زي ما فيه حاجات صح و حاجات غلط

فيه حاجات غلط ممكن تبقى صح

بس عاوزة شوية

تــظــبـــيــط

ــــــــــــــــــــــــــــ

قبل أن تقرأ المدونة

-- حقٌ على أصحاب الكؤوس أن يتناصحوا --

لا يُعــذَر المسلم في تخليه عن الدعوة إلى الله والأمر بالمعروف والنهي عن المنكر حتـى وان كان مُقصراً في نفسه في بعض الأمور ,

بـل إن الإنسان عليه أن ينهى عن المنكر حتى وان كان هــو واقـع فيــه

فوقوعه في المنكر ذنب وعدم إنكاره على الآخرين ذنب آخر يُسأل عنه,
ولا شك ان على من ينصح أن يسعى جاهداً لتغيير ما بنفسه ليكون قدوةً ومثالاً يُحتذى به.

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

05 February, 2009

انت أكيد قدها ... و قدود




زهقان من عيشتك ؟؟

قرفان من ( بعض ) اللي حواليك ؟؟

نفسك لو تبقى شخص تاني ؟؟

نفسك لو كنت في بلد تاني ؟؟

نفسك لو كنت في زمن تاني
؟؟

لو الإجابة ( نعم ) فماتتوقعش إني هسفرك برة ,
و لا( أديك لفة ) بآلة الزمن ,

إنما أحب أوضح لك إنك كده تمام قوي ,
100 فل و 10

و إن وضعك الحالي في زمنك الحالي في ظروفك الحالية هو أحسن وضع ليك ,.



آه و ما تستغربش ,

هو مين اللي خلقك في المكان ده ؟
في الزمان ده ؟
وسط الناس دي ؟
في الظروف دي ؟؟

ربنا , صح ؟؟

يبقى ربنا أعلم بيك , و أعلم بما يُصلحك ,

و هو سبحانه و تعالى بيقول : (( ألا يعلم من خلق و هو اللطيف الخبير )) ؟؟؟

بلى و الله يعلم , و هو بخلقه لطيفٌ خبير ,

و زي ما قال رسول الله صلى الله عليه و سلم :
" عجبا للمؤمن،لا يقضي الله له شيئا إلا كان خيرا له " (*)

يبقى قضاء ربنا عليك في إيجادك في الظروف دي و الحالة دي و المكان ده و الزمان ده هو عين الخير ليك

بل إن وجودك في الزمن ده أحسن من وجودك حتى في زمن الرسول !!

مستغرب
؟؟ لا ما تستغربش

و اقرأ الكلام ده :

عن جبير بن نفير قال: جلسنا إلى المقداد بن الأسود يوما ،
فمر به رجل ، فقال: طوبى لهاتين العينين اللتين رأتا رسول الله صلى الله عليه وسلم ،
والله لوددنا أنا رأينا ما رأيت ، و شهدنا ما شهدت ،

فاستُغضِب !!
- يعني المقداد غضب من كلام الرجل -

فجعلت أعجب ، ما قال إلا خيرا!

ثم أقبل عليه فقال - المقداد اللي قال - :

( ما يحمل الرجل على أن يتمنى محضراً غَيَّبهُ الله عنه ؟

لا يدرى لو شَهِدَهُ كيف يكون فيه ؟

والله لقد حضر رسول الله صلى الله عليه وسلم أقوامٌ كبهم الله على مناخرهم في جهنم؛
لم يجيبوه ولم يصدقوه !

أولا تحمدون الله عز وجل إذْ أخرجكم لا تعرفون إلا ربكم ،
فتصدقون بما جاء به نبيكم صلى الله عليه وسلم ، قد كُفيتم البلاء بغيركم )
(**)

معنى كلامه إنه بلاش تتمنى إنك تكون على عهد الرسول حتى ,
لأن إيه ضمنك إنك تكون صحابي ؟؟
ما انت ممكن تكون أبو جهل !!

و مثله أن لا تتمنى وجودك مكان فلان ابن الباشا ,
لأنك لو بقيت غني ممكن تفسد ,
و هكذا ,

إنت
وضعك و حالتك متفصلة مخصوص علشانك

لأن اللي حطك فيها هو ربنا

و بما إن ربنا اللي خلقك ,
يعني هو عارفك و عارف احتمالك و قدرتك قد ايه ,

و عارف انك تقدر تستحمل الوضع اللي انت فيه ده ,
لأن دي طاقتك
و لو طاقتك كبيرة البلاء كبير ..
على قدها و مش أكبر منها ,

قال رسول الله : " يُبتلى المرء على قدر دينه " (***)
يعني لو ماكانش دينك و طاقتك هتستحمل ,
ربنا هيهون عليك البلاء على قدها ,
و شوف نفس الحديث .. سبحان الله ,
في رواية منه " وإن كان في دينه رقة .. هُوِّن عليه " شوف رحمة ربنا ,


و الآية الأخرى قال تعالى : (( لا يكلف الله نفسا إلا وسعها ))
يعني طالما رينا خلقك في وضع ما ,
و كلفك شيئا ما ,
يبقى أكيد الشيء ده في وُسعك ,
و انت تقدر تعمله ,

لأنه لو لم يكن في وسعك لما كلفك إياه,

و أخيرا أختم بمقولة عجبتني قوي بتقول :

" من لا ينفع لوضعه لا ينفع لوضع غيره "


و جزاكم الله خيرا ...


و لا تنسوا كاتب الموضوع الأصلي -اللي هو أنا طالما الموضوع في المدونة- من دعوة صالحة
إن ربنا يتوب علينا و يهدينا و يوفقنا لما يحب و يرضى ..

و طبعا >> حقوق النشر للجميع <<
لو رأيت إنه يستحق النشر
و ياريت تذكر رابط المدونة :

أو على الأقل تذكر إنه منقول من مدونة تظبيط
......................

تحيتي

.....








_________________________

(*)
قال رسول الله : "عجبا للمؤمن ، لا يقضي الله له شيئا ؛ إلا كان خيرا له . "

سلسة الأحاديث الصحيحة المجلد الأول
--------
148 ( الصحيحة )




(**)
عن جبير بن نفير قال: جلسنا إلى المقداد بن الأسود يوما ،
فمر به رجل ، فقال: طوبى لهاتين العينين اللتين رأتا رسول الله صلى الله عليه وسلم ،
والله لوددنا أنا رأينا ما رأيت ، وشهدنا ما شهدت ،

فاستُغضِب ، - يعني المقداد غضب من كلام الراجل -

فجعلت أعجب ، ما قال إلا خيرا!

ثم أقبل عليه فقال - المقداد اللي قال - :
"" ما يحمل الرجل على أن يتمنى محضرا غيبه الله عنه ؟ لا يدرى لو شهده كيف يكون فيه ؟
والله لقد حضر رسول الله صلى الله عليه وسلم أقوام كبهم الله على مناخرهم في جهنم؛ لم يجيبوه ولم يصدقوه!
أولا تحمدون الله عز وجل إذ أخرجكم لا تعرفون إلا ربكم ،
فتصدقون بما جاء به نبيكم صلى الله عليه وسلم ، قد كفيتم البلاء بغيركم .

والله لقد بعث النبي صلى الله عليه وسلم على أشد حال بعث عليها نبي قط ،
في فترة وجاهلية ، ما يرون أن دينا أفضل من عبادة الأوثان!
فجاء بفرقان فرق به بين الحق والباطل ، وفرق به بين الوالد وولده ،
حتى إن كان الرجل ليرى والده أو ولده أو أخاه كافرا ، وقد فتح الله قفل قلبه بالإيمان ويعلم أنه إن هلك دخل النار ،
فلا تقر عينه ، وهو يعلم أن حبيبه في النار ،
وأنها للتي قال: الله عز وجل: { والذين يقولون ربنا هب لنا من أزواجنا وذرياتنا قرة أعين } [ الفرقان: 74 ] .

صحيح الأدب المفرد 39 باب الولد قرة العين - 47
--------
64/87 ( صحيح )


(***)
وعن سعد قال: سئل النبي صلى الله عليه وسلم: أي الناس أشد بلاء ؟ قال: "" الأنبياء ثم المثل فالأمثل ، يبتلى الرجل على حسب دينه فإن كان صلبا في دينه اشتد بلاؤه ، وإن كان في دينه رقة هون عليه ، فما زال كذلك حتى يمشي على الأرض مال ذنب "" . رواه الترمذي وابن ماجه ، والدارمي ، وقال الترمذي: هذا حديث حسن صحيح .

مشكاة المصابيح المجلد الأول باب عيادة المريض وثواب المرض- الفصل الأول
--------
1562 [ 40 ] ( حسن )

42 comments:

  1. السلام عليكم و رحمة الله و بركاته

    موضوع جميل قوى و أسلوب عرضك جميل

    جزاك الله خيرا

    قال رسول الله صلى الله عليه سلم ( عجبا لأمر المؤمن ان امره كله خير اذا اصابته سراء شكر فكان خيرا له و اذا اصابته ضراء صبر فكان خيرا له )

    الحمد لله على كل شئ احنا فيه

    بس انا مش شايفه مشكله لو حد سألنى لو تحبى تعيشى فى عصر تانى تحبى عصر ايه ؟
    أقولهم أعيش مع سيدنا محمد و الصحابه وأكون مسلمه باذن الله


    بارك الله فيك

    تحياتى

    ReplyDelete
  2. السلام عليكم ورحمة
    الله تعالى وبركاته
    الله يفتح عليك ويهديك
    ويرضيك ويوفقك قادر ياكريم
    وفعلا لو تيقنا ان ما بنا ومايجرى
    لنا وعلينا هو فى مصلحتنا لرتحنا وارحنا ولكنها النفس البشرية التى
    لا تهدأ!
    ومش حاقول تحياتى ولكن
    حأقول احتراماتى ودعواتى

    ReplyDelete
  3. معاك حق المفروض كل واحد فينا يؤمن بانه في المكان الصحيح وفي الزمن الصحيح وان ده احسن حاجه ليه ويبدأ يشكر ربنا ويتعبد ليه

    لان فيه ناس بترتكب المعاصي وتقولك لو كنت ايام الرسول كان زماني من اعظم الصحابه

    يارب يهدينا جميعا

    ReplyDelete
  4. أكيد هو اعلم بينا من نفسنا
    ربنا يكرمك
    دايما رائع فى مواضيعك
    دمت بكل الود

    ReplyDelete
  5. جزاك الله عنا كل خير يا تيمي

    بالبلدي كده كلامك يشرح النفس

    الحمد لله

    الحمد لله

    الحمد لله

    ربنا يكرمك ويزيدك من فضله ويجعلك من العلماء العاملين المعلمين

    وإيانــا

    ReplyDelete
  6. زينب ,

    و عليكم السلام و رحمة الله و بركاته ,

    جزانا و إياكم و شرا جزيلا على المرور الكريم ..

    و هو طبعا عصر الرسول كان أفضل العصور ,
    بس كان فيه مؤمنين و منافقين و كفار ,
    و الله أعلم كنا هنكون إيه , و كنا هنستحمل الابتلاء و لا لأ ,

    الحمد لله على كل حال ,

    ReplyDelete
  7. دكتورة نور ,

    و عليكم السلام و رحمة الله و بركاته ,

    الله يفتح علينا و يهدينا و يرضينا و يوفقنا و إياكِ يا دكتورة ,

    هو فعلا كل قضاء الله خير لنا ,
    بس لو تلمحنا العاقبة و بصينا لقدام شوية هنعرف إن كل حاجة ليها حكمة ,
    علمناها أم لم نعلمها ,

    شكرا جزيلا يا دكتورة نور على المرور و الإضافة ,

    جزاكم الله خيرا

    ReplyDelete
  8. حسن حنفي ,

    فعلا كلامك صح يا حسن ,
    الناي اللي بتقول " لو كنت " دي ,
    مش عارفين يبقوا كويسين في وضعهم ,
    و أكيد مش هيعرفوا يكونوا كويسين في أي وضع تاني ,

    و ربنا يهدينا و يهدي الجميع ,

    ReplyDelete
  9. محمد غاليا ,

    فعلا ربنا أعلم بينا من أنفسنا ,
    و هو أعلم بما يصلح عباده ,
    ربنا يكرمنا و إياك يا محمد ,
    و شكرا جزيلا على مرورك اللي بيسعدني دائما :)

    ReplyDelete
  10. سمو الأمير ,

    جزانا و إياكم يا أحمد

    انت اللي تعليقك و مرورك يشرح القلب بجد :)

    ربنا يكرمنا و إياك ,
    و يرزقنا العمل بما نقول , و يعلمنا ما ينفعنا و ينفعنا بما علمنا ,

    جزاكم الله خيرا يا باشمهندس :)

    ReplyDelete
  11. 2enta 3aref !!!

    2amoooot w a3raf betgeeb kol el emotcions de mneen !

    da 3obal ma banazel post fe 5 emotcion bas bab2a mot !!

    bas bgd post gameed ! 2estafadt meno kteer !

    sorry b2a bab el nagar me5ala3 !


    el keyboard mesh nawee yekteb 3araby tanee :D !


    salam :-h

    ReplyDelete
  12. جزاك الله خيرا


    جعله الله في ميزان حسناتك

    ReplyDelete
  13. السلام عليكم
    جوزيت خيرا يا باشمهندس ,كلامك صح ميه الميه,
    الكلام ده انا قرأته في جزئية في كتاب اسمه كيف نحب الله ونشتاق اليه,لمؤلفه مجدي الهلالي,كتاب رائع جدا,وبصراحة كل كتبه رائعة الاسلوب والفائدة,
    ربنا ينفع بيك.

    ReplyDelete
  14. يارب أنت المعين

    بارك الله فيك يا تيمي :)

    الحديث دا جميل واول مرة أسمعه ...
    ربنا يجعله في ميزان حسناتك ويجازيك عنا خيرا..

    سلام

    ReplyDelete
  15. المبرمج المحترف ..

    شوف يا عم عمر ,
    الإيموتيكونز بتجيبها من أي منتدى بسهولة خالص :)


    و الحمد لله إنك استفدت من الكلام ,
    و يارب ما تنساناش من أي دعوة بالخير عن ظهر الغيب ,,

    و و لا يهمك عربي و لا انجليزي و لا حتى عربي لاتيني :)

    ReplyDelete
  16. القلم السكندري ..

    جزانا و إياكم أخي الكريم ...

    و ربنا ينفعنا بما نقول , و يرزقنا العمل به

    ReplyDelete
  17. سلمى محمد ,,

    و عليكم السلام و رحمة الله ..

    جزانا و إياكم ,

    و شكرا جزيلا على ذِكر مدعلومات عن الكتاب ,
    و إن شاء الله هدور عليه أو على أي كتب للمؤلف و إن شاء الله أستفيد منه ..

    جزاكم الله خيرا

    ReplyDelete
  18. تيفا ,

    بارك الله فينا و إياك يا مصطفى ..

    و ربنا ينفعنا بما نقول و نكتب ,




    و حمد الله بالسلامة :)

    ReplyDelete
  19. حمدا لله على السلامة,توقعي كان في محله.

    ReplyDelete
  20. سلمى محمد,
    الله يسلمك ,
    بس بصراحة أنا ما قرأتش الكتاب المشار إليه لسه ,
    لكن هدور عليه و اقرأه إن شاء الله ,

    ReplyDelete
  21. اعتقد اننا علينا نرضي بما قسمه الله لنا فعسي ان تحبوا شيئا وهو شر لكم وعسي ان تحبوا شيئا وهو خير لكم

    دمت بخير

    ReplyDelete
  22. انا قصدت بتوقعي في محله سفرك وجهته,
    مش قصدي خالص على الكتاب.

    ReplyDelete
  23. مصطفى أحمد ,

    فعلا يا مصطفى ,

    المفروض الواحد يرضى بقضاء الله ,

    و يعرف إنه كله خير ليه إن شاء الله ,

    ( وعسي ان تكرهوا شيئا وهو خير لكم وعسي ان تحبوا شيئا وهو شر لكم والله يعلم وانتم لا تعلمون )

    جزاك الله خيرا ..

    ReplyDelete
  24. سلمى محمد ,

    آه أخدت بالي :) .. أصلي ما جبتش سيرة السفر هنا :) ,

    عموما و للكتاب كمان لأني قرأته الحمد لله كله ,
    جزاكِ الله خيرا عليه , بجد أفادني كثيرا ,

    ReplyDelete
  25. جميل جدا

    مازلت كما انت

    دمت بخير

    ReplyDelete
  26. حبيب قلبى Timmy
    موضوع جامد كالعادة والجميل فى مدونتك وموضوعاتك انها بتقدم شىء دينى عن طريق موضوع شبابى او كاجوال مش زى المدونات الدينية صرف
    بجد انا قريت الموضوع بعناية وعجبنى اوى
    تحياتى لك حبى
    سلام

    ReplyDelete
  27. دعوه
    الأخ العزيز/
    تحيه طيبه
    برنامجنا الأذاعى عن النت والمدونات من الأذاعه الرئيسيه لمصر اى اذاعة البرنامج العام يذاع يوميا التاسعه وعشر دقائق صباحا عدا الجمعه
    ندعوك لزيارة مدونتنا والتعليق على ما نطرحه من موضوعات وهذه التعليقات تذاع باسماء اصحابها فى حلقات برنامجنا

    وبموقعنا رابط بالضغط عليه والأتنتظار قليلا وقت أذاعة البرنامج يمكنك الأستماع الينا
    المدونه
    http://netonradio.blogspot.com
    الموقع
    http://dear.to/cairo

    ReplyDelete
  28. السلام عليكم ورحمة
    الله تعالى وبركاته
    فقط اردت القاء السلام
    والتحية والنظر إن كان هناك
    جديدا نشرته ولكنى لم أجد وعلى هذا
    يكفينى انى قلت السلام عليك
    ورحمة الله تعالى وبركاته

    ReplyDelete
  29. السلام عليكم

    كلام جميل وجاء في وقته
    الموضه أصبحت أن كل الناس قرفانة وحالتها ج أو ض ج مفيش حد بقى بيقول الحمد لله وهو مبتسم

    نسألكم الدعاء

    ReplyDelete
  30. السلام عليكم
    عسى يكون سبب الاختفاء المفاجئ ده خير ياباشمهندس,وربنا يطمنا عليك.

    ReplyDelete
  31. السلام عليكم

    ازيك يا تيمي

    واحشني جدا يارب تكون بخير

    علي فكره انا مش هعلق علي الموضوع ومش جاي اعلق عليه

    انا جاي اسئل عليك واطمن بس

    يارب تكون بخير ولما ترجع اكيد هتطمني

    اعتبر ده وعد ؟؟؟

    في رعايه الله

    ReplyDelete
  32. جزاك الله خيرا
    وجعله الله فى ميزان حسناتك
    فعلا "لا يكلف الله نفسا إلا وسعها "

    ReplyDelete
  33. حسام يحيى ,

    شكرا جزيلا على مرورك .,
    انت فينك يا راجل ؟؟ :)

    ربنا يوفقك و إيانا ,إن شاء الله :)

    تحيتي لك :)

    ReplyDelete
  34. حسام ,

    منور بجد يا حسام :)

    و شكرا على الزيارة ,
    و يارب ما يكونش طويل زي كل مرة :)

    و ما تنساناش في الدعاء يا حسام ,
    بجد أي دعوة بالخير في ظهر الغيب ,

    ما تنساش الله يخليك :)

    إوعى تنسى

    ReplyDelete
  35. انت تسأ لو الكمبيوتر يجيب ,

    شكرا على الزيارة ,

    تحيتي :)

    ReplyDelete
  36. دكتورة نور ,

    و عليكم السلام و رحمة الله و بركاته ,

    و جزاكم الله خيرا على المرور ,

    الحمد لله انا ... بخير !! :)

    ReplyDelete
  37. ست البنات

    و عليكم السلام و رحمة الله و بركاته يا دكتورة ,

    للأسف - و لا أزكي نفسي - كلامك صح ,
    الواحد مش عارف الخير فين و و برضه بيتكلم , (( إن الإنسان خُلِق هلوعا ))

    ReplyDelete
  38. سلمى محمد ,

    و عليكم السلام و رحمة الله

    الحمد لله خير , ربنا يجلعه خير ,

    و جزاكم الله خيرا ..

    ReplyDelete
  39. زيزو ,

    و عليكم السلام و رحمة الله ,

    و شكرا جزيلا على مرورك ,

    انت اللي المفروض تطمنا عليك يا راجل ,
    بقى لك كتير غائب ,

    عسى ما شر إن شاء الله ,

    و أنا الحمد لله بخير على كل حال
    و شكرا جزيلا على المرور و السؤال

    تحيتي :)

    ReplyDelete
  40. وحي القلم ,

    جزانا و إياكم ,

    و شكرا جزيلا على المرور ,

    بالفعل ربنا مش بيكلفنا أكثر من طاقتنا ,
    احنا اللي ضعاف , أو بنستيهل !! للأسف !!

    ReplyDelete
  41. السلام عليكم

    ازيك يا تيمي

    ماشي يا عم وفيت بوعدك بسرعه

    اسمحلي بقي اعلق علي الموضوع

    تصدق اني كتير فكرت في الموضوع ده

    بس بصراحه انت ركبته بطريق حلوه

    وأحلي حاجه في موضوعاتك إنك بتستشهد بأحاديث نبويه وأيات من القرأن الكريم

    والاجمل إنك بتذكر المراجع والاسانيد الي جبت منها

    وفعلا لا يكلف الله نفسا الا وسعها

    وربنا مش بيدي حد غير علي قد طاقته مهما حس انها اكبر من طاقته

    وبرضه جمله جميله :

    " من لا ينفع لوضعه لا ينفع لوضع غيره

    جزاك الله كل خير يا تيمي

    والي مزيد من التألق

    وأتمني دايما تشرفني وتنورني

    وعلي فكره انا مش معتز :)

    تحياتي

    ReplyDelete
  42. z!zOoOo

    و عليكم السلام و رحمة الله و بركاته ,

    جزانا و إياكم ,

    و الحمد لله إن الموضوع عجبك , و ده توفيق من الله بجد قبل كل حاجة ,

    و شكرا جزيلا على التعليق يا ... يا مش معتز :)

    طيب لو مش معتز , إمال زيزو دي اختصار لإيه ؟؟ :)

    ReplyDelete

دلوقتي تقدر تعلق بأكثر من طريقة :
كـ(غير معرف) بدون ما يكون لك حساب خالص
أو بحسابك على الفيس بوك
أو بحسابك على بلوجر
بس عبرني و علق :) ـ

حقوق النشر للجميع


ـ
و لا تنسوا
كاتب الموضوع من دعوة صالحة بظهر الغيب

أن يُصلح الله له شأنه كله و يُدخله الجنة و يُجِرْه من النار و جميع المسلمين و المسلمات ..

>> حقوق النشر للجميع <<
لو رأيت أنه يستحق النشر
بشرط عدم التحريف أو التغيير
و يا حبذا لو تذكر رابط المدونة

tazbee6.blogspot.com


أو تذكر أن الموضوع

" منقول من مدونة تظبيط "

ـ