زي ما فيه حاجات صح و حاجات غلط

فيه حاجات غلط ممكن تبقى صح

بس عاوزة شوية

تــظــبـــيــط

ــــــــــــــــــــــــــــ

قبل أن تقرأ المدونة

-- حقٌ على أصحاب الكؤوس أن يتناصحوا --

لا يُعــذَر المسلم في تخليه عن الدعوة إلى الله والأمر بالمعروف والنهي عن المنكر حتـى وان كان مُقصراً في نفسه في بعض الأمور ,

بـل إن الإنسان عليه أن ينهى عن المنكر حتى وان كان هــو واقـع فيــه

فوقوعه في المنكر ذنب وعدم إنكاره على الآخرين ذنب آخر يُسأل عنه,
ولا شك ان على من ينصح أن يسعى جاهداً لتغيير ما بنفسه ليكون قدوةً ومثالاً يُحتذى به.

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

15 October, 2009

ـ حظاظة حماصة !! ـ


السلام عليكم و رحمة الله و بركاته ,

و أهلا و سهلا بكم أعزائي ( اللي بتتفرجوا ) في هذا البث الحي
و ( الصاحي الملعلط ) من استاد كفر البطيخ الرياضي ,

لننقل لكم الأحداث التي تلت مباراة فريقيّ :
( ادلع و امشي حافي ) و فريق (جتها نيلة اللي عاوزة خلف )


و التي انتهت بنتيجة غير متوقعة و هي فوز كلا الفريقين ,
لأن الكابتن ( أطبطب و أدلع ) حكم المباراة ما بيحبش يزعل حد !!!

المهم شايفين الكابتن ( حماصة الأعرج ) هناك أهه , تعالوا معانا نستضيفه :

- أهلا بيك يا كابتن ( أعرج ) و مبروك على الفوز ( السمين ) اللي حققتوه النهاردة .

- أهلا بيك و بكل وسائل الإعلام المرئية و المسموعة و ( الملبوسة ) كمان
و الله يبارك فيكم انتوا و اللي يتشدد لكم ,

- كنا عاوزين نسألك يا كابتن عن سر الفوز بتاعكم النهاردة ,

- طبعا بعد توفيق ربنا و وقفة المشجعين معانا ,
أحب أهدي الفوز للحظاظة بتاعتي اللي جايبها بتلاتة جنيه و نُص من فَرشِة أبو حمادة
اللي على ناصية ( شارع المسطول ) ,
الحظاظة دي هي سر الفوز اللي احنا حققناه النهاردة ,

- يا راجل ؟؟ دي الحظاظة جماد يا عم الكابتن !!
يعني لا تنفع و لا تضر
,
بل على العكس ,
دي بتضر , لأنها بتخليك تاخد سيئات , و ممكن توصلك لدرجة مشرك !!
قال رسول الله - صلى الله عليه و سلم - :
" إن الرقى و التمائم و التولة شرك " !!!
و الرقى : الرقية بغير ما في الدين , أو بكلام الجن و ما فيه سحر ,
التمائم : دي زي الحظاظات بالظبط , بتتعلق علشان العين و الحسد و البركة ... إلخ ,
التولة : حاجة كانت النساء بتصنعها علشان جوزها يحبها , زي الحجاب و الكلام الفاضي ده

يعني لو انت بتعتقد إن الحظاظة فعلا بتنفعك و بتمنع عنك الضر يبقى جنابك كده مشرك !!

- طب إزاي يا عم الشيخ المذيع ,
ده أنا مجربها بجد ,
لما بلبسها بفوز و العملية بتمشي معايا ( حلاوة ) و لما بسيبها العملية بتبوظ خالص ,
تفسر لي ده بإيه ؟؟

- بسيطة يا عم الكابتن ,
المشكلة دي حصلت زماااااااان قوي على عهد الصحابة ,
عن ابن أخت زينب امرأة عبد الله بن مسعود عن زينب قالت :
كانت عجوز تدخل علينا ترقي - رقية غير شرعية يعني - من الحمرة -مرض أو وجع يصيب العين-,
وكان لنا سرير طويل القوائم , وكان عبد الله إذا دخل تنحنح وصوت ,
فدخل يوما فلما سمعت صوته احتجبت منه ,
فجاء فجلس إلى جانبي فمسني فوجد مس خيط - الخيط بتاع التميمة أو الرقية المحرمة أو الحظاظة - ,
فقال : ما هذا ؟؟
فقلت : رُقِىَ لي فيه من الحمرة - مرض بيصيب العين - ,
فجذبه وقطعه فرمى به , وقال : لقد أصبح آل عبد الله أغنياء عن الشرك ,
سمعت رسول الله صلى الله عليه وسلم يقول : (( إن الرقى والتمائم والتولة شرك )) ,
قلت : فإني خرجت يوما فأبصرني فلان فدمعت عيني التي تليه , فإذا رقيتها سكنت دمعتها وإذا تركتها دمعت -كأنها تقول إن الرقية المحرمة أو التميمة أو الحظاظة بتنفعها و بتقيها الشر - ,

قال : ذاك الشيطان , إذا أطعته تركك ,
وإذا عصيته طعن بإصبعه في عينك
,

ولكن لو فعلت كما فعل رسول الله صلى الله عليه وسلم كان خيرا لك وأجدر أن تشفين :
تنضحين في عينك الماء وتقولين : أذهب الباس رب الناس اشف أنت الشافي لا شفاء إلا شفاؤك شفاء لا يغادر سقما .



شفت بقى ؟؟
يعني ممكن الشيطان يكون هو اللي بيضرك علشان يخليك تعتقد النفع و الضر في التميمة أو الرقية المحرمة أو الحظاظة ,
علشان تبقى مشرك !! ,
لكن الحل سهل جدا , و كما قال تعالى : (( إن كيد الشيطان كان ضعيفاً )) ,

تستعيذ بالله من الشيطان الرجيم ,
و ترقي نفسك بالرقى الشرعية لو كان عندك مرض ,
و تتوكل على الله و تعتقد اعتقادا جازما إن الشيطان ما يقدرش يضرك أو ينفعك إلا بإذن الله ,
و تصبر على المرض أو سوء الحظ ,

يمكن يكون ربنا بيختبرك و يشوف انت هتصبر على بُعد الحظاظة أو الرقية غير الشرعية قد إيه ,
و إن شاء الله ربنا هيخليك ما تحتاجش إليها خالص ,
لكن بشرط إنك تؤمن بقلبك إنها لا تضر و لا تنفع و أن الله هو الضار النافع .


- طب معلش يا عم المذيع ,
حاجة أخيرة ,
أنا خلاص مش مؤمن في الحظاظة و لا أي حاجة ,
لكن هلبسها كأنها حتة جلد عادية شكلها حلو و خلاص ,
من غير ما أعتقد فيها خير و لا شر
,
ينفع و لا هتقول لي برضه لأ ؟؟

- أنا يا عم مش بقول لك آه و لا لأ من عندي ,
أنا بقول لك اللي ربنا و الرسول بيقولوا عليه ,
المهم ,
عاوز تلبسها البسها يا سيدي ,
بس خلي بالك علشان انت هتبقى شبه اللي بيلبسوها و هو مؤمنين بيها ,
و الرسول - صلى الله عليه و سلم - بيقول :

(( من تشبّه بقومٍ فهم منهم )) !!!

يعني للأسف ما ينفعش يا كابتن , ده لو انت عاوز الصح يعني ,

و عموما لو عاوز تبطل أي حاجة حرام , احتسبها عند الله ,
يعني كل ما تفتكر أيام الحظاظة و لبسها ,
افتكر انك سبتها علشان ربنا , و علشان هي حرام ,
و علشان تاخد حسنات و ما تاخدش سيئات ,
و ربنا هيثبتك إن شاء الله على تركها ,

و ربنا معاكم يا كابتن حماصة ,
و يوفقكم تاخدوا الدوري إن شاء الله




ـــــــــــــــ ـــــــــــــــ ـــــــــــــــ ـــــ

عن عقبة بن عامر الجهني : أن رسول الله صلى الله عليه وسلم أقبل إليه رهط ، فبايع تسعة ، وأمسك عن واحد ، فقالوا : يا رسول الله ! بايعت تسعة وتركت هذا ؟ قال : إن عليه تميمة ، فأدخل يده ، فقطعها ، فبايعه وقال : ( من علق تميمة فقد أشرك) .

عن عقبة بن عامر أنه جاء في ركب عشرة إلى رسول الله صلى الله عليه وسلم فبايع تسعة وأمسك عن رجل منهم ، فقالوا: ما شأنه فقال: إن في عضده تميمة فقطع الرجل التميمة فبايعه رسول الله صلى الله عليه وسلم ثم قال: ( من علق فقد أشرك )

عن عيسى بن حمزة قال دخلت على عبد الله بن حكيم وبه حمرة فقلت ألا تعلق تميمة فقال نعوذ بالله من ذلك قال رسول الله صلى الله عليه وسلم : (( من علق شيئا وُكِلَ إليه ))


عن ابن مسعود أنه دخل على امرأته وفي عنقها شيء معقود ، فجذبه ، فقطعه ثم قال: لقد أصبح آل عبد الله أغنياء أن يشركوا بالله ما لم ينزل به سلطانا ، ثم قال: سمعت رسول الله صلى الله عليه وسلم يقول: إن الرقى والتمائم والتولة شرك قالوا: يا أبا عبد الرحمن هذه الرقى والتمائم قد عرفناها ، فما التولة ؟ قال شيء تصنعه النساء يتحببن إلى أزواجهن .

20 comments:

  1. .













    عن أبي هريره قال :
    (أوصاني خليلي -صلى الله عليه و سلم- بصيام ثلاثة أيام من كل شهر
    وركعتي الضحي
    وأن أوتر قبل أرقد)













    .

    ReplyDelete
  2. ماشاء الله يا تيمي

    ربنا يكرمك بجد بتوصل المعلومه للقارئ من غير ما يحس

    ReplyDelete
  3. السلام عليكم

    فكرتني زمااااااااان واحنا في الابتدائي في طابور الصباح كان في ولد أبوه جواهرجي مشهور ، وكان لابس سلسلة
    فمد الكابتن يده وشدها فاتقطعت
    وهنا صرخ الولد: حرام عليك يا مستر دي فيها آية الكرسي!!! :))))))
    وصارت لازقة فيه لحتى تخرجنا من المدرسة

    أقول أيضا ماشاء الله والله أكبر في عين الحسود والخرز الأزرق والحاجات اللي بيلبسوها للتبرك دي غلط لأن القرآن مش فاسوخة عياذا بالله ...

    ربنا يقينا شر الشبهات والمحرمات

    والشكر ليك يا تيمي
    أسألك الدعـــــــــاء

    ReplyDelete
  4. بجد موضوع اول مرة أقرا عنه في مدونة وكمان عجبني اسلوبك جداااا

    دمت مبدع
    تحياتي

    ReplyDelete
  5. فيها ايه بجد لو نفذنا كلام النبى عليه الصلاة والسلام
    على الاقل ماكنش هيطلع كل شوية حد يقول انه سحره باتع وبيجيب التايهة
    ما اجمل ان نؤمن بكلام الله ورسوله
    "وماهم بضارين أحد"

    "لو اجتمعت الانس والجن على ان يصيبوك بشئ لن يصيبوك الا بشئ قد كتبه الله لك"

    ReplyDelete
  6. جزاكم الله خيراً ... كلمات تستحق النشر مع ذكر المصدر:)

    **
    "اكتمال الصورة " التدوينة الجديدة على بلاوطن بقلم الدكتور توكل مسعود من سجن برج العرب

    ReplyDelete
  7. جزاك الله خيرا,
    يارب يهدي شباب الامه,
    ما اجمل فعلا الالتزام فهو يحفظ العقل من التفاهه والسفاهه ويحفظ الجسم من كل ضرر.

    ReplyDelete
  8. موضوع جميل فعلا وانت عرضته بطريقه لطيفه جدا
    اما موضوع الحظ والكلام ده فللاسف الشديد كتير مؤمن بالحاجات العبيطه دى وهذا وان دل فانه يدل على ضعف الايمان اللى اصبحت الامه تعانى منه
    ربنا يحفظنا جميعا ويجعلنا ممن يسمعون القول فيتبعون احسنه
    ربنا يكرمك على الموضوع الجميل ده

    ReplyDelete
  9. اللهم صلى وسلم
    وبارك على سيدنا
    محمد وعلى آله وصحبه
    وسلم.

    ReplyDelete
  10. تسلم الايادى
    والعيون والذاكرة
    والكومبيوتر وكل شىء
    اشترك فى صياغة هذه
    التدوينة الجميلة.

    ReplyDelete
  11. (لو عاوز تبطل أي
    حاجة حرام,احتسبها
    عند الله)لو نقدر نتذكر
    هذا القول دائماً متهيأللى
    مش حنعمل حرام ابداً ابداً.

    ReplyDelete
  12. السلام عليكم
    الطريقةفى الكتابة رائعة وتشد انتباة اى شخص جزاك اللة خيرآ وأكثر من ابداعاتك

    ReplyDelete
  13. السلام عليكم ورحمة الله وبركاته

    مبدع كالعادة تيمي

    لك أسلوب رائع في التنبية على الخطأ

    جزاك الله خيراً أخي

    ونفع بك الإسلام والمسملمين

    دمت في حفظ الرحمن

    =================================

    ReplyDelete
  14. عن ابن عباس رضي الله عنهما قال : قال رسول الله صلى الله عليه وآله وسلم : عرضت علي الأمم فرأيت النبي ومعه الرهيط والنبي ومعه الرجل والرجلان والنبي وليس معه أحد إذ يرفع لي سواد عظيم فظننت أنهم أمتي فقيل لي : هذا موسى وقومه ولكن انظر إلى الأفق فنظرت فإذا سواد عظيم فقيل لي : انظر إلى الأفق الآخر فإذا سواد عظيم فقيل لي هذه أمتك ومعهم سبعون ألفا يدخلون الجنة بغير حساب ولا عذاب ثم نهض فدخل منزله فخاض الناس في أولئك الذين يدخلون الجنة بغير حساب ولا عذاب فقال بعضهم فلعلهم الذين صحبوا رسول الله صلى الله عليه وسلم وقال بعضهم فلعلهم الذين ولدوا في الإسلام فلم يشركوا بالله شيئا وذكروا أشياء فخرج عليهم رسول صلى الله عليه وسلم فقال ما الذي تخوضون فيه ؟ فأخبروه فقال هم الذين لا يرقون ولا يسترقون ولا يتطيرون وعلى ربهم يتوكلون فقام عكاشة بن محصن فقال : ادع الله أن يجعلني منهم فقال أنت منهم ثم قام رجل آخر فقال ادع الله أن يجعلني منهم فقال سبقك بها عكاشة متفق عليه



    الحديث ده مشهور وبيأكد كلامك كتير


    دايما مميز تيمى

    ReplyDelete
  15. جزااااااك الله خيرا ً يا غالي
    رووووووعة بجد مواضيع المدونة

    ReplyDelete
  16. جزاكم الله خيرا جميعا ,
    و شكرا جزيلا لتعليقاتكم التي تشجعني دائما ,

    ReplyDelete
  17. كلام جميل

    واقوى الادلة هو بالطبع من تعلق شيئا وكل إليه


    بس خد بالك

    الحكم عن من حرم كل القلائد سببه سد الذرائع


    بس اللي مش هيتعلق بها زي مثلا هارون الرشيد كان كما سرد المؤرخون


    يرتدي قلادة مكتوب عليها من ناحية

    حاج

    ومن الاخرى

    غاز


    لانه كان يحج سنة ويغزو سنه



    هي دي الحاجة اللي كنت عاوز اعلق عليها فقط

    تحياتي

    ReplyDelete
  18. د. محمد رضــــا .. هل تراني :

    شكرا لمرورك يا دكترة ,

    مع إني أول مرة أسمع إن هارون الرشيد كان عنده قلاده ,
    أنا أسمع إنه كان كاتب على العمامة بتاعته : غازٍ حاج ,

    عموما جزاك الله خيرايا محمد ,
    و لا تنسنا من دعائك

    ReplyDelete
  19. جزاك اللة خيرا

    ReplyDelete
    Replies
    1. جزانا و إياكم ,
      و لا تنسنا من دعوةٍ بالخير

      Delete

دلوقتي تقدر تعلق بأكثر من طريقة :
كـ(غير معرف) بدون ما يكون لك حساب خالص
أو بحسابك على الفيس بوك
أو بحسابك على بلوجر
بس عبرني و علق :) ـ

حقوق النشر للجميع


ـ
و لا تنسوا
كاتب الموضوع من دعوة صالحة بظهر الغيب

أن يُصلح الله له شأنه كله و يُدخله الجنة و يُجِرْه من النار و جميع المسلمين و المسلمات ..

>> حقوق النشر للجميع <<
لو رأيت أنه يستحق النشر
بشرط عدم التحريف أو التغيير
و يا حبذا لو تذكر رابط المدونة

tazbee6.blogspot.com


أو تذكر أن الموضوع

" منقول من مدونة تظبيط "

ـ