع

" منقول من مدونة تظبيط "

ـ