زي ما فيه حاجات صح و حاجات غلط

فيه حاجات غلط ممكن تبقى صح

بس عاوزة شوية

تــظــبـــيــط

ــــــــــــــــــــــــــــ

قبل أن تقرأ المدونة

-- حقٌ على أصحاب الكؤوس أن يتناصحوا --

لا يُعــذَر المسلم في تخليه عن الدعوة إلى الله والأمر بالمعروف والنهي عن المنكر حتـى وان كان مُقصراً في نفسه في بعض الأمور ,

بـل إن الإنسان عليه أن ينهى عن المنكر حتى وان كان هــو واقـع فيــه

فوقوعه في المنكر ذنب وعدم إنكاره على الآخرين ذنب آخر يُسأل عنه,
ولا شك ان على من ينصح أن يسعى جاهداً لتغيير ما بنفسه ليكون قدوةً ومثالاً يُحتذى به.

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

10 July, 2009

المتبهدلون في الأرض




السلام عليكم و رحمة الله و بركاته ,

النهاردة كنت قاعد أتصفح النت على غير هدىً ,
فوجدت بعض الأخبار التي اجتذبتني ,

و التي تشترك جميعها في شيءٍ واحد :


- أكثر من 800 قتيل في الصين من مسلمي الإيغور !!

- السلطات الصينية تأمر بإلغاء صلاة الجمعة اليوم في إقليم الإيغور المسلم !!

- محكمة أسترالية تقضي بإلغاء صلاة الجمعة

- إحراق إمام مسجد في أمريكا !!

- مقتل مسلمة على يد ألماني متطرف ( داخل المحكمة !!) بسبب ارتدائها الحجاب !!

- السلطات الألمانية تواصل عنصريتها و تغلق مسجدين .

- جهات إسرائيلية تنظم حفلا " صاخبا " قرب بوابات المصلى المرواني .

- شرطي أمريكي يقتل شابا عربيا مسلما ... و يعود إلى الخدمة !!

- مذيع أمريكي : الإسلام دين متخلف يستعبد السود .


متهيأ لي أكيد عرفتم هم مين ( المتبهدلون في الأرض ) دول ,

و عرفتم الشيء الحاجة المشتركة بين الناس اللي فاتت دي كلها ,

الحاجة دي هي التعصب و التطرف ضد الإسلام و المسلمين و كل ما يمت للإسلام بصلة ,

لكن طبعا احنا مش هنفضل ساكتين ,

احنا ( هنزعل منهم ) ,
و ( هناخد على خاطرنا ) من عمايلهم الوحشة دي ,

لكن علشان احنا ( قلبنا أبيض ) ,
يبقى آخرتنا ساعة و هننسى ,

و نرجع نشتري البضائع الصيني ,, .... الرخيصة بس !!

و نتفرج على الأفلام الأجنبي , .... الأكشن بس !!

و نسمع الأغاني الأجنبي , .... ـ الـslow بس ـ !!

و نعوج لساننا بالكلمات الإنجليزية , ..... الروشة بس !!!


و .....
.
.
.
.
.
و بس .

........................

و لو أي حد عنده إضافة ياريت يفيدنا بيها ,
و يبين لنا الواجب عمله ,

و ربنا يهدينا و يهدي الجميع ,

و لا أنسى الاعتراف بالحق لأهله
ففكرة هذا الموضوع جائتني من الأخ الباشمهندس أبو سهيل - صاحب مدونة خواطر

.................

و لا تنسوا الدعاء للدكتور ياسر
و الطفل يحيى
و المهندس إبراهيم

بالشفاء العاجل

و جميع المسلمين و المسلمات



16 comments:

  1. قال ابن القيم:
    تالله ماعدا عليك العدو إلابعدأن تولى عنك الوليّ....
    فلا تظنن أن الشيطان غلب,
    لكن الحافظ أعرض !!

    ReplyDelete
  2. ربنا يشفى مرضى المسلمين
    اما عن موضوعك فبجد مش لاقيه كلام اقوله

    ReplyDelete
  3. فعلا احنا بنحب الانفعلات اوى كنوع من رد الفعل مش اكتر

    أرى كل بان لا يقاوم هادماً فكيف ببان خلفه ألف هادم ...

    تحياتى

    ReplyDelete
  4. ربنا يشفيهم و يشفي كل مرضى المسلمين

    اما عن البوست فلا تعليق
    لان للأسف كلامك صحيح
    كله هينسى بعدها باللحظات v_v

    ReplyDelete
  5. هى حرب على الإسلام يا صديقى
    ربنا يهدينا بجد
    ربنا يشفى مرضانا ومرضى المسلمين
    اللهم أمين

    ReplyDelete
  6. سبب ضعفنا هو احنا

    مش عارفه اقولك ايه والله ياتيمي

    الحجات دي بقت جزءمن ثقافه جيل كامل

    ربنا يرحمهم جميعا

    ويتولانا برحمته

    وربنا يشفي جميع مرضى المسلمين باذن الله

    ReplyDelete
  7. السلام عليكم ورحمه الله وبركاته

    فعلا ياتيمى الحاجه المشتركه هى التعصب للاسلام والمسلمين ومش بس تعصب لا ده كره وبغض دفين وحقد عجيب

    احب اضيف حل سهل وبسيط
    ومش محتاج لا فلوس ولا مظاهرات
    ولااى تكلفه
    الحل للكل
    شباب بنات رجال نساء شيوخ عجائز

    ارجعوا لدينكم

    ارجعوا لشريعتكم

    ارجعوا لربنا

    انصر دينك ياشاب

    اعفى لحيتك وقصر ثيابك
    ارجعى لدينك يااختى وانتقبى
    ومبقولش اتحجبى
    لا
    بقول انتقبى
    ياشاب قلد رسولك ونبيك بنقول قدوتنا الرسول طيب
    فين الدليل
    لابس تيشرت مقطع وبنطلول مبهدل ومخرم وساقط وعاملى شعرك فلافل وزن

    هل ده كان شكل نبيك ؟

    والبنت لابسه ضيق بشكل مستفز
    وحجاب بيشتكى لربه منها
    شكلها تشمئز منه القلوب قبل الاعين

    هل ده كان حجاب امهاتك امهات المؤمنين؟

    انتى مين قدوتك بالله عليكى
    ياناس يحشر المرء مع من احب
    مش بحبه بلسانى وبس
    انا بستغرب ناس تقسم انها بتعشق الرسول وتموت من اجله
    اما اتسب واتهان قاموا ومظاهرات
    وحرايق ويااااااااه تخيلنا انه الامه فاقت
    واما جينا للنصره الحقيقيه تراجعنا
    مقدرناش على المقاطعه شهرين

    شهرين ورجعنا نجرى

    اذا كان ده رد فعلنا على اهانه حبيبنا وشفيعنا ورسولنا عليه افضل الصلاه والسلام

    بقى هيكون فى اعتبار بعد كده لينا احنا او نسائنا او رجالنا

    الله المستعان
    اللهم انصر الاسلام والمسلمين واعز دينك واجعلنا اعزه به
    ودمر اليهود والكفار والطواغيت اللهم ماعليك بهم انت القادر على كل شيئ واعنا على ذكرك وحسن عبادتك
    واجعلنا مع حبيبك ونبيك ورسولك فى الفردوس الاعلى
    اللهم امين
    ========================

    ReplyDelete
  8. ربنا يعافي الجميع,
    بس مين الدكتور ياسر ومين الباشمهندس ابراهيم؟

    ReplyDelete
  9. عندك حق والله بس احنا الى اديناهم الفرصه يعمله كده صح ولا ايه ربنا يرحمنا ويغفرلنا وشفى مرضانا
    امين..........

    ReplyDelete
  10. سلام عليكم
    خيرا؟ معرفش ماله الدكتور ياسر...شفاه الله وعافاه ومرضانا ومرضى المسلمين...

    إضافة:
    الزكرى ال14 لمزبحة سربرينتسا راح ضحيتها 8000 مسلم اليومين دول ولاحول ولاقوة إلا بالله
    http://srebrenicastory.blogspot.com/

    ReplyDelete
  11. وعلى فكرةو المتبهدلون في الأرض ده اسم مدونة :) تخيلت انك كاتب عنها :)
    http://ya3ene.blogspot.com/search?updated-min=2008-01-01T00%3A00%3A00-08%3A00&updated-max=2009-01-01T00%3A00%3A00-08%3A00&max-results=6

    ReplyDelete
  12. والله هذا ابتلاء من الله لنعرف اننا نعيش بامان و بالرغم من ذلك نقصر فى العبادات و نصر على المعاصى فالحل هو الرجوع الى الله والتوبه من الذنوب وهذا السبيل الى نصرة الدين فلينظر كل منا الى عيوبة و يحاول اصلاحها و معاصيه ويحاول البعد عنها و الاستغفار و الدعاء ان ينصر الله المسلمين فى كل مكان .

    دمت بكل خير

    ReplyDelete
  13. موناليزا :

    هو فعلا الموضوع مالوش كلام ,

    ربنا يرحمنا برحمته



    -----------------

    بنجاواتي :

    عندك حق فعلا , احنا مش فالحين غير في الانفعالات ,
    الله يرحم حرب غزة و الناس اللي كانوا شغالين " زعيق " في الشوارع لحد ما تعبوا راحوا مبطلين !!!


    -----------

    Sweet Violet

    آمين ربنا يشفي الجميع ,
    و بالنسبة للبوست ففعلا الواحد ما عندوش تعليق ,
    خاصة و إن أحيانا الواحد لا يسلم مما يحذر منه :(


    --------------

    mohamed ghalia

    هي فعلا حرب على الإسلام يا محمد ,
    لكن العجب من اللي لسه لحد دلوقتي مش مصدقين ,

    و يقول لك حرب ثقافية و صراح حضارات و الكلام الفاضي اللي بيقولوه ده ,

    دي حرب عقدية و ليست كما يريدوننا أن نظنها ,

    ReplyDelete
  14. عفوا باقي التعليقات رددت عليها لكنها تبخرت ساعة الإرسال :(

    ReplyDelete
  15. انا لله و انا اليه راجعون

    المشكلة ان الخبر الوحيد اللي كان ليه صيت

    هو خبر المانيا فقط

    و انا كنت كتبت من فترة في مدونة كلمة حق عن النسيان

    و هي دي مشكلة المسلمين اننا دايما ننسى

    -

    ReplyDelete
  16. ضاقت فلما استحكمت حلقاتها فرجت وكنت أظنها لا تفرجُ

    أبشر إن مع العسر يسرا

    ReplyDelete

دلوقتي تقدر تعلق بأكثر من طريقة :
كـ(غير معرف) بدون ما يكون لك حساب خالص
أو بحسابك على الفيس بوك
أو بحسابك على بلوجر
بس عبرني و علق :) ـ

حقوق النشر للجميع


ـ
و لا تنسوا
كاتب الموضوع من دعوة صالحة بظهر الغيب

أن يُصلح الله له شأنه كله و يُدخله الجنة و يُجِرْه من النار و جميع المسلمين و المسلمات ..

>> حقوق النشر للجميع <<
لو رأيت أنه يستحق النشر
بشرط عدم التحريف أو التغيير
و يا حبذا لو تذكر رابط المدونة

tazbee6.blogspot.com


أو تذكر أن الموضوع

" منقول من مدونة تظبيط "

ـ