زي ما فيه حاجات صح و حاجات غلط

فيه حاجات غلط ممكن تبقى صح

بس عاوزة شوية

تــظــبـــيــط

ــــــــــــــــــــــــــــ

قبل أن تقرأ المدونة

-- حقٌ على أصحاب الكؤوس أن يتناصحوا --

لا يُعــذَر المسلم في تخليه عن الدعوة إلى الله والأمر بالمعروف والنهي عن المنكر حتـى وان كان مُقصراً في نفسه في بعض الأمور ,

بـل إن الإنسان عليه أن ينهى عن المنكر حتى وان كان هــو واقـع فيــه

فوقوعه في المنكر ذنب وعدم إنكاره على الآخرين ذنب آخر يُسأل عنه,
ولا شك ان على من ينصح أن يسعى جاهداً لتغيير ما بنفسه ليكون قدوةً ومثالاً يُحتذى به.

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

06 November, 2009

ـ كيف تصبح ( بتاعاً ) !! ـ



قبل أن نبدأ الخطوات ,
أحب أن أوضح أن هذا الموضوع كان مُعداً في البداية للحديث عن كل صاحب قلمٍ أو رأي منحرفٍ ,
يرى نفسه ( أبو العريف ) و يرى أنه ( مُسَأّفاً ) - مثقف يعني - و ( سابق عصره و أوانه ) ,
ثم تفرع بي الموضوع و ( وسع مني )
إذ أن غالب هؤلاء ( المسأفين ) يتنوعون ما بين :
( مسأف سادة ) و مجرد جاهلٍ جهلا مركباً ,
أو ( مسأف محشي ) بليبرالية أو علمانية أو اشتراكية أو ( بتاعية ) ,
لذا فقد اخترت لفظ ( بتاع ) كاسمِ جامع لكل هؤلاء السابقين ,

و الآن ...
دعونا ( نخش في الموضوع ) ,

مع الخطوات العملية لكي تصبح ( بتاعاً ) :
ـــــــــــــــــــــــــــــــــــــــــــــــــــــــــــــــــــــــــــــــــــــ


أن تتكلم و تتناقش ( بطراطيف مناخيرك ) لأنك ( أبو العريف )
 و باقي الناس ( مش من مستواك ) الفكري و الثقافي .ـ

ـــــــــــــــــــــــــــــــــــــــــــــــــــــــــــــــــــــــــــــــــــــ

أن تُكثر من ذكر الكلمات التالية في حديثك : ديموقراطية , استراتيجية , أيدلوجية , و أي ( بتاعية ) .ـ

ـــــــــــــــــــــــــــــــــــــــــــــــــــــــــــــــــــــــــــــــــــــ

أن تقرأ لكبار ( المسأفين ) أمثال :
 (عميل ) الأدب العربي , و نجيب ( محظوظ )
 و أن تحفظ أسماء بعض رواياتهم ( لزوم الفزلكة ) .ـ

ـــــــــــــــــــــــــــــــــــــــــــــــــــــــــــــــــــــــــــــــــــــ
أن تتعدى كَوْنك
 ( مسأف لوكال ) إلى ( مسأف انترناشيونال )
 بأن تحفظ أسماء بعض الروايات العالمية و كُتابها ,
 كالحرب و ( الكلام ) , و أَنّا ( خرتيتا ) ,
و في هذه النقطة لا يُشترط أن تقرأ الروايات ,
لأن ( ماحدش بيقرأ الحاجات دي دلوقتي ) .ـ

ـــــــــــــــــــــــــــــــــــــــــــــــــــــــــــــــــــــــــــــــــــــ
أن يكون قدوتك رجلاً غربياً , ( مش بلدي ) .....
 جيفارا أو مارتن لوثر كينج ( ممكن يقضوا الغرض ) ,ـ

ـــــــــــــــــــــــــــــــــــــــــــــــــــــــــــــــــــــــــــــــــــــ
لابد أن يكون لك باعٌ في السياسة , و إن لم يكن فاحفظ هذه الكلمة و رددها عن ظهر ( كلب ) :
 " أنا ضد إدخال الدين في السياسة " .ـ

ـــــــــــــــــــــــــــــــــــــــــــــــــــــــــــــــــــــــــــــــــــــ
يجب أن تتذوق ( الفن ) , خاصةً العاري منه !!ـ

ـــــــــــــــــــــــــــــــــــــــــــــــــــــــــــــــــــــــــــــــــــــ
أن تكون ( كلك ذوق ) مع الجنس ( الظريف ) ,
 علشان تبقى ( تري جنتيل ) .ـ

ـــــــــــــــــــــــــــــــــــــــــــــــــــــــــــــــــــــــــــــــــــــ
أن تؤمن أن العائق بين المسلمين و بين ارتياد الفضاء ليس عائقا تقنياً ,
 ( ورش أبو علامة شغالة آخر حلاوة ) ,
 و لكن العائق في أن نساءنا ( محجبات ) ,
 و صاروخ الفضاء حالف ( يمين طلاق تلاته ما هو طالع غير لما يقلعوا ) !!ـ

ـــــــــــــــــــــــــــــــــــــــــــــــــــــــــــــــــــــــــــــــــــــ
أن تؤمن بمقولة ( الدين لله ) و ( الوطن للجميع )
 و شرع الله لا دخل له في الوطن و لا في القانون و لا في أي حاجة .ـ

ـــــــــــــــــــــــــــــــــــــــــــــــــــــــــــــــــــــــــــــــــــــ
أن تحذف عبارة ( لا إله إلا الله ) و تصبح ( الله إله ) ,
و فيه آلهة تانية ( عاتشي ) ... خليك كوول يا مان .ـ

ـــــــــــــــــــــــــــــــــــــــــــــــــــــــــــــــــــــــــــــــــــــ
أن تتخنق من الكلام اللي فوق ده كله و يتحرق دمك .ـ

ـــــــــــــــــــــــــــــــــــــــــــــــــــــــــــــــــــــــــــــــــــــ
أن تحذف موضوعي من المنتدى أو تغلقه لو كنت مشرف ,ـ

ـــــــــــــــــــــــــــــــــــــــــــــــــــــــــــــــــــــــــــــــــــــ
أن تشتمني و تشتم اللي خلفوني بعد أن تقرأ هذا الموضوع ,
 و مش بعيد تقول عليا إرهابي و متخلف و رجعي و ...
 مع إن ( أناغلبااااااااا اااااااااااان ) ـ

ـــــــــــــــــــــــــــــــــــــــــــــــــــــــــــــــــــــــــــــــــــــ
و ....

و إلى اللقاء




و طبعا
>> حقوق النشر للجميع <<
و حبذا لو تذكر رابط المدونة :
6azbeet.blogspot.com


..........

28 comments:

  1. TIMMY !!November 6, 2009 at 3:36 PM

    .







    قال أحد السلف :
    اعمل من المعاصي بقدر ماتطيق من العقوبة,
    واعص الله في مكان لايراك فيه








    .

    ReplyDelete
  2. ايوميNovember 6, 2009 at 5:05 PM

    البتوع دول كتروا اوي ومش محتاجين علام يا هندسه دي بس واحد اتنين للمبتدئين بتوعهم,أما مسأفينهم بجد فخلاص عدوا.

    ReplyDelete
  3. د. ياسر عمر عبد الفتاحNovember 6, 2009 at 5:42 PM

    تصدق إن البتاع البوست بتاعك ده جامد جداً :)
    نسيت المصطلحات الأتية
    البرجوازية والبوليتاريا والتغيرات الراديكالية والميكالفيلية والإيديولوجيات الراهنة

    الناس دي بجد ربنا يهديها

    ReplyDelete
  4. د/عرفهNovember 6, 2009 at 11:52 PM

    هههههههههه

    جامد يا تيمى والله


    مهو العجيب انه لازم تكون شبه فارق حسنى علشان تكون من المثقفين

    وتلاقيهم يسموا نفسهم النخبة المثقفة نفسى اعرف مين اللى سماهم كده وعلى اى اساس




    بس برضه متحاولش انى رجعى رجعى يعنى

    ReplyDelete
  5. mohamed ghaliaNovember 7, 2009 at 2:16 AM

    ههههههههههه ماشى يا إرهابى هبلغ عنك هههههههههههههه

    ReplyDelete
  6. z!zOoOoNovember 7, 2009 at 6:24 AM

    السلام عليكم

    ازيك يا تيمي يارب تكون بخير

    انا جيت اسلم عليك واسئل عليك

    وليا عوده بإذن الله عشان اعقب علي البتاع قصدي الموضوع بتاعك

    لكن صدقني ايدلوجيتك بتعبر عن حضرتك

    D:


    زي رنتك بإسم حضرتك

    :)

    تحياتي

    ReplyDelete
  7. محمد سعد القويريNovember 7, 2009 at 10:44 AM

    الأخ الفاضل :: TIMMY !! ::
    صباح الخيرات
    وبعد
    أخي أمتعتنا ورسمت البسمات علينا غصبًا عنّا ..
    نعم .. هؤلاء البتاعات .. قد ملؤا الدنيا وما زالوا يملؤنها ..
    إلا أنك جردتهم وجلدتهم وأدبتهم

    ولك مني أجمل تحية

    ReplyDelete
  8. TIMMY !!November 7, 2009 at 12:47 PM

    ايومي :
    على رأيك , دول المبتدئين ,
    إنما ( النخبة ) فـ(شيعوا) خالص !!
    ربنا يعافينا

    ReplyDelete
  9. TIMMY !!November 7, 2009 at 12:48 PM

    د.ياسر :
    ربنا يخليك يا ياسر ,
    و بالنسبة للمصطلحات , فلو دخلنا فيها مش هنخلص :)

    الحمد لله الذي عافانا مما ابتلى به غيرنا

    ReplyDelete
  10. TIMMY !!November 7, 2009 at 12:50 PM

    د.عرفة:

    للأسف يا محمد اللي زرع الناس دي و سماهم النخبة هو الغرب ,
    بداية من رفاعة الطهطاوي مرورا بقاسم أمين و طه حسين و إلى الآن ,
    أما بالنسبة لكونهم النخبة , فهم حقا ( نخبة المشيعين ) :)

    ReplyDelete
  11. TIMMY !!November 7, 2009 at 12:51 PM

    محمد غاليا :
    كلنا إرهابيين في الهوا سوا يا محمد :) :) :)

    ReplyDelete
  12. TIMMY !!November 7, 2009 at 12:52 PM

    z!zOoOo

    و عليكم السلام و رحمة الله و بركاته ,
    أنا الحمد لله بخير , و ربنا يكرمك على سؤالك و اهتمامك ,
    المهم إنك تكون بخير , و أيدلوجيتك متظبطة انت كمان :)

    ReplyDelete
  13. TIMMY !!November 7, 2009 at 12:54 PM

    محمد القويري :
    أهلا و سهلا بك أخي الكريم ,
    و شكرا على تعليقك المشجع ,
    و حمدا لله أن الموضوع قد أثار ضحكك كما أتمنى أن يثير أعصاب أولئك البتوع :)

    تحيتي لك أخي محمد ,

    ReplyDelete
  14. Sweet VioletNovember 7, 2009 at 1:33 PM

    و ما اكثر البتوع فى هذا العصر
    ولازمن ولا بدن تتقبلهم كابتوع
    يااما تكون جاهل جاهل جاهل
    اصل البتوع مش عارفين للأسف ان فى حاجة اسمها الرأى و الراى الاخر

    ReplyDelete
  15. TIMMY !!November 7, 2009 at 4:05 PM

    Sweet Violet

    هم للأسف قدروا يعملوا لنفسهم ( برستيج ) و هالة من العظمة المزيفة حولهم بسبب سيطرتهم على الإعلام و غيره من الأجهزة ,

    لكن نصيحة عند النقاش معهم لا تتعاملي بمبدأ الرأي و الرأي الآخر , لأن رأيهم لا يرقى ليكون رأيا أصلا كما هي عقولهم

    ReplyDelete
  16. AnonymousNovember 8, 2009 at 10:47 PM

    تصدق بقى حضرتك جبت المفيد
    جزيت خيرا

    ReplyDelete
  17. AbuSohylNovember 10, 2009 at 3:15 PM

    حقيقة يجب أن نسمي عصرنا "عصر البتاع" ؛ او لنقل "الحقبة البتاعية" كما من المعقول أن نسمي عامنا هذابj "عام الخنزير" !!..
    ذلك ان عدوى "البتاعية" في زمننا فاقت في انتشارها عدوى "انفلونزا الخنازير" ؟؟!!..
    إلى الأمام يا تيمي :)

    ReplyDelete
  18. TIMMY !!November 10, 2009 at 4:47 PM

    غير معرف :

    جزاكم الله خيرا للمرور ,

    و الحمد لله إن كلامي كان مفيد ,

    شكرا جزيلا لحضرتك

    ReplyDelete
  19. TIMMY !!November 10, 2009 at 4:50 PM

    AbuSohyl

    يا 100000000000000000 أهلا و سهلا أخي الكريم و الحبيب جداااااااااااااااااااا إلى قلبي :)

    و الله أحبك في الله يا أبا سهيل , و ربنا يكرمك و يُصلح لك شأنك كله و إيانا ,

    ما تعرفش أنا سعيد قد إييييييييييييه بمرورك :) :) :)


    و بالنسبة للحقبة البتاعية التي نعيشها , فعندك حق ,
    ربنا يهدينا و ينجينا ,

    و جزاك الله خيرا كثييييييييييييييرا أخي الكريم ,

    ReplyDelete
  20. AnonymousNovember 11, 2009 at 4:17 AM

    من اروع مواضيعك

    ربنا يهديك الى ما يحبه ويرضاه ويوفقك

    ReplyDelete
  21. TIMMY !!November 11, 2009 at 10:21 AM

    غير معرف :

    جزاك الله خيرا على المتابعة ,
    و نفعنا الله بما نكتب , و نفع غيرنا ,

    و جزاكم الله خيرا على الدعاء ..
    ربنا يستجيب منا و منكم ..

    ReplyDelete
  22. لو عرفوه هيحبوهNovember 11, 2009 at 7:06 PM

    السلام عليكم ورحمه الله وبركاته

    جزاكم الله كل خير

    تابعونا فى الحمله ومع البدايه الشيقه فى الدعوه للاسلام

    يسعدنا تواجدكم

    ReplyDelete
  23. ghorBtyNovember 13, 2009 at 2:53 AM

    السلامـ عليكمـ

    موضوع متظبط تمام جدا

    ويارب البتوع يفهموا ويخلصونا من ثقافتهم التافه

    وان كان في عرفهمـ التمسك بالدين والشرع جهل فخيرا لنا ان نعيش جهلاء احسن من نعيش بلا عقل يفكر الا في الاهواء

    الله يثبتا ويهدي الجميع

    ReplyDelete
  24. norahatyNovember 13, 2009 at 7:26 AM

    البتاع والبتوع
    دول وللأسف صوتهم
    عالى ياتيمى
    فى الاذاعة
    والجرايد
    والفتزيووووووون
    وبينجحوا فى جذب انتباه
    الشباب وللدلالة على كده
    بص على كام واحد حاطط صورة
    (جيفارا)كرمز للتحرر والثورة
    التى لا تموت!!ياسلاااااااااااااام
    كلام حلو بيغسلوا به عقول شباب كتير

    ReplyDelete
  25. البيرونيNovember 14, 2009 at 3:46 PM

    عفارم عليك و الله الواحد زهق مت البتوع دول دول بقوا التلاتة بقرش و كل ماتشوف برنامج حواري يطلعل و احد زي البتاع و يقولك أنا أعترض أنا لابد ان أقول رأي , ربنا يزيحهم من وشنا ولأو ربنا يهديهم
    جزاكم الله خيرا على البوست الممتع الهادف جدا جدا

    ReplyDelete
  26. TIMMY !!November 16, 2009 at 2:07 PM

    لو عرفوه هيحبوه ,

    غربتي ,

    د. نور ,

    البيروني ,


    جزاكم الله خيرا , هم فعلا البتوع دول كتروا فعلا ,
    و العقول الخاوية كثير و مستعده لتشرب ما يقولون للأسف ,

    ربنا يهدينا و يهدي الجميع

    ReplyDelete
  27. د.نوراDecember 3, 2009 at 2:14 AM

    يااااه حضرتك فعلت احسنت في التعبير عنهم ... حقا انهم بتوع

    انا بتخنق جدا لما بشوفهم بيتكلموا و فاكرين انهم صح و ان الناس كلها تؤيدهم...
    فعلا .. الحمد لله الذي عافانا

    ReplyDelete
  28. TIMMY !!December 12, 2009 at 11:02 AM

    د.نورا :

    فعلا ناس كتير بتتخنق منهم ,
    لكن الجماعة دول للأسف كما في الحديث " قلوبهم قلوب الشياطين في جثمان إنس " .. صدق رسول الله

    ReplyDelete

دلوقتي تقدر تعلق بأكثر من طريقة :
كـ(غير معرف) بدون ما يكون لك حساب خالص
أو بحسابك على الفيس بوك
أو بحسابك على بلوجر
بس عبرني و علق :) ـ

Subscribe to: Post Comments (Atom)

حقوق النشر للجميع


ـ
و لا تنسوا كاتب الموضوع من دعوة صالحة بظهر الغيب
أن يُصلح الله له شأنه كله و يُدخله الجنة و يُجِرْه من النار و جميع المسلمين و المسلمات ..

>> حقوق النشر للجميع <<
لو رأيت أنه يستحق النشر
بشرط عدم التحريف أو التغيير
و يا حبذا لو تذكر رابط المدونة

tazbee6.blogspot.com


أو تذكر أن الموضوع

" منقول من مدونة تظبيط "

ـ