زي ما فيه حاجات صح و حاجات غلط

فيه حاجات غلط ممكن تبقى صح

بس عاوزة شوية

تــظــبـــيــط

ــــــــــــــــــــــــــــ

قبل أن تقرأ المدونة

-- حقٌ على أصحاب الكؤوس أن يتناصحوا --

لا يُعــذَر المسلم في تخليه عن الدعوة إلى الله والأمر بالمعروف والنهي عن المنكر حتـى وان كان مُقصراً في نفسه في بعض الأمور ,

بـل إن الإنسان عليه أن ينهى عن المنكر حتى وان كان هــو واقـع فيــه

فوقوعه في المنكر ذنب وعدم إنكاره على الآخرين ذنب آخر يُسأل عنه,
ولا شك ان على من ينصح أن يسعى جاهداً لتغيير ما بنفسه ليكون قدوةً ومثالاً يُحتذى به.

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

26 June, 2009

ـ علشان ( نفلح ) لازم ( نقلع ) !! ـ




--------------------------

السلام عليكم و رحمة الله ,
قبل أن أبدأ الموضوع

نسألكم الــــــــــدعـــــــــــــــــــــاء

للطفل يحيى , ابن الدكتورة ست البنات الذي أصيب في حادث

و كذا أخو الأخت سلمى الذي أصيب في حادث بالأمس

نسألكم الدعااااااااااااااااااااء

أن يشفيهم الله و يعافيهم و يسلمهم و سائر مرضى المسلمين

--------------------------
ـ
.
.
.
.


كان يا ماكان ,
في ( حاضر ) العصر و الأوان ,

كثرت حوادث السرقة و ( التثبيت ) ,
و كَثُرَ البلطجية ولاد ( ستين تيت ) ,

و كان البلطجية و ( الحراميين ) ,
بيخبوا المطاوي و السكاكين ,
تحت الهدوم في مكان أمين ,

و لما الحرامي يقترب من الضحية ,
يطلع السكينة المستخبية ,
و يهدد , و يسرق , و تنتهي العملية ,

و بعد البحث
و التمحيص ,
و الفحص و ( التفعيص ) ,

توصل السيد ( المحروس ) ,
المتحضر ( المُسأَّف ) صاحب الفلوس
لحل ما يوصل له بقر و لا جاموس !!

قال لك : سيبنا من ( تقاليد ) الأمس و هنبدا من اليوم ,
نمشّي الناس في الشارع من غير هدوم ,

و بكده لا هيقدر قُرَني و لا عَطوة
يخبّي في هدومة سكينة و لا مَطْوة

و هنعيش في سلام و أمان ,
و يبقى منظرنا ( متحضر ) و آخر جنان
,
و طالما ( قَلَعْنا ) يبقى أكيد هنطلع القمر كمان !!

ـ
...........


ملحوظة :
ما حدش يستغرب من القصة و الحل الذكي ده ,
لأني لسه سامع حل ذكي من أحد ( المُسأّفين ) بيقول : إننا لازم نمنع النقاب علشان نمنع المجرمين من التخفي في هذا الزي !!
و كأن أساس المشكلة قد انتقل من مطاردة المجرم إلى مطاردة الزي الذي ( يُظن ) أن ( بعضهم ) قد يتخفى فيه
!!!
و الجدير بالذكر إن الحرامية دول غلابة ,
لو منعوا النقاب هيحطوا إيدهم على خدهم و هش هيلاقوا طريقة تانية للسرقة و النصب

متهيأ لي برضه لازم يمنعوا الصعاية من التلفيعه بالعمامة ,
و يمنعوا الناس تلبس نظارة شمس
مع كاب على راسهم ,
و بالمرة فيه مجرمين بينتحلوا صفة ظابط شرطة و يسرق أو ينصب على الناس بلبس الشرطة ,
أنا بقول برضه يمنعوا الشرطة من لبسهم
علشان فيه بعض المجرمين بيتخفوا فيه !!! . . . . .


الحمد لله الذي عافا عقولنا من العفن الذي أصاب عقولهم

......

20 comments:

  1. يا سلام ع الذكء والفقاقة

    دول ناس عيموتوا ويخلوا الناس زيهم من غير هدوم

    تحياتى

    ReplyDelete
  2. السلامـ عليكمـ

    يا سلام علي الحلول المتينه ..

    بجد جابوا الديب من ديله ويارب يكلهم ويخلصنا من عقولهم ..

    الحمد لله الذي عفانا ..

    لو كان لهم عقول يفقهون بها لعلموا ان الحل في كل المشاكل هي تطبيق الشرع وحدود الله وليس محاربه الشرع وكسر الحدود

    الم يعلموا حد السرقه ؟؟

    ولو طبق لم يجرا احد علي السرقه كل واحد هيخاف علي ايده مادام الخوف من الرقيب اقل في قلوب الناس الا من رحم ربي

    ربنا يسترها من اللي جاي ..

    ReplyDelete
  3. (الحمد لله الذى عافانا
    مما ابتلى به غيرنا)
    هى هجمة وموضة وهوجة
    على الاسلام ممن يحسبون
    عليه من اهله ومن أعداءه

    ReplyDelete
  4. حمدلله على السلامة
    ويارب تكون بخير .

    ReplyDelete
  5. عارف ياتيمى
    (الصنبور)اى الحنفية
    باظت عندنا فى الشغل
    وكان الحل العبقرى للمدير
    شيلوهاااااااااااااااااا
    مالها لازمة وسابونا من غير ميه:(
    عرفت بلدنا وناسنا بيفكروا ازاى؟

    ReplyDelete
  6. معاك حق يا ريس
    احنا مثقفينا ماشاء الله عليهم عندهم حلول جوهريه لكل حاجه
    وبطرق عبقريه

    اسلوبك في الحكي رائع
    تقبل مروري

    ReplyDelete
  7. أضحك الله سنك يا هندسة :)

    بجد هم يبكي :( وهم يضحك :))


    ربنا يهدي الجميع ويصلح الحال ...

    كثير من الناس تنتهج هذا النهج و يختفون وراء التحضر , وهم ممن تتنطبق عليهم الآية :
    إنَّ الَّذِينَ يُحِبُّونَ أَنْ تَشِيعَ الْفَاحِشَةُ فِي الَّذِينَ آمَنُوا لَهُمْ عَذَابٌ أَلِيمٌ فِي الدُّنْيَا وَالْآخِرَةِ وَاللَّهُ يَعْلَمُ وَأَنْتُمْ لَا تَعْلَمُونَ"

    بس اللي مستغربله , وأشك فيه إن الكثير منهم ضعاف النفوس مش عايزين ينشروا الفاحشة ولاحاجة ,,, هو بس عايز يمتع نظرة شوية , و مزة راحة , لأ مزة جاية !!


    ربنا يهدينا ويهديهم يارب :)

    ReplyDelete
  8. أسألكم الدعاء لطفلي يحيى لإصابته في حادث وأرجوك أن توصي الصالحين بذلك وأسأل الله ألايحرمك الأجر
    ست البنات/كيدكن عظيم

    ReplyDelete
  9. تصدق

    حل نموذجي

    وجاي في وقته تمام

    الحر هيموتنا

    اقلع معايا اقلع

    ReplyDelete
  10. ايه الحل العبقرى ده؟؟اعتقد ان كل رجاله مصر هيأيدوه.
    بالنسبه لموضوع النقاب ي اخى عالم غلسه ورخمه صعبان عليهم الناس اللى لابسه عاوزين كله قالع قلة ادب,تلاقى كل واحد فيهم رافع يافطه ومكتوب عليها:
    باسم الحريه اقلعى الهدوم المستخبيه.
    وفعلا ربنا يعافينا من الننح اللى نزل على دماغهم.

    ReplyDelete
  11. ايه الأفكار الجامدة دى
    ههههههههههههههههههه
    ربنا يستر على البلد

    ReplyDelete
  12. لا حول ولا قوة الا بالله
    يعنى اللى بيفكر ياخد الزى الاسلامى ساتر علشان يعمل اللى بيعملوا
    هيغلب يفكر فى حاجة تانية بردو ؟؟


    ربنا يهديهم
    v_v

    ReplyDelete
  13. الف حمدلله ع السلامه يا تيمي

    والحمدلله فعلا زي ماقلت

    الناس دي مابقتش عارفه تعمل ايه عشان تعمل تقمع للدين ف البلد

    ربنا يخذلهم ان شاء الله

    سلام

    ReplyDelete
  14. ربنا يشفى يحي وكل اطفال المسلمين جميعا يارب انت القادر على كل شىء
    اما البوست بتاعك بجد جديد من نوعه فكرتنى بفيلم عادل امام التجربه الدنماركيه لما كانت بتقوله احنا عندنا يوم مخصوص بينفضوا نفسهم من الذنوب بخلع الهدوم فعلا والله عندك حق ربنا يعافينا من الناموس اللى فى دماغهم ده
    بحييك على البوست الجميل ده

    ReplyDelete
  15. السلام عليكم و رحمة الله


    اولا الحمد لله ع سلامتك و اتمنى يكون الجيش ما اثر عليك :))


    --------


    اسلوب اكثر من رائع و خاتمه ولا اروع انا شخصياً عجبنى الحل دا :((

    ---
    الحمد لله الذى عفانا

    بوركت:)

    ReplyDelete
  16. ربط رائع منك


    وحل عبقرى منهم



    يا مثبت العقل فى الدماغ

    ReplyDelete
  17. فعلاً بقينا نسيب اصول الاشياء ونمسك فى الفروع
    ربنا يرشدنا دايما للخير

    ReplyDelete
  18. المسأفين كتبروا اليومين دول يا تيمي

    والسآفة نفسها اتغيرت عن اللى كنا نعرفها او نسمع عنها

    فبأي عادي جدا يحصل كده

    ومش بعيد عشان حوادث السيارات كترت يطلعوا قرار بان التوك توك يبأي هو وسيلة النقل الوحيدة :D

    ReplyDelete
  19. حبيب قلبى وصديقى اللى مبيسالش عليا ابدا
    وحستنى اخر حاجة
    موضوعك جميل كالعادة ونفس الفكرة بتعتك جت فى قصة رحلة ابن فطومة لنجيب محفوظ بس مكنتش عشان المطاوى والحجات دى
    وحشتنى جدا
    طمنى عليك
    سلام

    ReplyDelete
  20. الحمد لله الذي عافا عقولنا من العفن الذي أصاب عقولهم

    الحمد لله فعلا

    ربنا يهدينا ويهديهم ويهدى الجميع

    لاحسن الحال لو فضل كدا هتكون النتيجة ضياع اكتر واكتر..


    جزاك الله خيرا يا تيمى...

    ReplyDelete

دلوقتي تقدر تعلق بأكثر من طريقة :
كـ(غير معرف) بدون ما يكون لك حساب خالص
أو بحسابك على الفيس بوك
أو بحسابك على بلوجر
بس عبرني و علق :) ـ

حقوق النشر للجميع


ـ
و لا تنسوا
كاتب الموضوع من دعوة صالحة بظهر الغيب

أن يُصلح الله له شأنه كله و يُدخله الجنة و يُجِرْه من النار و جميع المسلمين و المسلمات ..

>> حقوق النشر للجميع <<
لو رأيت أنه يستحق النشر
بشرط عدم التحريف أو التغيير
و يا حبذا لو تذكر رابط المدونة

tazbee6.blogspot.com


أو تذكر أن الموضوع

" منقول من مدونة تظبيط "

ـ