زي ما فيه حاجات صح و حاجات غلط

فيه حاجات غلط ممكن تبقى صح

بس عاوزة شوية

تــظــبـــيــط

ــــــــــــــــــــــــــــ

قبل أن تقرأ المدونة

-- حقٌ على أصحاب الكؤوس أن يتناصحوا --

لا يُعــذَر المسلم في تخليه عن الدعوة إلى الله والأمر بالمعروف والنهي عن المنكر حتـى وان كان مُقصراً في نفسه في بعض الأمور ,

بـل إن الإنسان عليه أن ينهى عن المنكر حتى وان كان هــو واقـع فيــه

فوقوعه في المنكر ذنب وعدم إنكاره على الآخرين ذنب آخر يُسأل عنه,
ولا شك ان على من ينصح أن يسعى جاهداً لتغيير ما بنفسه ليكون قدوةً ومثالاً يُحتذى به.

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

08 August, 2008

ـ يا حبيبي يا مرقص انت و كوهين !!ـ



بسم الله الرحمن الرحيم ..


بما أن المدونة بعنوان "تظبيط" يعني ده هدفها ..
و ده "غرضها الشريف" ..


علشان كده زي ما بنحاول نظبط في التفكير و العلاقات ..
برضه لازم نظبط حاجات و مفاهيم مغلوطة في الدين ...


و النهاردة حبيت أتكلم ... قصدي "أنقل" التفسير الصحيح لآيات الناس فهمتها غلط خالص ...

علشان الفهم "يتظبط" و كله يبقى تمام ...

بسم الله نبدأ :

ناس كتير بتقول إن النصارى إخواتنا ..
و حبايبنا الحلوين ...
و تلاقيهم قد يوالوهم و يحبوهم أكثر من المسلمين ...

و لم اتيجي تكلمهم يقول لك يا عم طيب ما شيخ الأزهر بيبوس القسيس و بيروح له الكنيسة ..
و القسيس بيصوم مخصوص في رمضان علشان يحضر الإفطار الجماعي مع شيخ الأزهر ..

يعني هو هيبقى غلط ؟؟؟

أقول لك يا عمُنا الدين بتاعنا .. مين اللي جايبه لنا ؟؟
شيخ الأزهر و لا الرسول صلى الله عليه و سلم ؟؟؟

طبعا الرسول صلى الله عليه و سلم ..
و الرسول تلقى التشريع عن الله عز و جل بالوحي ...
و الوحي قرآن و سنة -و إن شاء الله في مشاركة أخرى نبين إزاي الأحاديث كانت وحيا مثل القرآن-

يبقى ندخل على الأصل اللي المفروض شيخ الأزهر و كل المسلمين بياخدوا منه الأحكام ...

القرآن و السنة ...

و أشهر دليل الناس بتقوله هو قوله تعالى { لكم دينكم و لي دين }
و قوله تعالى { و لتجدن أقربهم مودة للذين آمنوا الذين قالوا إنا نصارى }

.
.
.
.


أول آية { لكم دينكم و لي دين }

الناس بتفكرها يعني كل واحد حر .. اللي يكفر يكفر و اللي يؤمن يؤمن ..
مع إن الآية بصيغة "التهديد" ..
يعني هنشوف في الآخر !!



و تفسيرها :

{ لَكُمْ دِينُكُمْ وَلِيَ دِينِ }

(1)

<< قَالَ لَهُمْ الرَّسُول صَلَّى اللَّه عَلَيْهِ وَسَلَّمَ : { لَكُمْ دِينكُمْ وَلِيَ دِين }

كَمَا قَالَ تَعَالَى :
  { وَإِنْ كَذَّبُوك فَقُلْ لِي عَمَلِي وَلَكُمْ عَمَلكُمْ
أَنْتُمْ بَرِيئُونَ مِمَّا أَعْمَل وَأَنَا بَرِيء مِمَّا تَعْمَلُونَ
}
وَقَالَ : { لَنَا أَعْمَالنَا وَلَكُمْ أَعْمَالكُمْ } .


(2)

وَقَالَ الْبُخَارِيّ :
يُقَال " لَكُمْ دِينكُمْ " الْكُفْر" , وَلِيَ دِين " الإسْلام"


وَلَمْ يَقُلْ دِينِي لِأَنَّ الْآيَات بِالنُّونِ فَحَذَفَ الْيَاء كَمَا قَالَ " فَهُوَ يَهْدِينِ " وَ " يَشْفِينِ " >> [تفسيير ابن كثير]
.
.
.
.

الآية الثانية { و لتجدن أقربهم مودة للذين آمنوا الذين قالوا إنا نصارى }




أما قوله تعالى : { لتجدنَ أشدَ الناس عداوةً للذين ءامنوا اليهود والذين أشركوا
ولتجدنَ أقربهم مودةً للذين ءامنوا الذين قالوا إنا نصارى
ذلك بأن منهم قسيسين ورهباناً وأنهم لا يستكبرون
} ..

فهذه الآية لا تعني أنهم أحب الناس إلينا ...
فقط أكمل الآية لنهايتها و ستفهمها ..

{ ذلك بأن منهم قسسيسين و رهبانا و أنهم لا يستكبرون ,
وإذا سمعوا ما أُ نزل إلى الرسول
ترى أعينهم تفيض من الدمع مما عرفوا من الحق
يقولون ربنا ءامنا

فاكتبنا مع الشاهدين وما لنا لا نؤمن بالله وما جاءنا من الحق
ونطمع أن يدخلنا ربُنا مع القوم الصالحين
فأثابهم الله بما قالوا جنَات تجرى من تحتها الأنهار خالدين فيها وذلك جزاء المحسنين
}


إن النصارى التى تثنى عليهم الأيات هم الذين قالوا إنا نصارى
وهم القساوسة والرهبان الذين لا يستكبرون والذين يفتحون أذانهم لسماع القرأن الذى نزل على سيدنا "محمد"
وعندما يسمعون القرأن يعرفون أنه الحق من الله ونتيجة لذلك :
نرى أعينهم تفيض من الدمع

وهم يختمون هذه الخطوات بالخطوة الأخيرة "والأهم"
ويحققون الثمرة المرجوة والنتيجة الطبيعية لما سبق
فيستسلمون لرب العالمين إستسلاماً عملياً ويدخلون في الإسلام

وبهذا "فقط" يأخذون نصيبهم من رحمة الله ونعيمه




و تفسير الآية :

(1)

( ومما يدل على قرب مودتهم للمسلمين أن فريقًا منهم - وهم وفد الحبشة لما سمعوا القرآن
فاضت أعينهم من الدمع فأيقنوا أنه حقٌّ منزل من عند الله تعالى, وصدَّقوا بالله واتبعوا رسوله, 
وتضرعوا إلى الله أن يكرمهم بشرف الشهادة مع أمَّة محمد عليه السلام على الأمم يوم القيامة. ) [التفسير الميسر]


(2)

( لم يرد به جميع النصارى لأنهم في عداوتهم المسلمين كاليهود في قتلهم المسلمين وأسرهم وتخريب بلادهم 
وهدم مساجدهم وإحراق مصاحفهم, لا ولاء, ولا كرامة لهم, 
بل الآية فيمن أسلم منهم مثل النجاشي وأصحابه ) [تفسير البغوي]

.....


ولله در الجصاص حيث قال في "أحكام القرآن له" :
(ومن الجهال من يظن أن في هذه الآية مدحاً للنصارى،
وإخبار أنهم خير من اليهود، وليس ذلك كذلك،

لأن ما في الآية من ذلك إنما هي صفة قوم قد آمنوا بالله وبالرسول،
يدل عليه ما ذكر في نسق التلاوة من إخبارهم عن أنفسهم بالإيمان بالله والرسول).


.
.
.
.


طبعا هتلاقي ناس بتسأل :
طب أنا ليا صاحب نصراني , مخلص و أمين و أحسن من كتير من المسلمين ,
أسيبه و أكرهه لمجرد إنه نصراني ؟؟

هقول لك غالبهم - و ده حال أي أقلية - بيحبوا يبينوا نفسم إنهم حلوين ,
لكن حقيقتهم بتبقى عكس كده خالص ,
كما قال تعالى :
{ كيف وإن يظهروا عليكم لا يرقبوا فيكم إلاً ولا ذمة
يرضونكم بأفواههم وتأبى قلوبهم وأكثرهم فاسقون
}


و حتى ياسيدي افترض أنه فعلا كويس محترم و أمين و مخلص بجد ,
هرد عليك برد بسيط ,

افترض إن صاحبك النصراني الأمين و المخلص ده فعلا أمين و مخلص بجد ,
بس ما بيحبش أبوك !!
كل ما يسيبك يتكلم عن أبوك و يشتمه و يؤذيه ,

و لما تيجي تقول له انت بتشتم أبويا ليه ؟؟
يقول لك دي وجهة نظر , و حاجة في قلبي ما أقدرش أغيرها ,
بس خلينا اصحاب زي ما احنا ,

يا ترى هتقبل و لا لأ ؟؟

طيب فما بالك لو كان بيشتم رسولك , و بيؤذي ربك :
قال رسول الله :
( ليس أحدٌ أصبر على أذىً سمعه من الله ،
إنهم ليدعون له ولدا ، ويجعلون له ندا ،
وإنه ليعافيهم ويدفع عنهم ، ويرزقهم ، ويعطيهم
)


و المزيد في موضوع " حسن يريد حلا مع مرقص " :
http://tazbee6.blogspot.com/2010/11/blog-post_4264.html

أنا مش بقول إنك تقابلهم في الشارع "تغزهم" بمطوة
و تضربهم
و ما تكلمهمش و ما تتعاملش معاهم ,

لأ


إنما لا تحبهم .. , و تكرههم في الله لأنهم كفروا به ,
و لا تتخذ منهم أولياء من دون المؤمنين ,
لكن لا تؤذيهم لأنهم في بلادنا "مُستأمنين" و لا يجب إيذاؤهم ..
لأنهم أهل "ذمة" = "عهد" , و لا يجب على المسلم أن ينقض عهدا ..



لحد هنا و كفاية النهاردة ..
أرجو أن يكون التفسير الصحيح للآيتين قد اتضح ..
و إن الدماغ تكون "اتظبطت"

في أمان الله ..

26 comments:

  1. اول تعليييق
    مدونة جميلة ربنا يوفقك
    عندك حق المسيحيين معاملتنا ليهم المفروض متتجاوزش اننا نحبهم
    بس لازم معاملتنا ليهم تكون باخلاقنا وديننا

    ReplyDelete
  2. ندا ..

    شكرا لكِ ..
    و نما يهمكيش حكاية "أول تعليق" دي :) .. أصله في أوقات كتيرة بيبقى "أول و آخر" تعليق :) ..

    طبعا احنا لازم نعامل أهل الكتاب بأخلاقنا و ديننا ... و ديننا أعطاهم الأمان و حريات كثيرة ... لكن في نفس الوقت لا يجب أن "نسوق فيها" و نودهم أكثر من اللازم و نعتبرهم إخوة و نواليهم و نحبهم أكثر من المسلمين ..

    شكرا جزيلا على المرور ..

    ReplyDelete
  3. السلااااااااااام عليكم

    قبل اى شىء انا عايزه اعبر عن اعجابى الشديد اوى اوى اوى بالمدونه دى

    بجد بجد مدونه هادفه وبتظبطنا فعلا

    احييك احييك لاختيارك للموضوعات دى ولاسم مدونتك

    ولافكارك


    اسال الله ان ينفع المسلمين بموضوعاتك وتدويناتك

    وان يبارك فيك

    مع ارق تحياتى

    ريمان

    ReplyDelete
  4. بسم الله ماشاء الله


    شكرا ليك

    تظبيط جمييييييييييل

    للاسف مش اول تعليق

    يلا اعوضها ان شاء الله

    :d

    ReplyDelete
  5. ريمان

    و عليكم السلام و رحمة الله

    أنا سعيد جدا لإعجابك بالمدونة ..

    و إن شاء الله نقدر نعمل أي حاجة هادفة , في ظل الهيافة اللي عايشيين فيها ..
    و نقدر نفيد و نعظ أنفسنا و غيرنا ..

    شكرا جزيلا على المرور ..
    و التشجيع ..

    جزاكِ الله خيرا

    ReplyDelete
  6. حسن ..

    منورني دايما يا باشمهندس -إن شاء الله يعني :) -
    و ولا يهمك ..
    انت طول عمرك مشرفني في أول تعليق ..

    و إن شاء الله تكون استفدت أي حاجة ..

    و تحيتي الجامدة قوي ليك :)

    ReplyDelete
  7. انا اول مره ازور المدونه وبصراحه
    مدونه راااااااااااااااااائعه
    بالنسبه لحب النصارى احنا نعاملهم معامله حسنه حتى اليهود لكن الصهاينه
    لا وفى فرق الصهاينه يهود محتلين فلسطين
    اليهودالى قاعدين فى بلادهم اخيرا نفسى تكون الفكره وصلت
    تحياتى

    ReplyDelete
  8. اعتزلت التدوين

    شكرا انكم قبلتوني في عالمكم الفتره

    دي

    ويشهد الله كم احببتكم فيه

    ReplyDelete
  9. بارك الله فيك يا تيمي

    بس الكلام كويس قوي قوي

    بس يا حبذا تظبطنا في الحتة دي زيادة شوية .

    يعني مش هحبهم
    امال حدود العلاقة بينا وبينهم ايه
    في واحد قالي انك متضحكش في وشة حتى!!
    أمال الرسول صلى الله عليه وسلم كان بيزور جاره اليهودي ازاي ؟؟! -مع انه مكنش أسلم وكان يؤذيه - هو اسلم بعد كده بس مش معقول الرسول صلى الله عليه وسلم كان قاعد مكشر في وشه يعني !!

    انا بخبط على فكرة بس والله عايز اتظبط في الحتة دي

    دورلي بئى يا هندز عشان انت عارف اني مش فاضي .

    حبة تظبيط يا اسطى


    سلام :)

    ReplyDelete
  10. بج مدونتك جميلة ...

    شكرا لمرورك شرفتنى بجد


    إنما حضرتك مهندس أيه ؟؟

    ReplyDelete
  11. معك حق
    وقد كتبت عن هذا الموضوع من قبل فى تدوينتى"لاتتخذوهم اولياء"

    ReplyDelete
  12. tiva

    شكرا لمرورك يا مصطفى ..

    و مش عارف انت غايب فين ؟؟

    بص بصراحة أنا مش دارس الحتة دي قوي ..

    بس إن شاء الله هحاول أدور عليها
    و أعمل لها بوست لوحده

    ربنا يسهل

    ReplyDelete
  13. المبرمج المحترف

    شكرا جزيلا على المرور

    و الحمد لله إن المدونة عجبتك ..

    أنا مهندس ميكانيكا إن شاء الله

    ميكانيكا باور

    بس لسه متخرج يادوب

    ReplyDelete
  14. موناليزا

    شكرا على المرور

    و إن شاء الله أشوف البوست الل عندك

    يمكن أستفيد منه إن شاء الله

    تحيتي ..

    ReplyDelete
  15. المدونه جميله وانا بحب تيمى اوى وياريت تزور مدونتى
    فى انتظارك؟

    ReplyDelete
  16. أحبكِ الذي أحببتِنا فيه

    و شرفتي المدونة ..

    و إن شاء الله نبادلك بالزيارة ..
    تحيتي ..

    ReplyDelete
  17. السلام عليكم

    اولا احب اشكرك على المدونة الجميلة دي
    والتدوين اللي فيها

    بس انا ضدك في حاجات كتير في الموضوع ده
    اللي هوه معاملة اهل الكتاب
    او اهل الذمة
    افرض ان عندك صديقين واحد مسلم والتاني من المسيحيين
    المسلم ده مثلا شايف نفسه واحد كوول
    ومكبر الدماغ
    معندوش اخلاق وميعرفش حتى يعني ايه صلاة
    ومجرد اخطلاتك بيه هيأثر عليك بطريقة سلبيه
    اما المسيحي مثلا
    فانسان مهذب جدا بيعاملك بكل مودة
    لو قلتله سر ما بيطلعهوش
    لو استشرته في حاجة
    بيديك رأي سديد
    مجملا هو مثال للصديق الوفي

    لو عندك صديقين زي دول (انا عندي)مقدرش
    اني اطالبك بانك تحب المسلم اكتر من المسيحي
    واقولك ان ربنا نهى اننا نتخذ الكافرين اولياء دون المسلمين

    المسألة مسألة الفة ومسأله تعاطف ومشاعر
    انا ميهمنيش ان واحدة صاحبتي تكون مسلمه او مسيحية
    مادامت واحدة محترمة متفاهمة معايا وبتشاركني افكاري
    المسيحين ممكن يكونوا زملاءنا او جيرانا او اصحابنا
    مهما كانوا
    لازم نعاملهم حلو
    لازم ما نعملهمش بطريقة غير معاملة المسلمين
    والا هتحصل فتن طائفية
    وانقاسمات احنا في غنا عنها

    ReplyDelete
  18. الرومانسية

    و عليكم السلام و رحمة الله و بركاته

    و شكرا جزيلا على المرور و التعليق و النقاش اللي إن شاء الله يفيد كلانا
    و الاختلاف في الرأي لا يفسد للود قضية طبعا :)

    شوفي يا أختي ..
    طبعا ربنا هو اللي خلقنا ..
    و هو أعلم منا بكل شيء في هذا الكون .. صح ؟؟

    يعني لما يقول لنا (لا تتخذوا اليهود و النصارى أولياء, بعضهم أولياء بعض )
    يبقى أكيد ربنا بيهدينا للخير .. و إن فيه شر من توليهم و مصادقتهم ..

    و حتى لو احنا مش شايفيين الحكمة من الأمر الإلهي .. أو مش شايفيين الضرر من عدم الانتهاء .. برضه لازم نمتثل الأمر ..

    كما قال تعالى : (و ما كان لمؤمن و لا مؤمنة إذا قضى الله و رسوله امر أن يكون لهم الخيرة من أمرهم)

    نيجي بقى للمثل اللي قلتيه ..

    فعلا .. ممكن يكون فيه "بعض" الناس مسيحيين أحسن من "بعض" الناس المسلمين ..

    زي ما كان فيه على أيام الرسول صلى الله عليه و سلم ناس من الكفار أفضل أخلاقا من بعض الذين أسلموا ,
    لكن الرسول لم يُثبت خيريتهم إلا بعد أن أسلموا , فقال : " الناس معادن , خياركم في الجاهلية خياركم في الإسلام إذا فقهوا"

    يعني حسن الخلق لوحدة ليس بمبرر على اتخاذ الكافر ولي ..

    و اسمحي لي اسألك سؤال :
    لو صاحبتك المسيحية دي اللي هي مؤدبة و وفية معاكي دي ..
    شتمت والدك أو والدتك و آذاتهم .. و قالت لك .. خلينا احنا أصحاب .. و أنا هفضل وفية ليكي .. لأني ما عملتش ليكي حاجة .. أنا آذيت والدك بس ..

    ياترى هترضي تفضلي صاحبتها و لا لأ ؟؟
    متهيأ لي هترفضي و تقطعي العلاقة على الرغم من إنها ما عملتش فيكي حاجة وحشة و أمينة قوي معاكي في كل حاجة ..

    طيب لما نسمعي الرسول بيقول : (( أن يكون الله ورسوله أحب إليه مما سواهما ))
    يعني المفروض إن حب ربنا يبقى أكتر من حبك لوالدك و والدتك ..

    هتقولي طبعا : بس هي مش بتشتم ربنا و لا حاجة !!

    هقول لك في الحديث عن الرسول :

    " ما أحد أصبر على أذى سمعه من الله، يدعون له الولد، ثم يعافيهم، ويرزقهم " .
    يعني عقيدتهم نفسها إيذاء لله عز وجل ..

    فشوفي انتي بقا .. اللي ما ترضيهوش على أهلك .. ترضيه على ربك و لا لأ ؟؟

    و أنا مش بقول تضربيها و لا تشتميها ..

    بل بالعكس .. احنا مأمورين نعاملهم بالحسنى لكن في حدود الشريعة ..

    فالرسول مثلا زار اليهودي لما كان مريض .. لكن لم يتخذه ضديق , إنما كان من باب الإحسان للجار و الدعوة إلى الله ....

    يعني نعاملهم كويس و لا نتخذهم بطانة و لا أولياء ...

    و آسف جدا على الإطالة .. و على التأخر في الرد

    ReplyDelete
  19. اولا السلام عليكم ورحمة الله وبركاته
    والله انا هرد على موضوعك بالاتي
    "لا ينهاكم الله عن الذين لم يقاتلوكم في الدين ولم يخرجوكم من دياركم ان تبروهم وتقسطوا اليهم ان الله يحب المقسطين * انما ينهاكم الله عن الذين قاتلوكم في الدين واخرجوكم من دياركم وظاهروا على اخراجكم ان تولوهم ومن يتولهم فأولائك هم الظالمون"
    الايات دي من سورة الممتحنة
    واعتقد انها رد كافي
    وان نهي الله عن ان نتخذ النصارى اولياء في حال ان يكونوا اعداء لنا
    بالطرق التي اوضحنها الايه
    مساك الله بانوار النبي يا اخي
    وعلى فكرة لو انت مش معايا في ده يا ريت توضح رأيك بشكل اوسع
    انا معنديش مانع من الجدال مادام غرضه الفائدة
    وان شاء الله جاري الردعلى موضوع حب ايه اللي انت جاي تقول عليه
    في شبابنا

    ReplyDelete
  20. الرومانسية

    و عليكم السلام و رحمة الله و بركاته

    طيب انتي جبتي الآية دي ..
    من سورة الممتحنة ..

    طيب شوفي أول آية في سورة الممتحنة خالص
    (يا أيها الذين آمنوا لا تتخذوا عدوي و عدوكم أولياء تلقون إليهم بالمودة)

    و الآيات اللي في معناها كتير زي :
    (يَا أَيُّهَا الَّذِينَ آمَنُوا لا تَتَّخِذُوا الْيَهُودَ وَالنَّصَارَى أَوْلِيَاءَ بَعْضُهُمْ أَوْلِيَاءُ بَعْضٍ وَمَنْ يَتَوَلَّهُمْ مِنْكُمْ فَإِنَّهُ مِنْهُمْ إِنَّ اللَّهَ لا يَهْدِي الْقَوْمَ الظَّالِمِينَ)
    ( لا تَجِدُ قَوْماً يُؤْمِنُونَ بِاللَّهِ وَالْيَوْمِ الْآخِرِ يُوَادُّونَ مَنْ حَادَّ اللَّهَ وَرَسُولَهُ وَلَوْ كَانُوا آبَاءَهُمْ أَوْ أَبْنَاءَهُمْ أَوْ إِخْوَانَهُمْ أَوْ عَشِيرَتَهُمْ)

    و طبعا القرآن مش متعارض ..

    يعني الآيات اللي أنا ذكرتها و اللي انتي ذكرتيها مش متعارضه
    ...
    يبقى أكيد لازم ينفع الجمع بينهم ...

    و ده عن طريق النظر في أسباب النزول

    الآية اللي ذكرتيها نزلت في السيدة عائشة و أمها ..

    يعني بين الأقارب و صلة الرحم لازم تتصل حتى و لو كانوا من ملة اخرى طالما أنهم غير محاربين


    و أخيرا هنقل كلام من كتاب للشيخ ياسر برهامي عن الولاء و البراء :

    (أ) معاني الولاء:
    الحب, والرضا, والنصرة, والطاعة, والمتابعة, والمعاونة والقيام بالأمر, والصداقة, ولوازم هذه الأمور كالتشبه والركون إليهم وإظهار مودتهم.
    وهذه المعاني يجب صرفها لله ولرسوله وللمؤمنين, فيحب الله ورسوله والمؤمنين, ويرضى بطريقتهم, وينصر دين الله بكل ممكن ومستطاع، وينصر السنة، وينصر كل مؤمن ظالم -بأن يمنعه من الظلم- أو مظلوم, ويطيع الله ورسوله وأولي الأمر من المؤمنين (العلماء والأمراء الذين يقودون الناس بكتاب الله)، ويتابع طريقة المؤمنين، ويتشبه بهم، ويهتم بشأنهم، ويعاونهم على البر والتقوى, ويتخذ منهم دون غيرهم الأصدقاء والأخلاء.

    وليس من الموالاة:
    البيع والشراء والإجارة مع الكفار فيما يحل مثله بين المسلمين, من غير مهانة للمسلم, وكذلك البر والإقساط لمن لم يقاتلنا في الدين, وهناك فرق بين البر والصلة والعدل معهم بشرع الله وبين المحبة والموالاة التي هي من أعمال القلب أصلاً, ومن هذا أيضاً قبول الهبة منهم وإهداؤهم تأليفاً لهم أو دفعاً لمفسدتهم أو لمصلحة أخرى راجحة, ومثله عيادة مريضهم لدعوته إلى الإسلام وزواج الكتابية مع بغضها على دينها, وكذا الاستعانة بهم في مصالح المسلمين دون أن يكون لهم سلطان على المسلمين, فكل ذلك قد فعله النبي وصحابته.

    مش عارف إن كانت الرؤيا بدأت في الوضوح و لا لأ ؟؟

    ReplyDelete
  21. سلام يا باشا

    زيارة بالصدفة ورب صدفة خير من الف من المسلسلات السكَّة بتاعة رمضان

    انا من الكويت وعاوز ائول لك ربنا ينور عليك ودمك شربات

    سلام مربع

    ReplyDelete
  22. سعدنا بالمرور
    تقبل الله منكم ما تكتبون و جزاكم به خير جزاء

    ReplyDelete
  23. السلام عليكم ورحمة الله وركاته
    بصراحة بصراحة

    اسلوبك رااااااائع والكلام طبعا مليون ف المية صح وللأسف لسة الناس بتجائر وتقوللك صاحبي المسيحي احسن من المسلم
    عارف الشيخ محمد اسماعيل المقدم قال كلمة فيها الرد الشافي:
    قال فيما معناه:
    لما تقول على النصراني دة مؤدب ومحترم معايا ومعملش ليا حاجة يبقى انت انـااااني..عشان النصراني دة سب نبيك وسب ربك ومع ذلك فضلت ادبه معاك على سوء ادبه مع الله!!
    جزاك الله خيرا بجد على التدوينة الرائعة وجعلها الله في موازين حسناتك يوم القيامة

    ReplyDelete
  24. ولد الديرة

    هلا و غلا بيك يا ناصر رغم إني ردي متأخر جدا
    و جزاك الله خيرا


    mneuropa

    نحن الأسعد بمروركم
    جزاكم الله خيرا \



    ام العيال :
    و عليكم السلام و رحمة الله وبركاته
    فعلا كلام الشيخ المقدم صحيح جدا
    لما أمشي مع واحد بيشتم أحب الناس لي لكنه بيقول لي انا كويس معاك و بيعاملني كويس ,
    يبقى بعلا أنا اناني او عبيط !!

    جزاكم الله خيرا
    و لا تنسونا من صالح الدعاء

    ReplyDelete
  25. (إنما لا تحبهم .. , و تكرههم في الله لأنهم كفروا به ,
    و لا تتخذ منهم أولياء من دون المؤمنين ,
    لكن لا تؤذيهم لأنهم في بلادنا "مُستأمنين" و لا يجب إيذاؤهم ..
    لأنهم أهل "ذمة" = "عهد" , و لا يجب على المسلم أن ينقض عهدا )
    جزاكم الله خيراً
    جبت انت المفيد
    فى أخر سطرين دول
    لأنى فعلاً احب الخلاصة
    والتلخيص المفيد

    ReplyDelete
  26. norahaty:

    جزانا و إياكم يا د.نور
    فالحب و البغض أعمال قلبية لا يجب أن تُصرف لغير المسلمين
    أما التسامح و العدل و الإقساط فأعمال جوارح أمرنا الله أن نعامل كل الناس بها

    جزاكم الله خيرا يا خالتنا العزيزة

    ReplyDelete

دلوقتي تقدر تعلق بأكثر من طريقة :
كـ(غير معرف) بدون ما يكون لك حساب خالص
أو بحسابك على الفيس بوك
أو بحسابك على بلوجر
بس عبرني و علق :) ـ

حقوق النشر للجميع


ـ
و لا تنسوا
كاتب الموضوع من دعوة صالحة بظهر الغيب

أن يُصلح الله له شأنه كله و يُدخله الجنة و يُجِرْه من النار و جميع المسلمين و المسلمات ..

>> حقوق النشر للجميع <<
لو رأيت أنه يستحق النشر
بشرط عدم التحريف أو التغيير
و يا حبذا لو تذكر رابط المدونة

tazbee6.blogspot.com


أو تذكر أن الموضوع

" منقول من مدونة تظبيط "

ـ