زي ما فيه حاجات صح و حاجات غلط

فيه حاجات غلط ممكن تبقى صح

بس عاوزة شوية

تــظــبـــيــط

ــــــــــــــــــــــــــــ

قبل أن تقرأ المدونة

-- حقٌ على أصحاب الكؤوس أن يتناصحوا --

لا يُعــذَر المسلم في تخليه عن الدعوة إلى الله والأمر بالمعروف والنهي عن المنكر حتـى وان كان مُقصراً في نفسه في بعض الأمور ,

بـل إن الإنسان عليه أن ينهى عن المنكر حتى وان كان هــو واقـع فيــه

فوقوعه في المنكر ذنب وعدم إنكاره على الآخرين ذنب آخر يُسأل عنه,
ولا شك ان على من ينصح أن يسعى جاهداً لتغيير ما بنفسه ليكون قدوةً ومثالاً يُحتذى به.

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

21 April, 2009

ألقاكم على خير إن شاء الله




السلام عليكم و رحمة الله و بركاته , , ,

إخواني الكرام و أصدقائي الأحباء ,

حبيت أودعكم وداع أخير ,

قبل ما أسيبكم و أروح ( مصنع الرجال ) ... الجيش المصري !!!

إن شاء الله همشي بكرة ,

و رغم إني هبقى بعيد عن النت ,

لكن هفضل برضه " طابق على مراوحكم " بمواضيع جديدة في المدونة ,

لأني ظبطها بحيث تنزل موضوع جديد كل 5 أيام في سلسلة لشرح كتاب :
" العادات السبعة للأشخاص الأكثر فاعلية " ,

لأني بصراحة شايف إنه كتاب يستحق القراءة ,

و الكتاب الوحيد اللي لخصته , و حبيت أنشره في المدونة في فترة الجيش ,

و إن شاء الله هيكون معايا أدمن في المدونة (مش عاوز يقول اسمه , أعمل له إيه ؟؟ )
علشان أي خلل فني , أو أي تجاوز في التعليقات ,

و كنت عاوز أرشح لكم كام حاجة للقراءة كده :

مدونة خواطر :
جزء أول , جزء ثاني , جزء ثالث

مدونة:
Clear Deep Thinking



كتاب : كيف نحب الله و نشتاق إليه

كتاب : فجر طاقتك الكامنة



بس كفاية كده , بس انتوا تقرأوا دول بس ,


.
.
.
.
.

و طلب أخير ,

تدعووووووووووووووووووووليييييي ييييييييييييييييييييي
كتييييييييييييير جدااااااااااااااااااا ,
و بإخلااااااااااااااااااااص الله يكرمكم ,

إن ربنا يَقدِر لي الخير حيث كان , و يُرضني به ,
و أن يجعل أمري لي كله خير ,
و أن يحيني ما كانت الحياة خيرا لي , و يمتني ما كانت الوفاة خيرا لي ,
و أن يدخلني الجنة و يُجِرني من النار ,


مش هوصيكم على الدعاء الله يكرمكم
لأني داخل على أيام ما يعلم بيها إلا ربنا ,


و كل ما الشمس تلسعكم , و العرق يغرقكم , و العطش ينشف ريقكم ,

افتكروا أخوكم الغلبان اللي واقف طابور في الشمس
و الصول معبد بيكدره ,

افتكروني بدعوة بظهر الغيب ,
و إن شاء الله الملك يؤمن على دعائكم و يدعو لكم بمثلها ,


ألاقيكم على أول يونيو على خير إن شاء الله

في أمان الله ,

و السلام عليكم و رحمة الله و بركاته .



25 comments:

  1. السلام عليكم / ربنا معاك وترجع بخير وسلام ويكون فى عونك ربنا .

    ReplyDelete
  2. السلام عليكم

    بالتوفيق ان شاء الله والله يهون عليك ..

    ما شاء الله عجبتني الفكره اللي عملتها

    ربنا يجعلك دائما من محبي فعل الخيرات ويجعل هذا في ميزان حسناتك ..

    ReplyDelete
  3. الجيش للرجاله
    مش عارف اعزيك ولا ايه
    الله يكون في عونك
    ونشوفك قريب جدا ان شاء الله
    انا بقرا بقالي فتره قوة عقلك الباطن
    وهو كتاب مفيد جدا فعلا

    تحياتي

    ReplyDelete
  4. عااااااااااااا

    هتقعد كل ده ياتيمي

    بجد عااااااااااا

    هنفتقدك والله وعزائنا ان مواضيعك هتفضل موجوده

    ربنا معاك يااارب

    :(

    ReplyDelete
  5. بالسلامة إن شاء الله,
    بإذن الله ستمر أيامك هناك سريعا.
    وفعلاً فكرة رائعة,وموفقة بإذن الله,
    جزاك الله خيرا.

    ReplyDelete
  6. والله يا تيمي هتوحشني جداً
    رغم إني عرفتك فترة قصيرة
    لكن حاسس إني أعرفك من زمااااااااان

    ربنا هيكرمك إن شاء الله علشان إنت تستاهل كل خير

    ReplyDelete
  7. wish u the best of luck timmy u deserves the best,,,
    ya3ni enta mesh traia7na shwaia men el2eraia la2 saieblena postatak el gamda ne2ra feeha o ncomment o ma7addesh hay3abbarna ba3d keda
    rabena yhawwen 3laik elmodda isA

    ReplyDelete
  8. ربنا يكرمك ويسعدك
    وبالتوفيق دايما

    ReplyDelete
  9. يااااااااه تصدق كنت نسيت يا تيمي

    بجد ربنا معاك يا حبيبي وان شاء الله ترجعلنا بالف سلامة

    ربنا يوفقك ويكرمك ويوقف لك ولاد الحلال

    ويبعد عنك الصول معبد والصول سميح :)

    ReplyDelete
  10. ترجع بالسلامة يا تيمي إن شاء الله :)

    وفكرة جميلة منك

    هتفضل موجود بينا بحسك دايما :)

    يا مظبطنا أنت ;)

    يلا نشوفك على خير إن شاء الله

    ReplyDelete
  11. ربنا معاك تروح وتيجى بالسلامة و ربنا يعينك على الواجب الوطنى هاتستفاد كتير من فترة التجنيد هتعرف حاجات عمرك ما كنت تعرفها و هتتغير اجزاء فى شخصيتك

    تحياتى

    أكيـــــــــــــــــــــد

    ReplyDelete
  12. يااااااه

    ربنا معاك يا ابني

    تروح وترجع بالسلامة

    ReplyDelete
  13. ربنا معاااك
    وييسرلك جميع امورك
    ==
    حلوة حركة المواضيع المستمرة لوحدها دى
    لما تيجى بالسلامة ان شاء الله ابقى اشرح لنا عملتها ازاى

    ReplyDelete
  14. يا رجل

    كلها كام شهر وترجع لينا تاني

    شد حيلك

    هندعيلك

    ReplyDelete
  15. تروح وترجع بالسلامة ان شاء الله

    وربنا يكرمك ويباركلك وتستفسيد كل الخير ان شاء الله

    ReplyDelete
  16. تروح و تيجي بالسلامه يا صديقي

    بجد هقتقدك ... و يشهد الله اني بحبك في الله

    :)

    ReplyDelete
  17. تيجي بالسلامة ان شاء الله

    ReplyDelete
  18. السلام عليكم

    تيمي يارب تكون بخير

    هتوحشني مدونتك وهيوحشني نفس صاحبها أكتر

    ربنا يهون عليك ويسترك ويوقفلك ولاد الحلال

    ويهون عليك الايام وتمر بسرعه

    بس ياريت انت كمان تفضل فاكرنا

    والجيش ايام صعبه مش هتلاقي حد تشكيله غير ربنا وهتطلع بكام صاحب رجاله بجد
    اوعي تنساهم او تخسرهم

    اصعب ما في الجيش اول 45 يوم وبعد كده الصعب هيخف

    ربنا يوفقك وتروح وترجع بالسلامه

    بتمنالك الخير من كل قلبي

    تحياتي الصادقه

    إلي اللقاء

    في رعايه الله

    ReplyDelete
  19. شخصياً سأشتاق اليك كثيرا

    اتمنى يارب دايما تكون بخير

    ReplyDelete
  20. بأمان الله
    ربنا معاك ان شاء الله وترجع بالسلامه ويوفقك وتتيسر امورك باذن الله ..وفعلا الجيش بيصنع الرجال كنت بس عايزه اوصيك تاخد اختراع اسمه المسجل هيفيدك جدا.. :)
    وتسلم ايدك علشان المدونه هتفضل شغاله
    تمنياتي بالتوفيق الدائم
    زوزو

    ReplyDelete
  21. ربنا يون في عونك

    ان شاء الله تروح وترجع بالسلامه

    ReplyDelete
  22. يالهوتىىىىى
    لسه اول يونيو
    ونقرأ كل الكتب دى
    وكمان ندعى لك بالخير!
    على العموم احنا ناس
    امراء ومؤدبين وبنحب الخير
    للناس كلها اه والله وعلشان
    كده حندعى لك بالخير كله عاجله
    واجله ويثبتك على الايمان والاسلام
    والرضا بالقضاء وما قسمه الله لك .
    لك منى السلام والتحية اينما انت الان
    كتب الله لك السلامة ياتيمى ياررررب

    ReplyDelete
  23. ابراهيم

    تروح وترجع ب الف سلامه


    ان شاء الله ربنا يهون ايام الجيش عليك وتمر على طول بسرعه وتطلع منه تتجوز عدل وافرح بيك كدا


    ربنا معاك يا صاحبي

    ReplyDelete
  24. وحشتني يا أخي الحبيب :)

    ReplyDelete
  25. تروح وترجع بألف مليون سلامة.
    عارف انابقالي يومين بايتة في مدونتك، وبجد هايلة، ومرت عليها بالصدفة
    مدونة دمها خفيف+ انها مفيدة كتير + روح صاحبها واضح انها خفيفة، ودمة خفيف.
    وعلي فكرة نقلت شوية حاجات منها، وخصوصا العادات في اماكن متفرقة، لكن والله كتبت انها منقولة من مدونة تظبيط.
    ربنا يباركلك ويخفف عنك المصنع اقصد الجيش :)
    وعلي فكرة انت اسلوبك وطريقتك قريبة قوي من صديق بجد بحترمة وبعزة زي اخويا، وبالصدفة البحتة هو كمان في الجيش.
    يلا ربنا يكرمكم يارب.
    انا في انتظار تدوينتك المفيدة.
    وشكرا ليك.
    :)

    ReplyDelete

دلوقتي تقدر تعلق بأكثر من طريقة :
كـ(غير معرف) بدون ما يكون لك حساب خالص
أو بحسابك على الفيس بوك
أو بحسابك على بلوجر
بس عبرني و علق :) ـ

حقوق النشر للجميع


ـ
و لا تنسوا
كاتب الموضوع من دعوة صالحة بظهر الغيب

أن يُصلح الله له شأنه كله و يُدخله الجنة و يُجِرْه من النار و جميع المسلمين و المسلمات ..

>> حقوق النشر للجميع <<
لو رأيت أنه يستحق النشر
بشرط عدم التحريف أو التغيير
و يا حبذا لو تذكر رابط المدونة

tazbee6.blogspot.com


أو تذكر أن الموضوع

" منقول من مدونة تظبيط "

ـ