زي ما فيه حاجات صح و حاجات غلط

فيه حاجات غلط ممكن تبقى صح

بس عاوزة شوية

تــظــبـــيــط

ــــــــــــــــــــــــــــ

قبل أن تقرأ المدونة

-- حقٌ على أصحاب الكؤوس أن يتناصحوا --

لا يُعــذَر المسلم في تخليه عن الدعوة إلى الله والأمر بالمعروف والنهي عن المنكر حتـى وان كان مُقصراً في نفسه في بعض الأمور ,

بـل إن الإنسان عليه أن ينهى عن المنكر حتى وان كان هــو واقـع فيــه

فوقوعه في المنكر ذنب وعدم إنكاره على الآخرين ذنب آخر يُسأل عنه,
ولا شك ان على من ينصح أن يسعى جاهداً لتغيير ما بنفسه ليكون قدوةً ومثالاً يُحتذى به.

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

12 December, 2009

ـ (مغطية شعرها) لكن (مش محجبة) !!؟؟ ـ


السلام عليكم و رحمة الله و بركاته , 


طبعا الكل عارف أني كنت ( نابغة ) منذ نعومة أظفاري ,
بدليل ( العُلَق ) اللي كنت باخدها في مادة الحساب بالذات ..

و رغم نبوغي المبكر , إلا أن سؤالا كان يطرأ على ذهني و مش عارف له إجابة
و السؤال هو :
لو واحدة ست حلقت رأسها ( زلبطة ) - على الزيرو يعني -
ممكن تمشي في الشارع من غير حجاب و لا لأ ؟؟

و النقطة المحيرة في هذا السؤال هو إني كنت أظن إن الستات لازم ( يغطوا شعرهم )
و يلبسوا إيشارب أو أي حاجة تغطي شعرهم خارج البيت
لكن بقى لو ما كانش عندهم شعر ؟؟؟

و تمر أيام و شهور و سنين ...
و العمر يمشي بيا و أكبر و أبقى شحط طول بـ(نص عرض )
و برضه لسة السؤال مش لاقي له إجابة !!

لحد ما جت اللحظة الحاسمة !!!
و دخلت الكلية ,
و لقيت إن فيه بنات مغطيين شعرهم أيوه
لكن لبسهم ضيق أو شفاف أو قصير أو ..... بطريقة مستفزة ,

ساعتها قلت لنفسي إن أكيد مجرد تغطية الشعر لا تعني التحجب
فليست كل من سترت شعرها متحجبة ,
بل من سترت جسمها كله ,

لا , بل إن الأمر أكثر من مجرد ستر البدن كاملا ,
كما يقول الدكتور محمد إسماعيل المقدم :
" ليس الحجاب الذي نعنيه مجرد ستر لبدن المرأة ..
إن الحجاب عنوان تلك المجموعة من الأحكام الاجتماعية المتعلقة بوضع المرأة في النظام الإسلامي ،
والتي شرعها الله سبحانه وتعالى لتكون الحصن الحصين الذي يحمي المرأة ،
والسياج الواقي الذي يعصم المجتمع من الافتتان بها ،
والإطار المنضبط الذي تؤدي المرأة من خلاله وظيفة صناعة الأجيال ،
وصياغة مستقبل الأمة وبالتالي المساهمة في نصر الإسلام والتمكين له ."
من كتاب الشيخ / محمد بن أحمد بن إسماعيل المقدم " عودة الحجاب " .


فمن سترت شعرها و كشفت جسمها ,
لا ترتدي (( حجاباً ))


بل ترتدي (( غطاءاً للرأس ))



و للمزيد



http://www.saaid.net/female/h43.htm


و ده فلاش جامد جدا :
http://www.saaid.net/flash/Thabaat.htm


انتهى الكلام ,

و جزاكم الله خيرا على القراءة ,
و طبعا >> حقوق النشر للجميع <<
و يا حبذا أن تذكر المصدر :
tazbee6.blogspot.com



و قبل الختام أسألكم الدعااااااااااا ااااااااااااء :
أن يُصلح الله قلبي و عقلي ,
و أن يقيني شر الشيطان و شر نفسي
و أن يُصلح الله لي شأني كله , أنا و جميع المسلمين و المسلمات ,

و جزاكم الله خيرا

13 comments:

  1. .










    قال رسول الله :
    "مامن عبد مسلم يدعو لاخيه بظهر الغيب إلا قال الملك : ولك بمثل "











    .

    ReplyDelete


  2. تيمي باشا

    ربنا يجازيك خير و عندك حق في كل اللي ذكرته

    و نتمنى نشوف مجتمع مسلم متحجب فعلا مش مظهر بس

    ربنا يبارك فيك و يكتب لك الخير اينما كنت و ييسر امورك امين

    ReplyDelete
  3. السلام عليكم

    تيمي يا تيمي

    واحشني علي فكره

    هو طبعا عندك حق في كل الي قلته

    ولسانا داب من كتر ما قولناه

    علي فكره البوست كمان ضحكني هههههههههههههههه

    حلوه نبوغك المبكر ديه علي اساس ابو بكر الرازي مثلا ههههههههههه

    وتصدق السؤال بتاع الزلبطه ده كان بييجي علي بالي انا كمان

    فيه سؤال تاني بييجي علي بالي

    لما طفل او طفله يعلموهم تعاليم الاسلام

    ويعرفوا صفات الحجاب الشرعي وييجوا الابناء يشوفوا صوره لأمهم وهي لبسها ضيق وطرحتها قصيره يقولوا ايه

    وكذلك لو بينقدوا البنات الي بتلبس كده وشافوا صور لأمهم بالشكل ده

    هيقولوا ايه

    D:

    كالعاده موضوعاتك انت عارف رأيي فيها

    ربنا يكرمك ويجزيك بكل حرف حسنه وبكل تذكره لحد

    انت كمان بقي ادعيلي بظهر الغيب

    وابقي طمنا عليك دايما

    تحياتي القلبيه

    ReplyDelete
  4. كنت اتمنى لو الموضوع كان بإستفاضة شوية كمان
    لكن يمكن..ما قل ودل :)

    ليت قومى يعلمون

    ReplyDelete
  5. جزيت خيرا على التدوينه :)

    ReplyDelete
  6. باشا

    جزاك الله خير

    ومعاك حق في كل كلمه

    كتير فعلا بيبقوا مغطيين شعرهم ومش محجبات

    والله انا شفت منتقبات ولبسهم ضيق

    ربنا يهدينا جميعا

    تحياتي

    ReplyDelete
  7. اللهم أمين
    ربنا يكرمك ويسعدك دايما ويفك كربك
    جزاك الله خيرا على الموضوع
    وطرحك هايل كالعادة

    ReplyDelete
  8. السلام عليكم تيمي
    مختصر مفيد جدا :)
    ربنا يعزك بالإسلام ويعز بك الإسلام
    دعواتك

    ReplyDelete
  9. جزاك الله خيراً,
    واصلح الله حالنا وحالك وحال الجميع,
    اللهم اهدنا واهدي بنا.

    ReplyDelete
  10. السلام عليكم ورحمة الله وبركاته

    المرأة الكاملة الشريفة هي التي يرجى خيرها ويؤمن شرها ،
    فهي توصل النفع للآخرين ، وتكف أذاها عنهم


    دائماً أجد بوست أروع من سابقه
    \
    أستئذنك لنشر بوستات مدونتك مع ذكر المصدر إن شاء الله لعم الفائدة
    يسعدني دائماً زياؤة مونتك تيمي

    /***********************************

    ReplyDelete
  11. اللهم آمين يارب العالمين
    لنا ولك ولجميع المسلمين
    بالضبط ياتيمى وهذه
    ينسحب عليها ايضاً
    (لابسة من غير هدوم)
    والعياذ بالله منها.

    ReplyDelete
  12. امسح الموقع ده يا تيمي
    http://www.al-hejab.com/

    تقريبا بيحول على بحث !!

    ReplyDelete
  13. Anonymous :
    جزاكم الله خيرا
    تقريبا الموقع اتمسح
    جزاكم الله خيرا على التنبيه
    جاري إزالة الرابط

    ReplyDelete

دلوقتي تقدر تعلق بأكثر من طريقة :
كـ(غير معرف) بدون ما يكون لك حساب خالص
أو بحسابك على الفيس بوك
أو بحسابك على بلوجر
بس عبرني و علق :) ـ

حقوق النشر للجميع


ـ
و لا تنسوا
كاتب الموضوع من دعوة صالحة بظهر الغيب

أن يُصلح الله له شأنه كله و يُدخله الجنة و يُجِرْه من النار و جميع المسلمين و المسلمات ..

>> حقوق النشر للجميع <<
لو رأيت أنه يستحق النشر
بشرط عدم التحريف أو التغيير
و يا حبذا لو تذكر رابط المدونة

tazbee6.blogspot.com


أو تذكر أن الموضوع

" منقول من مدونة تظبيط "

ـ