زي ما فيه حاجات صح و حاجات غلط

فيه حاجات غلط ممكن تبقى صح

بس عاوزة شوية

تــظــبـــيــط

ــــــــــــــــــــــــــــ

قبل أن تقرأ المدونة

-- حقٌ على أصحاب الكؤوس أن يتناصحوا --

لا يُعــذَر المسلم في تخليه عن الدعوة إلى الله والأمر بالمعروف والنهي عن المنكر حتـى وان كان مُقصراً في نفسه في بعض الأمور ,

بـل إن الإنسان عليه أن ينهى عن المنكر حتى وان كان هــو واقـع فيــه

فوقوعه في المنكر ذنب وعدم إنكاره على الآخرين ذنب آخر يُسأل عنه,
ولا شك ان على من ينصح أن يسعى جاهداً لتغيير ما بنفسه ليكون قدوةً ومثالاً يُحتذى به.

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

06 August, 2009

ـ لابسين من غير هدوم !!ـ




ـ( لابسين من غير هدوم

كان هذا هو اسم الفيلم الجديد للمخرج " الجريء" : خايب طالح ,
و الذي أثار ضجة واسعة عقب إعراب المخرج عن رغبته في إعطاء دور البطولة " للفتانة " : تافهه صايع ,
و التي ستقوم فيه بتمثيل عدة مشاهد و هي .....
" لابسة من غير هدوم " !!!

لكن كالعادة ,,,,
لم يتوانى أعضاء حزب " أعداء النجاح "
و أصحاب " العقول الظلامية " عن محاولات الحجر على " الإبداع " !!


فأثاروا الرقابة " المحترمة " ضد الفيلم " البريء" ,
فقامت الرقابة " مشكورةً " بحذف تلك المشاهد من الفيلم ,
أُمَّال ,,, أشرف من الشرف مافيش !!!


لكن كعادة الإبداع الجامح الذي لا يمكن إيقافه ,
تمكن المخرج
" العبقري " من الخروج من هذا المأزق ,
فابتكر بمساعدة مصمم الأزياء : عبده فتلة , زياً جديدا للبطلة , و هو :
زِيّ " اللاهدوم " !!

و " زِيّ اللاهدوم " ببساطة هو :
أن يتم رسم الهدوم بالطلاء على جسد الفنانة ,
فتبدوا و كأنها ترتدي ملابس ,
بينما هي في الحقيقة لا ترتدي شيئا

و في سؤال من أحد الصحفيين للمخرج قائلا :
- ماذا لو " قفشتك " الرقابة و عرفت إنك مش ملبسها حاجة ؟؟
هتتصرف إزاي ساعتها ؟؟

فأجاب ببساطة :
- ساعتها هنلبسها زي ما معظم البنات بيلبسوا : بادي و استريتش ,
فنكون استبدلنا طبقة الطلاء " اللي قفشوها " بطبقة قماش ملاصقة تماما للجلد زي الطلاء بالظبط .
و في الحالتين ... مافيش فرق !!!


........................... انــــتــــهــــى الحوار ...........................

لكن قبل ما نمشي عاوزين نسأل :
حد عارف ليه ربنا عز وجل توعد الكاسيات العاريات بعقاب أكثر من العاريات صراحةً ؟؟

فخصّهن بأنهن (( لا يَدْخٌلْنَ الجنة و لا يَجِدْنَ ريحها ))


- من رأيي و الله أعلم ممكن يكون فيه أسباب كتير , منها :
إن النفس مفطورة على النفور من النظر للأجساد العارية تماما ,
بينما تتطفل النفوس و تتطلع للنظر لبعض ما تعرى من الأجساد ,

و إن الكاسية العارية لن تلاقي معارضة من جهة العادات و التقاليد , على عكس العارية تماما ,

و ممكن برضه لأن العارية بتبقى عارفة إن فعلها ده غلط و لا تستحله , فاحتمال تتوب منه في يوم من الأيام ,
بينما الكاسية العارية بتكون شايفة نفسها " ما بتعملش حاجة غلط " فإزاي هتتوب من ذنب هي لا تراه ذنبا ؟؟

و ......

لو عندكم إضافات ياريت تقولولنا عليها و هستأذنكم أضيفها للموضوع ,




و لا تنسوا كاتب الموضوع الأصلي من دعوة صالحة
إن ربنا يتوب علينا و يهدينا و يوفقنا لما يحب و يرضى ..
و يشفنا و يشفِ مرضى المسلمين ,
و يرحم موتانا و موتى المسلمين .

و طبعا >> حقوق النشر للجميع <<
لو رأيت إنه يستحق النشر

بس ياريت تذكر رابط المدونة :

أو على الأقل تذكر إنه :
ـ" منقول
من مدونة تظبيط "ـ
......................

تحيتي

....

29 comments:

  1. السلام عليكم
    تسلم ايدك
    يا بشوش
    والله الموضوع جميل وأحلى حاجه التعليق اللى انته كتبه فعلا الانسان بيحب يشوف الشىء المختفى عن الشء الظاهر.
    عشان كده احلى حاجه الزواج المبكر
    انته طبعا هتشتغل وتقبض الوفات وتتجوز على طول واخوك عمال يعمل اضرابات عشان متين جنيه .
    على فكره ان امش بقر
    اللهم عافنىا فى ابداننا واسماعناوابصارنا
    وجزاك الله الخير

    اخوك فى الله
    محمد فوزى

    ReplyDelete
  2. و عليكم السلام و رحمة الله و بركاته يا باشمهندس محمد ,
    و بلاش "بشوش" دي هنا :) أنا هنا "تيمي" و بس :)
    انت شايف بقى إن الجواز المبكر هو الحل, أنا معاك برضه , بس يكون الواحد قادر يصرف على نفسه و على بيته , و ما يخلفش أطفال ,

    و بعدين احنا فينا من القر و لا إيه ؟؟ ما أنا مرتبي زي مرتبك و لا وصل ألوفات و لا حاجة ... مانت عارف البير و غطاه :) ,
    و بعدين زعلان علشان أضراباتكم آخرتها تزودكم 200 جنيه ليه ؟؟ مش عارجبك سيب الجامعة خالص , حد كان ضربك على إيدك و قال لك اطلع الأول و بقى معيد :) ؟؟

    جزانا و إياكم يا محمد ,
    و بجد أنا فرحان إن أول تعليق منور باسمك يا زعيمي :) ,

    في أمان الله ,
    أخوك : بشوش :) :) :) - اسم على غير مسمى -

    ReplyDelete
  3. ويمكرون ويمكر الله
    يا واد يا تيمي يا جامد
    والله طول عمرك جامد
    وكلامك جامد


    متغبش عننا بقي الله يكرمك تاني

    ReplyDelete
  4. رد حضرتك على السؤال اللى سالته صحيح تماما وهى دى وجهة نظرى بالضبط

    وطرح حضرتك للموضوع هايل

    اسلوب حضرتك فى عرض اى موضوع بيعجبنى جدا

    يعنى حتى لو بتناقش موضوع كل الناس ناقشته قبل كدة بيبقى بطريقة مختلفة

    ReplyDelete
  5. عارف انا بفتح البلوج دى ليه

    عشان الايموشن
    ههههههه
    والله انت مشكلة .. بس مش قلت اسامى يعنى

    هاه

    ولا ايه فى مخبرين

    ReplyDelete
  6. السلام عليكم

    موضوع اللبس ده بجد حارق دم الناس كلها....
    تفتكر طيب ايه الحل ؟ المفروض كل واحدة لابسة كده أقولها ولا ايه؟ هما ملهمش أهل ولا أهاليهم مش بيبصوا عليهم؟
    ساعات كتير بلاقي الأم ماشاء الله عليها لابسة عباية مثلا وماشية مع بناتها وبتختار لهم كمان الباديهات !!!
    والأب اللي نازل مع بناته البحر وهما بالمايوهات وفرحان بيهم...

    بس تعرف
    هو زي مانتا قلت
    الإعلام هو اللي خلى البنات تلبس كده
    وخلى الأهالي والناس تحس أنها حاجة عادية جدا...

    بجد...البوست ساخر وجميل جدا
    وواقعي جدا

    ربنا يسلمك ويشفيك ويهديك واحنا والمسلمين

    ReplyDelete
  7. د. ياسر عمر عبد الفتاح

    عندك حق يا ياسر ,
    هم هيضحكوا على مين ؟؟

    ربنا يهدينا و يهدي الجميع ,

    و شكرا على الإطراء ياياسر ,
    بس اسمح لي , كلامي ممكن يكون جامد ... آه
    إنما أنا جامد .... لا , أفعالي غير أقوالي للأسف :( ,

    و بعدين أنا معاكم أهه ياياسر , هغيب عنكم فين يعني ؟؟؟
    آديني مرزوع معاكم :)

    ReplyDelete
  8. ههههههههههههههههه
    دول بس بينسوا ياعمنا
    ايه ده خليك اسبور بقى
    هههههههههههههههههههههههه
    ربنا يهدى بججد

    ReplyDelete
  9. السلام عليكم ورحمه الله وبركاته
    ---I تيمى
    الموضوع رائع بس ناقصه حاجه واحده بس هيه الحل؟؟
    والحل هوه اقناعها إن فعلها ده غلط وازاى تساعدها للخروج منه.
    ---II تيمى & ست البنات
    الاعلام وسيلة لها هدف , والاعلام هدفه لا يخفى على احد
    لاكن مش الاعلام هوه الى هو اللي خلى البنات تلبس كده لان الاعلام مثل اى فتنه تساعد على البعد عن الله
    والبعد عن الله يعمل اكتر من كده

    ReplyDelete
  10. شـقـاوة مـراهـقـةAugust 6, 2009 at 11:31 PM

    تعديييييل :

    هقلل من قيمته

    احم احم

    بث كده .. وناسف للازعاج

    ReplyDelete
  11. شـقـاوة مـراهـقـةAugust 6, 2009 at 11:31 PM

    ربنا يباركلك ويكرمك يكل خير يارب ..

    وربنا يهدينا جميعا ..

    ليك اسلوب مختلف ومميز .. ومقنع جداااااااااااااااااااااا ..

    ربنا يجعله في ميزان حسنااااااتك يارب ..

    بجد مش لاقيه كلام اقوله ..

    كلامك كفايه جدا ولو قلت اي حاجه قهلل من قيمته

    تحياتي جدا جدا لحضرتك

    ReplyDelete
  12. اه نسيت اقولك بجد جزاك الله خير
    وينفع بيك الامة

    ReplyDelete
  13. يا عم ارجوك لو تعرف لعبدو فتلة اي مكان تعرفني علطول وتطمن قلبي


    موضوعك رائع كالعادة
    وبرغم اني جاية اسلم من غير ما اقرا لان مفيش وقت ولاني من اول ما قريت اول سطر كملت الموضوع كله
    كعادتي هنا


    عموماانا كل اللى شيفاه من موضوع الكاسيات العاريات ده

    انها فعلا معتقدة انها عادي
    بل وسعات بتعتقد انها غلط وبتصمم تفضل ذي ما هي
    بتكون مسلوبة الارادة

    شيطانها ونفسها الامارة بالسوء مغلغلاها

    كل سنة وانت طيب
    واعذرني لغيابي اللى مش بأيدي
    انا عشان ازورك هنا بت عند تيتا عشان الاقي جهاز كمبيوتر
    دعواتك معانا نشتري جهاز بقه

    سلام عليكم

    ReplyDelete
  14. سلام عليكم

    مفيش بعد كلامك كلام غير حسبى الله ونعم الوكيل

    وربنا يتوب على المسلمين

    ReplyDelete
  15. أختكم فى الله ,
    جزاكم الله خيرا على المرور ,
    و الحمد لله إ، الموضوع لم يكن مملا و قارب الصواب ,

    شكرا جزيلا لحضرتك ,
    و السلام عليكم

    ReplyDelete
  16. المبرمج المحترف

    حمدا لله على سلامتك و عودتك يا عمر :)
    و الحمد لله إن الموضوع بيجذبك ,
    و إن الأيموتيكونز بتجيب نتيجة :) ,
    و سيبك من الاسم , ... مش فارقة !!

    ReplyDelete
  17. ست البنات :
    و عليكم السلام و رحمة الله و بركاته يا دكتورة أم يحيى ,

    الحمد لله , و شهد شاهد من أهلها ,
    إذا كان انتم بنات و اللبس بتاعهم بيستفزكم ,
    فما بالكم بالصبيان بقى :( :(
    ربنا يهدينا و يهدي الجميع ,

    أما بالنسبة للست اللي لابسة عباية و بتشتري لبناها باديهات , دي متهيأ لي بينطبق عليها عبارة : الشيخوخة هي مرحلة جبرية للاستقامة :( :(

    شكرا جزيلا على مرورك و إضافاتك و دعواتك يا دكتورة ,

    جزاكِ الله خيرا بجد ,

    ReplyDelete
  18. mohamed ghalia

    هههههههههه
    على رأيك يا محمد , خلينا سبور و بلاش تزمت و تعقيد :) :) :)

    ربنا يهدينا و يهدي الجميع

    ReplyDelete
  19. Hosam

    و عليكم السلام و رحمة الله و بركاته يا حسام ,
    و أنا معاك إن الموضوع ناقص , بس للأسف مسألة الحل دي صعبة شويتين ,
    لأنه مش هييجي غير من الجانب الديني عن طريق الالتزام بالدين , و للأسف ناس كتير مش كفاية إنك تقول لهم إن الحاجة دي حرام ,
    عاوزين حاجة أعلى من حلال و حرام , و للأسف ناس زي دول بتبقى صعب إقناعهم شوية ,

    و بالنسبة لدور الإعلام فأنا أتفق معاك يا حسام إن مش هو السبب الرئيسي , لأن فيه إعلام هادف و بناء , و إعلام هدام بينشر الرذيلة ,
    و النوع التاني ده اللي احنا ضده ,

    شكرا جزيلا على المشاركة يا حسام و على النقاش البناء اللي بسعد دائما معاك فيه

    ReplyDelete
  20. السلام عليكم جزاك الله خيرا على البوست دايما اسلوبك ماشاء الله فى عرض افكارك
    ربنا يهدى الجميع ويصلح الاحوال اللهم امي يارب العالمين

    ReplyDelete
  21. ياسلام.المواضيع....

    انا اتفق معك فى السباب الى فى الاخر

    دى...

    جزيت خيرا..

    امل

    ReplyDelete
  22. الموضوع ده اول ما قرأته

    جه في بالي ويمكرون ويمكر الله والله خير الماكرين

    ربنا يهدي الجميع

    ReplyDelete
  23. حبيب قلبى الجميل
    وحشتنى جداااااااااا رمضان كريم وكل سنة وانت طيب
    موضوع جديد ولذيذ وبصراحة وجهو نظر المخرج غريبة جدا والرقابة اغرب
    مهو اما يلبسها طبقة تبان انها عريانة زى فيلم ليلة البيبى دول
    اما حاب ربنا فربنا يسمحهم
    بجد موضوع جميل
    تحياتى صديقى

    ReplyDelete
  24. الأخ الفاضل :: TIMMY ::
    تحية مباركة طيبة
    وبعد

    سعدت بقراءة هذه التحفة لنقد إعلامنا اللا هادف ..

    سخرية لاذعة وفي محلها ..

    بورك قلمكـ

    ReplyDelete
  25. افــــــادك الله
    ياباشمهندس فما وّارى
    عن الانظار يجذب الانظار!
    يا سبحــــان الله
    (يَعْلَمُ خَائِنَةَ الْأَعْيُنِ
    وَمَا تُخْفِي الصُّدُورُ )
    الله يفتح عليك كمان وكمان
    وعليناوعلى المسلمين أجمعين.

    ReplyDelete
  26. حلو جدا
    النفس من خصائصها الفضوول
    وحب التطلع
    يعني
    زي ما قلت العارية تبين ما لديها
    فسهل للنظر و سهل للاستكشاف
    لذايمل بسرعة
    بينا الكاسيات العاريات
    تبين تفاصيل ما لديها
    ولكنه لا يظهر
    فتحتاج مجهود للنظر
    وهنا تترك لخيالك العنان
    _ _ _ _
    وهنا يظهر فريق ليقول
    الحرية بأن تفعل ما تريد
    وليس من حق أي فرد النظر لها
    كما أن وجود ذئاب متطلعين لا يعطي لأحد الحق في قهر حريتها
    يمكن الحديث في هذا الاتجاه لو حكمناعلى الرجال بإلغاء انجذابهم الطبيعي للنساء
    و أن ننشر بينهم ثقافة
    متتجوزش ست عشان دا عيب
    اتجوز راجل اهو منك وعليك

    أي نعم نحن نعيب على أي فرد لا يغض بصره
    ولكن أيضا نعيب على من يمشي مبرزا مفاتنه ومستعرضا لها
    فيه مبدأ غلط حد قاله
    اللي باين من حق كل الناس تشوفه و ممكن كمان تقول رأيها فيه
    يلا خير
    محدش عارف الخير فين

    ReplyDelete
  27. انا هاقولك حاجه يا حاج

    دا اجمل بوست قريته في حياتي عن الكاسيات العاريات

    انت انسان محترم

    بجد رحمتني من فقع المرارة اللي عمال اقراه من الصبح

    ReplyDelete
  28. ماشاء الله ولا قوة الا بالله , ربنا يكرمك , اسلوبك رائع ماشاء الله

    ReplyDelete
  29. :)

    الموضوع حلو كده زي ما هوا

    فكرتني بحاجة زمان كانت شاغلة تفكيري بخصوص تقليعات الحجاب اللي كل يوم في جديد

    لما تلاقي واحدة لابسة طرحة مثلا ومطلعة قُصة من تحت الطرحة ، بتلفت النظر اكتر من اللي كاشفة شعرها

    يمكن الموضوع مختلف هههههه بس مربط الفرس ان الشيئ المكشوف طبيعي ولا يثير الفضول لان الخيال مبيشتغلش والصورة زي ما هيا مفيش جديد .

    بس المغطى كله أو بعضه يلفت الانظار ويثير الفضول و بتلاقي الخيال اشتغل الله ينور وممكن يرسم صورة افضل من الواقع بالف مره وكل واحد بيبتدي يدي ابعاد للمغطى بافضل صورة يتمناها

    وهنا الكارثة .. انك حركت الاحساس المحسوس والغير محسوس هههههههههه تعبيرات غريبة يمكن ليها مرجع نفسي او تكون مجرد تخاريف


    ما علينا .. المهم انك كفيت ووفيت

    وجزاك الله خيرا

    ReplyDelete

دلوقتي تقدر تعلق بأكثر من طريقة :
كـ(غير معرف) بدون ما يكون لك حساب خالص
أو بحسابك على الفيس بوك
أو بحسابك على بلوجر
بس عبرني و علق :) ـ

حقوق النشر للجميع


ـ
و لا تنسوا
كاتب الموضوع من دعوة صالحة بظهر الغيب

أن يُصلح الله له شأنه كله و يُدخله الجنة و يُجِرْه من النار و جميع المسلمين و المسلمات ..

>> حقوق النشر للجميع <<
لو رأيت أنه يستحق النشر
بشرط عدم التحريف أو التغيير
و يا حبذا لو تذكر رابط المدونة

tazbee6.blogspot.com


أو تذكر أن الموضوع

" منقول من مدونة تظبيط "

ـ