سؤالين و حته ... عن الكريسماس

السؤال الأول :
كم عدد (النصارى) الذين ( تعرفهم ) أو ( تسمع عنهم ) أنهم يحتفلون برأس السنة (الهجرية) ؟؟
- جاوب في سرّك ..

السؤال الثاني :
كم عدد (المسلمين) الذين ( تعرفهم ) أو ( تسمع عنهم ) أنهم يحتفلون برأس السنة (الميلادية) ؟؟- جاوب في سرّك برضو ..

دول كانوا السؤالين ,

أما الحِتَّه فهي :
قارن بين الإجابتين و اسأل نفسك :

اشمعنى ؟؟؟؟

اشمعنا احنا بنحتفل زي الهبل بأعيادهم ,
مع إن و لا واحد فيهم بيحتفل بأي عيد من أعيادنا ؟؟

و حتى لو كلهم احتفلوا بأعيادنا ,
فإنه لا يحل لنا الاحتفال بأعيادهم ,

يقول ابن القيم رحمه الله :
"وأما التهنئة بشعائر الكفر المختصة به فحرام بالاتفاق،
مثل أن يهنئهم بأعيادهم وصومهم،
فيقول: عيد مبارك عليك، أو تهنأ بهذا العيد ونحوه،
فهذا إن سلم قائله من الكفر فهو من المحرمات،
وهو بمنزلة أن تهنئه بسجوده للصليب،
بل ذلك أعظم إثماً عند الله،
وأشد مقتاً من التهنئة بشرب الخمر وقتل النفس، وارتكاب الفرج الحرام ونحوه.
وكثير ممن لا قدر للدين عنده يقع في ذلك، ولا يدري قبح ما فعل،

فمن هَنّأ عبداً بمعصيةٍ أو بدعةٍ أو كفرٍ فقد تعرض لمقت الله وسخطه "
[أحكام أهل الذمة]

احم احم ...
طب ما ينفعش نحتفل و خلاص بنية السنة الجديدة ؟؟
أهي سنة جديدة و خلاص ,
لكن مش هنحتفل بنية الكريسماس ,
و لن نهنيء النصارى و لا أي حاجة ,
ينفع و لا ما ينفعش ؟؟

لأ ما ينفعش !!
لأن النبي اللي ما حدش هيدخل الجنة غير من طريقه بيقول لك :
(( من تشبّه بقومٍ فهو منهم ))[رواه أحمد و أبو داوود و صححه الألباني]

و قال شيخ الإسلام ابن تيمية رحمه الله :
" مشابهتهم في بعض أعيادهم توجب سرور قلوبهم بما هم عليه من الباطل ،
وربما أطمعهم ذلك في انتهاز الفرص واستذلال الضعفاء "[اقتضاء الصراط المستقيم مخالفة أصحاب الجحيم]

.
.
.
.
.
.

- يعني لو هنأتهم و احتفلت معاهم ,
تبقى بتقرهم على باطلهم ,
و بتهنيهم على كفرهم بالله ,
و بتحتفل معاهم بكفرهم بالله !!
- و لو هنأتهم من غير ما تحتفل ,
يبقى حرام , كأنك هنأتهم بالكفر و بتقول لهم :
كل سنة و انتوا كفار و حلوين !!

- و لو عاوز تحتفل بالمناسبة كمناسبة بداية عام و خلاص ,
فالمسألة الراجح فيها عدم الجواز ,
و اقرأ هذا البحث المختصر في حكم التهنئة بالعام ( الهجري ) ,
و قِسْ عليه العام الميلادي :الدرر السنية - حكم التهنئة بالعام الهجري الجديد

فــ لا تحتفل , و لا تهنيء , و احتسب الأجر عند الله إن شاء الله

وخلاص بقى ,
ما حبكتش تتلزق فيهم و تحتفل برأس السنة ,
ما الدنيا مليانة أعياد ,
عندك : عيد سعيد محمود , و محمد عيد السيد , و أحمد عيد عبدالملك كمان :)


ـــــــــــــــــــــــــــــــــــ

موضوع قديم من السنة اللي فاتت 

بس وقته دلوقتي ... 

ـــــ

الراجل ده عنده نفس مشكلتك بالظبط !؟

السلام عليكم و رحمة الله ,

فاكرين أيام الدراسة لما كنت تقعد في لجنة الامتحان ,
و تلاقي الامتحان ( سُقْع ) و مش عارف تحل حاجة,

إيه بيكون شعورك ؟؟

أكيد زهقان و مخنوق و كاره مفسك و عمال تاكل نفسك و ..... إلخ

طب لما تخلص اللجنة و تتكلم مع زمايلك و تلاقيهم كلهم ( ملطّشين ) زي حالاتك ,
إيه هيكون شعورك ؟؟؟
أكيد هتستريح شوية ,
و الزهق و الخنقة هتخف حبتين

طب لييييييييييييييييييييييييه
؟؟؟؟؟؟؟؟؟؟؟؟؟؟؟؟؟؟؟

أصل الامتحان مش صعب عليا لوحدي ,
ده ( صعب عليا و على غيري )

و دي فعلا حقيقة علمية ,
إن الإنسان بتخف معاناته شوية لما بيلاقي غيره بيعاني معاه

زي ما الخنساء قالت لما أخوها مات :
ولولا كثرة الباكين حولي *** على إخوانهم لقتلت نفسي
وما يبكين مثل أخي ولكن *** أُسَلِّي النفسَ عنهُ بالتأسي

تعني أن تَأسِّيها بمن حولها من الذين يشاركونها الحزن على من فقدوا يخفف عنها ,

و علشان كده ربنا قال للكفار :
{ وَلَنْ يَنْفَعَكُمُ الْيَوْمَ إِذْ ظَلَمْتُمْ أَنَّكُمْ فِي الْعَذَابِ مُشْتَرِكُونَ } [الزخرف - 39]

" ولا ينفعكم يوم القيامة اشتراككم في العذاب أنتم وقرناؤكم وأخلاؤكم،
وذلك لأنكم اشتركتم في الظلم، فاشتركتم في عقابه وعذابه.
ولن ينفعكم أيضا روح التسلي في المصيبة،
فإن المصيبة إذا وقعت في الدنيا، واشترك فيها المعاقبون،
هان عليهم بعض الهون، وتسلَّى بعضهم ببعض،
وأما مصيبة الآخرة، فإنها جمعت كل عقاب،
ما فيه أدنى راحة، حتى ولا هذه الراحة.
نسألك يا ربنا العافية، وأن تريحنا برحمتك " [تفسير السعدي]

.
.
.
.
.
.
.
.
.
.

حد يسألني بقى ,
إيه علاقة كل الكلام اللي فوق ده بالموضوع ؟؟

هقول له إن احنا لسه في الدنيا ,
و تأسينا بغيرنا يخفف عنّا ,

لكن المشكلة إننا لما بنقع في مشكلة ,
بيتهيأ لنا إننا لوحدنا فيها ,
و مافيش حد حاسس بينا ,
و إن مافيش حد يستحمل اللي احنا فيه ده ,

لكن الحقيقة هي أنك :
" لست وحدك !!
مهما كان الموقف الذي تمر به الآن غريبا أو محرجا أو مؤلما،
فهناك آخرون يمرون بالموقف ذاته
ويشعرون بالمشاعر ذاتها.

حين تسمع عقلك يقول لك أنا أقف وحدي في هذا الموقف،
فاعلم أنه يكذب عليك لكي تستمر في الشعور بالرثاء لنفسك. "


يعني لما تقعد تعيط لوحدك و تقول :
ليه أنا لوحدي اللي بيتنا فيه مشاكل ؟؟
ليه أنا لوحدي اللي مش بيتقدم لي حد للجواز لحد دلوقتي ؟؟
ليه أنا لوحدي اللي عندي مرض مش راضي يروح ؟؟

لوحدي , لوحدي , لوحدي

يا عم انت مش لوحدك ,

جاركم اللي فوقيكم ممكن يبقى عنده نفس مشكلتك و انت مش عارف

بنت خالتك اللي عامله فرحانة ممكن تكون عندها نفس مشكلتك و انتي مش عارفة ,

زميلك اللي معاك في الكلية أو في الشغل ممكن يكون عنده نفس مشكلتك و انت مش عارف ,

أهم حاجة لازم تعرفها إنك مش انت لوحدك اللي عندك مشاكل ,
و خلينا نكون أكثر دقة :

انت مش لوحدك اللي عندك المشكلة دي ,

غيرك كتيييييييير عندهم ( نفس المشكلة )
لكن انت ما تعرفهمش , 

فليكن لك فيهم أسوة ,

و زي ما هم مستحملين ... حاول تستحمل انت كمان ,

و احمد الله أن عافاك و لم يبتليك بمصيبة أشد ...

.............

نسأل الله أن يعافي كل مبتلى

و لا تنسوا كاتب الموضوع من دعوة صالحة بظهر الغيب :
أن يُصلح الله له شأنه كله و أن يهديه و يتوب عليه ,

و أن يُعِيذهُ من الهم و الحزن و العجز و الكسل

.......... ما تنسوش بالله عليكم ..........

>> حقوق النشر للجميع <<

بشرط عدم التحريف أو التغيير

و يا حبذا لو تذكر رابط المدونة
tazbee6.blogspot.com

أو تذكر أن الموضوع

" منقول من مدونة تظبيط "

ـ

ما تبقاش ( مصلحجي ) و انت بتعامل ربنا !!؟؟

السلام عليكم و رحمة الله و بركاته

العنوان غريب , مش كده ؟؟
عموما شوفوا المثالين دول و احكموا بنفسكم إذا كانوا مصلحجية أو لأ

--------------------------------

المثال الأول :

الواد شحاته ابن متولي كان بيحب البنت بهانة بنت حمدان ,
و كان نفسه يتجوزها و يعيشها في ( أجدعها دار في الكَفْر كُلاته )
فقعد يتقرّب من ربنا و يحافظ على الصلاة ,
و يدعي إنه تكون مراته و إنه يكوّن نفسه بسرعة علشان يروح يتقدم لها
لكن للأسف ما لحقش , و بهانة اتخطبت للواد صميدة ابن أبو سعيد ..
فالواد شحاته جاله إحباط تحت الباط و أزمة في كعب الجزمة و ....
و بطل يصلي !!
أصل الصلاة و الدعاء ما نفعهوش بحاجة !!

قال تعالى :
{ وَمِنَ النَّاسِ مَنْ يَعْبُدُ اللَّهَ عَلَى حَرْفٍ
فَإِنْ أَصَابَهُ خَيْرٌ اطْمَأَنَّ بِهِ
وَإِنْ أَصَابَتْهُ فِتْنَةٌ انْقَلَبَ عَلَى وَجْهِهِ
خَسِرَ الدُّنْيَا وَالآخِرَةَ
ذَلِكَ هُوَ الْخُسْرَانُ الْمُبِينُ } [الحج - 11]

طب حد حاول يعرف إيه السبب ؟؟

السبب مش الإحباط و الاكتئاب و الزعل ,
إنما السبب هو ( العبادة من أجل المصلحة ) , و ليست لله ,

فلما تصيبهم أي فتنة أو محنة , إيمانهم مش بيثبتهم ,
لأنه إيمان هش , مش نابع من القلب ,
لكنه علشان المصلحة


كما يقول صاحب تفسير السعدي :
" ومن الناس من هو ضعيف الإيمان ، لم يدخل الإيمان قلبه، ولم تخالطه بشاشته،
بل دخل فيه إما خوفاً وإما عادةً, على وجهٍ لا يثبت عند المحن ،
{ فَإِنْ أَصَابَهُ خَيْرٌ اطْمَأَنَّ بِهِ } أي: إن استمر رزقه رغدا، ولم يحصل له من المكاره شيء، اطمأن بذلك الخير، لا بإيمانه - فهذا ربما أن الله يعافيه ، ولا يُقَيِّضُ له من الفتن ما ينصرف به عن دينه -
{ وَإِنْ أَصَابَتْهُ فِتْنَةٌ } من حصول مكروه، أو زوال محبوب
{ انْقَلَبَ عَلَى وَجْهِهِ خَسِرَ الدُّنْيَا وَالآخِرَةَ ذَلِكَ هُوَ الْخُسْرَانُ الْمُبِينُ } " [تفسير السعدي]


--------------------------------

المثال الثاني :

الواد حمادة الدحّيح كان نفسه يجيب مجموع في الثانوية العامة ,
فبقى يحافظ على الصلاة و قراءة القرآن و الدعاء و ....
و الحمد لله , النتيجة طلعت و دخل ( طب المريخ) زي ما كان عاوز
و .... و خلاص بقى
بطّل صلاة و دعاء , أصل خلاص أخد اللي كان عاوزه من ربنا !!

صلى وصام لأمر كان يطلبه *** فإذا انقضى الأمر لا صلى ولا صاما

قال تعالى :
{ وَإِذَا مَسَّكُمُ الضُّرُّ فِي الْبَحْرِ ضَلَّ مَنْ تَدْعُونَ إِلا إِيَّاهُ فَلَمَّا نَجَّاكُمْ إِلَى الْبَرِّ أَعْرَضْتُمْ وَكَانَ الإِنْسَانُ كَفُورًا (67)
أَفَأَمِنْتُمْ أَنْ يَخْسِفَ بِكُمْ جَانِبَ الْبَرِّ أَوْ يُرْسِلَ عَلَيْكُمْ حَاصِبًا ثُمَّ لا تَجِدُوا لَكُمْ وَكِيلا (68)
أَمْ أَمِنْتُمْ أَنْ يُعِيدَكُمْ فِيهِ تَارَةً أُخْرَى فَيُرْسِلَ عَلَيْكُمْ قَاصِفًا مِنَ الرِّيحِ فَيُغْرِقَكُمْ بِمَا كَفَرْتُمْ ثُمَّ لا تَجِدُوا لَكُمْ عَلَيْنَا بِهِ تَبِيعًا (69) } [الإسراء]

و للأسف حمادة ده رغم إنه جاب مجموع إلا إنه ( غبي آخر حاجة ) ,
يعني انت كده مش عاوز من ربنا حاجة تانية خلاص ؟؟
ده لسه فيه امتحانات في الكلية , و تقديم في الجيش , و انترفيوهات بعد التخرج و .....
يعني الحاجات اللي انت محتاجها من ربنا ما خلصتش لسه يا خفيف ,
و ربنا زي ما نجاك من الفشل في الثانوية العامة ,
قادر إنه يخليك تفشل في حاجات تانية كتير أهم من الثانوية بمئات المرات ,

" وهذا من جهل الإنسان وكفره , فإن الإنسان كفور للنعم ,
إلا من هدى الله فَمَنَّ عليه بالعقل السليم واهتدى إلى الصراط المستقيم ,
فإنه يعلم أن الذي يكشف الشدائد وينجي من الأهوال هو الذي يستحق أن يفرد وتخلص له سائر الأعمال في الشدة والرخاء واليسر والعسر ,
وأما من خُذِلَ و وُكِلَ إلى عقله الضعيف فإنه لم يلحظ وقت الشدة إلا مصلحته الحاضرة وإنجاءه في تلك الحال ,
فلما حصلت له النجاة وزالت عنه المشقة
ظن بجهله أنه قد أعجز الله ولم يخطر بقلبه شيء من العواقب الدنيوية فضلا عن أمور الآخرة " [تفسير السعدي]


--------------------------------

نسأل الله أن يعافينا و يعفُ عنا ,
و أن يقوي الإيمان في قلوبنا ,
و أن يوفقنا لما يحب و يرضى ,

و لا تنسوا كاتب الموضوع من دعوة صالحة بظهر الغيب :
أن يُصلح الله له شأنه كله و أن يهديه و يتوب عليه ,

و أن يُعِذْهُ من الهم و الحزن و العجز و الكسل

.......... ما تنسوش بالله عليكم ..........

>> حقوق النشر للجميع <<

بشرط عدم التحريف أو التغيير

و يا حبذا لو تذكر رابط المدونة
tazbee6.blogspot.com

أو تذكر أن الموضوع

" منقول من مدونة تظبيط "

ـ

ـ مش أي حد ... يبقى راجل بجد !! ـ

السلام عليكم و رحمة الله

طبعا كلنا عارفين إن الرجولة مش سهلة , 

 
حتى لو شربنا بيريل ,



  و لا هي هزّ كتاف بعد ما نرجع من الـGym ـ,
 
و طبعاً مش بالشنبات ..
 

و ده لسبب بسيط جدا, ألا و هو :

أن ( الرجولة ) لا تعني ( الذكورة )

فليس كل الذكور رجال ,

و كلنا عارفين قول الله تعالى :
{ من المؤمنين رجالٌ صدقوا ما عاهدوا الله عليه } [الأحزاب-23]

" فهؤلاء هم الرجالُ على الحقيقة ،
ومَنْ عَدَاهُم فَـ(صُوَرُهُم) صُوَرُ رجال ،
وأما (الصفات) فقد قَصُرَت عن صفات الرجال "
[ تفسير السعدي ]

يبقى اللي مش عارف يثبت رجولته في ميدان جهاد الكفار
- لأنه مش مفتوح الآن -
ممكن يثبتها في ميدان تاني

.
.
.
.
.
ميدان جهاد النفس



قال ابن الجوزي - رحمه الله - :
" بالله عليك , أتدرى من الرجل ؟
الرجل من إذا (خلا) بما يحبه من المُحرَّم 

و (قدر) عليه 

و (تقلقل) عطشاً إليه ...
(نظر) إلى نظر الله إليه ,
فـ(استحيا) من إجالة هَمِّهِ فيما يكرهه الله ...
فـ(ذهب) العطش !! "

و لما سُئِلَ الإمام أحمد عن الفُتُوَّة ,
لم يقل أنها بالعضلات و لا الشنبات ,
بل قال أنها هي :

" تَرْكُ ما تهوى لِمَا تخشى "

http://www.youtube.com/watch?v=wK6Axw65GpU




نسأل الله أن يَقسِم لنا من خشيتهِ ما يحول بيننا و بين معصيته ,
و أن يُحَبِبَ إلينا الإيمان و يزينه في قلوبنا ,
و يُكرِّه إلينا الكفر و الفسوق و العصيان , 

................

و لا تنسوا كاتب الموضوع من دعوة صالحة بظهر الغيب :  
أن يُصلح الله له شأنه كله و أن يهديه و يتوب عليه , 

و أن يُعِذْهُ من الهم و الحزن و العجز و الكسل  

>> حقوق النشر للجميع <<  

بشرط عدم التحريف أو التغيير  

و يا حبذا لو تذكر رابط المدونة
 tazbee6.blogspot.com

أو تذكر أن الموضوع  

" منقول من مدونة تظبيط "

ـ

شعب همجي ما ينفعش معاه غير الكرباج !؟

السلام عليكم و رحمة الله وبركاته ,

كتير قوي بعد الثورة و خصوصا لما نلاقي مظاهرات
أو إضرابات و اعتصامات أو ....... إلخ ,
بقينا بنسمع كلام زي :

- كلام ساويرس إن المصريين شعب أهوج و منفلت :
https://www.youtube.com/watch?v=xiJ4GPvsWtY

 

أو كلام من الناس العاديين إن :
- ده شعب فرعون ما ينفعش معاه غير الكرباج ,
- دول شوية همج لازم يتساقوا بالعصاية ,
- ده شعب ما ينفعش معاه الذوق ,
و كتير من الكلام اللي زي ده ,

 

و السؤال اللي لازم نسأله :
هل فعلا الكلام ده صحيح ؟؟
و هل فعلا فيه ناس ما ينفعش معاهم غير العين الحمرا ؟؟

تعالوا نشوف موقف مشابه حصل مع الخليفه عمر ابن عبد العزيز
و نشوف هو قال فيه إيه :
.
.
.
.
.
.
.

ﻛﺘﺐ ﺍﻟﺠﺮﺍﺡ ﺑﻦ ﻋﺒﺪﺍﻟﻠﻪ ﺇﻟﻰ ﻋﻤﺮ ﺑﻦ ﻋﺒﺪﺍﻟﻌﺰﻳﺰ :
" ﺇﻥ ﺃﻫﻞ ﺧﺮﺍﺳﺎﻥ ﻗﻮﻡ ﺳﺎﺀﺕ ﺭﻋﻴﺘﻬﻢ
ﻭﺇﻧﻪ ﻻﻳﺼﻠﺤﻬﻢ ﺇﻻ ﺍﻟﺴﻴﻒ ﻭﺍﻟﺴﻮﻁ ،
ﻓﺈﻥ ﺭﺃﻯ ﺃﻣﻴﺮ ﺍﻟﻤﺆﻣﻨﻴﻦ ﺃﻥ ﻳﺄﺫﻥ ﻟﻲ ﻓﻲ ﺫﻟﻚ ؟؟ "

ﻓﻜﺘﺐ ﺇﻟﻴﻪ ﻋﻤﺮ :
" ﺃﻣﺎ ﺑﻌﺪ ﻓﻘﺪ ﺑﻠﻐﻨﻲ ﻛﺘﺎﺑﻚ , ﺗﺬﻛﺮﺃﻥ ﺃﻫﻞ ﺧﺮﺍﺳﺎﻥ ﻗﺪ ﺳﺎﺀﺕ ﺭﻋﻴﺘﻬﻢ , ﻭﺃﻧﻪ ﻻﻳﺼﻠﺤﻬﻢ ﺇﻻ ﺍﻟﺴﻴﻒ ﻭﺍﻟﺴﻮﻁ ,
ﻓﻘﺪ ﻛﺬﺑﺖ !!!
ﺑﻞ ﻳﺼﻠﺤﻬﻢ ﺍﻟﻌﺪﻝ ﻭﺍﻟﺤﻖ ,
ﻓﺄﺑﺴﻂ ﺫﻟﻚ ﻓﻴﻬﻢ ..... ﻭﺍﻟﺴﻼﻡ ."

................
فأي حد يقول لك كده ,
أول حاجة ترد عليه بيها تقول له : ما تعممش !!

مش علشان شوية ناس بتتصرف غلط تحكم على الشعب كله بالهمجية ,
و إلا هتبقى كداب كبيييييييييير

زي ما الرسول - صلى الله عليه و سلم - قال :
(( إن أعظم الناس عند الله فِرْيَةً لرجلٌ هاجى رجلا , فهجا القبيلة بأسرها ،
و رجل انتفى من أبيه و زَنَّى أمه))
[ الراوي:عائشة - المحدث: الألباني -
المصدر: صحيح الجامع - الصفحة أو الرقم: 1569
خلاصة حكم المحدث:صحيح]

يعني علشان واحد بيتصرف بهمجية , 

اتهمت أهل بلده كلهم إنهم زيه !!؟؟

هيقول لك : ماشي , مش هنعمم ,
بس فيه ( بعض ) الناس ما بينفعش معاهم الذوق ,

قل له : لأن ما حدش لسه عودهم على الاحترام ,
لكن اعمل زي ما سيدنا عمر بن عبد العزيز قال :
" بل يصلحهم العدل و الحق , فابسط ذلك فيهم "

يعني انشر فيهم الحق و العدل الأول ,
جرب معاهم الذوق و الاحترام , و ( استفز ) الإنسانية اللي فيهم ,
لأنك عمرك ما هتعامل حد كويس و تحترم آدميته , و تديله حقوقه و تعدل معه و ...... إلخ ,
و في الآخر هيفضل سيء زي ما هو !!

زي ما الأستاذ سيد قطب - رحمه الله - قال :
" عندما نلمس الجانب الطيب في نفوس الناس ،
نجد أن هناك خيرا كثيرا قد لا تراه العيون أول وهلة !…
لقد جربت ذلك . جربته مع الكثيرين …

حتى الذين يبدو في أول الأمر أنهم شريرون أو فقراء الشعور …
شيء من العطف على أخطائهم ، وحماقتهم ،
شيء من الود الحقيقي لهم ،
شيء من العناية – غير المتصنعة – باهتماماتهم وهمومهم …
ثم ينكشف لك النبع الخير في نفوسهم ،
حين يمنحونك حبهم ومودتهم وثقتهم ،
في مقابل القليل الذي أعطيتهم إياه من نفسك ، متى أعطيتهم إياه في صدق وصفاء وإخلاص .

إن الشر ليس عميقا في النفس الإنسانية إلى الحد الذي نتصوره أحيانا ,
إنه في تلك القشرة الصلبة التي يواجهون بها كفاح الحياة للبقاء …
فإذا آمنوا تكشفت تلك القشرة الصلبة عن ثمرة حلوة شهية …
هذه الثمرة الحلوة ، إنما تتكشف لمن يستطيع أن يشعر من الناس بالأمن من جانبه ،
بالثقة في مودته ، بالعطف الحقيقي على كفاحهم وآلامهم ،و على أخطائهم وعلى حماقتهم كذلك …

وشيء من سعة الصدر في أول الأمر كفيل بتحقيق ذلك كله ، 

أقرب مما يتوقع الكثيرون" [أفراح الروح]

لكن للأسف عندنا المسؤولين ( بيستسهلوا ) و يستخدموا العنف ,
و ده أكبر دليل على فشلهم الذريع ,
لأنهم للأسف ما يعرفوش كيفية التعامل مع الآدميين ,

بل إن بعض الناس العاديين يوافقونهم على ذلك ,
و يرون أن الشدة هي الحل الأمثل لصلاح العباد و البلاد ,
و دول أحسن رد عليهم إنك تقول لهم :
كل واحد أدرى بالطريقة اللي تنفع معاه ,

و أخيرا علشان ما حدش يتهمني إني ( بطبطب و أدلع ) ,
أحب أختم بكلام أبي الطيب المتنبي :

ووضع الندى في موضع السيف بالعلا *** مضرٌ كوضع السيف في موضع الندى

فالشدة تكون مطلوبة في بعض الأحيان ...
>>> لكن بعد استنفاذ وسائل اللين <<< .

فـ(( إن الله رفيق يحب الرفق ,
ويعطي على الرفق ما لا يعطي على العنف , 

وما لا يعطي على ما سواه ))
[ رواه مسلم 2593 ]

.......................... 

و جزاكم الله خيرا

و لا تنسوا كاتب الموضوع من دعوة صالحة بظهر الغيب :

أن يُصلح الله له شأنه كله و أن يعذه من الهم و الحزن و العجز و الكسل  

>> حقوق النشر للجميع << 

بشرط عدم التحريف أو التغيير 

و يا حبذا لو تذكر رابط المدونة
 tazbee6.blogspot.com

أو تذكر أن الموضوع 

" منقول من مدونة تظبيط "

ـ