زي ما فيه حاجات صح و حاجات غلط

فيه حاجات غلط ممكن تبقى صح

بس عاوزة شوية

تــظــبـــيــط

ــــــــــــــــــــــــــــ

قبل أن تقرأ المدونة

-- حقٌ على أصحاب الكؤوس أن يتناصحوا --

لا يُعــذَر المسلم في تخليه عن الدعوة إلى الله والأمر بالمعروف والنهي عن المنكر حتـى وان كان مُقصراً في نفسه في بعض الأمور ,

بـل إن الإنسان عليه أن ينهى عن المنكر حتى وان كان هــو واقـع فيــه

فوقوعه في المنكر ذنب وعدم إنكاره على الآخرين ذنب آخر يُسأل عنه,
ولا شك ان على من ينصح أن يسعى جاهداً لتغيير ما بنفسه ليكون قدوةً ومثالاً يُحتذى به.

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

30 December, 2008

ـ إخوة غزة , هم لها منكرون !! ( ق ق ج ) ـ




كانوا إخوةً ,

يمشون سوياً في دربٍ واحد ..

هجب الذئب على أحدهم ..

صاح أخوهم : إخوتي .. ساعدوني .. ساعدوني ..

أجابوه : لا تقلق ..

سنضمد جراحك , سنمدك بالطعام ,

لكن ...
.
.
.
.
.
.
.
.

ريثما ينتهي منك !!



ـــــــــ| انتهى |ـــــــــ
30/12-2008 8:40 ص
ـــــــــــــ


لطالما جَبُن العرب و هانوا و خذلوا بعضهم البعض ..

فلن أنادي : " غزة يا عرب "

و لكن : " غزة يا مسلمون " !!

و البَوْن بين النداءين بَيِّن ,

و لا حول و لا قوة و لا نُصرة إلا بالله .

...............

22 comments:

  1. سمو الاميرDecember 30, 2008 at 8:55 AM

    صح كلامك يا تيمي

    والله موقفنا مخجل أوي

    ومنظرنا بقي زبالة

    معقولة إحنا اللى قال فينا الرسول إننا كالجسد الواحد إذا اشتكى منه عضو تداعى له سائر الأعضاء بالسهر والحمي !!!

    مستحييييييييييل

    إحنا بقي فينا حاجة غلط

    حااااااااااجااااااااات

    حسبي الله ونعم الوكيل

    حسبي الله ونعم الوكيل

    ReplyDelete
  2. SimbawyDecember 30, 2008 at 6:48 PM


    حكّامنا .. لا بوركوا
    هانوا وذلوا
    وباعو القضايا كلها
    بثمن يخس
    اللهم انصر من نصر دينك
    واخذل من خذله

    اتسع الخرق على الراقع يا تيمي
    ولا زالت الجراح تنزف

    ReplyDelete
  3. المبرمج المحترفDecember 30, 2008 at 7:00 PM

    حسبنا الله ونعم الوكيل

    ReplyDelete
  4. TIMMY !!December 30, 2008 at 8:44 PM

    سمو الأمير

    بصراحة منظرنا بقى أكثر من زبالة ..

    أنا كنت بتفرج على الـCNN من البارحة تقريبا أو أول , و جايبيين فيها إن العرب ستائين من بطيء رد الفعل الرسمي لحكامهم !!

    الأمريكان حاسيين بينا , و احنا مش حاسيين ببعض , مش احنا كلنا يعني .. اللي ماسكيننا !!

    ReplyDelete
  5. TIMMY !!December 30, 2008 at 9:16 PM

    سيمباوي ..

    للأسف الواحد مش قادر يتخيل إزاي الحام دول مننا أصلا ؟؟ !!

    و أظن أن الأمر كما قلت ,

    لن ينتهي النزيف .. حتى يغرقهم !!!

    ReplyDelete
  6. TIMMY !!December 30, 2008 at 9:23 PM

    المرمج المحترف ..

    فعلا .. لا حول و لا قوة إلا بالله !!

    ReplyDelete
  7. salma mohamedDecember 30, 2008 at 10:14 PM

    السلام عليكم
    لا اجد شيئا اقوله غير لا حول ولا قوة الا بالله, حسبنا الله ونعم الوكيل,لك الله يا غزة يا ارض العزة.

    ReplyDelete
  8. حسن حنفىDecember 31, 2008 at 4:19 AM

    حسبي الله ونعم الوكيل

    ReplyDelete
  9. TIMMY !!December 31, 2008 at 11:43 AM

    سلمى محمد .

    و عليكم السلام و رحمة الله

    فعلا لا نملك شيئا غير الدعاء ..

    ربنا يفك كربهم و يخذل عدوهم و الخائنين من إخوانهم !!

    ReplyDelete
  10. TIMMY !!December 31, 2008 at 11:44 AM

    حسن حنفي ..

    شكرا جزيلا لمرورك ..

    و الله يكفيهم بإذنه ..

    ReplyDelete
  11. أحــوال الهـويDecember 31, 2008 at 1:34 PM

    ازيك يا مهندس

    للاسف صدقت

    تحياتي

    ReplyDelete
  12. لؤلؤة " السلفية ".....هويتي إسلاميةDecember 31, 2008 at 4:47 PM

    السلام عليكم ورحمه الله وبركاته
    -----------------------------------
    والله الواحد من كتر مقال
    مش عارف يقول ايه تانى
    المشكله اننا بنتكلم كتير
    كتير اوى ياتيمى
    ومفيش فعل سايبين حكومات تسوقنا
    زى البهايم
    وهى اصلا حكومات بلا عقل
    حكومات بآذان كالحمار ومخ كالعصفور ولا يعنيهم اى من امر شعوبها
    الله المستعان
    ياترى هنفضل نثور ونتكلم كتير كده لحد امتى
    ياترى هنعمل حاجه بجد امتى

    -----------------------------------

    ReplyDelete
  13. TIMMY !!December 31, 2008 at 6:29 PM

    أحوال الهوى ..

    أهلا بك يا دكتور ..

    و ياليتني كذبت و سلموا من " الأسف " !!

    شكرا جزيلا ليك على الزيارة أستاذي الفاضل ..

    تحيتي

    ReplyDelete
  14. TIMMY !!December 31, 2008 at 6:31 PM

    لؤلؤة الرحمن ..

    و عليكم السلام و رحمة الله و بركاته ..

    و الله أنا زيك مش عاوز اتكلم ..

    لأن الكلام مش جايب نتيجة ..

    بس الواحد هيطق , مش لاقي حاجة يعملها ..

    و بجد مش عارف الوضع ده هينتهي إمتى ؟؟

    ربنا يعافينا و يتوب علينا من اللي احنا فيه بذنوبنا ده !! ..

    ReplyDelete
  15. zeroonDecember 31, 2008 at 8:31 PM

    أتفو على دول قادة
    أتفو على دول عرب
    ريقي نشف
    حسبي الله ونعم الوكيل
    يمكن بكرة الدور علينا شوف بقى مين اللي هايعبرنا ويساعدنا

    ReplyDelete
  16. maha zeinJanuary 1, 2009 at 12:37 AM

    ياااااااااااااااااااااه يا تيمي
    برغم صغر موضعك
    الا انه بجد اثر فيا جدا
    ايه ده جبت منين القصة دي
    والله فعلا تنطبق علي الاوضاع
    حسبي الله ونعم الوكيل
    بجد الكل تعب من الاوضاع
    والناس بقت تتعصب
    والامراض النفسية انتشرت في كل مكان
    بجد احساس العجز مؤلم خاصة لما متكنش عاجز اصلا

    ReplyDelete
  17. TIMMY !!January 1, 2009 at 6:38 AM

    زيروون

    انا عارف إن ريقك نشف من كثر التف على العرب و القادة ..

    الغريب في الأمر إن الدول العربية و الإسلاية دي كلها لو كل واحد عمل زيك و تف تفة واحدة على إسرائيل هيغرقها !!

    بجد , تفة × 2 مليار .. يعملوا حاجة كبيرة ممكن تغرق إسرائيل بجد ..

    ReplyDelete
  18. TIMMY !!January 1, 2009 at 7:00 AM

    مها زين ..

    هي القصة أنا اللي كاتبها , في التاريخ و الوقت اللي أنا حاطه فيها ده ..

    و الحمد لله إنها كانت مؤثرة لأن ده هو الغرض منها كقصة قصيرة جدا ..

    فعلا .. أصعب حاجة هي الاحساس بالعجز ,

    إن الواحد يحس إنه يقدر يعمل حاة , لكنه متكتف و مش مسموح له يعمل حاجة غير إنه .. يتفرج !!

    ReplyDelete
  19. ولد الديرةJanuary 1, 2009 at 10:48 PM

    TIMMY !!

    مش حسألك ازيك، عارف ان المشاعر مش ولا بد

    اول حاجة احنا بندعي ان ربنا ينصر الفلسطينيين على نفسهم قبل اليهود

    كإني سمعتك بتسألني ليه؟

    يا خويا انت عارف هم كام جماعة وفصيل وكل حزب بما لديهم فرحون؟

    طب انا عندي سؤال

    والا بلاش اخاف اتخون حاكم التخوين موضة اليومين دول

    اللهم انصر عبادك المستضعفين ورد كيد المتحزبين اللي اتلوا ببعض قبل كام شهر بس

    نهارك سعيد

    ReplyDelete
  20. TIMMY !!January 2, 2009 at 6:27 AM

    ولد الديرة ..

    للأسف فعلا الفلسطينين منقسمين انقسام " يخنق " !!

    و متهيأ لي إنهم عرهم ما هيتفقوا .. للأسف ,

    بلطجية فتح مش هيرضوا غير بالدور الخاين اللي طول عمرهم بيقوموا بيه ,

    و حماس جالها جنون السلطة من ساعة ما مسكت غزة !!

    و الشعب لا حول له و لا قوة !!

    بالمناسبة , اسأل سؤالك عادي , لو ما كناش هنتكلم بصراحة في النت , هنتكلم فين ؟؟

    على فكرة لو هتتكلم عن الحكومة المصرية عادي , كلنا بنشتم فيها ,

    إنما مش هي السبب الوحيد و لا الرئيسي , لكنها سبب من الأسباب ..

    ReplyDelete
  21. ولد الديرةJanuary 2, 2009 at 6:59 PM

    TIMMY !!

    اهلاً اهلاً

    يا عم خد راحتك بالكلام انا كان قصدي حاجة تانية خالص

    والله هي فتنة حالها حال فتن كتيرة اوي بس الواد هنية ده عامل زي شمشون الجبار علي وعلى اعدائي

    طب سوريا مش فاتحة جبهة الجولان ليه؟

    الجولان بسم النبي حارسها عامله زي الحديقة اليابانية بحلوان، هادييييييييه

    وبالمناسبة الواد سيد بتاع جنوب لبنان فينه؟

    اصلنا مبنسمعش الا كلام في كلام وعاوزين مصر تدخل الحرب!

    لا يا عم، انا شخصياً ومع تحفظي على بعض المواقف للحكومة المصرية، المرة دي انا معاها ومع اهل غزة المستضعفين

    عدو عاقل خير من هنية اهبل وعباس مش عاوز الا الستر انت عارف

    تحياتي يا غالي

    ReplyDelete
  22. zeroonJanuary 6, 2009 at 12:45 PM

    حلوة تفة في اتنين مليار يعملو حاجات كتير دي
    انت بتشتغل مع موبينيل

    كلامك حلو بس عمر اللي اتنين مليار دول ماهيتفقوا حتى انهم يتفو على حاجه واحدة

    ReplyDelete

دلوقتي تقدر تعلق بأكثر من طريقة :
كـ(غير معرف) بدون ما يكون لك حساب خالص
أو بحسابك على الفيس بوك
أو بحسابك على بلوجر
بس عبرني و علق :) ـ

Subscribe to: Post Comments (Atom)

حقوق النشر للجميع


ـ
و لا تنسوا كاتب الموضوع من دعوة صالحة بظهر الغيب
أن يُصلح الله له شأنه كله و يُدخله الجنة و يُجِرْه من النار و جميع المسلمين و المسلمات ..

>> حقوق النشر للجميع <<
لو رأيت أنه يستحق النشر
بشرط عدم التحريف أو التغيير
و يا حبذا لو تذكر رابط المدونة

tazbee6.blogspot.com


أو تذكر أن الموضوع

" منقول من مدونة تظبيط "

ـ