ـ الدقون و المنقبات ؟؟ أعوذ بالله !! ـ

المكان : قهوة ( طرّيها الناس لبعضيها) للدخان النضيف





جلس المِعلّم ( حِشْمت ) مع الاسطى ( كاظم ) يتبادلان أطراف الـ(تشات)

- حشمت : اسكت يا كاظم يا خويا , ده العالم بتوع الدقون دول طلعوا تايواني خالص ,
لا , تايواني مين ؟؟ دول طلعوا صيني

- كاظم : ليه بس كفى الله الشر , حد فيهم داس لك على ديل ؟؟

- حشمت : انت هتهزر يا ( تيييييييييت ) ؟؟

- كاظم : لا أبدا , بس الكلمة زنقتني , اتفضل ارغي يا برنس .

- حشمت : يااااااه , اقول لك إيه بس و لا إيه ؟؟
( ديك ) النهار كنت بشتري ( فرخة ) مشوية من عند واحد منهم ,
اداهالي من غير رجول و لا جناحات

و مرة راكب مع سواق (موكروباظ) منهم و ماكانش معايا فكة
راح واخد الفلوس و ضرب على الباقي

- كاظم : ده انت مصيبتك صغيرة يا حشمت يا أخويا ,
ده أنا أعرف واحد كان كان داخل شريك في ( مزرعة مكرونة ) مع واحد دقنه طول كده ,
و المشروع خسر و نصب على جارنا في نصيبه بعد ما صفوا الشركة

- حشمت : ده غير المنقبات اللي تلاقيها حاطه كحل ,
و لابسة عباية ضيقة و كلها ترتر بيلمع
و اللي صوتها في الشارع قد كده , و تتكلم مع ده و تهزر مع ده

- كاظم : يا عم دول عالم أعوذ بالله , و يقولوا لك قال الله و قال الرسول ,
طب ما يعملوا الأول بالكلام اللي بيقولوه ده

- حشمت : سيبك انت يا عم , هو الواد حمامة مش مشغل (التي في ) ليه ؟؟


و هنا .............................


ظهر حمامة القهوجي و شغل التلفزيون على القناة الفضائية الأمريكية
و كان شغال برنامج ( صباح القشطة يا أمريكا ) في فقرة ( على المصطبة )
و كان فيها التقرير التالي :

المكان : بار ( هات القزازة و اقعد لاعبني ) لجميع أنواع الحاجات اللي بتتشرب

جلس مستر ( مارك ) و مستر ( جاك ) يحتسيان الخمر

- مارك : شفت يا جاك الجماعة المسلمين ,
دول كلهم إرهابيين و بيفجروا نفسهم في جنودنا و حتى في بلادهم و أهلهم

- جاك : لا و مش إرهابيين بس , ده رجال الأعمال بتوعهم بييجوا يصيعوا هنا في لاس فيجاس ,
و رجال السياسة فاسدين و حرامية و بيسرقوا أموال المعاشات و العلاج على نفقة الدولة و ...

- مارك : انت عرفت المعاشات و نفقة الدولة و الحاجات دي منين يا جاك ؟؟

- جاك : مالكش دعوة , خلينا نكمل شتيمة في المسلمين

- مارك : ماشي يا عم جاك , شفت انت بقى الستات عندهم ,
بيقولوا لك مفروض الست تغطي راسها و جسمها ... هأو !!
أمال أنا لما بتفرج على ( ميلودي اريبيا ) بلاقي المغنيات بتوعهم لابسين من غير هدوم ليه ؟؟
و حتى الحريم اللي بيلبسوا في بلادهم , لما بييجوا عندنا بيقلعوا

- جاك : ياااااه يا عم مارك سوري , أنا عارف إن قعدة الراجل بميت ست
لكن إن جت الست يغور الراجل
و أنا عندي معاد الجيرل فريند بتاعتي دلوقتي , سلا... قصدي حرب .



و هنا ............................


نهض المعلم حشمت و الريس كاظم من مكانهما غاضبين
و قالا :

الأمريكان دول طول عمرهم أغبية
و مش بياخدوا غير بالظاهر

يا عم مش كل المسلمين إرهابيين و بيفجروا نفسهم
و لا كلهم فاسدين و ( واكلين ناسهم )
و لا كل الستات لابسين من غير هدوم

الأشكال دي جزء صغير جدا من المسلمين ,
و ما ينفعش نعمم الكلام ده على المسلمين كلهم ,

و لازم يفرقوا بين ( الإسلام ) و بين ( المسلم )
الإسلام ليه تعاليم و شرائع بتهدي لكل ما هو حسن ,
لكن المشكلة إن المسلم مش بيعمل بيها كلها و بيخالفها في أحيان كتير
فالمسلم الفاسد ليس حجة على الإسلام
بس أهو نص العمى و لا العمى كله
يعني لما يبقى مسلم فاسد أحسن من إنه يكون كافر خالص


و هنا ..........................


تدخل حمامة اللي كان قاعد ساكت طول الفيلم , ربنا كرمه أخيرا و نطق و قال :

صح القول يا معلمين
الكلام اللي انتوا رديتوا بيه على الأمريكان هو عين شمـ... قصدي عين العقل
بس الكلام ده هو نفسه اللي ممكن تردوا بيه على نفسكم في موضوع الدقون و المنقبات
مش كلهم حرامية و نصابين
و لا كل المنقبات لابسين ضيق و ترتر

دول ممكن يكونوا موجودين ,
لكن مش بيمثلوا المتدينين و لا الملتزمين
فلازم تفصلوا بين ( الالتزام ) و بين ( الملتزمين )

و لو هتقولوا إن دول بيشوهوا صورة الملتزمين فالأحسن يحلقوا دقنهم و يقلعوا النقاب
هقول له برضه نص العمى و لا العمى كله
زي ما المسلم المنحرف اللي بيشوه صورة الإسلام أحسن من الكافر
برضه المسلم اللي بيلتزم ببعض العبادات الظاهرة زي اللحية و النقاب لكن بيعمل حاجات تانية وحشة
ده بيبقى أحسن من اللي بيعمل حاجات وحشة , و (في نفس ذات الوقت) بيضيع العبادات الظاهرة برضو .


و هنا .........................

البوليس عمل كبسه على القهوة و لقى الشيشة فيها حشيشة
فقفل القهوة و أخذ الجميع على البوكس !!

مش هوصيكم ...
عيش و حلاوة

ـــــــــــــــــــــــــــــــــ

و لا تنسوا كاتب الموضوع الأصلي من دعوة صالحة بظهر الغيب
أن يُصلح الله له شأنه كله و جميع المسلمين و المسلمات ..

و طبعا >> حقوق النشر للجميع <<
ـ

لو رأيت إنه يستحق النشر

بشرط عدم التحريف أو التغيير

و يا حبذا لو تذكر رابط المدونة

tazbee6.blogspot.com

أو على الأقل تذكر أنه

" منقول من مدونة تظبيط "

ـ

ـ أين النجوم ؟؟ ( من أشعاري ) ـ

السلام عليكم و رحمة الله

أحببت أن أشارككم آخر قصائدي التي كتبت رغم أنني لي مدة لم أنشر اي قصائد في هذه المدونة
لأني لم أجد ما يصلُحُ لها أرجو أن تعجبكم هذه القصيدة
و طبعا اللي عنده نقد ... يوريني نفسه :)
..........


أين النجوم ؟؟



إنّـــا درســنا في المــدارس ســابــقــاً *** أنّ الـســمــا مـلآى بكـلِّ ضـيـاءِ

فيها النجـومُ و ضــوءُ بــدرٍ ســاطــعٍ *** و الــنــورُ يــمــلأُ ســائر الأنحاءِ

فنــظرتُ يــوماً للــسمــا فــوجــدتهــا *** ظُــلــماً على ظــلمٍ بغـــير ضياءِ

فعجبتُ !! أين البدرُ ؟ أيـن نجومها ؟ *** أيــن الشـــهابُ و أيـن كلُّ بهاءِ ؟

فسألتُ من حــولي عن الخـطبِ الذي *** قد حــلَّ بــالأفــلاكِ في الــعلــياءِ

قالــوا : الغــمامُ غــدا طــباقاً يا فــتى *** جــاءت بــه أمــمٌ مــن الأنــــواء

هـــذا الغــمــامُ عــلا الســما مُذ أدهُرٍ *** و طــغى فأظــلمَ سائــرَ الأجـواءِ

قــد حــاول الأســلافُ قــبلاً طـــردَهُ *** لكــنّــهُ اســتعصــى على الأكـفاءِ

أفــتحــســبَــــنْ أنّــا ســنفــعلُ ما وَنى *** عنه الــجــدودُ و سائــرُ الآباء ؟؟

فانفض يــديك و لا تـخض فـي ذكـرهِ *** و ارض السلام و عيشةَ الضعفاءِ

لــسنا نطيــقُ الجــوعَ , مَــنْعَ مــعونةٍ , *** فَرْضَ الحــصارِ و لُقــمةً بـعــناءِ

فضلاً عن الحربِ الضروسِ و ما بها , *** لـســنا نُــطـيقُ تطـايُــر الأشـلاءِ

لا تــــحـــسبَنْ قــولــي كــلامَ مُـثَـبـطٍ *** أو رأيَ رعــديــدٍ من الـجبـنــــاءِ

لكــنَّ تلــك هــي الحـــقــيقة عـــينُــها , *** الأمـــرُ واقــعُ يا فــتـى و نــهائي

لا تســـألــنّ الــطبّ عــن داءٍ فـــــشا *** و اسـأل مــجرِّبَ ذاق طـعم الـداءِ

و نصيـحتي لـك لا تــفكر في الــضيا *** و تــقــبَّــلِ الــدنــيا بــلا أضـــواءِ

عش و انسَ أضواء السماء و مـا بها *** و اقــطع من الأفــلاك كــلَّ رجاءِ

.... فتركتــهم , لم أقـتـنع بـكلامـهم .. *** كيف الحيـاة بــهــذهِ الظلماءِ !!؟؟

ليــس الخــضوع و لا الإيــاس يفيدنا *** حــتما هنــاك نــوافـــذٌ لــرجــــاءِ

حــــتــماً هــنالــك لــلغــمامِ نــهايــةٌ *** و لــكــلِّ شــرٍ في الــدُنـــا و بلاءِ



بقلمي ...

25-10-2010

.......................

فيه حاجة أخيرة آخر 3 ابيات دول ما كانتش ناوي أضيفهم للقصيدة , لكن قلت اديها شوية تفاؤل فهل يا ترى القصيدة بهم أفضل أم بدونهم ؟؟
بس عاوز رأي واقعي .. مش خيالي
شكرا ليكم

يا عم عارفين و الله , ربنا خلقنا للعباااااادة

السلام عليكم و رحمة الله و بركاته ,


طبعا لو جيت و سألت أي حد و قلت له :
هو ربنا خلقنا ليه ؟؟

هتلاقي الرد عليك ( توماتيكي ) و تلقائي لكنه مشوب ببعض (الملل) و هتلاقيه كالآتي :

يا عم خلقنا علشان نعبده , عارفين و الله ,
أقول لك الدليل ؟؟
قال تعالى : { و ما خلقت الجن و الإنس إلا ليعبدون }
أقول لك حاجة كمان ؟؟
الآية دي في سورة الذاريات
استريحت يا عم ؟؟ أدينا طلعنا عارفين أهه و الحمد لله
ورينا بقى ( كعوب جزمتك ) .

................

طبعا ما حدش يقدر يقول حاجة على الإجابة اللي قالها صاحبنا ,
لأنها فعلا صحيحة ,

لكن رغم كده فيه حاجة ناقصة عند صاحبنا تخلي البقرة أحسن منه !!
البقرة اللي في الحديث ده :

عن أبي هريرة رضي الله عنه قال :
صلى رسول الله صلى الله عليه وسلم صلاة الصبح ،
ثم أقبل على الناس فقال :
( بينا رجل يسوق بقرة إذ ركبها فضربها ، فقالت : إنَّا لم نُخلَق لهذا ، إنما خلقنا للحرث ) .
فقال الناس : سبحان الله بقرة تَكَلَّم ،
فقال : ( فإني أومن بهذا أنا وأبو بكر وعمر - وما هما ثَمَّ - ,
وبينما رجل في غنمه إذ عدا الذئب فذهب منها بشاةٍ ، فطلب حتى كأنه استنقذها منه ،
فقال له الذئب هذا : استنقذتها مني ، فمن لها يوم السبع ، يوم لا راعي لها غيري ) .
فقال الناس : سبحان الله ذئب يتكلم ،
قال : ( فإني أومن بهذا أنا وأبو بكر وعمر ) . -وما هما ثم-

[الراوي: أبو هريرة - المحدث: البخاري
المصدر: صحيح البخاري - الصفحة أو الرقم : 3471 ]
ـ


الشاهد من الحديث هو قول البقرة : " إنا لم نُخلق لهذا , إنما خُلِقنا للحرث "

البقرة عارفة هي اتخلقت ليه
اتخلقت علشان الحرث

و صاحبنا عارف هو اتخلق ليه
اتخلق علشان العبادة

لكن فيه حاجة زيادة البقرة عملتها و صاحبنا ما عملهاش و هي
taking action
القيام بفعل

لم تكتفي بإنها عارفة إنها اتخلقت للحرث ,
و سابت الراجل يركبها و خلاص ,
و قعدت تقول في نفسها :
أنا اتخلقت للحرث , بس مش مشكلة لما اعمل حاجة تانية غير اللي ربنا خلقني علشانها
فيها إيه لما حد يركبني يعني , على الاقل أستمتع بشعور الحصان شوية , و ربنا غفور رحيم ,
لكنها عملت حاجة , و رفضت إنه يركبها و قالت له إن ربنا ما خلقهاش علشان كده ,
ده كله مع إن البقرة ( مُسَخَّرة ) أصلا .

و على النقيض ,
هنلاقي صاحبنا اللي ( بيعرف ينطق و ليه قدرة ) , ما عملش زيها ,

كان عارف إن ربنا خلقه علشان العبادة
لكنه بيصلي فرض و يسيب عشرة

كان عارف إن ربنا خلقه علشان العبادة
لكنه كان ليل نهار يسمع أغاني و يتفرج على أفلام

كان عارف إن ربنا خلقه علشان العبادة
لكنه كان بيسهر طول الليل ( يشيّش ) في ( الكوفي شوب )

كان عارف إن ربنا خلقه علشان العبادة
لكنه كان قاطع اشتراك في ( كباريه النجوم ) عند ( لولا الرقاصة )

كان عارف و كان عارف
لكنه و لكنه


علشان كده كانت البقرة أحسن منه
لأنها ( عارفة ) هي اتخلقت ليه
و ( اتصرفت ) في حياتها على هذا الأساس

لكن معظمنا للأسف عارف هو اتخلق ليه
لكن مش بيتصرف و لا بيعيش حياته على هذا الأساس


فالمعرفة مطلوبة
لكن المعرفة (وحدها) لا تكفي .


.................................................


و لا تنسوا كاتب الموضوع الأصلي من دعوة صالحة بظهر الغيب
أن يُصلح الله لي شأني كله و جميع المسلمين و المسلمات ..

و طبعا >> حقوق النشر للجميع <<
ـ

لو رأيت إنه يستحق النشر
بشرط عدم التحريف أو التغيير

و يا حبذا لو تذكر رابط المدونة :

tazbee6.blogspot.com

أو على الأقل تذكر إنه :
" منقول من مدونة تظبيط "
ـ
في أمان الله

.....

اللي يحب حسن نصر الله يقول هييييييييييه

السلام عليكم و رحمة الله و بركاته

أحب أن تشاهدوا معي هذا الفيديو القديم للقائد و البطل حسن نصر اللات

اللي بيصرح فيه إنه عاوز لبنان تبقى جزء من الجمهورية الشيعية

و بيقول فيه برضه إن السياسيين ما يقدروش يصرحوا بكده

يعني بدون ( التقيّة )

ـ

YouTube - حسن نصر الله : ولائي لإيران و ليس للبنان فيديو قديم خطير


و هذه صفحة بها فيديوهات لـ(سماحته) !!
أقصد لـ(****) و لا بلاش ,

شاهد أنت ثم احكم

http://www.jaraem.com/nasrallah/


--------------------------

و اخيرا نذكركم ببعض المواضيع القديمة عن الشيعة و حزب اللات و إيران :


سلامتها أم حسن !!
(مختصر)


سلامتها أم حسن ..
من (شوشو) و من (حسن) !!؟؟
(( مهم جدا ))


و لا عزاء للمخدوعين إلى الآن !!
ـ

ـ الرسول ما كانش اسمه (حم) !! ـ

السلام عليكم و رحمة الله و بركاته ,


سلام الله يا طه
يا سيد الخلق يا طه

إنّـي يا طـه علـيـلُ‏
يسُ يا خيرَ خلق اللهِ كلهمُ

الأشعار دي ممكن تسمعها من واحد ماشي ( يتطوّح ) في المولد أو واحد بـ(يفَقَّر) في ( حَضْرَة )
أو باقي الحاجات اللي بعملها الصوفية أو المبتدعة أو من لا يعلم
و طبعا إحنا مش بنعيب عليهم مدح الرسول - صلى الله عليه و سلم - فليس من كلامٍ أصدق من مدحه ,
إنما بنعيب عليهم الحركات و الطقوس اللي بيعملوها و ما أنزل الله بها من سلطان ,
المهم
أكيد أغلبنا سمع تلك الأشعار أو الأغاني دي و التي يمدح قائلوها النبي - صلى الله عليه و سلم - ,
لكن يمدحونه باسم ( طه ) أو ( يس )

لكن الحاجة اللي ما أخدوش بالهم منها هي :
هل ( يس ) و ( طه ) حقا من أسماء النبي صلى الله عليه و سلم فيمدحونه بها ,
و يسمون بها أبناءهم ؟؟

للأسف لأ !!

الراجح أن ( طه ) و ( يس ) ليسا من أسماء نبينا محمد - صلى الله عليه و سلم - ,
بل هما حروف مقطعة لا يعلم معناها إلا الله ,
تماما مثل ( حم ) و ( الم ) ,


مش مصدق , صح ؟؟
طب اسمع ... قصدي اقرأ يا عم :

يقول العلامة ابن القيم قال :
" وأما يذكره العوام أن يس وطه من أسماء النبي فغير صحيح ليس ذلك في حديث صحيح
ولا حسن ولا مرسل ولا أثر عن صاحب، وإنما هذه الحروف مثل : الم و حم و الر ونحوها ."
[ تحفة المودود ص127]



و قال الشيخ السعدي في تفسيره :
" ( طه ) من جملة الحروف المقطعة، المفتتح بها كثير من السور،
وليست اسما للنبي صلى الله عليه وسلم "
ـ
تفسير السعدي


و يقول الشيخ محمد صالح المنجد :
" وكره جماعة من العلماء التسمية بأسماء سور القرآن الكريم ، مثل : طه ، يس ، حم .. ،
وأما ما يذكره العوام أن يس وطه من أسماء النبي صلى الله عليه وسلم ، فغير صحيح "
ـ
موقع الإسلام سؤال وجواب - الأسماء المحرمة والمكروهة



ولم يثبت في سنته ولا عن أصحابه أن هذه من أسمائه عليه والصلاة والسلام ،
وقد ثبت في الصحيحين عن جبير بن مطعم رضي الله عنه قال قال رسول الله صلى الله عليه وسلم :
« لي خمسة أسماء : أنا محمد وأحمد وأنا الماحي الذي يمحو الله بي الكفر وأنا الحاشر الذي يحشر الناس على قدمي وأنا العاقب » .
وفي رواية لمسلم عن أبي موسى الأشعري قال كان رسول الله صلى الله عليه وسلم يسمي لنا نفسه أسماء فقال :
« أنا محمد وأحمد والمقفى والحاشر ونبي التوبة ونبي الرحمة » .



بعد كل ده هتلاقي واحد برضه مش مقتنع و بيقول لك :
طب خدها بالعقل كده -ورغم إن لا وجود للعقل مع النقل الصحيح , بس ماشي- ,
و بص على الآية دي كويس :
{ يس و القرآن الحكيم (1) إنك لمن المرسلين }
{طه ما أنزلنا عليك القرآن لتشقى}
هتلاقي كلمة {يس} و بعدها كلام موجه للنبي {إنك لمن المرسلين}
يبقى أكيد {يس} اسم للنبي !!
و برضه هتلاقي كلمة {طه} و بعدها كلام موجه للنبي {ما أنزلنا عليك القرآن لتشقى}
يبقى أكيد {طه} اسم للنبي !!

هاه , صح و لا لأ ؟؟


هنقول له :
طب بص انت للآية دي برضه :
{ حم (1) عسق (2) كَذَلِكَ يُوحِي إِلَيْكَ وَإِلَى الَّذِينَ مِنْ قَبْلِكَ اللَّهُ الْعَزِيزُ الْحَكِيمُ (3)}
برضه حروف مقطعة {حم}{عسق}
و بعدها نداء للنبي صلى الله عليه و سلم {كذلك يوحي إليك ..} ,
على كده بيقى يبقى الرسول اسمه {حم} و {عسق} أيضاً !!؟؟

و بص على الآية :
{الر كِتَابٌ أَنْـزَلْنَاهُ إِلَيْكَ لِتُخْرِجَ النَّاسَ مِنَ الظُّلُمَاتِ إِلَى النُّورِ بِإِذْنِ رَبِّهِمْ إِلَى صِرَاطِ الْعَزِيزِ الْحَمِيدِ }
برضه حروف مقطعة {الر}
و بعدها كلام موجه للنبي صلى الله عليه و سلم {كتابٌ أنزلناه إليك لتخرج الناس ..} ,
على كده بيقى يبقى الرسول اسمه {الر} أيضاً !!؟؟

...................

و في النهاية أحب أوضح حاجة علشان اللي هيدور في الموضوع ده ما يتلخبطش أو يقول علينا كدابين ,
فاللي هيقرأ في تفسير ابن كثير أو بعض التفسيرات الأخرى
سيجد روايات عن تفسير يس و طه أنها
اسم من أسماء الله
أو معناها يا إنسان
أو قسمٌ يقسم الله به
أو حروف مقطعة - زي ما احنا بنقول هنا -
و غيرها ,
لكن ابن كثير و غيره من المفسرين الذين ذكروا هذه التفسيرات ( المختلفة ) للكلمة الواحدة ,
لم يجزموا بصحة اي من الروايات التي ذكروها ,
بل ذكروها جميعا , و ذكروا الاسناد , لتكون العهدة على الراوي ,
و الظاهر أن تلك الروايات الأخرى لم تثبت صحتها و الله أعلم كما قال ابن القيم و غيره من العلماء في بداية حديثنا .


و جزاكم الله خيرا

و لا تنسوا كاتب الموضوع من دعوة صالحة بظهر الغيب
أن يُصلح الله له شأنه كله و جميع المسلمين و المسلمات ..

و طبعا >> حقوق النشر للجميع <<
ـ

لو رأيت إنه يستحق النشر

بشرط عدم التحريف أو التغيير

و يا حبذا تذكر رابط المدونة :

tazbee6.blogspot.com

أو على الأقل تذكر إنه :

" منقول من مدونة تظبيط "

-

في أمان الله

.....