زي ما فيه حاجات صح و حاجات غلط

فيه حاجات غلط ممكن تبقى صح

بس عاوزة شوية

تــظــبـــيــط

ــــــــــــــــــــــــــــ

قبل أن تقرأ المدونة

-- حقٌ على أصحاب الكؤوس أن يتناصحوا --

لا يُعــذَر المسلم في تخليه عن الدعوة إلى الله والأمر بالمعروف والنهي عن المنكر حتـى وان كان مُقصراً في نفسه في بعض الأمور ,

بـل إن الإنسان عليه أن ينهى عن المنكر حتى وان كان هــو واقـع فيــه

فوقوعه في المنكر ذنب وعدم إنكاره على الآخرين ذنب آخر يُسأل عنه,
ولا شك ان على من ينصح أن يسعى جاهداً لتغيير ما بنفسه ليكون قدوةً ومثالاً يُحتذى به.

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

15 December, 2008

في المرآة !!؟؟



أغلق جهاز التلفاز , ثم تثاءب بعمقٍ مغلقاً عينيه ..

مازالت أحداث الأفلام و مشاهد الأغاني تتراقص أمامه ..

فتح عينيه و نظر في تلك الساعة على الحائط ...

أوه .. لقد تجاوز الساعتين أمام ذلك الجهاز ..



ذهب ليغسل وجهه ..

و قبل أن يفتح الصنبور , نظر في المرآة ..

ما هذا الشيء الغريب في وجهه !!

غسل وجهه ثم عاود النظر ....

لم يتغير شيء .!!

قال لنفسه :
مازالت ظاهرةٌ في وجهي .. لم تمحها المياة !!؟؟

.
.
.
.
.
.
.
.
.

إنها ( ظُلْمَةُ المعصية ) !!!







...................


ربنا يغفر لنا و يهدينا و يتوب علينا !!


...



23 comments:

  1. لا حول ولا قوة الا بالله
    ربنا يتوب علينا
    استعيذ بالله لك ولي ولجيع المسلمين من ظلمة الوجوه

    بس يستاهل مهو قليل الادب وبيتفرج علي اغاني ورقص ومسخرة

    ReplyDelete
  2. بوست مختصر بس فى الجووون
    بس فيه ناس مابتبصش فى المرايا من اصله

    ReplyDelete
  3. بس انا مش عرفة بشوف ايه في المراية

    مش عرفة
    بس ربنا يتوب علينا ويغفرلنا

    ReplyDelete
  4. أه
    نعوذ بالله من ظلمة المعصية

    ReplyDelete
  5. السلام عليكم ورحمة الله وبركاته

    مش مهم هتشوف ايه في المراية !!

    المهم المراية بتاعت نفسك هتعمل فيها ايه ؟!

    مش عارف ليه ساعات بنضطر نكسرها عشان منشوفش قبح المعاصي اللي بنعملها.

    ربنا يهدينا ويهديك ويثبت قلوبنا على الايمان

    ReplyDelete
  6. مها زين ..

    هو الأغاني و التلفزيون ما هما إلا مثال استخدمته و أنا بكتب بس .. لكن ما يقوم مقامهما كتيييييييييير

    .
    .
    .

    مش عارف أقول لك إيه و الله !! :(
    أقول لك .. الحمد لله إنك مش عارفة انتي بتشوفي ايه في المراية ..
    فيه ناس تانية بيتقى عارفة .. و مش بتعمل حاجة !!

    ربنا يهدي الجميع !!

    ReplyDelete
  7. موناليزا ..

    يارب يكون الاختصار في صالح البوست و ليس في ضده ..

    و ربنا يهدي الجميع .. اللي بيبص و اللي مش بيبص !!

    ReplyDelete
  8. مصطفى ..

    و عليكم السلام و رحمة الله و بركاته ..

    هو أنا معاك إن الواحد ممكن يتهرب من نفسه .. بس مش هيقدر يتهرب طول عمره , و هتفضل حاجة جواة مش هتسيبه !!

    ربنا يهدينا ..

    ReplyDelete
  9. محمد غاليا ..

    شكرا جزيلا لمرورك ..

    ربنا يهدينا و يتوب علينا !!

    ReplyDelete
  10. آمين ...


    المهم دلوقتى يعنى ايه ف الوقت الحرج دى ..

    ايه عندك ايكسامس ولا ايه !!!

    حلوه ايكسامس دى

    هههههههه

    اتمنى اشوفك قريب ع الميل يا هندزه

    ReplyDelete
  11. المبرمج المحترف ..

    معلش يا عمر .. أنا قصدي إنك بعت التعليق بعد ما أنا خلصت على طول ’ و لو كان بدري شوية كنت لحقتك فاتح ..

    لكن مافيش امتحانات و لا حاجة .. أنا خلصت يابني و دخلت الجيش كمان :(

    ReplyDelete
  12. السلام عليكم ورحمه الله وبركاته
    -----------------------------
    بوست رائع ياتيمى
    هو ده الكلام المختصر المفيد
    ربنا يتوب علينا ويغفرلنا
    اللهم امين
    -----------------------------

    ReplyDelete
  13. السلام عليكم
    هو الجيش ده بيبقى ظلام عند ناس كتير
    بس معلش كله هيعدي

    بالنسبة للموضوع
    بصراحة بحس كتير أني مقصرة ومتساهلة في حق ربي لكني أكتفي بالحزن والإحباط
    مش عارفة ده ايه آخرته المفروض الواحد يغير...أحيانا تنفع معي كثرة الذكر والدعاء حتى لو بلا قلب لكن بقول يمكن ربنا يفتح عليا لما يرى مني حزني على بعدي وندمي
    أنا أمر بهذه الفترة هذه الأيام...فيه قسوة غريبة وتوهان في القلب..حتى متى؟؟ اللهم لا تمتني إلا وأنت راض عني :((((((


    دعواتكم

    ReplyDelete
  14. السلام عليكم ورحمة
    الله تعالى وبركاته
    ذكرتنا ما نحاول
    ان ننساه ياتيمى
    فشكرا للتذكرة!!

    ReplyDelete
  15. لؤلؤة الرحمن ..

    و عليكم السلام و رحمة الله و بركاته

    شكرا جزيلا للمرور ,

    و ربنا يتوب علينا و يهدينا ..

    جزاكم الله خيرا

    ReplyDelete
  16. ست البنات

    و عليكم السلام ..

    ربنا يهديكي و إيانا يا أم يحيى ..

    للأسف الواحد في الفترة دي منذ زمن و مش عارف يطلع ..

    و المشكلة الأكبر لما الواحد يكون عارف الغلط و مستمر عليه !!

    ربنا يهدينا و يتوب علينا و يغفر لنا .. و لجميع المسلمين .

    جزاكِ الله خيرا على المرور يا دكتورة ..

    ReplyDelete
  17. دكتورة نور ..

    و عليكم السلام و رحمة الله و بركاته ..

    للأسف فعلا كلامك صح ..

    الواحد أوقات كتير بيحاول ينسى و يحاول يموت قلبه علشان يفضل زي ما هو في غيه من غير أ، يؤنبه ضميره ..

    بس الحمد لله على تأنيب الضمير ده إنه بيخلي الاوحد ما ينساش ..

    علشان ربنا يكرم الواحد و يرجع في يوم من الأيام ..

    ...

    شكر جزيلا على المرور يا دكتورة ..

    ReplyDelete
  18. اللهم امين

    يارب يغفر لنا جميعا

    ReplyDelete
  19. السلام عليكم
    الاخ TiMmY
    ربنا يجازيك خير على تدويناتك الرائعة
    انا كنت بافتح المدونة دي من ان لاخر
    مكنتش بعلق عليها لان مكنتش بلاقي كلام اقوله كلامك فيها كله تذكره ونصح ربنا يهدينا ويهدي بك.
    بس عندي استفسار صغنن هو فين مدونتك ادبياتي؟
    المدونة دي كانت جميلة جدا وكنت بحب شعرك اوي.
    ياريت تعرفنا سبب اختفاءها؟

    ReplyDelete
  20. حسن حنفي ...


    شكرا جزيلا لتواجدك ..

    ربنا يهدينا و يتوب علينا ..


    تحيتي

    ReplyDelete
  21. سلمى محمد

    و عليكم السلام

    و جزانا و إياكم ..

    و أهلا بيكي في المدونة ..


    و بالنسبة لأدبيات فانا لغيتها في ساعة شيطان ..

    و إن شاء الله هعملها تاني لو لاقيت وقت , أو بعد الـ45 يوم بقى إن شاء الله , بس هتبقى بمعرف آخر علشان أفصل بين شخصيتي هنا اللي مش عاوزها تتجاوز كابلات الانترنت إلى العالم الواقعي و شخصيتي هناك اللي ممكن تكون أكثر واقعية ..

    تحيتي

    ReplyDelete
  22. السلام عليكم
    عارف يا استاذ تيمي
    خير الخطائين التوابين لكن الانسان لازم يفكر كويس قبل المعصيه لان ممكن خلاص مفيش مجال للتوبه بعدها الاعمار بيد الله عزوجل لو فضلنا فاكريين الكلام دا فعلا هنعمل الف حساب وحساب وما نصغرشي اي ذنب لان يوم القيامه يمكن نلاقي الذنوب دي زي الجبل قدمناولو شوفنا ذنوبنا بالمرايه مش هنقدر نعرف نفسنا من برا ...اللهم استرنا فوق الارض وتحت الارض ويوم العرض عليك يا ارحم الراحمين
    بس املنا بالله كبير يغفر لينا وينولنا الجنه لان بجد اعمالنا مش هي الي هدخلنا الجنه انما رحمه الله بينا ..ربنا يغفر لينا ويعفو عنا يارب
    جزاك الله كل خير
    زوزو

    ReplyDelete
  23. زوزو ,

    و عليكم السلام و رحمة الله و بركاته ,

    فعلا يا أستاذة زوزو : خير الخطائين التوابون ,

    لكن للأسف فإن الشهوة بجد تُذهب العقل , كما الخمر ,

    و ما عُصي الله إلا بجهل ,
    لأن الواحد ساعة الشهوة يتوقف تفكيره عما عداها , حتى إذا ما قارفها ثاب إليه رشده , فإما ندم و استغفر و إما أصر و استكبر ,

    و فعلا ما حدش ضامن عمره , و لا يدري بم يُختم له ...

    ربنا يرزقنا حسن الخاتمة و إياكم ,

    و جزاكم الله خيرا أستاذتنا الكريمة ..

    ReplyDelete

دلوقتي تقدر تعلق بأكثر من طريقة :
كـ(غير معرف) بدون ما يكون لك حساب خالص
أو بحسابك على الفيس بوك
أو بحسابك على بلوجر
بس عبرني و علق :) ـ

حقوق النشر للجميع


ـ
و لا تنسوا
كاتب الموضوع من دعوة صالحة بظهر الغيب

أن يُصلح الله له شأنه كله و يُدخله الجنة و يُجِرْه من النار و جميع المسلمين و المسلمات ..

>> حقوق النشر للجميع <<
لو رأيت أنه يستحق النشر
بشرط عدم التحريف أو التغيير
و يا حبذا لو تذكر رابط المدونة

tazbee6.blogspot.com


أو تذكر أن الموضوع

" منقول من مدونة تظبيط "

ـ