زي ما فيه حاجات صح و حاجات غلط

فيه حاجات غلط ممكن تبقى صح

بس عاوزة شوية

تــظــبـــيــط

ــــــــــــــــــــــــــــ

قبل أن تقرأ المدونة

-- حقٌ على أصحاب الكؤوس أن يتناصحوا --

لا يُعــذَر المسلم في تخليه عن الدعوة إلى الله والأمر بالمعروف والنهي عن المنكر حتـى وان كان مُقصراً في نفسه في بعض الأمور ,

بـل إن الإنسان عليه أن ينهى عن المنكر حتى وان كان هــو واقـع فيــه

فوقوعه في المنكر ذنب وعدم إنكاره على الآخرين ذنب آخر يُسأل عنه,
ولا شك ان على من ينصح أن يسعى جاهداً لتغيير ما بنفسه ليكون قدوةً ومثالاً يُحتذى به.

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

26 September, 2009

ـ البشرية هتخسر إيه ؟ لو القطر داس عليك ؟؟ ـ


السلام عليكم و رحمة الله و بركاته ,

و خلونا ندخل في الموضوع على طول ,

تخيل جنابك إنك قاعد لا بيك و لا عليك

و عايش زي ما الناس عايشة ,

بتاكل و بتشرب و بتنام - لكن ما بتتجوزش علشان الجواز غالي -

و ماشي مع القطيع عادي خالص

و فجأة !!

.
.
.
.
.
.
.
.

تيجي عربية نقل الشرقية بمقطورة و محملة طن زلط تدوس عليك !!

أو قطر أسباني مكيف و آخر حلاوة ( فعص ) جنابك و خلى وشك زي قفاك ,

من الآخر يعني ,

إنك ( إتكلت ) و مُتّ و خرجت من الدنيا ,

و تعالى فكر معايا بقى إيه اللي الدنيا فقدته بموت جنابك ؟؟

المترو التعطل ؟؟ و لا الهرم اتقلب جبنة و الناس أكلته ؟؟

متهيأ لي ما فيش أي حاجة هتحصل ,
غير إن الأسرة يعيطوا عليك و أصحابك برضه ,

و آخرتها شهر بالكتير .

طبعا مش عارف أنا عاوز أوصل لإيه لسه , صح ؟؟

اللي أن اعاوز أقوله إنك مت ( كما يموت البعير ) ,

مت و خلاص , و ما كانش ليك أي دور في الدنيا تأثر بغيابك ,

يعني لو كنت انت فعلا ليك دور في الدنيا و بتخدم دينك بجد أكيد كان هيحصل فراغ في الموضع اللي انت كنت فيه ده ,

لكن ما حصلش فراغ لأنك ما كنتش ماسك موضع أصلا ,

يعني سيدنا عمر - على ما أعلم - كان بيقول :

" إنَّ كلاً مِنَّا عَلَى ثَغْرٍ فَلا يُؤتَيَنَّ مِنْ قِبَلِهِ "

يعني كل مسلم منا على ثغر من ثغور الإسلام و ليه دور بيقوم بيه ,
فلا يجب أن يسمح للعدو أن يدخل من الثغر بتاعه , و لا أن يترك الدور اللي بيقوم بيه ,

لكن الحالة دلوقتي للأسف في الحضيض ,

إحنا مش واقفين على ثغور أصلا ,
فضلا عن أن نؤتى من قِبَلها !! - و لا أزكي نفسي -

لازم يا جماعة كل واحد يشوف ليه ثغر يقف فيه ,
يشوف له دور يؤديه ,
يشوف حاجة يعملها للدين ,
بحيث و هو عايش يبقى ليه دور ,
و لما يموت يبقى فعلا فيه مكان فارغ بعده , حد تاني غيره يملاه

الثغر ده مش لازم يكون في الجيش و لا في الحرب ,
لأ
ممكن دورك و ثغرك يبقى دور بتقوم بيه في وظيفتك ,
أو في شارعك و بين الجيران و ( الحتة بتاعتك ) ,
يبقى في الكلية و بين زمايلك و في سكشنك ,
أو في أي مكان ,

المهم يكون ليك دور !!!
.
.
.
.
.

و للإضافة يُرجى قراءة موضوع :

عايش إزاي و بتعمل إيه ؟؟


و لا تنسونا من دعوة صالحة إن ربنا يهديني و يتوب عليّ و يُصلح لي شأني كله ,

بالله عليكم لا تنسوني من الدعاء

و طبعا >> حقوق النشر للجميع <<
لو رأيت إنه يستحق النشر

بشرط أن تذكر رابط المدونة :

أو على الأقل تذكر إنه :
( منقول
من مدونة تظبيط )
......................

تحيتي

....

41 comments:

  1. تسلم يا تيمى موضوع تمام
    كالعادة

    وبتلفت نظر الناس لشىء مهم اوى

    ربنا يكرمك

    ReplyDelete
  2. ما اجمل ان يكون لكل منا هدف يريد ويسعى للحصول اليه فى طاعة الله
    تسلم على الموضوع

    ReplyDelete
  3. جزاكم الله خير الجزاء,
    أعاننا الله ووفقنا لما يحبه ويرضاه في كل مكان وكل وقت,
    يعلم الله كم دعوت لنا ولكم ولكل من طلب الدعاء ومازلت,فأسأل الله القبول,
    نسألكم دوام الدعاء.

    ReplyDelete
  4. بارك الله فيك اخى الكريم ..

    ReplyDelete
  5. فعلا والله عندك حق

    ReplyDelete
  6. ربنا يبارك فيك
    بجد يبارك فيك
    و احسبك علي خير ان شاء الله

    ربنا يهديك و يجعلك من الملتزمين سبنة الله و رسوله

    اللهم فقهه في الدين و علمه منه ما ينفعه

    ReplyDelete
  7. كررررررررررهت التعليقات المتكررة

    بجد خنقتونى

    ReplyDelete
  8. د/عرفه


    سلمك الله يا محمد ,

    و ربنا يهديني و يهدي بي , و ما أكونش قنطرة يعبرون عليها فقط ,

    جزاك الله خيرا يا محمد ,

    ReplyDelete
  9. موناليزا :

    فعلا هو موضوع الهدف ده مش جميل فقط ,

    بل هو ضروري , بل لابد منه ,

    لأن الواحد من غير هدف مش هيقدر يعيش أصلا ,

    و شكرا جزيلا للمرور ,

    ReplyDelete
  10. ايومي :

    جزانا و إياكم ,
    و ربنا يهدينا و يهدي بنا ,
    و نسألكم و الجميع الدعاء أيضا بالخير ,

    جزاكم الله خيرا

    ReplyDelete
  11. Free Mobile Downloads

    بارك الله فينا و إياكم ,

    و جزاكم الله خيرا

    ReplyDelete
  12. SomeOne

    و أرجو أن يكون عندي عمل لما أنا على حقٍ في قوله ...

    جزاكم الله خيرا

    ReplyDelete
  13. maha zein

    ربنا يبارك فينا و إياكم ,

    و يجعلنا خيرا مما نقول , و يغفر لنا ما لا تعلمون ,

    و ربنا يستج\يب لدعائك ... آآآآآآآآمين ,

    جزاكم الله خيرا ,

    ReplyDelete
  14. غير معرف

    مش فاهم قصدك !!

    ياريت توضح شوية علشان ما يعملوش الحاجة اللي بتخنقك :)

    ReplyDelete
  15. " إن كل مِنَّا على ثغر فلا يُؤتَيَنَّ من قِبَلِه "
    ...........................
    ربنا يباركلك
    يارب اجعلنا من العاملين لدينك

    ReplyDelete
  16. جزاكم الله خيرا

    موضوع غايه فى الاهميه ويجب ان نعلم ماذا نضيف فى هذه الحياه فان لم نضف نكن كالانعام بل اضل
    سيسالنا الله عن نعمه العقل والتفكير

    اسال الله ان يلهمنا السير على الطريق الصحيح ويستعملنا ولا يستبدلنا

    جزاكم الله خيرا على الموضوع الهام جدا

    ReplyDelete
  17. لسلام عليكم

    جزاكم الله خيرا على الموضوع المتميز

    تابعونا للتعرفوا على محمد بن عبدالله الشاب واخلاقه قبل البعثه

    لو عرفتوه هتحبوه

    ReplyDelete
  18. السلام عليكم ورحمه الله وبركاته

    ما شاء الله عليك يا اخى فى انتقاء الموضوع

    نحتاج حقا وقفه مع النفس وربنا يهدينا

    فى انتظارك فى المشاركه فى النقاش على الرابطه

    نسعد بتواجدك

    ReplyDelete
  19. السلام عليكم
    تسلم .... المفروض الواحد يشوف هو بيعمل ايه في حياته ويشوف هو مفيد ولا لأ أصلا علشان يفوق بدري قبل ما يكبر ويفوت الأوان

    ReplyDelete
  20. جميل

    عجبني

    تحياتي

    منور مكانك

    ReplyDelete
  21. السلامـ عليكمـ

    ربنا يهدينيا و يتوب علينا و يُصلح لنا الاحوال جميعا ...

    فعلا دائما ما اقول ان لكل منا بصمه مختلفه عن غيره فيجب علينا ترك بصمتنا في كل مكان فالمؤمن كالنحله لا تاكل الا طيبا واذا وقعت علي زهره لا تكسرها فاخلاقنا بصمه وتعاملاتنا بصمه واعمالنا بصمه فاذا ذهبنا عن الدنيا بقت البصمات عمر مديد لنا كما قال سيد قطب

    " عندما نعيش لذواتنا فحسب، تبدو لنا الحياة قصيرة ضئيلة، تبدأ من حيث بدأنا نعي، وتنتهي بانتهاء عمرنا المحدود ...
    أما عندما نعيش لغيرنا، أي عندما نعيش لفكرة، فإن الحياة تبدو طويلة عميقة، تبدأ من حيث بدأت الإنسانية وتمتد بعد مفارقتنا لوجه هذه الأرض !!
    إننا نربح أضعاف عمرنا الفردي في هذه الحالة، نربحها حقيقة لا وهمآ، قتصور الحياة على هذا النحو، يضاعف شعورنا بايامنا وساعاتنا و لحظاتنا. و ليست الحياة بعد السنين، ولكنها بعداد المشاعر. وما يسميه " الواقعيون " في هذه الحالة " وهما " هو في الواقع " حقيقة " أصح من كل حقائقهم!.. لأن الحياة ليست شيئا آخر غير شعور الإنسان بالحياة. جرد أي إنسان من الشعور بحياته تجرده من الحياة ذاتها في معناها الحقيقي! ومتى أحس الإنسان شعورآ مضاعفا بحياته، فقد عاش حياة مضاعفة فعلا... يبدو لي أن المسألة من البداهة بحيث لا تحتاج إلى جدال !... إننا نعيش لأنفسنا حياة مضاعفة، حينما نعيش للآخرين، وبقدر ما نضاعف إحساسنا بالآخرين، نضاعف إحساسنا بحياتنا، ونضاعف هذه الحياة ذاتها في النهاية
    "


    جزاك الله خيرا .. وتقبل منك صالح الاعمال ..

    ReplyDelete
  22. ضكتور جدا :

    ربنا يبارك لك و إيانا ,

    و يهدينا و يهدي المسلمين

    ReplyDelete
  23. طالبه الفردوس

    جزانا و إياكم ,

    اللهم استعملنا و لا تستبدلنا ,

    جزاكم الله خيرا

    ReplyDelete
  24. طالبه الفردوس

    جزانا و إياكم ,

    اللهم استعملنا و لا تستبدلنا ,

    جزاكم الله خيرا

    ReplyDelete
  25. و عليكم السلام و رحمة الله و بركاته ,

    و جزانا و إياكم ,

    و إن شاء الله لنا زيارة لنستفيد مما عندكم ,

    جزاكم الله خيرا

    ReplyDelete
  26. رابطة هويتي اسلامية :

    و عليكم السلام و رحمة الله و بركاته ,

    و جزاكم الله خيرا على المرور ,

    و إن شاء الله أقدر أشارك بأي شيء معكم ,

    في أمان الله

    ReplyDelete
  27. ست البنات :

    فعلا يا دكتورة أم يحيى ,

    الواحد المفروض يفوق بدري ,

    لكن الظاهر إن " المنومات " كثيرة , و مركزة !!

    ReplyDelete
  28. د. محمد رضــــا .. هل تراني :

    أيوة أراك :) :)

    تسلم يا حمود باشا على المرور ,
    و كلماتك المقتضبة ,

    جزاك الله خيرا

    ReplyDelete
  29. ghorBty

    و عليكم السلام و رحمة الله ,

    و جزاكم الله خيرا على الإضافة المفيدة للأستاذ المجدد سيد قطب رحمه الله ,

    تقبل الله منا و منكم

    ReplyDelete
  30. كأنك بتق{أ أفكارى لسه كنت بتكلم مع اصحابى فى الموضوع ده وعمال اقتعهم بيه
    لازم كل واحد يسد ثغر
    فعلا لو متنا حد هيفتكرنا وهيحسوا فعلا انى فى مكان لازم يتسد

    ReplyDelete
  31. المشكله ان كلنا عارفين كده بس الاغلب مش عاوز يقوم باي دور يعني مكسل ومستني غيره وبيقول هي الحياه هتقف عليا اعتبرني مت اللي بعدي يسد الفراغ

    ReplyDelete
  32. عندك حق يا تيمي

    اللهم استعملنا ولا تستبدلنا

    جزاك الله خيرا

    ياتري اخبارك ايه ؟؟ واحشني

    ReplyDelete
  33. ربنا يبارك فيك ويرزقنا وإياك التوفيق :)
    ويغفر لنا التقصير

    ReplyDelete
  34. بصراحه بوست لرائع

    جزاك الله خير

    موضوع كبير ومهم

    واسلوب شيق وممتع

    ربنا يصلح حالنا جميعا

    ويهدينا لطريق الصواب

    ReplyDelete
  35. mohamed ghalia

    فعلا يا محمد , كلامك صح ,
    و حاجة حلوة إن يبقى بيننا توارد خواطر :)

    ReplyDelete
  36. حسن حنفى :

    أنا معاك يا حسن إن فيه ناس بتكسل ,

    لكن أصلا الواحد لو ما وجدش ليه ثغرة يسدها في الحياة و دور يقوم بيه مش هيحس بلذة في الحياة و لا بقيمة نفسه ,

    يبقى الأحسن يدور على مصلحته و يجد له قيمة في الحياة بأن يسد أي ثغرة مناسبة له .

    ReplyDelete
  37. سمو الامير :

    جزانا و إياكم يا أبو حميد ,

    و أنا الحمد لله بخير ,
    طمنا إنت على نفسك ,

    عامل إيه ؟؟

    ReplyDelete
  38. أبو العريف :

    شكرا جزيلا على مرورك ,

    و جزانا و إياكم ,

    و ربنا يرزقنا العمل بما نقول ,

    جزاك الله خيرا

    ReplyDelete
  39. مجرد مدونة :




    آآآآآآآآآمين , و إياكم أخي الكريم ,

    ربنا يسترنا و لا يفضحنا و يوفقنا لما يحب و يرضى .

    ReplyDelete
  40. كلنا بنقوم بأدوارنا سواء حسينا بكده أو محسيناش ، بس المهم نلحق نختار دورنا قبل ما غيرنا يختارهولنا...علشان يبقي دورنا أكبر من مجرد أداة يستخدمها الغير !!

    و معلش علي التعليقات المتأخرة اللي بتيجي في 2012 ديه...
    :D

    ReplyDelete
    Replies
    1. الله ينور عليك ,
      فكرتني بواحد قال لي كلمة ,
      ما ينفعش ما تختارش طريق ...
      لأن الدنيا مش بتقف ,
      فلو ما أخترتش هتلاقي نفسك ماشي برضو بس في طريق انت ما اخترتهوش ...

      و ولا يهمك ,
      انت عارف أنا لما بلاقي حد معلق على المواضيع القديمة بقرأها تاني و ده بيساعدني على تظبيط حاجات في دماغي كنت ناسيها :)

      Delete

دلوقتي تقدر تعلق بأكثر من طريقة :
كـ(غير معرف) بدون ما يكون لك حساب خالص
أو بحسابك على الفيس بوك
أو بحسابك على بلوجر
بس عبرني و علق :) ـ

حقوق النشر للجميع


ـ
و لا تنسوا
كاتب الموضوع من دعوة صالحة بظهر الغيب

أن يُصلح الله له شأنه كله و يُدخله الجنة و يُجِرْه من النار و جميع المسلمين و المسلمات ..

>> حقوق النشر للجميع <<
لو رأيت أنه يستحق النشر
بشرط عدم التحريف أو التغيير
و يا حبذا لو تذكر رابط المدونة

tazbee6.blogspot.com


أو تذكر أن الموضوع

" منقول من مدونة تظبيط "

ـ