زي ما فيه حاجات صح و حاجات غلط

فيه حاجات غلط ممكن تبقى صح

بس عاوزة شوية

تــظــبـــيــط

ــــــــــــــــــــــــــــ

قبل أن تقرأ المدونة

-- حقٌ على أصحاب الكؤوس أن يتناصحوا --

لا يُعــذَر المسلم في تخليه عن الدعوة إلى الله والأمر بالمعروف والنهي عن المنكر حتـى وان كان مُقصراً في نفسه في بعض الأمور ,

بـل إن الإنسان عليه أن ينهى عن المنكر حتى وان كان هــو واقـع فيــه

فوقوعه في المنكر ذنب وعدم إنكاره على الآخرين ذنب آخر يُسأل عنه,
ولا شك ان على من ينصح أن يسعى جاهداً لتغيير ما بنفسه ليكون قدوةً ومثالاً يُحتذى به.

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

26 April, 2014

مطلوب صنم (بالعامية) ـ من أشعاري ـ


السلام عليكم 

مع إني مش بحب أكتب شعر بالعامية , 
لكن القصيدة دي " طفحت " لوحدها غصب عني 
بسبب اللي بنشوفه من حاجات تؤثر سلباً على المرارة :/
لأن احنا فعلا شعب يستحق كل اللي يجرا له :(
بلاش أتكلم كتير علشان ما أغلطتش ..

أسيبكم مع البتاعة :-


 


مطلوب إله ...!!
 لأ , بعتذر ,
أقصد أقول مطلوب صنم 
ما يهمناش لو كان فصيح أو كان بجم 
مش فارقة لو كان من صفيح أو من خشب 
شكله يكون عجل بقرون أو سيسي أو قط بشنب 

لكن يجب إنّه يكون جاذب لستات البلد 
يعني الحريم تنزل تصوت له و ترقص في الشوارع بالعدد 
و كلامه يبقى سهوكة 
 و اسمه عواطف أو مشيرة أو غراب فقره دكر 

لازم يكون ميري و فوق كتفه نجوم و فروع شجر 
 يا سلام عليه , 
شوف لبسه , هيبته و مشيته 
شوف كلمته , 
شوف حكمته ...

لازم يا مصري عشان نعيش يبقى لنا سيّد نبوس إيد حضرته 
و نحط بإدينا فوقينا جزمته 

 ركز قوي في جزمته علشان في يوم 
هتشوف في عز الضهر منها في السما كل النجوم 

لكن بلاش لما يدوسك تتوجع 
و تقول يالهوي و تتفجع 
ما انت اللي جبته يركبك 
و عملت فيها واد جدع !!



3 comments:

  1. Replies
    1. فعلا و الله ..
      وكم ذا بمصر من المضحكات ولكنــــه ضحــك كالبكـــا

      Delete

دلوقتي تقدر تعلق بأكثر من طريقة :
كـ(غير معرف) بدون ما يكون لك حساب خالص
أو بحسابك على الفيس بوك
أو بحسابك على بلوجر
بس عبرني و علق :) ـ

حقوق النشر للجميع


ـ
و لا تنسوا
كاتب الموضوع من دعوة صالحة بظهر الغيب

أن يُصلح الله له شأنه كله و يُدخله الجنة و يُجِرْه من النار و جميع المسلمين و المسلمات ..

>> حقوق النشر للجميع <<
لو رأيت أنه يستحق النشر
بشرط عدم التحريف أو التغيير
و يا حبذا لو تذكر رابط المدونة

tazbee6.blogspot.com


أو تذكر أن الموضوع

" منقول من مدونة تظبيط "

ـ