زي ما فيه حاجات صح و حاجات غلط

فيه حاجات غلط ممكن تبقى صح

بس عاوزة شوية

تــظــبـــيــط

ــــــــــــــــــــــــــــ

قبل أن تقرأ المدونة

-- حقٌ على أصحاب الكؤوس أن يتناصحوا --

لا يُعــذَر المسلم في تخليه عن الدعوة إلى الله والأمر بالمعروف والنهي عن المنكر حتـى وان كان مُقصراً في نفسه في بعض الأمور ,

بـل إن الإنسان عليه أن ينهى عن المنكر حتى وان كان هــو واقـع فيــه

فوقوعه في المنكر ذنب وعدم إنكاره على الآخرين ذنب آخر يُسأل عنه,
ولا شك ان على من ينصح أن يسعى جاهداً لتغيير ما بنفسه ليكون قدوةً ومثالاً يُحتذى به.

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

31 July, 2009

ـ عادي ... عليها يحيا و عليها يموت !! (ق ق ج) ـ



عاد من عملهِ اليوميّ ,
تناول غذاءه , و قال قليلا ..

استيقظ و جلس مع ابنه أمام التلفاز
جعل يرشف الشاي ببطيءٍ ..
و يقلب القنوات في مللٍ معهود ..

صاح مندهشا عند أحد القنوات !!
- إنه " أحمد " .. زميلي من أيام الدراسة ,
يبدو أنه أصبح شخصا ناجحا و مشهورا !!

نطق الطفل بجانبه في براءةٍ و تلقائية :
أحقاً كنت معه في المدرسة يا أبي ؟؟
فَلِمَ لَمْ تصبح مشهوراً مثله ؟؟


37 comments:

  1. معقوله انا اول واحد ارد

    أحمدك يا رب

    ReplyDelete
  2. خد بقى تاني رد

    اولا جمعه مباركه
    ثانيا وحشتنا ومواضيعك وحشتنا

    جميل اسلوبك الجديد موضوع وموقف في سطور قليله يفتح النقاش بشكل كبير في مواضيع هامه

    سؤال محرج من الولد محتاج اجابه م الاب بذكاء تحفظ قدره عند ابنه وتعلمه ان كل واحد له نصيب وهدف وتوفيق ربنا له عامل كبير
    بعدين حد يتفرج ع التلفزيون مع عياله
    ههههه

    تقبل تحياتي دايما
    احبك في الله

    ReplyDelete
  3. بكره الكلمة دي هتتقلنا لما نشوفك راجل كده ملو هدومك ,, ومشهور ومكسر الدنيا
    بس تبقي افتكرنا ساعتها


    تسلم إيدك يا عم الباشمهندس

    ReplyDelete
  4. شـقـاوة مـراهـقـةJuly 31, 2009 at 3:36 PM

    ده عامل زي المثل الي بيقول :

    القرعه بتتباهي بشعر بنت اختها :D


    تسلم الايادي يا تيمي ..

    ربنا يكرمك بكل خير

    تحياتي

    ReplyDelete
  5. السلام عليكم

    معبرة إلى أقصى الحدود
    لكن..
    مش كل مين طلع في التلفزيون يبقى ليه لازمة :))

    فكرتني بالنكتة الشهيرة: الأب بيقول لابنه: نابليون لما كان قدك كان الأول على الفصل
    فاإبن قاله: ولما كان قدك كان رئيس دولة!!

    تسلم يا تيمي

    ReplyDelete
  6. أكيد عشان مشتغلش زيه

    ReplyDelete
  7. حقاً قصة منبهة لكل من يضيع وقته من غير فايدة ؛ و لا هدف سامي .

    بارك الله فيك على التدوين
    السلام عليكم

    ReplyDelete
  8. وتانى يورط الكبير
    نفسه امام الصغير
    بكلمـــــة
    ولكن له منهــــــا
    مخرج اقولـــــــه لك
    وليكن درساً لكلاً منهما:
    ليقول له انها ارزاق
    قسمهـــــــــا الخلاق
    مادام لم يتوان فى العمل
    او السعى الدؤوب والكفاح

    ReplyDelete
  9. سؤال وجيه:)
    اتخيل ان تكون الاجابة لان هذا الشخص فاشل من يومه ويعتمد على الغير

    ReplyDelete
  10. مصطفى أبوزيد :
    يا هلا فيك يا مصطفى ,
    و مايهمكش أول تعليق يعني , هو حد بيعبرني أصلا :D

    المهم , نخش بقى على تاني رد ,
    أخجلتم تواضعنا يا مصطفى , و مش عارف شكلك مخدوع فيا و في مواضيعي , يا إما كنت بتقرأ مواضيع حد تاني و مفكرها مواضيعي !!

    بالنسبة بقى لسؤال الابن للأب فلا تعليق لدي عليه ,
    لأن لو كان عندي ولد - لا قدر الله - كنت مش هلاقي له إجابة ,
    لأني فاشل و ما أتخيرش عن الأب الفاشل ده :(
    هي دي الحقيقة , بكل صراحة .... و وقاحة !!

    أحبك الذي أحببتني فيه ,
    أحبك الذي أحببتني فيه ,
    أحبك الذي أحببتني فيه ,

    و ياريت ما تزعلش مني لو اتكلمت معاك بصراحة زيادة عن اللزوم

    ReplyDelete
  11. SomeOne

    على رأيك .... :) و للأسف !!

    ReplyDelete
  12. د. ياسر عمر عبد الفتاح :

    يا عم ياسر و لا هبقى مشهور و لا عاوز أكون مشهور , و لا عاوز يكون لي عيل من أساسه ,

    جتها نيلة اللي عايزة خلف :(

    ReplyDelete
  13. شقاوة مراهقة

    فعلا القرعة بتتباهي بشعر أي حد تاني !!

    شكرا جزيلا على المرور و التعليق ,

    تحيتي

    ReplyDelete
  14. ست البنات :
    و عليكم السلام يا دكتورة أم يحيى ,

    , هو فعلا كلامك صح , مش كل من طلع في التلفزيون يبقى ليه لزمة ,
    لكنها كناية عن الأهمية و خلاص :)

    بحب أنا الأبناء اللي يحرجوا آباءهم دول , " يوقفوهم عند حدهم " :) :)

    ReplyDelete
  15. محمد غالية :

    أكيد برضه :) ,
    تسلم يا محمد :)

    ReplyDelete
  16. hamido23

    بارك الله فينا و إياكم ,
    و ربنا ينبهنا و ينبه غيرنا ,
    و عليكم السلام و رحمة الله

    ReplyDelete
  17. فعلا سؤال محرج !!


    بس لعله يكون رد برد يفيد الولد مش مجرد انه اتهرب من السؤال او لغوش على نفسه

    كل سنة وحضرتك طيب

    ReplyDelete
  18. دكتورة نور :

    معاكي إنها أرزاق يا دكتورة ,
    لكن طالما الحاجة مش محتاجة ماديات يبقى ليه يرضى بالدون ؟؟
    لكن لو حاول و ما طلعش " عادي " و " مشى مع القطيع " يبقى خلاص قضاء و قدر و الأب عمل اللي عليه

    ReplyDelete
  19. موناليزا ,
    قد تكون الإجابة كما قلتي ,
    أو لأن هذه الرجل فعل كما فعل معظم الناس و .....سار مع القطيع :(

    ReplyDelete
  20. أختكم في الله :

    ياريت فعلا يكون الرد أفاد الابن ,
    و خلاه يعرف إنه لازم يبقى مختلف و متميز عن الآخرين حسب قدراته ,

    شكرا جزيلا لمرورك ,
    و كل سنة و حضرتك طيبة ...

    ReplyDelete
  21. مــــاذا بك ياتيمى؟
    لما انت غاضب هكذا؟
    وحد الله سبحانه
    وتعالى.اللهم
    رضنا بما
    قضيت
    لنا
    بارك لنا فيه.

    ReplyDelete
  22. لا والله مش مخدوع فيك
    مواضيعك بحق جميله
    اما الحب في الله ده ليس فيه خداع لانه لله وحده
    انت بقى خريج هندسه ايه
    اتمنى اتعرف على حضرتك اكتر
    z_elhafy@yahoo.com
    لو معندكش مانع نتكلم اكتر
    متخفش انا مش متراقب ومش عليا اي احكام
    هههههههههههه

    ربنا يعزك يارب

    ReplyDelete
  23. مش شرط يكون الاب فاشل
    ماهو فى ناس كتير مشهورة لكن الشهرة كانت بالطريق الغلط مش الصح

    ReplyDelete
  24. ازيك حبيبى
    وحشتنى جدا
    قصة جميلة جدا بس ربنا بيقسم لكل واحد نصيبة ممكن يكون والد الطفل افضل من اللى على التى فى ولكن ربنا مقدر كده
    تحياتى صديقى
    سلام

    ReplyDelete
  25. الأخ الفاضل :: TIMMY ::

    تحية طيبة
    وبعد

    لم أصبح مشهورًا مثله يا بني ، لأن أباك ببساطة لم يرد ذلك ..


    أظن هذا الجواب ينفع في مثل هذه الأوقات ^_^

    ReplyDelete
  26. سلام عليكم ازيك تيمى

    اولا ابدى اعجابى الشديد بالكلمة المكتوبة فوق وانا كنت ناوى اكتب فى الموضوع ده قريب فعلا وكان شاغلنى كتير
    ثانيا
    زى ما قولتلكفعلا حاسس ان فيه افكار كتير مشتركةما بينا

    ReplyDelete
  27. norahaty

    أنا مش غاصب و الحمد لله ,

    و لا إله إلا الله ,

    ربنا يهدينا و يهدي الجميع

    ReplyDelete
  28. مصطفى أبو زيد ,
    خلاص يا مصطفى ,
    انت الجاني على نفسك :) ,
    و إن شاء الله هضيف إيميلك عندي و نتكلم إن شاء الله

    ReplyDelete
  29. Sweet Violet

    فعلا ممكن الشهرة تبقى بطريق غير مشروع ,
    لكن الشهره هنا كانت كناية عن النجاح بس ,,,

    تحيتي

    ReplyDelete
  30. Hossam

    إزيك يا راجل ؟؟
    ليك وحشة يا صاحبي ,
    و إن شاء الله تكون بخير ,

    أنا معاك إن ربنا بيقسم الأرزاق , زي حافظ إبراهيم ما بيقول :

    فالناس هذا حظه مالٌ و ذا علمٌ و ذاك مكارم الأخلاق

    تسلم يا حسام :)

    ReplyDelete
  31. محمد سعد القويري

    حياك الله يا محمد

    لكن أظن لو جاوب الأب هذه الإجابة بأنه لم يرد أن يكون مشهورا فبهذا يكون " زاد الطين بله " !!!

    ReplyDelete
  32. د/عرفه
    و عليكم السلام يا محمد ,

    فينك يا راجل من زمان ؟؟

    ليح وحشة بجد يا محمد ,
    و حمد الله بالسلامة ,

    و الحمد لله إن فيه أفكار مشتركة بيننا ,
    ده شيء يسعدني جدا على فكرة :)

    ReplyDelete
  33. أمل

    فعلا إنه القدر

    الذي يرده الدعاء و الذي لا نعرفه قبل حدوثه كي نحتج به ,

    تحيتي ,,,

    ReplyDelete
  34. تعليقاً على التدوينة القادمة
    ما دمت قد اغلقت التعليقات عليها
    اقول لك جزاك الله خيرا على تصحيح
    معلومة كثير منا يلتبس الامر عليه
    فيها.

    ReplyDelete
  35. norahaty

    جزانا و إياكم يا دكتورة نور ,
    و معلش أنا قلت مافيش لزمة لفتح التعليقات لأن الموضوع مافيهوش نقاش ,
    و إنما هو موضوع خبري ,

    و ربنا يهدينا و يهدي الجميع

    ReplyDelete

دلوقتي تقدر تعلق بأكثر من طريقة :
كـ(غير معرف) بدون ما يكون لك حساب خالص
أو بحسابك على الفيس بوك
أو بحسابك على بلوجر
بس عبرني و علق :) ـ

حقوق النشر للجميع


ـ
و لا تنسوا
كاتب الموضوع من دعوة صالحة بظهر الغيب

أن يُصلح الله له شأنه كله و يُدخله الجنة و يُجِرْه من النار و جميع المسلمين و المسلمات ..

>> حقوق النشر للجميع <<
لو رأيت أنه يستحق النشر
بشرط عدم التحريف أو التغيير
و يا حبذا لو تذكر رابط المدونة

tazbee6.blogspot.com


أو تذكر أن الموضوع

" منقول من مدونة تظبيط "

ـ