زي ما فيه حاجات صح و حاجات غلط

فيه حاجات غلط ممكن تبقى صح

بس عاوزة شوية

تــظــبـــيــط

ــــــــــــــــــــــــــــ

قبل أن تقرأ المدونة

-- حقٌ على أصحاب الكؤوس أن يتناصحوا --

لا يُعــذَر المسلم في تخليه عن الدعوة إلى الله والأمر بالمعروف والنهي عن المنكر حتـى وان كان مُقصراً في نفسه في بعض الأمور ,

بـل إن الإنسان عليه أن ينهى عن المنكر حتى وان كان هــو واقـع فيــه

فوقوعه في المنكر ذنب وعدم إنكاره على الآخرين ذنب آخر يُسأل عنه,
ولا شك ان على من ينصح أن يسعى جاهداً لتغيير ما بنفسه ليكون قدوةً ومثالاً يُحتذى به.

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

08 August, 2011

ـ هارد لك , رمضان الجاي بقى !! ـ

ملحوظة : الموضوع معاد نشره
---------------------------


السلام عليكم و رحمة الله ,


كل سنة و انتوا طيبين ,
بكره العيد إن شاء الله
و العيد فرحة , هييييييه ,




رمضان خلص خلاص ,
و انفض السوق ,
و قد ربح فيه من ربح , و خسر فيه من خسر ,
و اللي استغل رمضان كويس و اجتهد فيه هيكون من المفلحين إن شاء الله ,
و اللي كسّل و ( أنتخ ) خسر كتير قوي ,

كما أمّن الرسول -صلى الله عليه و سلم- على دعاء جبريل - عليه السلام - :
(( رَغِمَ أنف امريءٍ أدرك رمضان فلم يُغفر له ))
[الراوي: أنس بن مالك - المحدث: الألباني -
المصدر: فضل الصلاة - الصفحة أو الرقم: 15
خلاصة حكم المحدث: صحيح بشواهده]

بس بصراحة الواحد ندمان حبتين ... لأ تلاته و عشر حبات كمان ,
الواحد ما كانش بيصلي كل الفروض في المسجد ,
و كان ساعات بيكسل يروح يصلي التراويح ,
و يعني كان بيتفرج على التلفزيون كتير ,
و ........
بس خلاص بقى , هارد لك ,
رمضان الجاي بقى نبقى نعوضها إن شاء الله,
بس يا ترى مين يعيش !!

.
.
.
.
.
.
.


طبعا الكلام اللي فوق ده مش حقيقي دلوقتي , لأن رمضان لسه ما خلصش ,




لكنه غالبا بيبقى حقيقي في أواخر رمضان ,

تلاقي الواحد مننا في أول رمضان ناوي يختم القرآن حوالي خمس أو ست مرات
و يصلي كل الصلوات جماعة في المسجد ,
و طبعا التراويح في مسجد بيقرأ جزء في الليلة

بس المشكلة إنه أكل كتير النهاردة فمش قادر يصلي التراويح
و الدنيا حر فمش قادر يطلع يصلي الظهر و العصر في المسجد
و مش عارف يلاقي وقت يقرأ في قرآن ,

محتاجين شوية وقت بس علشان نتأقلم !!

و دخلنا في نص رمضان و لسه مش عارفين نظبط الأداء
بس إن شاء الله هيتظبط في العشرة الأواخر إن شاء الله ,

و دخلت العشرة الأواخر و برضو لسه بنسخن
بص , الكسل ده مش نافع , آخر كلام بقى :

احنا نركز على الليالي الفردية علشان نتحرى ليلة القدر ,
و تلاقي رمضان معانا صفصف على ليلة 27 سواء كانت ليلة القدر أو لأ ,
و كل سنة و انتوا طيبين ,



و في الآخر رمضان بيخلص من غير ما نستغله ,
و نرجع نقول الكلام اللي في الأول ده ,
و لا حول و لا قوة إلا بالله .



ربنا يهدينا و يتوب علينا و يوفقنا لما يحب و يرضى ,
و يعيننا على ذكره و شكره و حسن عبادته

و كل عام أنتم بخير


و جزاكم الله خيرا

و لا تنسوا كاتب الموضوع من دعوة صالحة بظهر الغيب
أن يُصلح الله له شأنه كله و يُدخله الجنة و يُجِرْه من النار و جميع المسلمين و المسلمات ..

>> حقوق النشر للجميع <<
لو رأيت أنه يستحق النشر بشرط عدم التحريف أو التغيير


و يا حبذا لو تذكر رابط المدونة





أو تذكر أن الموضوع

" منقول من مدونة تظبيط "

ـ

13 comments:

  1. جزاك الله كل خير على التذكرة

    اعاننا الله واياك على الطاعه

    وربنا يتقبل منا ومنك صالح الاعمال

    ربنا يجعلنا من اهل الجنه

    ReplyDelete
  2. الأخ الفاضل :: TIMMY ::
    تحية رمضانية عطرة
    أسأل الله أن يعيننا جميعًا على طاعته ..
    ويتقبل منا الطاعات ..

    ويتجاوز عن خطايانا ..

    تدوينة متميزة ...

    أطيب الأمنيات

    ReplyDelete
  3. كركبة دماغ
    جزانا و إياكم
    و لعلنا نتعظ بما نعظ به

    ReplyDelete
  4. محمد القويري

    جزاك الله خيرا أخي محمد
    رمضان مبارك إن شاء الله
    جزاك الله خيرا

    ReplyDelete
  5. حَـبآيـۃْ.بـטּـدۉڷ

    فعلا للأسف الواحد همته بتقل مع الوقت ,
    لكن بيرجع يندم في الآخر ,
    ربنا يهدينا و يوفقنا لطاعته
    جزاكم الله خيرا

    ReplyDelete
  6. والله معاك حق

    ربنا يعننا علي عبادته يارب

    ويرزقنا طاعته :)

    ReplyDelete
  7. كل سنة وانت طيب يا تيمي

    عيد سعيد ^_^

    ReplyDelete
  8. السلام عليكم...
    كل عام وأنت بخير أخي
    وعساك من عواده

    ReplyDelete
  9. يا عم العيد خلص خلاص :)
    كل عام وأنتم بخير
    :)

    ReplyDelete
  10. اهو رمضان خلص والعيد كمان

    ربنا يتقبل طاعتنا ويهدينا ويوفقنا لما يحب ويرضى

    ويرزقنا رمضانات عديده ويرزقنا فيها ايمان اقوى وعمل اتقى

    جزاكم الله خيرا على التدوينه الرائعه

    ReplyDelete
  11. عيد سعيد عليك يا تيمي
    متأخر شوية
    بس لا تنسانا من صالح دعائك
    محتاجه أوي
    والله يرعاكم

    ReplyDelete
  12. timmyyyyyyyyyyyyy
    wa7shtny a5er 7agaaaaaaaaaaaa bgddddddddddddddd so much
    I miss u awy bgd,,how r u frind
    I feel angry cuz u didnt ask about me never
    but I want to know some info
    هو اللى مش بيصلى فى جامع ده غلط؟
    c ya
    Peace

    ReplyDelete
  13. Hager ZaǮbal

    جزانا و إياكم
    للأسف ده حالنا كلنا , أو معظمنا ,
    مش بنفوق غير بعد فوات الاوان ... و قد كان :(

    كيارا
    آمين ,
    ربنا يرزقنا الطاعة و الثبات عليها

    سمو الأمير
    كل سنة و انت طيب يا أبوحميد
    و طبعا هي متأخرة قوي :)

    نهار :
    و عليكم السلام
    كل عام و أنتم بخير


    مجرد مدونة :
    ههههههه عارف و الله يا عم رامي
    و شوال كمان قرب يخلص
    بس مافيش نت في الشغل
    و لو فيه نت مافيش وقت ليه لما تشتغل 12 ساعة
    كل سنة و انت طيب

    محبة الرحمن:
    فعلا رمضان انتهى
    نسال الله أن يتقبل منا الصيام و صالح الاعمال
    و يغفر لنا التقصير

    ست البنات:
    عيد سعيد يا أمَّ يَحيى
    و مش متأخرة و لا حاجة , لأني أنا أصلا متأخر
    و ربنا يُصلح لنا شأننا كله و إياكم ,
    و و الله أنا محتاج الدعاء أنا كمان
    ربنا يرحمنا جميعا

    حسام :
    انت اللي واحشني اكثر يا يارجل
    و كل ما أدخل مدونتك مش بلاقي مواضيع جديدة أعلق عليها و نتناقش فيها
    فبلاش تبقى " أنجري " مني الله يكرمك :)
    التمس لأخيك ألف عذر
    و بالنسبة لموضوع الصلاة في جماعة في المسجد فهبقى أرد عليك فيه - على قدر علمي - في مدونتك إن شاء الله
    ادعيلي بس بالله عليك

    ReplyDelete

دلوقتي تقدر تعلق بأكثر من طريقة :
كـ(غير معرف) بدون ما يكون لك حساب خالص
أو بحسابك على الفيس بوك
أو بحسابك على بلوجر
بس عبرني و علق :) ـ

حقوق النشر للجميع


ـ
و لا تنسوا
كاتب الموضوع من دعوة صالحة بظهر الغيب

أن يُصلح الله له شأنه كله و يُدخله الجنة و يُجِرْه من النار و جميع المسلمين و المسلمات ..

>> حقوق النشر للجميع <<
لو رأيت أنه يستحق النشر
بشرط عدم التحريف أو التغيير
و يا حبذا لو تذكر رابط المدونة

tazbee6.blogspot.com


أو تذكر أن الموضوع

" منقول من مدونة تظبيط "

ـ