السلام عليكم و رحمة الله و بركاته
بمناسبة الجو النار ده
و درجة الحرارة اللي لا تطاق دي
و حالة الوِلعة التي نمر بها في الوقت الحالي
أحب أفكر نفسي و إياك بحاجة بخصوص العبارات التالية :
" يااااه على الحر اللي احنا فيه ,
ده الجو وِلعة !!
إيه النار دي ؟؟
أوووووووف "
عند النطق بالعبارات السابقة , و أخواتها ,
فإن حالة الجو ستتغير إلى :
.
.
.
.
.
.
.
.
.
ولا حاجة
!! الجو مش هيبقى بارد
, و لا درجة الحرارة هتنخفض ,
و لا هتحس بانتعاش النعناع
, و لاااااا أي بتاع !! طبعا هتقول لي : أمال أعمل إيه ؟؟
أكتم في نفسي
و أسكت ؟؟ هقول لك : لأ , عبّر عن إحساسك بالألم
,طلع اللي جواك ,
و خلي العالم يعرف كم المعاناة
التي تمر بها , لكن .... بشكل آخر يمكنك الاستفادة منه ,
قد أرشدنا إليه رسول الله -صلى الله عليه و سلم- حين قال :
(( من سألَ اللَّهَ الجنَّةَ ثلاثَ مرَّاتٍ
قالتِ الجنَّةُ : اللَّهمَّ أدخلهُ الجنَّةَ ،
ومن استجارَ منَ النَّارِ ثلاثَ مرَّاتٍ ،
قالتِ النَّارُ : اللَّهمَّ أجِرْهُ منَ النَّارِ ))
[الراوي: أنس بن مالك - المحدث:الألباني -
المصدر: صحيح الترمذي - الصفحة أو الرقم: 2572
خلاصة حكم المحدث: صحيح ]
كل ما الجو يولع و يفكرك بنار جهنم ....
بدل ما تتعجب و تتأفف من الحرارة .... تعوذ بالله منها !!
و تعوذ بالله من جهنم ثلاث مرات ,
عسى الله أن يستجيب لدعائك ,
و يستجيب لدعاء جهنم لك ,
و يعيذك منها ,
{ فمن زُحزِحَ عن النار و أُدخِلَ الجنة فقد فاز }
--------------------------
موقف تاني جه على بالي من مواقف ردود الفعل اللي مش جايبة همها ,
لما الواحد يتخبط صباح رجله الصغير في رجل الكرسي
مثلا أو تحصل له حاجة خنيقة
أو رخمة أو .... , و يحاول يسمك أعصابه
و مش يقل أدبه بألفاظ بذيئة , يروح عامل إيه
؟؟ يروح شاتم الشيطان , بالمقولة الشهيرة " الله يخرب بيتك يا شيطان "
و المقولة دي بتعجب الشيطان
قوي و بيتمزج منها , فكما قال أحد الصحابة أنه كان رَدِيفَ النبيِّ صلَّى اللهُ عليه وسلَّم
فعَثَرت دابَّتُه
فقال: تَعِسَ الشيطانُ
فقال له رسول الله:
(( لا تقلْ : تَعِسَ الشيطانُ ،
فإنك إذا قلتَ ذلك تَعَاظَمَ حتى يكونَ مِثْلَ البيتِ ،
ويقولُ : بقُوَّتي ،
ولكن قلْ : باسمِ اللهِ ،
فإنك إذا قلتَ ذلك تَصاغر حتى يكونَ مِثْلَ الذُّبابِ ))
[ الراوي: رجل من الصحابة - المحدث:الألباني -
المصدر: الكلم الطيب - الصفحة أو الرقم: 238
خلاصة حكم المحدث: إسناده صحيح ]
----------------------
بس كده ,
جزاكم الله خيرا ,
و لا تنسوني من أي دعاء بالخير يطلع من ذمتكم ,
و ما تنسوش إن المَلَك سيؤمنّ على دعائك لأخيك بظهر الغيب و يدعو لك بمِثل
فما تكسلش بالله عليك
و خلي الدعاء بالقلب و ليس باللسان فقط
لي و لإخواننا في سوريا و للمسلمين في كل مكان .
في أمان الله
...............
