ـ حبيتك من أول نظرة !! ـ

ركبت حماري من غير بردعة ...
و سحبت ورايا نسواني الأربعة ..
لمحت عيونك وسط المعمعة ...
الحب نط في قلبي زي الضفدعة .




النهاردة إن شاء الله هنتكلم عن :

>> الحب من أول نظرة <<

فيه ناس بتكون مثلا بتتفرج على فيلم أو مسلسل ,
و تشوف البطل أو البطلة و تتعلق بيهم جدا ,
و تلاقيهم يجيبوا صورهم و يعلقوها في الغرفة ,
و يحطوا صورهم على الموبايل و في النت و في كل مكان ,

أو واحد أو واحدة يكون في الكلية أو الشغل و يبص لزميلة ليه ,
و يتعلق جدا بشكلها , و صورتها تعلق في ذاكرته ,
و يقعد يفكر فيها على طول

الحالات اللي زي دي كتيرة ,

و طبعا الكلام ده مش اسمه حب ....

إنما اسمه (( تعلق )) , أو زي ما الفقهاء سموه (( عشق الصور ))
إن الواحد يتعلق بجمال شخص تاني ,
و ما يعرفش حاجة عن أخلاقه و لا طريقة تعامله و لا أي حاجة ,
لكن شكله بس يعلق في دماغه ,

و عموما الكلام ده احنا اتكلمنا عليه قبل كده ,
اللي عاوز يقرأ أكثر عن الحب و أنواعه يتفضل يقرأ الموضوع ده :
حب إيه اللي انت جاي تقول عليه :
1- الجزء الأول
2- الجزء الثاني
3- الجزء الثالث


لكن احنا النهاردة هنتكلم عن :

>> علاج الحب من أول نظرة ده <<
أو علاج التعلق بصور الأشخاص :

- أول حاجة تخيل حبيب القلب ده مثلا و هو بيتثائب و مناخيرة واسعة و بقه مفتوح و عينيه مغمضة ,
تخيل بس ...



تخيله مرة تانية و هو بيعطس و بيفتح بقه و مناخيره و بيغمض عينه و بيقول : هاتشييييييييي




تخيل الشخص اللي انت متعلق بصورته و شكله في أي وضع سيء ,

زي ما ابن مسعود رضي الله عنه ما بيقول :
" إذا أعجبت أحدكم امرأة، فليتذكر مناتنها "

تخيل مناتنه ... و بلاش نفصل أكثر في حكاية المناتن دي علشان الناس ما تتقرفش

علشان إيه ؟؟ .... ما تتقرفش ,

أيوااااااااا هو ده الغرض ,
إنك تتخيل صورة الشخص اللي انت متعلق بيه في حالة مقرفة علشان ما تتعلقش بيه .


- تاني حاجة لازم تعملها إنك تقفل الباب ,
الباب اللي فتحته و تعلقت بصورة الممثلة الفلانية أو بنت الجيران أو ....
و تبعد عن مصدر الفتنة زي التليفزيون و المسلسلات و الأفلام ,
أو أماكن الاختلاط , و تحاول قدر المستطاع تغض بصرك فيها ,
و ما تقولش أنا جامد و زي إخواتي و مش هبص و ....
لأن زي ما بيقول ابن الجوزي :
" من قارب الفتنة , بَعُدَت عنه السلامة ,
و من ادعى الصبر وُكِلَ إلى نفسه "


- آخر حاجة علشان ما نطولش عليك ,
إنك تتوب لربنا و تستغفره ,
و تعلم إن تعلق القلب بصور الأشخاص ده إبتلاء ,
فتدعي ربنا إنه يتوب عليك منه و يرفعه عنك ,


و الموضوع ممكن يكبر أكثر من كده بكتير ,
بس أنا مش عاوز أطول أكثر من كده علشان الزهق ,
جزاكم الله خيرا للمتابعة و القراءة ,

و لا تنسونا بالله عليكم من دعوة بظهر الغيب أن يُصلح الله لي شأني كله ,

و طبعا :
>> حقوق النشر للجميع <<
و حبذا لو تذكر رابط المدونة :
tazbee6.blogspot.com

.......................

.

ـ كيف تصبح ( بتاعاً ) !! ـ

قبل أن نبدأ الخطوات ,
أحب أن أوضح أن هذا الموضوع كان مُعداً في البداية للحديث عن كل صاحب قلمٍ أو رأي منحرفٍ ,
يرى نفسه ( أبو العريف ) و يرى أنه ( مُسَأّفاً ) - مثقف يعني - و ( سابق عصره و أوانه ) ,
ثم تفرع بي الموضوع و ( وسع مني )
إذ أن غالب هؤلاء ( المسأفين ) يتنوعون ما بين :
( مسأف سادة ) و مجرد جاهلٍ جهلا مركباً ,
أو ( مسأف محشي ) بليبرالية أو علمانية أو اشتراكية أو ( بتاعية ) ,
لذا فقد اخترت لفظ ( بتاع ) كاسمِ جامع لكل هؤلاء السابقين ,

و الآن ...
دعونا ( نخش في الموضوع ) ,

مع الخطوات العملية لكي تصبح ( بتاعاً ) :
ـــــــــــــــــــــــــــــــــــــــــــــــــــــــــــــــــــــــــــــــــــــ

أن تتكلم و تتناقش ( بطراطيف مناخيرك ) لأنك ( أبو العريف )
و باقي الناس ( مش من مستواك ) الفكري و الثقافي .ـ

ـــــــــــــــــــــــــــــــــــــــــــــــــــــــــــــــــــــــــــــــــــــ

أن تُكثر من ذكر الكلمات التالية في حديثك : ديموقراطية , استراتيجية , أيدلوجية , و أي ( بتاعية ) .ـ

ـــــــــــــــــــــــــــــــــــــــــــــــــــــــــــــــــــــــــــــــــــــ

أن تقرأ لكبار ( المسأفين ) أمثال :
(عميل ) الأدب العربي , و نجيب ( محظوظ )
و أن تحفظ أسماء بعض رواياتهم ( لزوم الفزلكة ) .ـ

ـــــــــــــــــــــــــــــــــــــــــــــــــــــــــــــــــــــــــــــــــــــ

أن تتعدى كَوْنك
( مسأف لوكال ) إلى ( مسأف انترناشيونال )
بأن تحفظ أسماء بعض الروايات العالمية و كُتابها ,
كالحرب و ( الكلام ) , و أَنّا ( خرتيتا ) ,
و في هذه النقطة لا يُشترط أن تقرأ الروايات ,
لأن ( ماحدش بيقرأ الحاجات دي دلوقتي ) .ـ

ـــــــــــــــــــــــــــــــــــــــــــــــــــــــــــــــــــــــــــــــــــــ

أن يكون قدوتك رجلاً غربياً , ( مش بلدي ) .....
جيفارا أو مارتن لوثر كينج ( ممكن يقضوا الغرض ) ,ـ

ـــــــــــــــــــــــــــــــــــــــــــــــــــــــــــــــــــــــــــــــــــــ

لابد أن يكون لك باعٌ في السياسة , و إن لم يكن فاحفظ هذه الكلمة و رددها عن ظهر ( كلب ) :
" أنا ضد إدخال الدين في السياسة " .ـ

ـــــــــــــــــــــــــــــــــــــــــــــــــــــــــــــــــــــــــــــــــــــ

يجب أن تتذوق ( الفن ) , خاصةً العاري منه !!ـ

ـــــــــــــــــــــــــــــــــــــــــــــــــــــــــــــــــــــــــــــــــــــ

أن تكون ( كلك ذوق ) مع الجنس ( الظريف ) ,
علشان تبقى ( تري جنتيل ) .ـ

ـــــــــــــــــــــــــــــــــــــــــــــــــــــــــــــــــــــــــــــــــــــ

أن تؤمن أن العائق بين المسلمين و بين ارتياد الفضاء ليس عائقا تقنياً ,
( ورش أبو علامة شغالة آخر حلاوة ) ,
و لكن العائق في أن نساءنا ( محجبات ) ,
و صاروخ الفضاء حالف ( يمين طلاق تلاته ما هو طالع غير لما يقلعوا ) !!ـ

ـــــــــــــــــــــــــــــــــــــــــــــــــــــــــــــــــــــــــــــــــــــ

أن تؤمن بمقولة ( الدين لله ) و ( الوطن للجميع )
و شرع الله لا دخل له في الوطن و لا في القانون و لا في أي حاجة .ـ

ـــــــــــــــــــــــــــــــــــــــــــــــــــــــــــــــــــــــــــــــــــــ

أن تحذف عبارة ( لا إله إلا الله ) و تصبح ( الله إله ) ,
و فيه آلهة تانية ( عاتشي ) ... خليك كوول يا مان .ـ

ـــــــــــــــــــــــــــــــــــــــــــــــــــــــــــــــــــــــــــــــــــــ

أن تتخنق من الكلام اللي فوق ده كله و يتحرق دمك .ـ

ـــــــــــــــــــــــــــــــــــــــــــــــــــــــــــــــــــــــــــــــــــــ

أن تحذف موضوعي من المنتدى أو تغلقه لو كنت مشرف ,ـ

ـــــــــــــــــــــــــــــــــــــــــــــــــــــــــــــــــــــــــــــــــــــ

أن تشتمني و تشتم اللي خلفوني بعد أن تقرأ هذا الموضوع ,
و مش بعيد تقول عليا إرهابي و متخلف و رجعي و ...
مع إن ( أناغلبااااااااا اااااااااااان ) ـ

ـــــــــــــــــــــــــــــــــــــــــــــــــــــــــــــــــــــــــــــــــــــ
و ....

و إلى اللقاء




و طبعا
>> حقوق النشر للجميع <<
و حبذا لو تذكر رابط المدونة :
6azbeet.blogspot.com


..........

ـ في قمري تنينٌ يبدو ( شعر ) ـ

السلام عليكم و رحمة الله ,

و اعذروني فإن موضوع اليوم ليس من باب الـ(تظبيط) ,
فقد لاحظت أن لي زمنا لا أضع شعرا في مدونتي هذه ,
لذا فقد أحببت أن يكون موضوع اليوم هو آخر قصيدة كتبتها ,


و هي بعنوان :
في قمري تنينٌ يبدو


تمهيد : يقولون أن الإنسان عندما ينظر إلى القمر فإنه يتخيل الظلال التي على سطحه أشكالاً تعكس ما بداخل نفسه ,
و شخصيا فإني عندما أنظر إلى القمر أرى وجه تنين(*) ,
وفي هذه القصيدة أراه يكلمني :


في قمري تنينٌ يبدو *** لا ينفثُ حراً أو نارْ

تُبصرهُ في البدرِ تجلى *** كظلالٍ وسْط الأنوارْ

ينظرُ للدنيا في عَجَبٍ *** و يشدُ إليه الأنظارْ

و ينادي أنْ صمتاً إني *** مُخبرُ بجليلِ الأخبارْ

لا يوجدُ في الدنيا خيرٌ *** من غير وجودِ الأشرارْ

أو ضوءٌ محضٌ قد يخلو *** من ظلٍ خلْف الأستارْ

و الصرحُ الشامخُ إنْ يعلو *** حتماً في يومٍ مُنهارْ

و الدهرُ لئِن أحسنَ يوماً *** فسيشهدُ بؤساً و دمارْ

و الزرعُ لئن أثمرَ زهراً *** فسيُتبَعُ حتماً ببَوارْ

فالدنيا لا تصفو أبداً *** و العَيْشُ لئيمٌ غدارْ

هذا ما رُمتُ مقالتهُ *** فأصِخْ لخطيرِ الإنذارْ

إني بالأرضِ على علمٍ *** هيَ منيَ تحتَ الأنظارْ

فاحذرها , لا تجعل منها *** متكأً .... ما لك أعذارْ


قد يظن البعض أن القصيدة تشاؤمية بعض الشيء ,
لكني أقول أنها (( واقعية )) ,
!!!

ــــــــــــــــــــــــــــــــــــــــــــــــــــــــــــــ
(*) تنين فمه متجه لليمين و جسمه ملتف في اليسار

.............