زي ما فيه حاجات صح و حاجات غلط

فيه حاجات غلط ممكن تبقى صح

بس عاوزة شوية

تــظــبـــيــط

ــــــــــــــــــــــــــــ

قبل أن تقرأ المدونة

-- حقٌ على أصحاب الكؤوس أن يتناصحوا --

لا يُعــذَر المسلم في تخليه عن الدعوة إلى الله والأمر بالمعروف والنهي عن المنكر حتـى وان كان مُقصراً في نفسه في بعض الأمور ,

بـل إن الإنسان عليه أن ينهى عن المنكر حتى وان كان هــو واقـع فيــه

فوقوعه في المنكر ذنب وعدم إنكاره على الآخرين ذنب آخر يُسأل عنه,
ولا شك ان على من ينصح أن يسعى جاهداً لتغيير ما بنفسه ليكون قدوةً ومثالاً يُحتذى به.

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

17 March, 2009

ـ الحجاب الـspanish و الحجاب اليهودي !! ـ




السلام عليكم ,



طبعا عندكم نت .. صح ؟؟

طبعا , أمال انتوا دخلتوا هنا إزاي ؟؟

طيب معلش كل واحد يفتح جوجل أو ياهوو على " بحث الصور " و يكتب الكلمة دي :

Jewish scarf

و يقول لي على اللي شافه ..

أكيد هتلاقوا حاجة زي كده :











إيه ده بقى ؟؟

هو البحث ( خرّف ) و لا إيه ؟؟


هو مش دي الطُرَح الـspanish اللي بيقولوا عليها ؟؟


و ده الي بيقولوا عليه حجاب ( إسلامي ) ؟؟


أمال إزاي يطلع في البحث عن حجاب ( يهودي ) ؟؟


و الجواب بكل بساطة إن ده مش حجاب إسلامي و لا دياولو !!


ده حجاب يهودي ( صِرف ) !!


و جناب ( الكروديات ) المسلمات بياخدوا أي موضة بدون تفكير !!


,,,,,


حاسس إن فيه ناس لسه شاكه في الأمر ,


إزاي يعني الحجاب ده بتاع اليهود ؟؟


و هم اليهود بيتحجبوا أصلا ؟؟

طيب ادخلوا على الموقع ده كده :


http://www.tznius.com/cgi-bin/tying.pl


بيبين أنواع و طرق ربط ( الحجاب ) المزعوم ,


بس ادخلوا ( برجلكم الشمال )
و خلوا بالكم من الإعلان اللي فوق اللي مكتوب فيه :





و من الإعلان اللي تحت :




- يا عيني عليهم , الدمعة هـ( تفط )
من عيني -

أظنكم اتأكدتم إنه موقع يهودي , و إن اليهود بيلبسوا الحجاب ده ,

و في الموقع نفسه طريقة ربط ( البتاع ) !! :


http://www.tznius.com/cgi-bin/rapunzel.pl

.
.
.


و و أنا ( بدعبس ) عن الموضوع لقيت مدونة فيها موديلات تانية :


http://veiledglory.wordpress.com/200...-worn-scarves/

و خلوا بالكم من الجملة المكتوبة في آخر السطر الثالث :


The company sells Jewish modest clothing

علشان برضه تتأكدوا إنه يهودي
.

.
.
.
.

أظن أكيد بقى اتأكدتم إنه حجاب يهودي ,


و إن نساء المسلمين ( واخدين بمبة ) جامدة قوي ,


و الي يغيظ إن فيه نساء في قنوات تُسمى ( إسلامية ) بيطلعوا لابسينه !!


المهم اللي عاوز أقوله إن :


الحجاب ليس ( غطاء الشعر )
و لا حتى ( غطاء البدن ) !!


بل أكثر من ذلك , كما يقول الدكتور محمد إسماعيل المقدم :


"
ليس الحجاب الذي نعنيه مجرد ستر لبدن المرأة ..
إن الحجاب عنوان تلك المجموعة من الأحكام الاجتماعية المتعلقة بوضع المرأة في النظام الإسلامي ،
والتي شرعها الله سبحانه وتعالى لتكون الحصن الحصين الذي يحمي المرأة ،
والسياج الواقي الذي يعصم المجتمع من الافتتان بها ،
والإطار المنضبط الذي تؤدي المرأة من خلاله وظيفة صناعة الأجيال ،
وصياغة مستقبل الأمة وبالتالي المساهمة في نصر الإسلام والتمكين له ."

من كتاب الشيخ / محمد بن أحمد بن إسماعيل المقدم " عودة الحجاب "


خلاص مش هطول عليكم ,

بس زوروا المواقع دي :

http://www.al-hejab.com/


http://www.saaid.net/female/h43.htm


و ده فلاش جامد جدا :

http://www.saaid.net/flash/Thabaat.htm

خلاص بقى ,


جزاكم الله خيرا ,


و أرجو نشر الموضوع قدر المستطاع ,

و لا تنسوا كاتب الموضوع الأصلي من دعوة صالحة
إن ربنا يتوب علينا و يهدينا و يوفقنا لما يحب و يرضى ..
و يدخلنا الجنة و يجيرنا من النار ,

و طبعا >> حقوق النشر للجميع <<
لو رأيت إنه يستحق النشر
و ياريت تذكر رابط المدونة :

أو على الأقل تذكر إنه
منقول من مدونة تظبيط

......................

تحيتي


.....


95 comments:

  1. انت زي الفل


    استمر يا صديقي


    حبيبي وربنا


    :)

    ReplyDelete
  2. جزاك الله خيراً يا تيمى بيه
    والله موضوه مفيد جداً
    بس حتى ما نعرف الكلام ده ولا نعرف إن أصله يهودى
    فهوه لا يفى بمواصفات الحجاب الشرعى أبداً

    ربنا يكرمك

    ReplyDelete
  3. السلام عليكم ورحمة الله وبركاته

    جزاك الله خيرا
    اول مره اعرف المعلومه دي ، اصلي عمري مالبست سبانيش بالبس نقاب
    :))


    ومن غير ما تقول انه حجاب يهودي الست اللي في الصور شكلها يهودي خالص

    :)))

    ReplyDelete
  4. ان شاء الله هنشر رابط الموضوع ده عندى قريب اوى لانى بحضر على موضوع خاص بالحجاب
    ربنا يعزك وينفع بيك

    ReplyDelete
  5. بردو حاجز اول تعليق
    هو ايه ده بقه

    تكونش بتعمل كده عشان مثلا لما بيجي اول تعليق من حد بتروح الناس اللى بتعلق بتبص علي اول تعليق وتتأثر بالمكتوب وتعلق وكده
    ولا ايه

    المهم جزاك الله خير فعلا
    موضوع رائع وربنا يجعله في ميزان حسناتك
    انا والله عمري ما بقتنع بالحجاب ده
    يعني اذاي اصلا يبقه رقبة الواحدة باينة
    سيبك من ان اصلا الحجاب التاني اللف بردو مش حجاب
    بس تفتكر اصلا الاسبانش ده ينفع يتقال عليه حجاب
    ولا ربطة خدامين

    يلا ربنا يهدي جميع بنات الملسمين

    ReplyDelete
  6. يعني حتى الحجاب دخلوا فيه ؟

    بس مش مستغرب والله لأنهم مش بعيد عليهم

    ربنا يهدي

    المصيبة فعلا في الستات عندنا أصلا لابسين حجاب لغاية ما تفرج

    اللهم ردنا إلى دينك مردا جميلا ..

    جزاك الله خيرا يا هندسة :)

    ReplyDelete
  7. dexter

    و الله جاي على بالي من مدة :)

    شكرا جزيلا لمرورك ,

    و ربنا يوفقنا و إياك

    ReplyDelete
  8. د ياسر :

    جزانا و إياكم ,

    و هو فعلا سواء أصله يهودي و لا حتى موزمبيقي .. هو مش إسلامي خالص !!

    ربنا يكرمنا و إياك ,
    و لا تنسنا من الدعاء الله يكرمك يا ياسر

    ReplyDelete
  9. خمسة فضفضة :

    و عليكم السلام و رحمة الله و بركاته ,

    جزانا و إياكم ,
    و الحمد لله على نعمة النقاب ,
    ربنا يثبتك ,

    و ربنا يهدينا و يهدي الجميع ..

    ReplyDelete
  10. موناليزا :

    ربنا يعزنا و إياكِ ,
    و يهدينا و يتوب علينا ,

    و طبعا النشر للجميع , ده شيء يسعدني ,

    جزاكم الله خيرا

    ReplyDelete
  11. مها زين :

    هو فكرة حلوة اللي انتي قلتيها في جز أول تعليق :)
    شكلي هحجزه على طول :)

    جزانا و إياكم , و ربنا ينفعنا و ينفع غيرنا بالموضوع ,

    و هو فعلا بيكشف الرقبة و حاجات كتير ,
    بس الناس مفكرين إن الحجاب هو " غطاء الشعر " بينما هو " غطاء البدن " ,

    هو فعلا آخرته ربطة خدامين :)

    ربنا يهدينا و يهدي الجميع ..

    ReplyDelete
  12. تيفا :

    يا راجل ما هم داخلين في كل حاجة ,
    هتيجي على الحجاب يعني ؟؟

    الستات عندنا مش لابسين حجاب , هم بس " مغطيين شعرهم " !!

    ربنا يهدينا و يهدي الجميع ,

    و نورتنا بجد يا مصطفى , :) :) :)

    جزانا و إياكم

    ReplyDelete
  13. بجد موضوع حلة اوى
    وده فعلا اللى بيحصل
    بيقولوا لابسين حجاب
    وهما ابعد ما يكونوا عن الحجبات
    شكرا ليك
    أخى

    ReplyDelete
  14. سبحان الله : فيه ملاحظتين:
    1-إن مهما صال وجال أعداء الإسلام فبيعترفوا إن الحشمة هيا الأصل زلو إنهم ميقدروش يقلدوا المسلمين ... أمال أعداء الإسلام إزاي ... تلاحظو إن كل أنواع ربطات الصداع دي (اما يكون الواحد عنده صداع بيلبسها) ناقصة الشرط القرءاني الأساسي (وليضربن بخمرهن على جيوبهن) وطبها جيوبهن هنا مجاز مرسل يعني مش مقصود فتحة الجلباب بس وطبعا مش محتاجة شرح ...........
    جزاك الله خيراً على الموضوع التميز المثير

    ReplyDelete
  15. دكتور توكل
    جزاك الله خيرا وربنا يهدى جميع نساء المسلمات
    شكرا لك على مرورك الكريم

    ReplyDelete
  16. بسم الله ما شاء الله

    ربنا يبارك لك موضوع غايه في الروعه والجمال

    ياااااااريت بس يسمعوا ويفهموا مش يمشوا ويقلدوا تقليد اعمي وبس

    ربنا يهدي بنات المسلمين جميعا ويبصرهم باللي ينفعهم دنيا واخره

    جزاك الله خيرا

    موضوع يستحق التقدير

    جعله الله في ميزان حسناتك يارب


    والسلام عليكم

    ReplyDelete
  17. جزاك الله خيرا اخي الكريم

    ضربة مسددة .. بوركت يمينك

    وجعلها الله في ميزان حسناتك

    ReplyDelete
  18. بارك الله فيك وأعزك
    ولعل وعسى تكون هناك عقول تعى وعيون تبصر....

    ReplyDelete
  19. اثابكم الله

    اي حاجه ليها علاقه بالدين لازم يدخلوا فيها :(

    ReplyDelete
  20. timmy
    السلام عليكم
    لأول مرة أعرف هذا الموضوع
    هما أحفاد القردة والخنازير
    بوركت أخى على هذا الطرح الطيب ولمت ياك
    ودمت بكل الخير

    ReplyDelete
  21. جزاك الله خيرا

    أضفت مدونتكم إلى قائمة المدونات في مدونتي


    من أجل التمكين

    -

    ReplyDelete
  22. السلام عليكم / هذه أول زيارة لى ولن تكون الأخيرة بإذن الله ، لقد جائنى رابط مدونتك بتعليق عندى للدكتور توكل مسعود جزاه الله وجزاكَ عنا كل خير ، موضوع رائع وبإذن الله أنوه عنه بمدونتى ، ويارب يهدى كل شباب المسلمين آمين، وفقك الله لكل خير .

    ReplyDelete
  23. جزاك الله خيرا وزى ما اللى قبلى قالوا ان الحجاب يستر المراة والحجاب اللى بيقولوا عليه ده لايستر سوى شعر المراة ومنهم من يترك بعضه يعنى عايزين تمشوه اسلامى ازاى والرقبة والشعر باينين ده بغض النظر عن بقية المنظر العام لمن ترتديه

    ReplyDelete
  24. المصيبة الأكبر إنه شكله "وحش" بجد بس ميين بقه ؟ كله فاكرة " تحفة"
    عودا محمودا يا فندم :) سرنا ذلك
    جزاك الله خيرا على بحثك الدؤوب والنافع ماشاء الله ليتنا كذلك حفظكم الله وغفر لنا ولكم
    أصلح الله شأن المسلمات جميعا وردهن للحجاب الشرعى كما يرضى الله

    ملحوظة : هوة حضرتك شيلت مدونتى من قائمة المدونات التى تتابعها ولا ده
    "حول" من عندى :)
    وفقك الله لما يحب ويرضى وأسعد قلبك

    ReplyDelete
  25. بحاول اتخيل ايه اللى خلاك تفتح جوجل وتدور على كلمة حجاب يهودي بس مش عارف جات لك ازاي الفكرة دي :-؟

    المهم

    كلامك سليم وتمام التمام زي ما عودتنا منك علطول

    ربنا يجازيك عنا كل خير

    ويجعل الموضوع في ميزان حسناتك

    وربنا يهدي شباب وبنات المسلمين

    اللهم آميــن

    ReplyDelete
  26. بسم الله الرحمن الرحيم
    اخي الحبيب ...
    السلام عليكم ورحمه الله وبركاته
    حفظ الله بناتنا و أخواتنا من الجهل والضلال ويحفظنا ويحفظكم كذلك .
    هدانا الله واياكم لما فيه خير ديننا ودنيانا يا رب العالكين.

    ReplyDelete
  27. السلام عليكم ورحمة
    الله تعالى وبركاته
    من غير ما أشوف روابط لسه
    انا مصدقاك لانى لم احبه منذ البداية
    لا ارى له فضلا ولا سترا لفتنة او لبدن.
    ولكنها وللاسف اتخذها البعض تجارة ومشى فى ركابهم وعفواً (الاغبياء والغبيات).
    والحمد لله الذى هدنا لحمده.

    ReplyDelete
  28. عارف وعنّداً على عنّدك
    حأحجز ال10000000000
    الاولانين عندى لنفسى :)

    ReplyDelete
  29. السلام عليكم ورحمه الله وبركاته
    مش عارفه اقولك ايه غير جزاك الله خير
    انا عارفه ان اى تقليعه فى اللبس بتاعنا سواء الملابس او الحجاب بيكون وراها اليهود بس كنت متقوعه الطريقه غير مباشره لكن مش بالضوح كدا
    الحمد لله انا مش مرتديه الحجاب دا لانه مش حجاب اصلا
    تحياتى لك يا دكتور

    ReplyDelete
  30. السلام عليكم ورحمة الله.. وبعد

    فلا نملك إلا أن نقول : جزاك الله خيرا.... وبهذا نكون قد أجزلنا لك العطاء

    لقد أخذت على عاتقى أن أنشر رسالتك فى كل المدونات.. وكثير من المواقع.

    بدأت اليوم ونشرت فى خمسين مدونة وسأعتبر هذا واجب يومى حتى تعم الفكرة الجميع


    نفع الله بك

    تقبل تحياتى

    ReplyDelete
  31. يا خبر ابيض

    والله حاجة متوقعة

    بس انا كنت فاكرة انك حتقول ان هما بيحاولوا يطلعوا موضة بس علشان يبعدونا عن الصح

    مكنتش اعرف انه يهودى بجد

    اصل الناس لو سمعت كلام ربنا ومش عالدين صح محدش حيسرح بينا

    جزاك الله خيرا على الموضوع المهم ده

    ReplyDelete
  32. جـــــــربت مــــــــره تــعمل حاجه للاقـصي

    لو ما جربتش جرب تشـــــــارك معــــــــــنا

    يمكن نقدم حاجه تكــــــــون مفـــــيده تنفعــنا

    ويمكــــن بيها في الجنه ربنا يجــــمـعنـــــــا

    خليــــــــــــــــــك جـــرئ وشــاركنـــــــــــا

    بامكناك ان تشارك في نهضه امــــــــــــــتنا

    لا تقل لا استطيع المشاركه في بناء عزتـــنا

    ان عــــــزتنا تكمن في تــحرير غفلــــــــتنا

    ندعوك ان تشترك معنا للنهوض بدولتــــنا

    لا تتردد فانها فرصتك في مساعده اخواتنا

    حمله :بايدينا ندفع الخطر عن الاقصي
    رابطه مدونون من اجل فلسطين

    ReplyDelete
  33. ربنا يهدى بنات المسلمين

    ReplyDelete
  34. ليست المشكلة في مسمى الحجاب المهم أن يطابق للمواصفات التي أجمع عليها الفقهاء (ألا يصف ولا يكشف ولا يشف وأن لا يكون ثوب شهرة ولا مطيباً )
    لكن لو فيه الصفات دي واسمه حجاب "صهيوني" فأنا أرحب به:)

    ReplyDelete
  35. الحمدلله من قبل ماعرف انه يهودي اصلا مابحبوش عامل زي الايشارب بتاع الخدامه :D

    عموما ميرسي ع المعلومه يا تيمي

    و ع فكرة انا بحب الانمي ده اوي :D

    h3

    ReplyDelete
  36. جزاكم الله خيرا

    وفك الله اسر الدكتور توكل الذي نشر هذا الموضوع على 50 مدونة منها مدونتي واخبرنا على لينك مدونتك

    ادعوا له بالافراج

    دمت بخير

    ReplyDelete
  37. حمدا لله على السلامة ياباشمهندس,
    أسرنا عودتك,
    وجزاك الله خيرا على همتك العالية في الوصول للحق دايما,نفع الله بك وجعله في ميزان حسناتك,
    وهدى الله فتياننا وفتياتنا ,

    لي وللاخرين رجاء ارجوا الا تخيبه هو عودة ادبياتك.

    ReplyDelete
  38. اساسا ده مش حجاب
    ده استعباط رسمى !!

    ReplyDelete
  39. ماشاء الله
    دايما موضوعاتك جبااااااااااارة


    جزاكم الله خيرا

    ويارب بس الناس تفهم

    ReplyDelete
  40. اول مرة اعرف المعلومة دي والله
    جزاك الله كل خير
    ومدونة رائعة أشكر الصدفة اللي جابتني عندكم
    استمر
    تحياتي

    ReplyDelete
  41. عودة الى الاختباء؟!!

    ReplyDelete
  42. السلام عليكم

    ازيك يا تيمي يالي مش تيمي

    يارب تكون بخير

    انا قريت البوست قبل كده بس معلقتش

    بس بصراحه الحجاب بوجه عام يا يبقي حجاب صحيح يا بلاش منه

    حتي الاسبانيش الي البنات بتلبسه انا مش بقتنع بيه غير في الافراح وطبعا بتبقي الودان متغطيه وكمان منطقه الرقبه بالكامل متغطيه ومن الاخر ( ليله وتعدي )

    ربنا يستر وما تتطلعش تقليعه جديده فورمه شعر علي هيئه حجاب :)

    ليه كذا سؤال نفسي اعرف إجابتهم منك

    ربنا يوفقك يالي مش انت :)

    تحياتي

    ReplyDelete
  43. صحيح نسيت اقولك انا هضيف مدونتك عندي ده لو مكانش يضايقك

    ReplyDelete
  44. اسال الله ان يكون غيابك أمر خير,
    وان يطمئننا عليك ياباشمهندس,
    وان تعود لقرائك في القريب العاجل.

    ReplyDelete
  45. تصدق انتا فعلاً استاذ
    تسلم على التوعية دى

    وفعلاً شئ جميل ان الناس تعرف كدة
    انا اول ما بحثت ذهلت من الموقف

    تسلم على البوست الهاااااااااايل دا

    ReplyDelete
  46. د . عرفة :

    شكرا جزيلا لمرورك ,
    و ربنا يهدي بنات - و شباب برضه - المسلمين ,

    جزاك الله خيرا

    ReplyDelete
  47. thinking man :

    جزاك الله خيرا على الملحوظة ,
    فعلا كل أحجبة غير المسلمين ينقصها هذا الشرط في تغطية الجيوب و الصدر ,

    جزاك الله خيرا على الملاحظة و على الإضافة أخي الكريم ..

    ReplyDelete
  48. غربتي :

    ربنا يبارك لنا و إياكِ ,
    و جزانا و إياكم ,.

    ربنا يهدينا و يهدي المسلمين و المسلمات ,
    و عليكم السلام و رحمة الله

    ReplyDelete
  49. القدر و أنا :

    جزاكم الله خيرا و الدكتور توكل الذي دلكه على هنا خير ,

    شكرا للمرور

    ReplyDelete
  50. القلم السكندري :

    جزانا و إياكم يا باشمهندس ,
    نفعنا الله بما نكتب ,
    و شكرا جزيلا لمرورك

    ReplyDelete
  51. محمد الجرايحي :

    أعزنا الله و إياك و بارك الله فينا و إياك ,

    و ربنا ينفع بما نقول ,

    جزاك الله خيرا

    ReplyDelete
  52. حسن حنفي :

    جزاك الله خيرا ,

    فعلا , ما هم هدفهم تبويظ الدين , يبقى لازم يطلعوا لنا كل شوية حاجة غلط و يدسوها في الدين !!!

    ReplyDelete
  53. اللؤلؤة :

    و عليكم السلام أخي عمروا ,

    و ربنا يرزقنا الفهم و التنبه لمثل هذه المكائد ,

    جزاك الله خيرا أخي

    ReplyDelete
  54. من أجل التمكين :

    جزاكم الله خيرا ,
    و شكرا جزيلا على إضافة المدونة لديكم ,
    جزاكم الله خيرا

    ReplyDelete
  55. من أجل التمكين :

    جزاكم الله خيرا ,
    و شكرا جزيلا على إضافة المدونة لديكم ,
    جزاكم الله خيرا

    ReplyDelete
  56. حياتي نغم ,

    و عليكم السلام و رحمة الله ,
    جزاكم الله خيرا ,
    و جزى الدكتور توكل خيرا و فك الله أسره ,

    ربنا ينفعنا بما نقول و ننشر ,
    و شكرا جزيلا للمرور ,

    ReplyDelete
  57. هند هنادي :
    و عليكم السلام و رحمة الله ,

    فعلا هو زي ما الجميع قالوا , ده مجرد غطاء للشعر و ليسحجابا إسلاميا ,

    لكن المشكلة إن الناس دلوقتي - مش كلهم - مفكرين إن الحجاب هو غطاء للشعر فقط !!

    ربنا يهدينا و يهدي الجميع

    ReplyDelete
  58. خديجة عبد الله :

    هو فعلا شكله وحش , لكن زي ما بيقول الشاعر :

    يُقضى على المرء في أيام محنتهِ *** حتى يرى حسناً ما ليس بالحسنِ !!

    ربنا يهدينا و يهدي الجميع ,

    و بالنسبة " للحول " :) لا ما فيش عندك الحمد لله , هي القايمة بحالها كانت " طارت " و بجمع الناس تاني اللي فيها ,

    ReplyDelete
  59. سمو الأمير :

    لا ما تحاولش تتخيل :) ,
    لأن دماغي ما وصلش للدرجة دي ,
    ده واحد قال لي كده , فعملت زي ما بيقول , و رحت عامل الموضوع ده ,

    ربنا يهدينا و يهدي الجميل

    ReplyDelete
  60. رئيس التحرير :

    و عليكم السلام و رحمة الله و بركاته ,

    آآآآمين ,

    جزاك الله خيرا أستاذنا الفاضل ..

    ReplyDelete
  61. دكتورة نور :

    و عليكم السلام و رحمة الله و بركاته ,
    أنا جبت الروابط بس علشان زيادة تأكيد , لأني لقيت ناس بتقول إن اليهود ما عندهم حجاب أصلا !!

    و ربنا يهدينا و يهدي الجميع ,

    و معلش بقى على الحجز :) ما حدش إداني مقدم :)

    ReplyDelete
  62. هايدي :

    و عليكم السلام و رحمة الله و بركاته ,
    و جزاكم الله خيرا ,

    هو انا مش الدكتور توكل , ربنا يفك أسره ,

    و ربنا يهدينا و يهدي الجميع ..

    ReplyDelete
  63. د . توكل :
    و عليكم السلام و رحمة الله و بركاته ,
    أن اعارف إنك مش هنا , ربنا يفك أسرك و أسر جميع المظلومين ,
    و ترجع لنا تاني بخير و سلامة ..

    ReplyDelete
  64. أختكم في الله ,

    جزانا و إياكم ,
    و فعلا زي ما قلتي , لو الناس سمعت كلام ربنا و مشت على الدين مافيش لا يهود و لا غيرهم هيأثروا عليهم ,

    جزاكم الله خيرا أختي الكريمة

    ReplyDelete
  65. رابطه مدونون من اجل فلسطين :

    ربنا يرقنا المساعدة بأي حاج ,

    جزاكم الله خيرا

    ReplyDelete
  66. محمد غاليا ,

    آمين , يهدينا و يهدي الجميع ..

    شكرا جزيلا لمرورك يا محمد ..

    ReplyDelete
  67. تامر علي ,
    فعلا مش مهم الاسم ,
    المهم الصفة ,
    حتى لو غير المسلمين واخدينها ,

    ReplyDelete
  68. MǿиY El-Shreef

    هو فعلا آخرته إيشارب تنظيف :) ,
    لكن تقولي لمين ؟؟

    ربنا يهدينا و يهدي الجميع ..

    ReplyDelete
  69. أحمد سعيد بسيوني :

    جزانا و إياكم ,
    و فك الله أسر الدكتور توكل ,
    و جزاه خيرا , و فرج همه

    ReplyDelete
  70. سلمى محمد :

    جزانا و إياكم ,
    و ربنا يهدينا و يرزقنا الهمة العالية اللي مش موجودة للأسف !!

    و بالنسبة لمدونة تانية فإن شاء الله قريبا هعملها , لما أخرج من حالة الملل من الكتابة اللي أنا فيها ,

    و جزاكم الله خيرا على السؤال ,

    ReplyDelete
  71. منى :

    هو فعلا على رأيك ... استعباط ,,, و رسمي !!

    ReplyDelete
  72. أخـــ مسلمة ـــت

    جزانا و إياكم ,

    و ربنا ينفعنا و ينفع غيرنا بما نقول ,

    و ربنا يهدينا و يهدي الجميع ,,

    ReplyDelete
  73. semsema

    جزانا و إياكم ,

    و بصراحة أن اكمان عرفتها مؤخرا ,

    ربنا يهدينا و يهدي الجميع ,

    و شكرا جزيلا لمرورك ..

    ReplyDelete
  74. z!zOoOo

    و عليكم السلام و رحمة الله و بركاته ,

    هو بيني و بينك أنا زيك مش مقتنع بالاسبانيش ده , و لا حتى في الأفراح ,
    انت عارف , لو الناس تعمل الحاجة و هي عارفة إنها غلط , كان ماشي ,
    إنما يعملوا الغلط و يفكروه حلال !! هي دي المشكلة ,

    عموما ربنا يهدينا و يهدي الجميع ,

    و بالنسبة للكام سؤال , فأنا تحت أمرك , اسأل استشير :) , بس عن تيمي و لا عني ؟؟ فيه فرق :)

    و شكرا جزيلا لإضافتي عندك , جزاك الله خيرا

    ReplyDelete
  75. إسلام ديو ,

    أنا مش أستاذ و لا حاجة :)
    ما حدش عارف حاجة !!

    عموما ربنا ينفعنا باللي احنا عارفينه و ينفع بيه غيرنا ,

    و شكرا جزيلا على مرورك يا إسلام ..

    ReplyDelete

  76. السلام عليكم
    اولا بشكرك جدا جدا جدا يا تيمي بجد ويارب البنات تفوق بقي احسن الواحد زهق من الموضات الغريبة اللي بتظهر دي
    ثانيا انت بجد افدتنا كلنا بالمعلومة الرائعة دي واللي بتزعلني شوية بس عشان اخواتي المسلمات زي مانت قولت بياخدوا أي موضة بدون تفكير
    علي فكرة المواقع اليهودية دي باينة -طبعاًَ عشان الإعلانات الغريبة دي-وبرضة الستات اللي فيهم دول أصلاً شكلهم يهودي :(
    أنا عايزة اشكرك تاني بجد جازاك الله خيراً وتأكد إننا حننشر الموضوع دة وطبعاً مع الحفاظ علي حقوق التظبيط بتاعة حضرتك
    و سلاااام :)

    ReplyDelete
  77. يارب تستفاد من مدونتى الاسلاميه دى هاتفيدك جدا


    http://noureldens.maktoobblog.com/

    ReplyDelete
  78. يلا مهى محصللا بعضها

    بس احب اعتذر عن تاخرى

    والله مشغول جدا والدراسة بقا والدح

    انت فاهم طبعا :D

    البوست جامد على فكرة حاول تجيب حاجات زى كدا

    سلاموووز

    ReplyDelete
  79. ميوية :

    و عليكم السلام و رحمةو الله ,

    و جزانا و إياكم ,

    و شكرا جزيلا على المرور و التعليق ,
    و ربنا ينفعنا و ينفع الجميع بالموضوع ,
    و يهدينا و يهدي الجميع ,

    و مش شرط يعني حقوق التظبيط دي ,
    هو الواحد يحبذها فقط , المهم الموضوع يتنشر و خلاص ,

    جزاكم الله خيرا

    ReplyDelete
  80. غير معرف:

    أستاذ نور الدين , يمكن ما تكونش عارفني , لكن أن اعارفك و تكلمت معاك قبل كده في مواضيعك الي في منتدى عمرو خالد و دخلت كتير في مدونتك الرائعة

    جزاك الله خيرا ,
    و لا تنسنا من الدعاء ..

    ReplyDelete
  81. المبرمج المحترف /
    و لا تعتذر و لا حاجة يا عمر

    أن ابيني و بينك لما كنت زيك لا كنت بدخل على نت و لا دياولوا

    ذاكر يابني و خد الحكومة على قد عقلها لحد ما تدخل الكلية اللي انت عاوزها , و تبقى مبرمج بحق و حقيقي ,
    أصلها بلد بتاعة شهادات ,

    ربنا معاك يا عمر , و يوفقك و إيانا لما يحب و يرضى ..

    ReplyDelete
  82. يا جامد يا جامد ايه يا ابنى الكلام الجميل ده ربنا يجزيك خير يا ابنى واستمر

    ReplyDelete
  83. السلام عليكم ورحمه الله وبركاته

    اللهم اهديك ووفقك الى مايحبه ويرضاه
    ويجعلك من داخلين جنته بغير حساب
    ويجيرك ويجيرنا من عذاب النار

    بجد بوست هايل ياتيمى
    مهما وصفتلك مدى سعادتى اما قريته مش هتتخيلها
    لانه وبكل بساطه ده دليل حى على هبل المسلمات وانقيادهم وراء اى شيئ غير تشريع دينهم

    ومهما تنصح تلاقى الكل بيجادلك وكأنهم علماء دين نازلين من بطون امهاتهم ورضعوا علم وتشريع

    ربنا يهدى بنات المسلمين ويردهم للدين

    الله المستعان
    --------------------------------

    ReplyDelete
  84. غير معرف :

    عارف انك عارفني :) و أنا عارفك بس مش عارفك :)

    ربنا يهدينا و ينفعنا بما نقول ... ما انت عارف :(

    ReplyDelete
  85. لؤلؤة الرحمن :

    و عليكم السلام و رحمة الله و بركاته ,

    جزاكِ الله خيرا , و ربنا يستجيب لكِ إن شاء الله , و يرزقنا و إياكم الجنة ..

    و الحمد لله إن الموضوع كان ليه فائدة ,
    و ربنا يهدي شباب و بنات المسلمين .. و إيانا .

    جزاكِ الله خيرا

    ReplyDelete
  86. جزاك الله خيراً فعلاً اهنئك على هذا الموضوع القييم الذى يوضح حقيقة الحرب من جهة اليهود وهى تخريب عفة المرأة وطعنها فى حجابها وتشكيكها فية .


    تحياتى

    أكيــــــــد

    ReplyDelete
  87. السلام عليكم ..
    انا بقى شايفه بعيني ما حدا قالي او تخليها مصري شوفت بعيني محدش قالي بصراحه هما بيعملوا كدا تمام والرقبه بتبقى مكشوفه ودول المتدينين اليهود بس بالنسبه للمسلمات ففي بيعلموا متلهم بالضبط وساعات بيلبسوا طاقيه زي طاقيتهم ومرات بيلبسوا الحجاب بنفس الطريقه اللهم بيغطوا الرقبه .. وعلشان اكون صادقه مع نفسي في الكلام انا بحب الحجاب المترتب وبحب الالوان الرايقه والطرق المعقوله لوضع الحجاب بس مش طبعاالبس بنطلون ضيق وتي شيرت قصير والرقبه مكشوفه وقول محجبه لا طبعا دا شئ مش مقبول ولا معقول وحراااام اولا .. ربنا يهدي كل بنات المسلمين تعرف الي بيضايقني بجد وانا خارجه الصبح بشوف يهوديات متدينات لابسين لبس مستور وهما رايحين المدرسه وشعرهم بسيط جدا ولا مكياج يعني لبس محتشم بجد وبشوف للاسف بنات مسلمات وايه يا اما رايحين المدرسه او الجامعه وانسى على المناظر شئ مش معقول بقول طب ازاي ربنا هينصرنا واحنا في منا كتير بالشكل دا ازااااااي بجد بحزن جدا وعباره تانيه بتغيظني لما حد منهم يقول بس اقتنع !! مش فاهمه جايبين الكلمه دي منيين يعني ايه تقتنع على اساس انها لسه مش مقتنعه والعياذ بالله بدين محمد عليه الصلاه والسلام ولما حد يقولها كدا تزعل وهي طبعا مش هتقصد المعنى دا تحديدا .. وعجبي ارجع واقول ربنا يهدي الجميع ويعز الاسلام والمسلمين
    شكرا للموضوع

    زوزو

    ReplyDelete
  88. زوزو ,

    و عليكم السلام و رحمة الله و بركاته ,

    و الحمد لله إن حضرتك شاهدة عيان على ذلك ,

    أصل كان فيه ناس بتقول لي إن اليهود أصلا ما عندهمش حجاب !!


    و للأسف مثل ما ذكرتِ , فإن زي بعض المسلمات بالمقارنة مع زي بعض غير المسلمات بيخلي الواحد في نص هدومه من الكسوف ,

    فعلا زي ما حضرتك بتقولي ,
    طالما وضع المسلمين بالشكل ده , و مهزومين داخليا بالشكل اللي يخليهم مش مقتنعين بحاجة من أساسيات الدين , أو بيقلدوا أعدائهم و مهزومين داخليا ,

    يبقى لسه بدرييييييييي قويييييي على النصر ,

    ربنا يجعلنا أهلا لنصرة دينه ,
    و يهدينا و يهدي بنا ,

    و جزاكم الله خيرا أستاذتنا الكريمة على إضافاتك القيمة دوما ,

    جزاكِ الله خيرا

    ReplyDelete
  89. فلسطينية وحابة اعلقJuly 17, 2009 at 8:56 AM

    معلش يعني انا بدي احكي واطول وبدي تسمعني :)
    هلا بالسايت اللي انت مرفقه في لفة اسمها لفة القدس , عارف شو يعني؟ يعني هاي اللفة بلفوها اهل القدس يعني هاي اللفات بترتبط بشكل اساسسي بالمنطقة الجغرافية اكتر من الدين يعني هي عندك مثلا الاسكتلنديين واهل الريف في اوروبا بيلبسو منديل او حجاب نابع من بيئتهم مع انهم مسيحية .
    نقطة كتير مهم تتذكرها انه احنا الفلسطينية واليهود مردنا واصلنا واحد بالتالي شي كتير طبيعي ووارد التقاء الثقافات بضل انه احنا ديننا بمنعنا انه نضل على اي عادة تتنافى مع الدين هيك بكون طرح القضايا غالبا انه هل بتنافي الشرع او لا وعلى هالاساس بيصير القياس

    كلامك انه هاد مش حجاب اسلامي على عيني وعل راسي بس مش لانه يهودي !!! لانه ما بستوفي الشروط اللي محددلنا اياها الشرع

    بعدين انا من وانا صغيرة بحضر مسلسلات تاريخية بالله ترجع تشوف حلقة وتشوف كيف بلفو المنديل نفس اللفات اللي انت جبت السايت عنها !! يعني احنا من زمان بنحاول نغير من المنديل التقليدي بس برضو مش معناته انه صح!!!

    واتاسف على الاطاله :)

    ReplyDelete
  90. فلسطينية وحابة اعلق :

    أهلا و سهلا بحضرتك , و بتعليقك ,

    بالنسبة للكلام عن لفة القدس فطبعا أنتم أدرى مني بها ,

    لكن الصور اللي أنا جايبها كلها من موقع يهودي , علشان كده قلت إنها لا تمت بالإسلام بصلة ,

    عموما حصل خير إن شاء الله ,

    ReplyDelete
  91. ياجماعة احنا عايزين الجنة .(صح) طيب مش الرسول عليه الصلاة والسلام بيؤل (الاان سلعة الله غالية) لازم نتعب شوية يابنات الاسلام

    ReplyDelete
  92. الاخت نورهان محمودAugust 4, 2009 at 4:41 PM

    لازم نسمع كلام ربنا عشان احنا هانموت فى يوم

    ReplyDelete
  93. غير معرف - الأخت نورهان محمود ,

    شكرا لكما على المرور و التعليق ,

    و فعلا سلعة الله غالية , و لازم الفرد يتعب شوية و يجد مشقة في الطاعة علشان يفرق عن الكسلان ,

    جزاكم الله خيرا

    ReplyDelete
  94. السلالم عليكم
    عليكم بالحجاب الطاهر العفيف الذي هو سمة الإسلام نسأل الله جلا جلاله الثبات و الهداية

    ReplyDelete

دلوقتي تقدر تعلق بأكثر من طريقة :
كـ(غير معرف) بدون ما يكون لك حساب خالص
أو بحسابك على الفيس بوك
أو بحسابك على بلوجر
بس عبرني و علق :) ـ

حقوق النشر للجميع


ـ
و لا تنسوا
كاتب الموضوع من دعوة صالحة بظهر الغيب

أن يُصلح الله له شأنه كله و يُدخله الجنة و يُجِرْه من النار و جميع المسلمين و المسلمات ..

>> حقوق النشر للجميع <<
لو رأيت أنه يستحق النشر
بشرط عدم التحريف أو التغيير
و يا حبذا لو تذكر رابط المدونة

tazbee6.blogspot.com


أو تذكر أن الموضوع

" منقول من مدونة تظبيط "

ـ