زي ما فيه حاجات صح و حاجات غلط

فيه حاجات غلط ممكن تبقى صح

بس عاوزة شوية

تــظــبـــيــط

ــــــــــــــــــــــــــــ

قبل أن تقرأ المدونة

-- حقٌ على أصحاب الكؤوس أن يتناصحوا --

لا يُعــذَر المسلم في تخليه عن الدعوة إلى الله والأمر بالمعروف والنهي عن المنكر حتـى وان كان مُقصراً في نفسه في بعض الأمور ,

بـل إن الإنسان عليه أن ينهى عن المنكر حتى وان كان هــو واقـع فيــه

فوقوعه في المنكر ذنب وعدم إنكاره على الآخرين ذنب آخر يُسأل عنه,
ولا شك ان على من ينصح أن يسعى جاهداً لتغيير ما بنفسه ليكون قدوةً ومثالاً يُحتذى به.

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

08 September, 2009

ـ أنا رايحة ( أسلي ) في الجامع !! ـ


السلام عليكم ,
أنا عارف إن الموضوع ده قديم من حوالي سنة ,
لكن حبيت أنزله تاني علشان ده ( الموسم ) بتاعه :)

------------------------------

السلام عليكم

طبعا أنا عارف إني متأخر جدا في الموضوع ده ...
لأني المفروض أكون كتبته من أول رمضان علشان صلاة التراويح .. بس (ملحوقة) إن شاء الله ..
لسه صلاة العيد جابة ... و هنشوف فيها (مهازل) .. !!


بداية (فرستي) في أول الشهر الكريم لما كنت بصلي في جامع
و راح الشيخ قال إن مكان الرجالة التاني هيخلوه للحريم .. " ده احنا ما يبقاش فينا خير لو سيبنا نساءنا يصلوا في الشارع و الرايح و الجاي يتفرج عليهم " !!!



ماشي .. رغم إن النساء في الجامع ده بالذات ليهم مكان كبير قوي غير كل الجوامع ..


لكن اللي غاظني إنهم يزنقوا الرجالة اللي الصلاة في المسجد بالنسبة لهم (فرض)
علشان النساء يصلوا في الجامع و صلاتهم فيه (مش فرض)
بل بالشكل اللي هم بيطلعوا بيه يرورحوا يصلوا .. احتمال تبقى (محرَّمة) !!!



و بعدين لما تيجي (تحلل) الأصناف النسائية اللي بتصلي في الجامع تلاقي :



- كبيرات السن : و دول بيصلوا في الجامع غالبا في رمضان و غير رمضان علشان أصلا فاضيين .


- فتيات 1 : دول بيطلعوا من بيتهم (لابسين محترم) و بيصلوا في الجامع علشان يتشجعوا بدل ما يقعدوا في البيت و يكسلوا .


- فتيات 2 : دول بقى اللي بيعملوا الزحمة , و بيطلعوا بهدوم (لا تصح الصلاة فيها) أصلا !!
ضيقة و حالتها بالبلا .. ده إذا ما كانتش بنطلونات ..
و بتطلع كل واحدة فيهم (حاطة كَلونيا) و أكنها رايحة فرح - العطر حرام للنساء حتى في الأفراح - مش رايحة تصلي !!



دول بقى (أُس) البلاوي .. و رايحين يتفسحوا ..

مش رايحين (يصلوا) - و احتمال تلاقيهم كمان بينطقوها بالسين مش بالصاد - لكن رايحين (يسلوا) ...
(يسلوا) نفسهم .. و يشموا هوا .. و يبوظوا غيرهم عادي ..



و طبعا لو أي (واحدة) كلمتهم تلاقي الحديث اللي كلهم حافظينه :



فالرسول –صلى الله عليه و سلم- بيقول : ( لَا تَمْنَعُوا إِمَاء اللَّه مَسَاجِد اللَّه ) ‏


طبعا هي الصلاة في المسجد مش حرام للنساء ..


لكن اللي بيعملوه النساء اليومين دول هو اللي حرام


زي ما قالت أم المؤمنين عائشة رضي الله عنها : " لو أدرك رسول الله صلى الله عليه وسلم ما أحدث النساء لمنعهن كما منعت نساء بني إسرائيل" قلت لعمرة : أو منعن ؟ قالت : نعم .

البخاري ( 831 ) ومسلم (445) .


قال عبد العظيم آبادي :
ووجه كون صلاتهن في البيوت أفضل الأمن من الفتنة ويتأكد ذلك بعد وجود ما أحدث النساء من التبرج و الزينة ومن ثم قالت عائشة ما قالت . " عون المعبود " ( 2 / 193 ) .


طيب يعني يخرجوا إزاي ؟؟


في صحيح مسلم بشرح النووي

قَوْله صَلَّى اللَّه عَلَيْهِ وَسَلَّمَ : ( لَا تَمْنَعُوا إِمَاء اللَّه مَسَاجِد اللَّه ) ‏


( هَذَا وَشَبَهه مِنْ أَحَادِيث الْبَاب ظَاهِر فِي أَنَّهَا لَا تُمْنَع الْمَسْجِد لَكِنْ بِشُرُوطٍ ذَكَرَهَا الْعُلَمَاء مَأْخُوذَة مِنْ الْأَحَادِيث ,

وهو الا تكون بخلال يسمع صوتها,
ولا مختلطه بالرجال
, وَلَا شَابَّة وَنَحْوهَا مِمَّنْ يُفْتَتَن بِهَا ,
وَأَنْ
لا يَكُون فِي الطَّرِيق مَا يَخَاف بِهِ مَفْسَدَة وَنَحْوهَا .
وَهَذَا النَّهْي عَنْ مَنْعهنَّ مِنْ الْخُرُوج مَحْمُول عَلَى كَرَاهَة التَّنْزِيه إِذَا كَانَتْ الْمَرْأَة ذَات زَوْج أَوْ سَيِّد وَوُجِدَتْ الشُّرُوط الْمَذْكُورَة , فَإِنْ لَمْ يَكُنْ لَهَا زَوْج وَلَا سَيِّد حَرُمَ الْمَنْع إِذَا وُجِدَتْ الشُّرُوط ). ‏


- و الأحاديث اللي أشار إليها النووي سنذكرها لاحقا إن شاء الله -



مش ملاحظين كده إن كل أو معظم الشروط اللي ذكرها النووي غير متحققه في خروج النساء لصلاة التراويح و لا صلاة العيد ؟؟



يعني من الآخر .. عاوزين يخرجوا إلى الصلاة .. و بيحتجوا بحديث رسول الله , يبقى يطبقوا الشروط للخروج !!


و الشروط دي طبعا لا تتحقق إلا في نسبة ضئيلة جدا من النساء اللاتي يخرجن للصلاة ..
و اللي بيصلي التراويح أو العيد -الذي أمر في الرسول الحِيَّض و ذوات الخدور بالخروج له حتى لو مش هيصلوا !! بس يطلعوا محترمين - يعرف قد إيه الشروط دي (متدمرة) بين النساء ..


و هناك أحاديث أخرى تدل على وجوب التزام المرأة بشروط الخروج للمسجد .. منها :

فعن أبي هريرة قال : قال رسول الله صلى الله عليه وسلم : ( أيما امرأة أصابت بخورا فلا تشهدن معنا العشاء الآخرة ) رواه مسلم وأبو داود والنسائي .


و أخرج مسلم من حديث زينب امرأة ابن مسعود: ( إذا شهدت إحداكن المسجد فلا تمس طيبا )


وعن أبي هريرة أن النبي صلى الله عليه وسلم قال : ( لا تمنعوا إماء الله مساجد الله , وليخرجن تفلات) رواه أحمد وأبو داود .

قوله : ( وليخرجن تفلات ) بفتح التاء المثناة وكسر الفاء : أي غير متطيبات ,
يقال : امرأة تفلة إذا كانت متغيرة الريح , كذا قال ابن عبد البر وغيره ,
وإنما أمرن بذلك ونهين عن التطيب كما في رواية مسلم المتقدمة عن زينب امرأة ابن مسعود لئلا يحركن الرجال بطيبهن . و يلحق بالطيب ما في معناه من المحركات لداعي الشهوة كحسن الملبس والتحلي الذي يظهر أثره والزينة الفاخرة .
وفرق كثير من الفقهاء المالكية وغيرهم بين الشابّة وغيرها , وفيه نظر , لأنها إذا عرت مما ذكر وكانت متسترة حصل الأمن عليها ولا سيما إذا كان ذلك بالليل .

ده بخلاف الاختلاط الحادث أصلا و المنهي عنه :

كما في حديث أسيد الأنصاري أنه سمع النبي صلى الله عليه وسلم يقول وهو خارج من المسجد فاختلط الرجال بالنساء في الطريق...
فقال النبي صلى الله عليه وسلم للنساء: ( استئخرن فإنه ليس لكن أن تحققن الطريق، عليكن بحافات الطريق ) فكانت المرأة تلتصق بالجدار حتى إن ثوبها ليلتصق بالجدار من شدة لصوقها به.

(أخرجه أبو داوود وغيره وإسناده حسن بمجموع طرقه كما قال الألباني)
تَحْقُقْن : أي تتوسطْن


و بعدين بقى بصراحة ... أنا نفسي أعرف النساء ليه بيتسابقوا كده على الصلاة في المساجد ؟؟

يعني هم ربنا مريحهم و مخلي أجر صلاتهم في البيت أكبرمن أجر صلاتهم في المسجد .. على عكس الرجال ..
هم بقى (غاويين زحمة) و خلاص ؟؟ و لا عاوزين يطلعوا (يشموا هوا) ؟ و لا ... (يسلوا) زي ما ليقولوا !!


عن أم حميد امرأة أبي حميد الساعدي : " أنها جاءت النبي صلى الله عليه وسلم فقالت : يا رسول الله إني أحب الصلاة معك قال : قد علمت أنك تحبين الصلاة معي وصلاتك في بيتك خير لك من صلاتك في حجرتك وصلاتك في حجرتك خير من صلاتك في دارك وصلاتك في دارك خير لك من صلاتك في مسجد قومك وصلاتك في مسجد قومك خير لك من صلاتك في مسجدي ، قال : فأمرت فبني لها مسجد في أقصى شيء من بيتها وأظلمه فكانت تصلي فيه حتى لقيت الله عز وجل " .

رواه أحمد ( 26550 ) .
والحديث : صححه ابن خزيمة في " صحيحه " ( 3 / 95 ) وابن حبان ( 5 / 595 ) ، والألباني في " صحيح الترغيب والترهيب " ( 1 / 135 ) .



يعني صلاتها في بيتها أفضل من صلاتها في المسجد النبوي اللي أجر الصلاة فيه مضاعف !!

يعني هي تقعد في بيتها معززة مكرمة و تاخد أجر ما يقدرش الراجل ياخدة !!



و عن عبد الله بن مسعود ، عن النبي صلى الله عليه وسلم قال : " صلاة المرأة في بيتها أفضل من صلاتها في حجرتها وصلاتها في مخدعها أفضل من صلاتها في بيتها " .

رواه أبو داود ( 570 ) والترمذي ( 1173) .
والحديث : صححه الشيخ الألباني في " صحيح الترغيب والترهيب " ( 1 / 136 ) .


( في بيتها ) هو الحجرة التي تكون فيها المرأة .
( حجرتها ) المراد بها صحن الدار التي تكون أبواب الغرف إليها ، ويشبه ما يسميها الناس الآن بـ ( الصالة ) .
( مخدعها ) هو كالحجرة الصغيرة داخل الحجرة الكبيرة ، تحفظ فيه الأمتعة النفيسة .
( الشرح من كتاب عون المعبود )
خلاص بقى ... اللي عاوزة تصلي (بأجر أقل من أجر الصلاة في بيتها) و( تضيع على نفسها أجر أكبر من أجر الصلاة في المسجد النبوي) .. يبقى خلاص .. مش هنمنعها .. تصلي عادي .. ما حدش هيمنعها ... بس تطلع محترمة .. بالشروط الشرعية ..
آه بالمناسبة .. دي فتوى من دار الإفتاء المصرية ...

الفتوى...دار الافتاء المصريه


علشان اللي مش مصدق أو ..... و لا بلاش ..
و تحيتي لكل واحد يظبط أهله و يخليهم يطلعوا محترمين ,
و لكل واحدة تطلع محترمة و تتقي الله في نفسها و في غيرها ...
و آسف جدا على الإطالة ...


تحيتي ..



.....



و لا تنسوا كاتب الموضوع الأصلي من دعوة صالحة
إن ربنا يتوب علينا و يهدينا و يوفقنا لما يحب و يرضى ..

و طبعا >> حقوق النشر للجميع <<

لو رأيت إنه يستحق النشر

بشرط أن تذكر رابط المدونة :

6azbeet.blogspot.com


أو على الأقل تذكر إنه منقول

......................


تحيتي

.....

20 comments:

  1. هو نصيختك بأن أخواتنا الفاضلات يخرجوا فى زى شرعى صح مية فى المية ..

    لكن بالنسبة لانها تصلى فى البيت، أحيانا المرأة لما بتبقى فى البيت خاصة فى رمضان ما بتعرفش تصلى تراويح خالص وممكن تفضل طول الليل بتتفرج على المسلسلات وأظن ان ده الغالب مع الاسف خاصة فى الفئة اللى انت قصدتها صح ولا ايه؟؟
    فأحيانا بيكون خروجها للمسجد مع صحبة صالحة تشجيع ليها على الصلاة - بس اهم حاجة انهم لما يدخلوا المسجد يتفرقوااا بقدر الامكان ومايكونوش رايحين مع اصحابهم الولاد لان بجد بتحصل مهازل
    فى واحدة اتصلت بين ركعات التراويح بصاحبها بتقوله انت عيطت ولا لأ أصل انا عيطت؟!!!

    فنرجع ونقول يا رييييييت نروح المسجد بآداب المسجد زى ما انت قلت تمام - ربنا يارك لك ويكرمك يا رب :))

    ReplyDelete
  2. مجرد مدونة

    أنا معاك إن المرأة لما تصلي في البيت هتلاقي حاجات تشغلها ,
    لمن أنا حاطط في التصنيف فئة اللي بيخرجوا محترمين علشان لو قعدوا في البيت هيكسلوا أو ينشغلوا ,
    فلو عاوزين يطلعوا ماحدش يقدر يمنعهم , لكن بشرط أن يخرجن بالزي الشرعي ,

    لكن زي ما انت قلت إنهن يخرجن لمقابلة الأولاد و غيرها أو حتى للتنزه و ليخرجوا من جو البيت !!

    و بالنسبة للبنت اللي عيطت و كلمت صاحبها دي ... :) لا تعليق !!!

    ربنا يبارك فينا و إياك يا باشمهندس ,

    و جزاك الله خيرا على المرور و التعليق

    ReplyDelete
  3. جزاكم الله خيرا
    فعلا موضوع رائع ومفيد وبخاصة الاحاديث والاحكام الموجودة
    تحياتي ورمضان كريم

    ReplyDelete
  4. ضكتور جدا

    جزانا و إياكم يا دوك ,


    و ربنا ينفعنا بما نقول ,

    و شكرا جزيلا للمرور الكريم :)

    ReplyDelete
  5. جزاكم الله خيرا

    كلام سليم

    و المشكلة ان الفتيات كتير منهم من النوع اللي مش فارق معاهم رمضان و غيره في ملابسهم

    لأنه في نظرهم """ محترم """

    ربنا يهدي الجميع

    ReplyDelete
  6. والله عندك حق ف كل كلمة قلتها...

    جزاك الله خيرا وجعله فى ميزان حسناتك

    ReplyDelete
  7. غير معرف :

    جزانا و إياكم , و ربنا ينفعنا و ينفع غيرنا بما نكتب ,
    و يهدينا و يهدي بنا

    ReplyDelete
  8. من أجل التمكين

    جزانا و إياكم ,
    و فعلا للأسف كثير من الفتيات مش فارق معاهم رمضان ,
    يمكن زي ما قلت إنهم مفكرين لبسهم الضيق ده مش حرام ,
    أو يمكن عارفين إنه حرام بس مش طالبة معاهم يجيبوا هدوم مخصوص لرمضان !!!

    ReplyDelete
  9. السلام عليكم
    ازيك يا حبى وحشنى كتير وعاوزك تصلى معايا بقى
    المهم الموضوع ده رائع جداا وانا معاك قلبا وقالبا وحسبنا الله ونعم الوكيل والله يخربيت اليهود ومن عاونهم
    .
    ويعم الله يكرمك تعالى صلى معايا .

    ReplyDelete
  10. محمد فوزي :
    و عليكم السلام و رحمة الله ,
    يا عم محمد أنا قلت لك إني بعد التراويح ما بحبش أروح في حتة ,
    و عموما أديك هتصلي معايا التراويح يوم الجمعة غصب عنك :) ,

    و ربنا يولع في اليهود و النصارى و المشركين و كل من عادى الإسلام

    ReplyDelete
  11. السلامـ عليكمـ

    جزاك الله خيرا علي الموضوع وربنا يهدينا جميعا ويرضا عنا فالاهمـ من العمل هو رضي الله عز وجل وهذا ما نرجوه ونعمل من اجله نصلي لنرضيه ونتقرب منه بالنوافل لينظر الينا بعين الرضا

    وبالنسبه لصلاة التراويح انا اعلم ان صلاة المراه في منزلها خير ولكني اشعر بالسكينه اكثر في صلاة الجماعه احب ان انظر الي وحه المصليات واستمع الي الامام واسمع القرءان منه والحمد لله الاحترام في اللباس اعرف انه فرض عليا طول العام وفي اي مكان فالله راقبي وشاهدي والله يهدي الاخريات

    اما بالنسبه لصلاة العيد انا اخجل ان اذهب بالعكس في صلاة التراويح فالتروايح بتكون في الليل وداخل المسجد وهذا يشعرني بنوع من الستر اكثر اما صلاة العيد بتكون في ساحه كبيره وبحس ان الاختلاط عرضه اكبر في الشوارع علشان كدا مش بصلي العيد


    ربنا يهدي الجميع وانا لا احب ان ننظر لمن تذهب الي المسجد وهي متبرجه او جاهله ماذا فعلت بنفسها نظره استغراب ربما جاء الله بها الي هذا المكان لتسمع كلمه او ايه فتكون سبب لهدايتها وتغيير مساره الي طاعه الله والقرب منه والله اعلم ...

    ReplyDelete
  12. كلامك مظبوط والله يا تيمي
    الواحد بيشوف حاجات تضايق فعلاً
    ربنا يهدي الجميع

    ReplyDelete
  13. والله افتقدت انا المدونة دي والكلام الي فيها

    ربنا يبارك فيك يادكتور

    والله انا بحترمك جدا يا تيمي حتى وان كنت مش بعمل حجات من الي هنا

    بس ربنا يكملك بعقلك يارب

    جزاك الله خير

    ReplyDelete
  14. أغلب المساجد الكبرى بيكون مدخل النساء من جهة و الرجال من جهة أخرى يعنى لما تكون فيه أعداد كبيرة مش هيكون فيه مشكلة إن شاء الله ..و للامانه فى شهر رمضان بالذات بتلاقى الأغلب لابس عبايات سودا..و طبعا مافيش اعتراض ع البوست بتاع حضرتك ..جزاكم الله خيرا

    ReplyDelete
  15. أتفق معك أكيد
    لا أنسى أنى اضطر إلى غض بصرى فى المسجد
    و ده حاجة بتفرسنى
    ربنا يهدينا جميعا ان شاء الله

    ReplyDelete
  16. ghorBty

    و عليكم السلام و رحمة الله و بركاته ,

    و جزانا و إياكم ,

    أنا معكِ أن صلاة الجماعة أفضل من صلاة الفرد من ناحية التشجيع و عدم الكسل ,
    أنا مثلا لو كانت التراويح في البيت كنت هكسل أصليها ,
    فصلاة الجماعة فعلا بتشجع على الصلاة , و لو كان الإمام صوته جميل بيزود الخشوع و غيره ,
    لكن زي ما قلنا عاوزين يطلعوا يطلعوا بالشروط ,

    أما بالنسبة لصلاة العيد ففعلا بيكون فيها مهازل أكثر من صلاة التراويح بكثيييير ,

    لكنها سنة مؤكدة أو فرض حتى للنساء فقد أمر رسول الله الحيض و ذوات الخدور بالخروج لها ,

    عموما ربنا يهدينا و يهدي الجميع ,
    و مين عارف فعلا ممكن أي واحدة من اللي طالعين متبرجات - عن جهل - ممكن ربنا يهديهم بكلمة أو جملة تقال فتؤثر فيهم ,

    و ربنا يهيدنا و يهدي الجميع ,
    و جزاكم الله خيرا

    ReplyDelete
  17. د. ياسر عمر عبد الفتاح

    منور يا أبو اليسر ,
    فعلا الواحد بيتضايق لما يحس إ، الفتن حواليه في كل مكان ,
    حتى في المسجد !!!

    ربنا يعافينا و يهدينا و يهدي الجميع

    ReplyDelete
  18. MǿиY El-Shreef

    على فكرة أنا مش دكتور , أنا مهندس :)

    و للأسف أنا زيك مش بعمل بكل ما أقوله ,
    لكن بحاول بقدر الإمكان أعمل بيه , و أخلي غيري يعرفه علشان يعمل بيه ,

    زي ما أنا كاتب في رأس المدونة ( حق على أهل الكؤوس أن يتناصحوا ) ,

    و ربنا يهدينا و يهدي الجميع ,

    و شكرا جزيلا لحضرتك

    ReplyDelete
  19. غير معرف ,

    فيه مساجد بيكون المدخل فيه زي ما قلتي , و فيه مساجد لأ ,
    و حتى لما بيكون المدخل من جهة أخرى بتلاقيهم ييجوا قدام مدخل الرجالة بعد الصلاة كي ينتظروا ذويهم ,

    و الحمد لله إن النساء عند حضرتكم محترمين في رمضان ,
    ربنا يهدي جميع النساء و الرجال ,

    جزاكم الله خيرا

    ReplyDelete
  20. funckydoctor

    أيييييييوة , هي دي يا دوك ,
    أكتر حاجة بتغيظني إني حتى و أنا لسه طالع من الجامع لازم أغض بصري ,
    حاجة تغيظ !!!

    و شكرا على مرورك الكريم , و كل سنة و انت بخير :)

    ReplyDelete

دلوقتي تقدر تعلق بأكثر من طريقة :
كـ(غير معرف) بدون ما يكون لك حساب خالص
أو بحسابك على الفيس بوك
أو بحسابك على بلوجر
بس عبرني و علق :) ـ

حقوق النشر للجميع


ـ
و لا تنسوا
كاتب الموضوع من دعوة صالحة بظهر الغيب

أن يُصلح الله له شأنه كله و يُدخله الجنة و يُجِرْه من النار و جميع المسلمين و المسلمات ..

>> حقوق النشر للجميع <<
لو رأيت أنه يستحق النشر
بشرط عدم التحريف أو التغيير
و يا حبذا لو تذكر رابط المدونة

tazbee6.blogspot.com


أو تذكر أن الموضوع

" منقول من مدونة تظبيط "

ـ