زي ما فيه حاجات صح و حاجات غلط

فيه حاجات غلط ممكن تبقى صح

بس عاوزة شوية

تــظــبـــيــط

ــــــــــــــــــــــــــــ

قبل أن تقرأ المدونة

-- حقٌ على أصحاب الكؤوس أن يتناصحوا --

لا يُعــذَر المسلم في تخليه عن الدعوة إلى الله والأمر بالمعروف والنهي عن المنكر حتـى وان كان مُقصراً في نفسه في بعض الأمور ,

بـل إن الإنسان عليه أن ينهى عن المنكر حتى وان كان هــو واقـع فيــه

فوقوعه في المنكر ذنب وعدم إنكاره على الآخرين ذنب آخر يُسأل عنه,
ولا شك ان على من ينصح أن يسعى جاهداً لتغيير ما بنفسه ليكون قدوةً ومثالاً يُحتذى به.

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

07 April, 2009

دلدول ... !!؟؟






من أكثر العبارات اللي بتنرفزني , لما حد يتكلم عن فلسطين ,
و يعمل فيها خطيب مفوّه و يقعد يقول :

( عذرا يا فلسطين , فليس فينا صلاح الدين )

و كأنه يعتذر , بينما هو " يوبخ نفسه " ,

هو اللي بيتكلم ده ناقص إيد و لا رجل ؟؟
طيب ليه (ينتظر) مجيء صلاح الدين ؟؟

ليه ما يفكرش يكون هو صلاح الدين ,
أو أولاده, أو يشارك في مجيء صلاح الدين ,
- قائد كصلاح الدين يعني , مش صلاح الدين نفسه -

هو صلاح الدين هيجي لنا من الصين , و لا من ألمانيا الغربية ؟؟

صلاح الدين الذي سيخرج سيكون منّا ,
فليه كل واحد ما يحاولش يكون هو القائد ,
هو صلاح الدين ,

بدل ما كل واحد ( مستني ) صلاح الدين يأتي علشان يقوده ,

كل واحد فينا راضي بدوره كـ( دلدول ) !!


بينما الأزمة ليست أزمة ( دلاديل ) ,- لأن معظمنا كده
,-


إنما الأزمة أزمة ( قادة ) ,



كما يقول على الطنطاوي –رحمه الله- :
" إن الأمة الخاملة صفٌ من الأصفار،
لكن إن بعث الله لها واحداً مؤمناً صادق الإيمان داعياً إلى الله،
صار صف الأصفار مع الواحد مئة مليون،
والتأريخ مليء بالشواهد على ما أقول
".


ليه الناس كلها عاوزة ولادها :
يبقوا ( عاديين ) و ( خليهم في السليم ) , و ( يمشوا جنب الحيط ) ,


و ليه مافيش ثقافة القيادة عند الأهل في التربية
زي هند بنت عتبة - رضي الله عنها - مثلا
قد سمعتْ قائلا يقول عن معاوية في طفولته: " إن عاش ساد قومه "،
فقالت: " ثكلتُهُ أمه إن لم يسُد إلا قومه "!!

وبالفعل ساد معاوية قومه وأقواما آخرين، ولكنه لم يستطع أن يُودِعَ ابنَه يزيد ما كان يتمتع به؛ لأن أم يزيد التي ربته كانت أعرابية ساذجة، تزوجها معاوية لجمالها !!


و ليه ما نفكرش زي عبد الملك بن مروان حين قال لاحد الفقهاء :
ما عندكم من الفراسة في الصبيان ؟
قال: نراقبهم ...
فإن سمعنا منهم من يقول أثناء لعبهم : من يكون معي ؟ ... رأيناه ذا همّة ،

وإن سمعنا من يقول : مع من أكون ؟ ... عرفناه مفتقرا إلى الهمة.


و في كتاب " العادات السبع للأشخاص الأكثر فاعلية " لستيفن كوفي ,
أول عادة ذكرها الكاتب هي :
to be PROACTIVE

يعني تكون " مبادرا " ,
تكون فاعل و ليس مفعولا به ,
ما تستناش الظروف هي اللي توجهك ,
لكن انت ابدأ و هتتغلب على الظروف ,


.
.
.


بل حتى اللي ربنا بيكرمه فينا و يفكر ( يبعد عن الحيط )
بيروح جنب ( حيطة مايلة ) يمشي جنبها ,
و يتخذ من لا يصلح كقدوة ,

فتلاقي اللي لابس تي شيرت عليه " جيفارا " مثلا - و اتكلمنا عليه في موضوع لوحده هـــنــــا - ,
أو يمشي مع الليبراليين و اليساريين و العلمانيين و ...



و تلاقيه ينسى خالص إن تاريخ الأمة كان فيه قواد زي خالد ابن الوليد اللي الأعداء كانوا يظنون أن ( سيفه نزل من السماء ) و و البراء بن مالك اللي فتح حصن لوحده و .... غيرهم الكثير !!

.
.
.
.

طيب بعض الناس ممكن يقول إنه برضه ( مالوش دعوة يا عم )
و برضه خلينا ( جوه الحيط )
و إن القيادة و الإيجابية و الفاعلية ليها ناسها ,

و إن ( الدلدول ) ليس عليه حرج !! ,



بينما الرسول صلى الله عليه و سلم حينما ذكر أن أهل النار خمسة , فذكر أولهم فقال : ( وأهل النار خمسة: الضعيف الذي لا زَبَرَ له الذين هم فيكم تبعا لا يبتغون أهلا ولا مالا .... )


( زَبَرَ ) بفتح الزاي وإسكان الموحدة أي : لا عقل له يزبره ويمنعه مما لا ينبغي ,
وقيل : هو الذي لا مال له , وقيل : الذي ليس عنده ما يعتمده ,

وقوله : ( لا يتبعون ) بالعين المهملة مخفف ومشدد من الاتباع ,
وفي بعض النسخ ( يبتغون ) بالموحدة والغين المعجمة , أي : لا يطلبون .



يعني .... ( الدلدول ) أو الإمعة (**) !!


فكونك تكون دلدول دي حاجة مش مخيّر فيها ,
انت مجبر إنك تكون إنسان ( مستقل ) ليك شخصية و ( إيجابي ) و ( فعّال ) ,



فياريت كل واحد فينا يفكر يكون هو ( الواحد الصحيح )
اللي يقدر يجعل كل ( الأصفار ) اللي في مجتمعنا ليها قيمة ,


و لو مش قادر يكون هو نفسه ,
يحاول يشارك في ( تربية ) أو ( صنع ) أو ( مساعدة ) ذلك ( الواحد الصحيح )



و جزاكم الله خيرا ,

و إن كنت لم أنتبه بالذي *** وَعَظتُ بهِ فانتبه أنت به ,

و إنما أعظ نفسي و إياكم ..

و ما تنسوش الدعاء أو تدعوا من غير ضمير
علشان يعني اتعودتم على العبارة اللي بكتبها تحت بتاعة الدعاء دي ,

بجد لا تنسوا كاتب الموضوع الأصلي من دعوة صالحة
إن ربنا يتوب علينا و يهدينا و يوفقنا لما يحب و يرضى
و يرزقنا الجنة و يجيرنا من النار , و جميع المسلمين و المسلمات ..

و طبعا >> حقوق النشر للجميع <<
لو رأيت إنه يستحق النشر

بس ياريت تذكر رابط المدونة :

أو على الأقل تذكر إنه : :
" منقول
من مدونة تظبيط "
......................

تحيتي

....





ـــــــــــــــــــــــــــــــــــــ


(*) أحببت أن أذكر الحديث بتمامه و شرحه لأنه مهم :

قال رسول الله صلى الله عليه و سلم :

"ألا إن ربي أمرني أن أعلمكم ما جهلتم مما علمني يومي هذا كل مال نحلته عبدا حلال وإني خلقت عبادي حنفاء

كلهم ، وإنهم أتتهم الشياطين فاجتالتهم عن دينهم وحرمت عليهم ما أحللت لهم وأمرتهم أن يشركوا بي ما لم أنزل به

سلطانا ، وإن الله نظر إلى أهل الأرض فمقتهم عربهم وعجمهم إلا بقايا من أهل الكتاب .

وقال: إنما بعثتك لأبتليك وأبتلي بك وأنزلت عليك كتابا لا يغسله الماء ، تقرؤه نائما ويقظان وإن الله أمرني أن

أحرق قريشا ، فقلت: رب إذا يثلغوا رأسي فيدعوه خبزة قال: استخرجهم كما استخرجوك واغزهم نغزك وأنفق

فسننفق عليك وابعث جيشا نبعث خمسة مثله وقاتل بمن أطاعك من عصاك .

قال: وأهل الجنة ثلاثة: ذو سلطان مقسط متصدق موفق ورجل رحيم رقيق القلب لكل ذي قربى ومسلم وعفيف

متعفف ذو عيال ، قال: وأهل النار خمسة: الضعيف الذي لا زبر له الذين هم فيكم تبعا لا يبتغون أهلا ولا مالا ،

والخائن الذي لا يخفى له طمع وإن دق إلا خانه ، ورجل لا يصبح ولا يمسي إلا وهو يخادعك عن أهلك ومالك ،

وذكر البخل أو الكذب والشنظير الفحاش ، وإن الله أوحى إلي أن تواضعوا حتى لا يفخر أحد على أحد ولا يبغ أحد

على أحد" رواه مسلم

سلسة الأحاديث الصحيحة المجلد السابع 3

: ( 3599 ) ( الصحيحة )

-------------------------------------------

الشرح



قوله صلى الله عليه وسلم : ( إن ربي أمرني أن أعلمكم ما جهلتم , مما علمني يومي هذا كل مال نحلته عبدا حلال )

‏معنى ( نحلته ) أعطيته , وفي الكلام حذف , أي : قال الله تعالى : كل مال أعطيته عبدا من عبادي فهو له حلال ,

والمراد إنكار ما حرموا على أنفسهم من السائبة والوصيلة والبحيرة والحامي وغير ذلك , وأنها لم تصر حراما

بتحريمهم , وكل مال ملكه العبد فهو له حلال , حتى يتعلق به حق .‏ ‏قوله تعالى : ( وإني خلقت عبادي حنفاء كلهم )

‏ ‏أي : مسلمين , وقيل : طاهرين من المعاصي , وقيل : مستقيمين منيبين لقبول الهداية , وقيل : المراد حين أخذ

عليهم العهد في الذر , وقال : { ألست بربكم قالوا بلى } . ‏ ‏قوله تعالى : { وإنهم أتتهم الشياطين فاجتالتهم عن دينهم }

‏ ‏هكذا هو في نسخ بلادنا ( فاجتالتهم ) بالجيم , وكذا نقله القاضي عن رواية الأكثرين , وعن رواية الحافظ أبي علي

الغساني ( فاختالتهم ) بالخاء المعجمة . قال : والأول أصح وأوضح , أي : استخفوهم فذهبوا بهم وأزالوهم عما

كانوا عليه , وجالوا معهم في الباطل , كذا فسره الهروي وآخرون , وقال شمر : اجتال الرجل الشيء ذهب به ,

واجتال أموالهم ساقها , وذهب بها , قال القاضي : ومعنى ( فاختالوهم ) بالخاء على رواية من رواه , أي :

يحبسونهم عن دينهم , ويصدونهم عنه . ‏ ‏قوله صلى الله عليه وسلم : ( وإن الله تعالى نظر إلى أهل الأرض فمقتهم

عربهم وعجمهم إلا بقايا من أهل الكتاب ) ‏ ‏المقت : أشد البغض , والمراد بهذا المقت والنظر ما قبل بعثة رسول الله

صلى الله عليه وسلم والمراد ببقايا أهل الكتاب الباقون على التمسك بدينهم الحق من غير تبديل . ‏ ‏قوله سبحانه

وتعالى : { إنما بعثتك لأبتليك وأبتلي بك } ‏ ‏معناه : لأمتحنك بما يظهر منك من قيامك بما أمرتك به من تبليغ الرسالة

وغير ذلك من الجهاد في الله حق جهاده , والصبر في الله تعالى وغير ذلك , وأبتلي بك من أرسلتك إليهم , فمنهم من

يظهر إيمانه , ويخلص في طاعاته , ومن يتخلف , ويتأبد بالعداوة والكفر , ومن ينافق , والمراد أن يمتحنه ليصير

ذلك واقعا بارزا فإن الله تعالى إنما يعاقب العباد على ما وقع منهم , لا على ما يعلمه قبل وقوعه , وإلا فهو سبحانه

عالم بجميع الأشياء قبل وقوعها , وهذا نحو قوله : { ولنبلونكم حتى نعلم المجاهدين منكم والصابرين } أي : نعلمهم

فاعلين ذلك متصفين به . ‏ ‏قوله تعالى : { وأنزلت عليك كتابا لا يغسله الماء تقرأه نائما ويقظان } ‏ ‏أما قوله تعالى :

{ لا يغسله الماء } فمعناه : محفوظ في الصدور , لا يتطرق إليه الذهاب , بل يبقى على مر الأزمان . وأما قوله

تعالى : { تقرأه نائما ويقظان } فقال العلماء : معناه يكون محفوظا لك في حالتي النوم واليقظة , وقيل : تقرأه في

يسر وسهولة . ‏ ‏قوله صلى الله عليه وسلم : ( فقلت : رب إذا يثلغوا رأسي فيدعوه خبزة ) ‏ ‏هي بالثاء المثلثة , أي :

يشدخوه ويشجوه , كما يشدخ الخبز , أي : يكسر . ‏ ‏قوله تعالى : { واغزهم نغزك } ‏ ‏بضم النون , أي : نعينك . ‏ ‏

قوله صلى الله عليه وسلم : ( وأهل الجنة ثلاثة ذو سلطان مقسط متصدق موفق , ورجل رحيم رقيق القلب لكل ذي

قربى ومسلم وعفيف متعفف ) ‏ ‏فقوله : ( ومسلم ) مجرور معطوف على ذي قربى , وقوله : ( مقسط ) أي : عادل

. ‏ ‏قوله صلى الله عليه وسلم : ( الضعيف الذي لا زبر له الذين هم فيكم تبعا لا يبتغون أهلا ولا مالا ) ‏ ‏فقوله : (

زبر ) بفتح الزاي وإسكان الموحدة أي : لا عقل له يزبره ويمنعه مما لا ينبغي , وقيل : هو الذي لا مال له , وقيل :

الذي ليس عنده ما يعتمده , وقوله : ( لا يتبعون ) بالعين المهملة مخفف ومشدد من الاتباع , وفي بعض النسخ (

يبتغون ) بالموحدة والغين المعجمة , أي : لا يطلبون . ‏ ‏قوله صلى الله عليه وسلم : ( والخائن الذي لا يخفى له طمع

وإن دق إلا خانه ) ‏ ‏معنى ( لا يخفى ) لا يظهر , قال أهل اللغة : يقال : خفيت الشيء إذا أظهرته , وأخفيته إذا

سترته وكتمته , هذا هو المشهور , وقيل : هما لغتان فيهما جميعا . ‏ ‏قوله : ( وذكر البخل والكذب ) ‏ ‏هي في أكثر

النسخ ( أو الكذب ) بأو , وفي بعضها ( والكذب ) بالواو , والأول هو المشهور في نسخ بلادنا , وقال القاضي :

روايتنا عن جميع شيوخنا بالواو , إلا ابن أبي جعفر عن الطبري فبأو , وقال بعض الشيوخ , ولعله الصواب , وبه

تكون المذكورات خمسة , وأما ( الشنظير ) فبكسر الشين والظاء المعجمتين وإسكان النون بينهما , وفسره في

الحديث بأنه الفحاش وهو السيئ الخلق .




(**) وجب التنبيه على ضعف حديث : " لا تكونوا إمعة ، تقولون : إن أحسن الناس أحسنا ، و إن أساؤوا أسأنا ، و لكن وطنوا أنفسكم ، إن أحسنوا ( أن تحسنوا ) ، و إن أساؤوا أن لا تظلموا "

الراوي: حذيفة بن اليمان - خلاصة الدرجة: ضعيف - المحدث: الألباني - المصدر: ضعيف الجامع -

الصفحة أو الرقم: 6271




57 comments:

  1. لام رائع كالعادة,
    ربنا يهدينا و يغفر لنا تقصيرنا
    وما نبقاش دلاديل.

    ReplyDelete
  2. salma mohamed

    شكرا جزيلا للمرور ,
    و ربنا يوفقنا لما يحب و يرضى ,
    و يستعملنا و لا يستبدلنا ,
    و يرزقنا العمل بما نقول ,
    و يجعلنا آحاداً لا أصفاراً

    ReplyDelete
  3. ماشاء الله عليك ياتيمي

    لو كل او معظم شبابنا عندهم دماغ وبيفكروا والله

    بيتهيألي هيكسلوا ينفذوا الافكار :D

    بس عشان انا متفائله هقول ان كتير هيفكر يبقى واحد

    ولما تترص وحايد كتير جمب بعض ده اكيد شئ ايجابي للمجتمع

    بس انا مش طماعه

    ياريت بس بيجيلنا قائد واحد

    يكون رئيسنا بقى ويخلصنا

    عشان نعلى ببلدنا ام حال مايل دي

    ونقدر نعدل حال بلاد تاني كتير

    تسلم ايدك ياتيمي

    ReplyDelete
  4. ربنا يبارك فيك ويعزك
    ربنا يجعل الخير في شباب الملسمين
    اللهم ما استخدمنا ولا تستبدلنا

    ربنا يبارك فيك بجد
    دعوة عن ظهر غيب من القلب
    وطول ما مواضيعك هادغة ورائعة كده
    ربنا هيهديك اكتر واكتر

    ReplyDelete
  5. السلام عليكم ورحمة الله .. وبعد

    لن يشعر أنه "واحد"... حتى يثوب إلى الله "الواحد".... فيهرع إلى الصلاة... فيحب المحاريب... ويأنس بالتلاوة... ويفرح بالدموع... ويرى جمال الدنيا فى امتلائها بأمثال خبيب وخباب وياسر وعمار... عندها سيكون"واحد" أما قبل ذلك فليس إلا الأصفار.

    تقبل تحياتى.

    ReplyDelete
  6. MǿиY El-Shreef

    أهلا و سهلا بيكي ,
    على فكرة أنا معاكي إن لو الشباب فكر هيكسل ينفذ ,
    أبدا , أي واحد بيفكر بيلاقي الفكرة بتحثه على التنفيذ ,

    المهم ما نستناش القائد ( الواحد الصحيح ) ده , لكن نسعى أن نكون نحن ذلك الواحد , إيه المانع يعني !!

    ربنا يهدينا و يهدي الجميع ,
    و يرزقنا العمل بما نقول,

    و شكرا جزيلا لمرورك ..

    ReplyDelete
  7. maha zein
    -----------
    ربنا يبارك فيك ويعزك
    ربنا يجعل الخير في شباب الملسمين
    اللهم ما استخدمنا ولا تستبدلنا
    ----------

    آآآآآآآمين ,
    و يارب الناس كلها تكون بتدعي ,
    لأن الواحد في حاجة ماسة جدا للدعاء ,
    ربنا يستجيب إن شاء الله ,

    و شكرا جزيلا لمرورك و للدعاء , ربنا يجازيكي خير و يثبتنا و إياكي ,

    ReplyDelete
  8. د.توكل مسعود

    و عليكم السلام و رحمة الله و بركاته

    معك حق بالفعل أستاذي الفاضل ,
    فالمرء قليلٌ بنفسه , كثيرٌ باستحضار معيّة الله له ,

    جزاك الله خيرا على إضافاتك الرائعة دائما ,جعلها الله في ميزان حسناتك ,
    و شكرا جزيلا لمرورك العطر ..

    ReplyDelete
  9. السلام عليكم ,,
    اولا قبل كل شئ هدعيلك ان ربنا يحميك ويوفقك ويغفر ليك وينولك الجنه يارب
    وجزاك الله كل خير على الموضوع الي اكتر من رائع بجد ياريت الناس كلها تفكر زيك ساعتها بلدي فلسطين هتتحرر مش هقول بايام والله بساعات وانا عندي امل بالله كبير اشوف اليوم الي بتمناه واكيد كل مسلم حر بيتمناه تحرير مش بس فلسطين تحرير اي بلد مسلم من ايد اي مستعمر وعوده الاسلام دين العزه يارب نعيش ايام بجد نحس فيها بالنصر ودا مش ممكن غير لما يبقى قلبنا على قلب بعض لما نرجع لديينا ويبقى كل املنا في الدنيا رضى الله مش اي حاجه تانيه ..
    شكرا مره تانيه وعاشره وبحييك
    من القدس الحبيبه
    زوزو

    ReplyDelete
  10. بجد بجد
    مدونتك رائعة جدا
    بستمتع بالزيارة هنا
    وبتقول كلام كتير نفسى أقوله فعلا
    حاسس إنك تفكيرك قريب منى جدا
    تحياتى وربنا يبارك فيك

    ReplyDelete
  11. تعرف المشكلة ان فيه ناس لايستحقون القيادة ومع ذلك عندهم حب الظهور واخرين بداخلهم عقل وحكمة ولكنهم يخشون المواجهة وتحمل المسئولية
    تسلم ايدك بجد

    ReplyDelete
  12. كما يقول على الطنطاوي –رحمه الله- :
    " إن الأمة الخاملة صفٌ من الأصفار،
    لكن إن بعث الله لها واحداً مؤمناً صادق الإيمان داعياً إلى الله،
    صار صف الأصفار مع الواحد مئة مليون ".

    حلوه اوي بصراحة
    ولولا الإمتحانات كنت رغيت اكثر من كده D:
    جزاك الله كل خير
    انا بعد كيدا حاجي بسرعة عشان احجز اول تعليق D:

    ReplyDelete
  13. ربنا يكرمك بجد روعة
    إن شاء الله نكون نحن القادة

    ReplyDelete
  14. موضوع غايه في الاهميه يا برو اكتف


    اوافقك كل الرأي

    النبي قال

    لايكن احدكم امعه يقول ان احسن الناس احسنت وان اساؤا اسئت


    جزاك الله كل الخير


    يحرق ابو جيفارا اللي قرفونا بيه من قلة القدوات عندنا يعني

    بس احنا كدا لازم شبرا بشبر وذراعا بذراع

    وفي روايه حذو القذه بالقذه

    ReplyDelete
  15. TIMMY !!

    جزاك الله خير

    يا عم اصفار مين؟

    الصفر له قيمة

    ReplyDelete
  16. جزاك الله خيراً يا تيمى
    موضوع جامد جامد جامد يعنى
    بس مؤلم شوية

    ReplyDelete
  17. زوزو :

    و عليكم السلام و رحمة الله ,

    و جزاكم الله خيرا على الدعوات , ربنا يستجيب لكم إن شاء الله ,
    و جزانا و إياكم أختي الكريمة ,

    و زي ما بتتمني إن الناس تفكر زيي , تمني أيضا أن أنفذ و ننفذ ما نفكر به ,
    و أن نتعدى مرحلة التفكير و الكلام إلى مرحلة التنفيذ إن شاء الله ,

    و ربنا يرزقنا صلاةً في القدس المحرر بإذن الله , القدس " الإسلامية " و ليست كما حصرها القوميون في " العربية " ,


    جزاكِ الله خيرا على مرورك , و إضافات حضرتك القيمة بجد ,

    و كان عندي طلب , ليه حضرتك ما تعمليش مدونة و تكتبي فيها أفكار و آرائك ؟؟
    لأني بحس إن حضرتك عندك الكثير لتقوليه,,

    ReplyDelete
  18. د/عرفه

    أهلا و سهلا بيك ,
    و بجد بجد انت اللي رائع ,
    و كلامك مشجع جدا و بيفرحني بجد ,

    و أكيد تفكيرنا قريب من بعض ,
    احنا تقريبا سن واحد , و في مجتمع واحد ,
    و اللي بيحصل حوالينا واحد ,

    شكرا جزيلا بجد لمرورك ,
    و ربنا يبارك فينا و إياك ,
    و يجعلنا خيرا مما تظنون و يغفر لنا ما لا تعلمون ..

    ReplyDelete
  19. موناليزا :

    فعلا نقطة مهمة جدا جدا أثرتيها ,
    لأنه مش كفاي إن الرويبضة بيحاولوا يظهروا ,
    لا , كمان الناس ذوي الخبرة و المكانة اللي المفروض ده مكانهم بيستسلموا و بيتخلوا عن أماكنهم !!

    ReplyDelete
  20. SomeOne

    أهلا و سهلا بيكي يا باشمهندسة ,
    و ربنا يعينك على الامتحانات و الضغط بتاعها ,

    جزانا و إياكم ,
    و شكرا جزيلا للمرور الكريم .

    ReplyDelete
  21. mohamed ghalia

    يا رب يا محمد نكون احنا القادة ,
    أو نشارك في صناعته ,
    أو نعمل أي حاة بدل ما احنا مستنيين حد من بره ييجي ينقذنا ,

    ReplyDelete
  22. دى هند بنت عتبة ياتيمى
    اللى اكلت كبد سيدنا حمزة نيئاً
    كم فينا من هند لتربى مثل معاوية؟

    ReplyDelete
  23. د. محمد رضــــا .. هل تراني

    منور و الله يا محمد ,
    و شكرا جزيلا للمرور الكريم ده :)

    جزاك الله خيرا ,
    و زي ما قلت فعلا احنا متبعينهم حذو القذة بالقذة كما قال رسولنا الكريم ,

    جزاك الله خيرا ,


    --------------

    بالنسبة لحديث " لا يكن أحدكم إمعة "
    فالحديث ضعيف :
    حديث : " لا تكونوا إمعة ، تقولون : إن أحسن الناس أحسنا ، و إن أساؤوا أسأنا ، و لكن وطنوا أنفسكم ، إن أحسنوا ( أن تحسنوا ) ، و إن أساؤوا أن لا تظلموا "

    الراوي: حذيفة بن اليمان - خلاصة الدرجة: ضعيف - المحدث: الألباني - المصدر: ضعيف الجامع -


    و جزاك الله خيرا

    ReplyDelete
  24. ولد الديرة ,

    جزانا و إياكم أخي الحبيب ,
    ليك وحشة و الله ,

    على رأيك ,
    الصفر ليه قيمة على اليمين ,

    لكن هؤلاء ليس لهم قيمة , لا عى اليمين و لا على اليسار !!

    ReplyDelete
  25. د. ياسر عمر عبد الفتاح

    جزانا و إياكم يا ياسر ,
    أنا بيني و بينك هو مش مؤلم شوية ,
    هو مؤلم كتييييييير :(

    ربنا يرزقنا العمل بما نقول ,
    دعوتك بجد يا ياسر ,

    ReplyDelete
  26. norahaty

    فعلا يا دكتورة نور ,
    هي كانت كده في الجاهلية ,
    لكن : الناس معادن و خياركم في الجاهلية خياركم في الإسلام

    فلما أسلمت صارت هي من هي !!!

    ReplyDelete
  27. إثبات حضور

    و كويس انك بخير الحمد لله

    سأعود حال توافر الفرصه للقرأه و التعليق ان شاء الله

    بارك الله ف عمرك

    ReplyDelete
  28. السلام عليكم
    بالنسبه لحكايه المدونه فهي كانت موجوده بس انا حذفتها كلها لاسباب كتيره منها اني اتغيرت شويه ومنها اني كنت اسغر وافكاري كانت مش مترتبه صح يعني ما كنتش واعيه ومواشعيها كانت بالنسبه لناس كتير غريبه بعض الشئ يعني مثلا خروف العيد واسلوب مضحك وطفولي لموضوع سياسي بحت انا عرضته اه بس خاني الدفاع عنه لان كان وقتها لازم يبقى عندي معلومات اشمل واوعى واقوى ..! وغير اني ليا هوايه تانيه الي هي الخط بالطرق القديمه يعني بعيده عن التكنولوجيا وبلاويها رغم اني بتعامل معاها يوميا بس جوايا ميل للحاجات القديمه باي شكل واي صفه كانت .. وطبعا ما يمنعشي اني بميل باوقات معينه من السنه لكتابه خرابيش افكاري الخاصه.. وشكرا لانك حسيت اني في مخي ممكن شئ اكتبه كفايه عليا كدا بزياده واتمنى ليك التالق الدائم بمدونتك الجميله
    زوزو

    ReplyDelete
  29. أحمد عمر ,

    شكرا جزيلا لمرورك أستاذي الفاضل ,
    مرورك يكفينا بحق :)

    بارك الله في عمرنا و إياك ,
    و أحيانا م اكانت الحياة خيرا لنا ...

    ReplyDelete
  30. زوزو ,

    و عليكم السلام و رحمة الله و بركاته ,
    بالنسبة لحذفك للمدونات القديمة ,
    فهذا ليس دليل فشل ,
    فعلى ما أذكر أنني قد حذفت حوالي 4 مدونات حتى الآن :) ,

    و معاكي في نقطة إن المواضيع السياسية أو الخلافية بصفة عامة لا يجب أن ندخلها إلا بعد أن نتترس بالمعلومات الكافية عن هذا الموضوع كي نتمكن من أن ننافح عنه ,

    و بالنسبة للهوايات الورقية و القديمة فطبعا هي الأصل ,
    و النت ما هو إلا واجهة فقط نعرض من خلالها هواياتنا في الكتابة أو غير الكتابة , لكنه ليس هواية في حد ذاته ,

    ربنا يوفقنا و إياكم للخير ,
    و يجعلنا كما يحب و يرضى ..

    ReplyDelete
  31. ربنا خلق كل واحد فينا ليه وظيفة فى الحياة و فى الدنيا
    للاسف نسبة كبيرة مننا بتتخلى عن الوظيفة دى بحجة انهم مش هيصلحو الكون
    مع ان لو كل حد عمل اللى عليه الكون هيتصلح

    بس هنقول ايه "ان الله لا يغير مابقوم حتى يغيروا ما بأنفسهم"
    ربنا يهدينا جميعا يااااااارب و يجعلنا سبب فى نصرة الاسلام و المسلمين

    ربنا يجازيك كل خير ع موضوعك الرااااااائع و يكرمك ياااااااارب

    ReplyDelete
  32. عدت و ستمتعت كثيرا بالقراءه لك فيبدولى انك ع قدر كبير من الاطلاع و الايمان اسأل الله ان يزيدك من فضله


    اتذكر دوما خطبه عمر بن عبد العزيز حين بيع بالخلافه فقال و الدموع تكابده من ثقل ما اودع اليه : انتم الان احوج الى قائد فعال لا قائد قوال و السلام .. و نزل من المنبر و خير امراه بنت الملوك و الامراء بين ان تعطى ذهبها لبيت المال و العيش معه او ان تذهب لاهلها فختارته ...فضحى عمرو عبد العزيز خامس الخلفاء الراشيد رغم انه يفصله بينه و بين الخليفه الراشد الامام على رضى الله عنه فتره كبيره ...

    و كان يقول : ان لى نفس طواقه .. و الان تشتاق للجنه و ارجوا ان انالها ..


    و اتخيل الان ام محمد الفاتح فاتح القسطنطنيه وهى واقفه ع البحر تشير الى القسطنطنيه لابنها الصغير و هى تقول : ستفتح تلك البلاد يا محمد ..ففتحها .


    و التاريخ فيه اكثر عن هؤلاء القوم و تلك النساء الذين اثروا التاريخ و اثروا الانسانيه و ابو جميعا ان يكون صفرا ع الشمال ...


    بوركت اخي و بارك الله محياك ..
    --
    اشكرك كثيرا ع الذكره ف مقدمه المدونه و استسمحك بان اضعها ايضا:)

    ReplyDelete
  33. موضوع جميل جدا
    ونفسي فعلا اننا كلنا نكون عمليين ولينا دور ونشارك بجد
    وكفايه منابر كلاميه ونبدا نتحرك
    كلامك جميل ويارب يتحقق
    ويكون ليه تاثير واسع

    تحياتي(تحيات كتيييييييييييييييره جدا)

    ReplyDelete
  34. بسم الله ماشاء الله
    عليك ياتيمى كنت فاكرة
    ان انا (أفحمتك:)لما ذكرت
    موضوع اكل هند لكبد سيدنا حمزة
    لكن انت افحمتنى:( لما ذكرت الحديث
    (خياركم في الجاهلية خياركم في الإسلام)
    الله عليك:) يصلح شأنك ربنا ويكثر من امثالك ويبعد عنك وعن شباب المسلمين اجمعين شياطين الانس والجان .اميييين
    احتراماتى ودعواتى لك ياتيمى

    ReplyDelete
  35. معلش اسفة ياتيمى
    كنت فاكرة ان التعليق
    ما وصلش :)ممكن تعملوه ديلايت
    ومش حازعل ماتخافش.

    ReplyDelete
  36. أمل الحياة ,

    فعلا كلامك صح جدا ,
    كل واحد فينا ليه إمكانيات تؤهله للقيام بدوره اللي متفصل علشانه مخصوص ,
    و اللي لو لم يقم به سيتسبب في خلل ,

    بصراحة أنا كنت ناوي أتكلم عن موضوع الأدوار ده ف موضوع لوحدة ,
    بس ملحوقة , بعد الجيش إن شاء الله :) ,

    جزانا و إياكم ,
    و نفه الله بنا و بكم ,
    و شكرا جزيلا للمرور

    ReplyDelete
  37. أحمد عمر

    شكرا جزيلا للعودة أستاذي الفاضل ,
    و ربنا يرزقنا العلم و الإيمان ...

    و جزاك الله خيرا على إضافاتك القيمة بجد ,

    و بالنسبة لما في رأس المدونة فهو على الحقيقة و ليس مجازا ,
    و طبعا أي حاجة في المدونة للجميع ,
    ده شيء في مصلحتي :)

    ReplyDelete
  38. مذكرات مشاغب

    شكرا جزيلا لمرورك يا أحمد ,

    و فعلا احنا محتاجين نبطل كلام شوية و نعمل حاجة ,
    مهما كانت صغيرة لكن تبقى فعل مش قول

    شكرا جزيلا لمرورك .... و تحياتك :)

    ReplyDelete
  39. norahaty

    ربنا يكرمك يا دكتورة نور ,
    و مافيش إفحام و لا حاجة ,
    و ربنا يصلح شأننا و جميع المسلمين ,

    و مش هوصيكي على الدعاء يا دكتورة ,
    أن اعارف إنك مش محتاجة وصاية ..

    جزاكِ الله خيرا ,

    و مافيش مشكلة في حكاية التعليقات الزيادة , ظبطناها :)

    ReplyDelete
  40. جميل جدا الموضوع ماشاء الله
    بارك االله فيك

    ReplyDelete
  41. ما شاء الله

    ربنا يبارك لك كلام قيم بالفعل

    كل واحد ليه دور في الدنيا ديه لو هو تكاسل عنه ولو يقم به من سيفعله اذا

    بس للاسف كتير اتربي علي كدا علي الكسل وانتظر الغير همااللي يحلوا المشاكل وهو يعيش كدا علي الجاهز

    الموضوع محتاج بدايه صح في كل شئ من اول تكوين اسره صح وتربيه اولاد صح يعرفوا يعني ايه مسئوليه ساعتها بجد هتختفي ظاهرة الدلاديل اللي ما اكثرها اليوم في عالمنا الله يعفينا ويستخدمنا ولا يستبدلنا

    السلام عليكم

    ReplyDelete
  42. جزاك الله خيرا والله ابدعت كلامك جاء على
    الوجع والله ما يجعلنا من الدلاديل .
    وباذن الله ربنا قادر يغير من حال الى حال ننتظر منك المزيد استمر

    ReplyDelete
  43. السلام عليكم ورحمه الله وبركاته

    ماشى ياتيمى معاك انه لازم كل واحد يبدء بنفسه ويدور انه يكون هو صلاح الدين

    بس تتخيل فى زمانا ده ممكن يكون فى صلاح الدين

    انا معتقدش وده مش تعجيز ولا تشائم بالعكس
    بس خلاص جيلنا عدى واللى كان كان
    الكلام دلوقتى موجهه لجيلنا صحيح لكن فى اولادهم
    يعنى ولادى وولادك نفكر اننا نربيهم صح

    صح مش يعنى احسن اكل ولبس ومسكن
    لا
    صح يعنى على دينا وعلى الشريعه الاسلاميه نربيهم بهدى سيدنا محمد
    اتمنى نرجع لدينا ونلحق نعمل اى حاجه مدام فرصتنا ضاعت نحاول منضيعش فرصه اولادنا
    تسلم ياتيمى على البوست بجد رائع
    وده دايما متوقع منك
    فى امان الله
    ----------------------------------

    ReplyDelete
  44. Heyyyyyyy Man
    how r u
    ايه الاخبار حبيب قلبى
    الموضوع فعلا جديد جدا فى ساحة التدوين عجنى تشبيهك-دلدول-لانه فعلا هو الوصف الصح للحالة اللى احنا عايشينها
    ومتحلمش ان يبقى فى صلاح الدين تانى لان لكل مقام مقال.
    تحياتى حبيب قلبى

    ReplyDelete
  45. على فكرة ممكن صلاح الدين ييجي من الصين أو ألمانيا الغربية فعلاً :)))

    صلاح الدين مش عربي أصلاً ده من كردستان ... وكمان لو تأملنا التاريخ تجد أن من حمل الإسلام من العجم أكثر ممن حمله العرب ... الدولة العثمانية ..دولة الأندلس ... جميع مشاهير حفاظ الحديث ليسوا عرب ...يعني ممكن النصر ييجي من أي جهة .

    أنا متفق معك في كل ما كتبته وفعلاً الأفكار دي يجب زرعها في المجتمع بشكل عام حتى نخرج من حالة الضمور اللي بنحياها حالياً

    تحياتي :)

    ReplyDelete
  46. للاسف كل ده بسبب السلبيه اللي بيتحلي المجتمع بيها

    ReplyDelete
  47. begadddd
    msh hansaak men da3wa sale7a
    o begadd
    ana lessa rag3a men el 3omra o da3etlak henak :) rabena ytaqabbal

    article gameela
    teslam

    ReplyDelete
  48. جزاك الله خيرا
    يا واد يا تيمي

    اللهم اجعلنا اهدنا واهد بنا واجعلنا سببا لمن اهتدى ,,

    انت ساعات كتير بتلقط حاجات في دماغي
    لا ساعات ايه
    دايما :D

    ربنا يزيدك من نعيمه ويوفقك ويهيئلك الخير أينما حللت :)


    بوركت :)

    ReplyDelete
  49. تلميذة سلمان الفارسى

    شكرا جزيلا للمرور ,

    بارك الله فينا و إياكِ

    ReplyDelete
  50. ghorBty

    معاكي حق إن اللي اتربى على الكسل " صعب " أنه يسود , لكن مش مستحيل ,

    لكن لو ما كانش القائد في الجيل ده مافيش مانع إنه يبقى في الجيل اللي بعده لما احنا نظبط نظامنا الأسري و التربوي ,
    أو حتى في الجيل اللي بعدنا ,

    المهم نكون على الطريق ,

    و عليكم السلام و رحمة الله ..

    ReplyDelete
  51. غير معرف

    جزانا و إياكم ,

    و ربنا ينفعنا بما نقول ,
    و يرزقنا العمل بما نقول ,

    و شكرا جزيلا لمرورك الكريم ,

    تحيتي :)

    ReplyDelete
  52. لؤلؤةالرحمن .....هويتى اسلاميه

    و عليكم السلام و رحمة الله و بركاته ,

    أنا معاكي إن فعلا جيلنا الحالي صعب يُخرج صلاح الدين ,

    لكن مش مشكلة ,
    المهم إننا نبدأ في الطريق اللي هيخرج صلاح الدين بعد كده ,
    و لو هيكون في الجيل اللي بعدنا أو اللي بعده ,

    المهم إننا نشارك في صنعه ,
    بالاهتمام بتربية الأجيال الأخرى بطريقة صحيحة ,
    و تلافي ما وقع فيه من سبقنا من أخطاء ,
    و هكذا بإذن الله يتم تنقية جيل بعد جيل من الشوائب التي علقت بنا ,

    جزاكم الله خيرا

    ReplyDelete
  53. Hossam

    أهلا و سهلا يا حسام ,
    انت اللي كيف أحوالك ؟؟
    بالنسبة لصلاح الدين أو جزء منه ,
    المهم نكون على الطريق اللي سلكه من ربى صلاح الدين ,

    ReplyDelete
  54. تامر علي

    فعلا كلامك صحيح ,
    لأن صلاح الدين كان كردي
    و قطز كان فارسي ,
    و كثير من العلماء كانوا من غير العرب ,

    و الرابط المشترك بين الجميع كان الإسلام ,

    جزاك الله خيرا أخي الكريم ,
    و ربنا يرزقنا العمل بما نقول ,

    ReplyDelete
  55. حسن حنفي ,

    فعلا يا حسن ,
    سياسة السلبية و المشي جنب الحيط اللي درجنا عليها كانت سبب أساسي في ده فعلا ,

    ربنا يهدينا و يرحمنا و ينصرنا ,

    ReplyDelete
  56. ست البنات ,

    مش عارف أوصف لحضرتك مدى سعادتي لما قرأت التعليق بتاعك ,

    بجد ربنا يكرمك , و يكرم أولادك إن شاء الله , و يجعلهم خير خلف إن شاء الله ,

    جزاك الله خيرااااااااااا يا دكتورة ,
    بجد بجد ربنا يكرمك ..

    ReplyDelete
  57. TeVa

    جزانا و إياكم يا مصطفى ,

    و الدماغات عند بعضها ,

    و آديك عارف هو الواحد بيكتب ليه أصلا , علشان يظبط البايظ عنده ,

    ربنا يهدينا و إياك ,
    و يوفقنا لما يحب و يرضى ,

    جزاك الله خيرا يا مصطفى ..

    ReplyDelete

دلوقتي تقدر تعلق بأكثر من طريقة :
كـ(غير معرف) بدون ما يكون لك حساب خالص
أو بحسابك على الفيس بوك
أو بحسابك على بلوجر
بس عبرني و علق :) ـ

حقوق النشر للجميع


ـ
و لا تنسوا
كاتب الموضوع من دعوة صالحة بظهر الغيب

أن يُصلح الله له شأنه كله و يُدخله الجنة و يُجِرْه من النار و جميع المسلمين و المسلمات ..

>> حقوق النشر للجميع <<
لو رأيت أنه يستحق النشر
بشرط عدم التحريف أو التغيير
و يا حبذا لو تذكر رابط المدونة

tazbee6.blogspot.com


أو تذكر أن الموضوع

" منقول من مدونة تظبيط "

ـ