زي ما فيه حاجات صح و حاجات غلط

فيه حاجات غلط ممكن تبقى صح

بس عاوزة شوية

تــظــبـــيــط

ــــــــــــــــــــــــــــ

قبل أن تقرأ المدونة

-- حقٌ على أصحاب الكؤوس أن يتناصحوا --

لا يُعــذَر المسلم في تخليه عن الدعوة إلى الله والأمر بالمعروف والنهي عن المنكر حتـى وان كان مُقصراً في نفسه في بعض الأمور ,

بـل إن الإنسان عليه أن ينهى عن المنكر حتى وان كان هــو واقـع فيــه

فوقوعه في المنكر ذنب وعدم إنكاره على الآخرين ذنب آخر يُسأل عنه,
ولا شك ان على من ينصح أن يسعى جاهداً لتغيير ما بنفسه ليكون قدوةً ومثالاً يُحتذى به.

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

08 June, 2010

ـ اللهم ( إني أسألك ) رد القضاء !! ـ




السلام عليكم و رحمة الله و بركاته ,

طبعا غالبا معظمكم اتفرجتم على أفلام عربي أو مسلسلات عربي في أي مرحلة من مراحل حياتكم ,
و خلوني أفكركم بمشهد بيتكرر كتير فيها :

تلاقي البطل أو البطله حصلت له مصيبة أو حد من أحبابه ,
فتلاقي التقوى و الصلاح و الخشوع
( حلّ) عليه ,
و رفع إيده للسما و دعا ربنا و قال :

" اللهم إني لا أسألك رد القضاء , و لكن أسألك اللطف فيه "

انتهى المشهد !!
.
.
.
.
.
.

اللذيذ في الأمر إن فيه ناس مفكره إن الدعاء ده حلو قوي ,
و إن الداعي بيه بيبقى ( قنوع ) و مش عاوز يطلب من ربنا كتير ,
فكأنه بيقول له : أنا مش عاوز أطلب منك كتير و لا أطلب منك إنك ترد قضاءك ,
لكن يادوب عاوزك تلطف بيا و تخفف المصيبة , لكن ما تمنعهاش كلها !!

مع إن الكلام ده في الحقيقة سوء أدب مع الله - غير مقصود طبعا من فاعله - ,
لأن الداعي كأنه مش عاوز يتعب ربنا معاه - و حاشا لله - ,

بينما الله عز و جل بيقول لنا إننا لما ندعيه أن نُعظِم الرغبة ,
و ندعي بأعظم حاجة , لأن الله عز و جل مافيش حاجة كبيره عليه , و لا يتعاظمه شيء
كما قال رسول الله - صلى الله عليه و سلم - :
(( إذا دعا أحدكم فلا يقل : اللهم اغفر لي إن شئت , ولكن ليعزم المسألة ,
وليعظم الرغبة , فإن الله لا
يتعاظمه شيء أعطاه ))


[الراوي:أبو هريرة - المحدث: مسلم -
المصدر: صحيح مسلم - الصفحة أو الرقم: 2679
خلاصة حكم المحدث:صحيح]


ممكن واحد تاني يقول :
ماشي , أنا ممكن أطلب من ربنا حاجات عظيمة و طلبات كتيره و كبيرة ,
بس إزاي أطلب منه إنه يرد قضاءه ؟؟
هو ينفع يعني
؟؟

و الجواب : إنه طبعا ينفع
,

زي ما الرسول - صلى الله عليه و سلم - قال :
(( لا يرد القضاء إلا الدعاء ، و لا يزيد في العمر إلا البر ))

[الراوي: سلمان الفارسي - المحدث: الألباني -
المصدر: السلسلة الصحيحة - الصفحة أو الرقم: 154
خلاصة حكم المحدث: حسن]


و أخيرا هذه بعض الروابط التي تتكلم عن الاعتداء في الدعاء و مالا يجوز فيه :


http://www.mktaba.org/vb/showthread.php?t=16135

http://www.mktaba.org/vb/showthread.php?t=4425

http://www.forsanelhaq.com/showthread.php?t=158096


و جزاكم الله خيرا ,
و لا تنسونا من صالح دعائكم ,
أن يوفقنا الله لما يحب و يرضا ,
و أن يُصلح لنا شأننا كله ,
و أن يرزقني النجاح أنا و زملائي في الاختبارات

في أمان الله


17 comments:

  1. عن عبد الله بن مغفل أنه سمع ابنه يقول :
    اللهم إني أسألك القصر الأبيض عن يمين الجنة إذا دخلتها

    فقال :أي بني سل الله الجنة وتعوذ به من النار
    فإني سمعت رسول الله صلى الله عليه وسلم يقول :
    "إنه سيكون في هذه الأمة قوم يعتدون في الطهور والدعاء"

    الراوي: عبدالله بن مغفل المزني
    المحدث: الألباني -
    المصدر: صحيح أبي داود -
    الصفحة أو الرقم: 96
    خلاصة حكم المحدث: صحيح

    ReplyDelete
  2. جزاك الله كل الخير يا اخ تيمى
    حشيرها على الفيس ممكن؟

    ReplyDelete
  3. موضوع رائع وفعلا ومميز وراقي ..

    جزاك الله خير الجزاء وجعله الله في ميزان حسناتك وبارك الله فيك

    ReplyDelete
  4. أخـت فـى الله

    جزانا و إياكم
    و حقوق النشر للجميع ,

    جزاكم الله خيرا

    ReplyDelete
  5. أم الخلود

    جزانا و إياكم ,
    ربنا ينفعنا بما نقول ,
    و يهدينا و يهدي بنا
    جزاكم الله خيرا

    ReplyDelete
  6. (حملة الجسد الواحد)

    أرجوا من المدونين الموقرين أن يضعوا شعار الحملة في الشريط الجانبي لمدوناتهم تضامنا مع أمة محمد !!

    صورة الشعار .. في مدونتي كركر .. ويكتبون فوقها ..

    (حملة الجـسد الواحـد)

    رابط المدونة

    http://krkr111.blogspot.com

    جعله الله في ميزان حسانتكم .. آمين

    ReplyDelete
  7. السلام عليكم شكرا يا تيمي
    موضوع مميز جدا
    كنت لسا هاقترح عليك تعمل صفحة على الفايس بوك فيها كلامك ده وبكده تقدر توصل لناس كتير وتعم الفائدة ويزيد الأجر

    شد حيلك
    والله يرعاك

    ReplyDelete
  8. بارك الله فيك يا اخى
    فينك يا ترى

    ReplyDelete
  9. الأخ الفاضل :: TIMMY ::
    السلام عليكم ورحمة الله

    شكرًا على التنبيه المهم جدًّا ..

    وأنا ألاحظ إنو في ناس كثيرة تمارس هذا الدعاء ..

    وأتمنى لك التوفيق في الاختبارات ..

    أطيب الأمنيات

    ReplyDelete
  10. جزاك الله خيرا ع التذكرة

    انت اخبارك ايه يا تيمي بجد واحشني جدا :)
    يارب تكون بخير

    ReplyDelete
  11. اين انت يا تيمى ؟؟؟

    ReplyDelete
  12. فينك يا تيمي ؟؟

    لعل المانع خير ان شاء الله

    :)

    ReplyDelete
  13. السلام عليكم ورحمة الله وبركاته

    موضوع مهم ياتيمي
    كويس انك تطرقت ليه
    اتمنى الفائدة تعم على الجميع
    جزاك الله كل خير
    ===================================

    ReplyDelete
  14. أم الخلود ,
    ست البنات
    مجرد مدونة
    محمد القويري
    سمو الأمير
    غير معرف
    لؤلؤة السلفية

    جزاكم الله خيرا ,
    و ربنا ينفعنا بما علمنا و يعلمنا ما ينفعنا ,
    و نأسف على التاخر في الردود
    عذراً

    ReplyDelete
  15. انتا فين يا تيمي؟؟
    يارب تكون بخير

    ReplyDelete
  16. السلام عليكم..
    جزاك الله خيرا أخي تيمي
    أسأل الله ان تكون في خير حال ..
    ...
    في أمان الله

    ReplyDelete

دلوقتي تقدر تعلق بأكثر من طريقة :
كـ(غير معرف) بدون ما يكون لك حساب خالص
أو بحسابك على الفيس بوك
أو بحسابك على بلوجر
بس عبرني و علق :) ـ

حقوق النشر للجميع


ـ
و لا تنسوا
كاتب الموضوع من دعوة صالحة بظهر الغيب

أن يُصلح الله له شأنه كله و يُدخله الجنة و يُجِرْه من النار و جميع المسلمين و المسلمات ..

>> حقوق النشر للجميع <<
لو رأيت أنه يستحق النشر
بشرط عدم التحريف أو التغيير
و يا حبذا لو تذكر رابط المدونة

tazbee6.blogspot.com


أو تذكر أن الموضوع

" منقول من مدونة تظبيط "

ـ