زي ما فيه حاجات صح و حاجات غلط

فيه حاجات غلط ممكن تبقى صح

بس عاوزة شوية

تــظــبـــيــط

ــــــــــــــــــــــــــــ

قبل أن تقرأ المدونة

-- حقٌ على أصحاب الكؤوس أن يتناصحوا --

لا يُعــذَر المسلم في تخليه عن الدعوة إلى الله والأمر بالمعروف والنهي عن المنكر حتـى وان كان مُقصراً في نفسه في بعض الأمور ,

بـل إن الإنسان عليه أن ينهى عن المنكر حتى وان كان هــو واقـع فيــه

فوقوعه في المنكر ذنب وعدم إنكاره على الآخرين ذنب آخر يُسأل عنه,
ولا شك ان على من ينصح أن يسعى جاهداً لتغيير ما بنفسه ليكون قدوةً ومثالاً يُحتذى به.

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

06 May, 2010

كل ما تيجي تتوب , بترجع لنفس الذنوب ؟؟




السلام عليكم و رحمة الله و بركاته ,


كنا اتكلمنا من زمان عن موضوع الإقلاع عن الذنوب
أو أي عادة عاوزين نبطلها و مش عارفين ,
و رغينا كتير في الموضوع ده :

عاوز أبطل ... ما تبطلشي !!!


و النهاردة هنتكلم بإذن الله عن جزء واحد فقط هو
.
.
.

الفشل !!

الفشل في الإقلاع عن بعض الذنوب و تركها ,

و طبعا الفشل ده مش علشان تركها مستحيل
,
لأن الله عز و جل لم يأمرنا إلا بما في وسعنا أن نفعله
{ لا يُكلف الله نفساً إلا وُسعها }
[البقرة : 286 ]

كما يقول ابن القيم رحمه الله في مدارج السالكين:
" ولو توكل العبد على الله حق توكله في إزالة جبل عن مكانه،
وكان مأموراً بإزالته ، لأزاله .
"

يعني لو ربنا أمرك بإزالة جبل , يبقى انت تقدر تزيله
,
لأنه زي ما قال تعالى : { لا يُكلف الله نفساً إلا وُسعها }
[البقرة : 286 ]


أم هند , مش عاوزين نطول علشان الناس ما تنامش ,

طيب لو ما عرفناش ننفذ اللي ربنا أمرنا بيه من بعض الطاعات ,
أو لم نستطع ترك بعض ما نهانا عنه ؟؟

يبقى خلاص ؟؟
نيأس و ( نبلّط ) في الخط ,
و نقضيها بقى صياعة ؟؟
و تشرب علشان تنسى ,
و نقول ما هي العملية بايظة بايظة ؟؟

و لا نتصل بـ
0900 0900
و نشارك في السحب , و يمكن نكسب خلاط ؟؟


الإجابة الصحيحة هي :
لا هذا و لا ذاك !!

إنما أن نبدأ في فِعل :
( الحسنات الماحية )

قال تعالى : { إِنَّ ٱلْحَسَنَـٰتِ يُذْهِبْنَ ٱلسَّـيّئَـٰتِ ذٰلِكَ ذِكْرَىٰ لِلذكِرِينَ }
[هود:114].

وقال صلى الله عليه وسلم : (( اتق الله حيث ما كنت ، وأتبع السيئةَ الحسنةَ تمحها،
وخالق الناس بخلق حسن
))
[ الراوي: أبو ذر الغفاري - المحدث: الألباني - المصدر: صحيح الترمذي -
الصفحة أو الرقم: 1987- خلاصة حكم المحدث: حسن ]

و كما قال رسول الله لأبي ذر :
(( إذا عملت سيئة فأتبعها حسنة تمحها ))
قال : قلت يا رسول الله ! أَمِنَ الحسنات لا إله إلا الله !
قال : (( أفضل الحسنات ))
[ الراوي: أبو ذر الغفاري - المحدث: الألباني - المصدر: صحيح الترغيب -
الصفحة أو الرقم: 3162 - خلاصة حكم المحدث: صحيح ]


فطالما مش عارفين نمنع السيئات إنها تيجي من الأول ,
يبقى نشوف لها حاجة تقلل من تأثيرها و تمحيها بعد وقوعها ,

زي لما يبقى عندك إناء فيه مياة نظيفة - و ده الأصل في قلب المؤمن-
و وقع فيها شوية حبر - سيئات - غيروا لونها ,

فإنت طالما ما عرفتش تمنع الحبر ده من النزول في الأول -و وقعت في السيئات- ,
يبقى تحط في الإناء مية نظيفة علشان تقلل من تركيز الحبر ده
,

و كل ما الحبر يقع في الإناء - طالما انت مش عارف تتوب و تبطل و تمنع الحبر- ,
يبقى كل ما تقع منه نقطه , نحط قدامها نقط كتير من المية النقية ,
علشان تمحي أثر الحبر في الإناء ,

وصلت ؟؟


ملحوظة مهمة :
الكلام ده مش معناه إن الواحد لا يتوب و لا يستغفر بعد الذنوب ,
و يقول هطلع صدقة أو أقوم أصلي بعدها أو أقرأ قرآن و خلاص ,

لا .... و ألف لا ,
إنما الواحد بعد كل ذنب لازم ( يُسارع ) بالتوبة منه , و يستغفر الله كثيرا ,
قال رسول الله :
((
إن صاحب الشمال ليرفع القلم ست ساعات عن العبد المسلم المخطىء ،
فإن ندم و استغفر الله منها ألقاها، وإلا كُـتِبَت واحدة
))
[ الراوي: أبو أمامة الباهلي - المحدث: الألباني - المصدر: صحيح الجامع -
الصفحة أو الرقم: 2097 - خلاصة حكم المحدث: حسن ]

و إلا هيبقى زي الرقاصة اللي بتروح تحج كل سنة علشان ربنا يغفر لها ,
بينما هي ( مُصِرّة ) على الذنب , و ناوية تستمر في (الاهتزاز)
لما ترجع تاني ,
و ده طبعا ما ينفعش , لأن دي مش توبة ,لأن مافيهاش ( العزم على عدم العودة للذنب ).


و الحسنات الماحية دي بتبقى حاجة إيجابية هو بيعملها ,
بدل ما يقعد ندمان و ما يعملش حاجة ,
أو الشيطان يجيله و ييأسه من قدرته على التوبة ,
فلما يعمل حسنات ماحية بعد الذنب و الاستغفار ,
هيطلع من دائرة اليأس
اللي الشيطان بيحطه فيها بعد الذنب ,
و في نفس الوقت هيساعد في إن السيئات اللي عملها دي تُغفَر له .
و يقل الهم و الضيق
اللي هيشعر بيه بعد المعصية ,

قال رسول الله :
((
إن مثل الذي يعمل السيئات ثم يعمل الحسنات كمثل رجل كانت عليه درع ضيقة قد خنقته ،
ثم عمل حسنة فانفكت حلقة ، ثم عمل حسنة أخرى فانفكت حلقة أخرى ,
حتى يخرج إلى الأرض
))
[ الراوي: عقبة بن عامر - المحدث: الألباني - المصدر: السلسلة الصحيحة -
الصفحة أو الرقم: 2854 - خلاصة حكم المحدث: رجاله ثقات]


و بالنسبة للحسنات الماحية فهي كثيرة بحمد الله ,
سنذكر بعضها بدون أن نذكر الحديث للاختصار :
قراءة القرآن مثلا , كل حرف بحسنة و الحسنة بعشرة أمثالها ,
أو الصدقة خاصة صدقة السر التي تطفيء الخطيئة كما يطفيء الماء النار ,
أو الصدقة عامةً ربنا بيضاعفها لحد 700 ضعف أو أكثر ,
و الوضوء تخر معه الخطايا من كل عضو تغسله ,
و الذهاب للمسجد , مع كل خطوة تزيد حسنة و تُحَط عنك سيئة ,

و انتظار الصلاة في المسجد و أنت على وضوء فتستغفر لك الملائكة ما لم ينتقض وضوءك ,
و من قال : لا إله إلا الله وحده لا شريك له , له الملك , وله الحمد , وهو على كل شيء قدير , 10 مرات
كان كمن أعتق أربعة أنفس من ولد إسماعيل

و التسبيح و التحميد و التكبير و التهليل بعد كل صلاة , بيغفر الذنوب و لو كانت مثل زبد البحر ,
و قول : سبحان الله و الحمد لله و لا إله إلا الله و الله أكبر و لا حول و لا قوة إلا بالله ,

و غيرها الكثير في ديننا و الحمد لله .

ربنا يتوب علينا و يغفر لنا و ينفعنا بما علمنا ,

و إن كنتُ لم أنتفع بالذي *** وَعَظتُ بهِ , فانتبِه أنتَ به


جزاكم الله خيرا

و لا تنسونا من الدعاء بظهر الغيب بالله عليكم

..........

16 comments:

  1. قال رسول الله :
    إن الله كتب الحسنات والسيئات .
    ثم بيّن ذلك .
    فمن هم بحسنة فلم يعملها كتبها الله عنده حسنة كاملة .
    وإن هم بها فعملها كتبها الله عز وجل عنده عشر حسنات إلى سبعمائة ضعف إلى أضعاف كثيرة .
    وإن هم بسيئة فلم يعملها كتبها الله عنده حسنة كاملة .
    وإن هم بها فعملها ، كتبها الله سيئة واحدة .
    وفي رواية وزاد : ومحاها الله .
    ولا يهلك على الله إلا هالك

    الراوي: عبدالله بن عباس
    المحدث: مسلم -
    المصدر: صحيح مسلم -
    الصفحة أو الرقم: 131
    خلاصة حكم المحدث: صحيح

    ReplyDelete
  2. جزاك الله خيرا ونفع بك،
    ونسأل الله ان يرزقنا التوبة النصوح ويكفر عنا سيئاتنا،
    وان يعيننا على المسارعة في الاستغفار والانابة ،وان ييسر لنا فعل الخيرات فذلك كله رزق من الله وفضل وليس من عند انفسنا.

    ReplyDelete
  3. السلام عليكم ورحمة الله وبركاته
    بارك الله فيك اخي على هذا الطرح الطيب
    .....
    سبحان الله كيف يسر أمورنا
    وإن الحسنات يذهبن السيئات
    واإصرار المرء على الحسنات حتى بعد التوبه بنية عدم العدوه لها أثر كبير أيضا
    .........
    جزاك الله خير ونفع بك
    في حفظ الله

    ReplyDelete
  4. سؤال على جنب
    أختك نهار
    مش عارفه إيه الفرق بين
    فاير فوكس
    وإكسبلورو
    بستخدم الإثنين
    ومش فاهمه إيه الفرق
    ياريت لو اعرف تقولي
    يكون جزاك الله خيرا
    .........
    في أمان الله

    ReplyDelete
  5. بتعجبنى جدا الاحاديث اللى بتكتبها لانها كلها جديدة عليا..وغالبا بتبقى صحيح الالبانى
    سبحان الله..كل مرة اكتشف عظمة الخالق وغظمة رسولة

    ReplyDelete
  6. ايومي :

    جزانا و إياكم و نفعنا بما نقول ,
    و فعلا التوفيق للطاعات من عند الله ,
    و لو وكلنا إلى أنفسنا لوكلنا إلى ضعف و عورة ,

    جزاكم الله خيرا

    ReplyDelete
  7. نهار :

    و عليكم السلام و رحمة الله و بركاته ,
    بارك اله فينا و إياكم ,
    فعلا ربنا كريم جدا ,
    يريد أن يتوب علينا , و ييسر لنا كل طريق ,
    جزاكم الله خيرا

    --------------------
    بالنسبة للفايرفوكس و الاكسبلورر ,

    فأنا ما أقدرش أتكلم غير عن اكسبلورر 6 اللي على جهازي , و ده بطيء , و بيهنج كتير , و ما فيهوش نظام التاب و إنه يفتح أكثر من موقع في نفس الصفحة , و كمان مش بيتعرف على الافتراضي بتاع الصفحات إن كانت من اليمين لليسار أو العكس ,
    و لما آجي أفتح المدونة من عليه بيفتحها بشكل غير جيد ,
    مش عارف إن كانت النسخ الأحدث من الاكسبلورر بتتلافى العيوب دي و لا لأ ,
    لكن بالنسبة لي الفايرفوكس بيتلافى كل العيوب دي , علشان كده بستعمله.

    ReplyDelete
  8. أخت في الله :
    فعلا الواحد بيلاقي أحاديث كثيرة صحيحة غير معروفة و لا مشهورة , و فيها فوائد كثيرة ,
    و المسألة دي خلتني أفكر أعمل مدونة تانية للأحاديث غير المشهورة الصحيحة ,علشان الواحد يستفيد منها و يفيد الغير و ينشر هذا الخير
    بس لسه الواحد مش عارف ياخذ قرار ,

    ReplyDelete
  9. بارك الله فيك وجزاك الله خير الجزاء ..

    لكن أود أن أضيف معلومة سمعتها في قناة الرسالة من الدكتور طارق السويدان

    يقول (أن الوعظ لا يدوم .. أما الفهم والفكر يدوم

    فالوعظ قد يظل تأثيره أسبوع ثم يتلاشى أما الفكر والفهم فهو أعمق وأبقى

    لذا لابد لنا أن نتعمق في فهمنا حتى نتعظ

    تحياتي لك على هذه المعلومات المثرية

    ReplyDelete
  10. دندنة قيثارة الوجد

    بارك الله فينا و إياكم ,
    و فعلا كلام الدكتور طارق صحيح ,
    و علشان كده -و الله أعلم- فإن عبادة التفكر من أعظم العبادات في الأسلام

    جزاكم الله خيرا

    ReplyDelete
  11. سعيد جدا بمروري من هنا
    جزاكم الله خيرا

    ReplyDelete
  12. الأخ الفاضل :: TIMMY ::
    أسعد الله صباحك بكل خير

    حقيقة ،، مدونتك لها طابعها ونكهتها الخاصة ..

    قلما وجدت وعظًا بأسلوب مشوق كأسلوبك ..

    مواضيع مهمة هي تلك التي تتناولها ..

    أتمنى لك مزيدًا التوفيق

    وجوزيت خيرًا

    ReplyDelete
  13. الله يفتح عليك
    كمان وكمان
    اللهم تقبل
    منا ومنك
    ومن المسلمين
    صالح الأعمال والدعـوات

    ReplyDelete
  14. شاعر سبيل :

    و أنا أسعد بمرورك الكريم أخي ,
    جزانا الله خيرا و إياكم

    ReplyDelete
  15. محمد سعد القويري

    أسعد الله أيامك كلها , صباحها و مساءها ,

    نسأل الله أن يجعل عملنا خالصا لوجهه ,
    و أن يجعل فيه فائدة لنا و لغيرنا ,


    مرورك و تعليقك يسعدني جدا أخي محمد ,
    حقيقةً ,

    جزاك الله خيرا

    ReplyDelete
  16. norahaty

    آآآآآآآآمين يا دكتورة نور ,
    ربنا يهدينا و يغفر لنا و يتوب علينا
    و يوفقنا لما يحب و يرضى ,

    جزاكم الله خيرا على المرور

    ReplyDelete

دلوقتي تقدر تعلق بأكثر من طريقة :
كـ(غير معرف) بدون ما يكون لك حساب خالص
أو بحسابك على الفيس بوك
أو بحسابك على بلوجر
بس عبرني و علق :) ـ

حقوق النشر للجميع


ـ
و لا تنسوا
كاتب الموضوع من دعوة صالحة بظهر الغيب

أن يُصلح الله له شأنه كله و يُدخله الجنة و يُجِرْه من النار و جميع المسلمين و المسلمات ..

>> حقوق النشر للجميع <<
لو رأيت أنه يستحق النشر
بشرط عدم التحريف أو التغيير
و يا حبذا لو تذكر رابط المدونة

tazbee6.blogspot.com


أو تذكر أن الموضوع

" منقول من مدونة تظبيط "

ـ